Ред Бул – Kurir.mk

Директорот на Ред Бул импресиониран од Верстапен: Тој е недопирлив

Дарко Андоновски — Mon, 28 Aug 2023 15:46:41 +0000

Директорот на Формула 1 тимот Ред Бул, Кристијан Хорнер, рече дека нивниот возач Макс Верстапен е „недопирлив‘, ден откако Холанѓанецот ја забележа деветтата последователна победа оваа сезона. Верстапен победи во неделата на домашната патека во трката за Големата награда на Холандија и со деветтиот триумф во низа го израмни рекордот од 2013 година кој тогаш, исто така, во болидот на Ред Бул го постави Германецот Себастијан Фетел. Хорнер го пофали Верстапен и рече дека неговите достигнувања се импресивни, особено поради притисокот со кој се соочува од недела во недела. „Мислам дека, тивко во себе, е многу горд на тоа што го прави и остварува. Рекордот кој Себастијан го постигна во 2013 … Да се победи во девет едноподруго трки е лудост, мислам дека никој од нас не можеше да замисли дека некој друг возач во нашиот тим тоа ќе може да го повтори. Мислам дека Макс е во период од кариерата во кој е недопирлив и оти ниту еден друг возач не може да го повтори тоа што тој го постигнува во овој болид“, рече Хорнер.

Верстапен ја освои пол-позицијата на Големата награда на Холандија

Ивана Ефремовски — Sat, 26 Aug 2023 16:22:58 +0000

Возачот на Ред Бул, Макс Верстапен победи во денешните квалификации за Големата награда на Холандија. Неговиот најбрз круг беше една минута и 10,567 секунди. Возачот на Мекларен, Ландо Норис (+0,537) го освои второто место на трката, а зад него беше возачот на Мерцедес, Џорџ Расел (+0,727). Седумкратниот светски шампион, возачот на Мерцедес, Луис Хамилтон отпадна по вториот квалификациски сегмент. Од 4 до 10 стартна позиција ќе тргнат: 4. Алекс Албон (Вилијамс) +0,852 5. Фернандо Алонсо (Астон Мартин) +0,939 6. Карлос Саинц (Ферари) +1,187 7. Серхио Перез (Ред Бул) +1.313 8. Оскар Пјастри (Мекларен) +1.371 9. Шарл Леклер (Ферари) +2.098 10. Логан Сарџент (Вилијамс) +6,181. (МИА)

Ферстапен најбрз на првиот тренинг во Силверстон

Ивана Ефремовски — Fri, 07 Jul 2023 14:23:40 +0000

Возачот на Ред Бул, Макс Ферстапен, беше најбрз на денешниот прв тренинг пред трката во Формула 1 за Големата награда на Велика Британија. Холанѓанецот Ферстапен, кој води во генералниот пласман, на првиот тренинг оствари време од 1:28, 600 минути и за 0.488 секунди беше побрз од клупскиот колега Серхио Перез. Трето време оствари Алекс Албон во болидот на Вилијамс, а по него следуваа Фернандо Алонсо, Шарл Леклер, Естебан Окон, Карлос Саинц, Ландо Морис, Ленс Строл и Оскар Пјастри. Главните квалификации се на програмата в сабота, а трката за Големата награда на Велика Британија ќе стартува в недела од 16 часот. (МИА)

Верстапен се изедначи со Сена по победи во Формула 1 и на Ред Бул му го донесе јубилејниот 100. триумф

Ивана Ефремовски — Sun, 18 Jun 2023 20:20:16 +0000

Возачот на Ред Бул, Макс Верстапен, вечерва победи на трката од Формула 1 шампионатот возена во Монтреал за Големата награда на Канада. Двократниот шампион во Формула 1 ја освои шестата победа оваа сезона и 41-ва во кариерата. Верстапен се изедначи со трикратниот светски шампион, легендарниот Аиртон Сена. Верстапен и Сена се на петтото место во историјата по број на победи во Ф-1. Повеќе од нив имаат: Луис Хамилтон (103 победи), Михаел Шумахер (91), Себастијан Фетел (53) и Ален Прост (51). Ред Бул ја освои 100-та победа во Формула 1 и стана петтиот тим во историјата со сто триумфи. По број на победи, Ред Бул е зад Ферари (242), Мекларен (183), Мерцедес (125) и Вилијамс (114). (МИА)

Верстапен ја освои пол-позицијата на Големата награда на Монако

Ивана Ефремовски — Sat, 27 May 2023 16:09:55 +0000

Возачот на Ред Бул, Макс Верстапен го освои првото место во квалификациите за трката во Формула 1 за Големата награда на Монако. Холанѓанецот најбрзиот круг го извозе за 1 минута и 11.365 секунди. Втор беше Фернандо Алонсо од Астон Мартин (+0,084 заостанување), Шарл Леклер од Ферари беше трет (0,106). Гран при на Монако ќе се утре со почеток во 15 часот.

Ферари се пожали за казната на Ред Бул

Бошко Тасиќ — Wed, 12 Apr 2023 04:25:38 +0000

Директорот на Ферари, Фредерик Васер, вели дека добриот почеток на сезоната на Ред Бул покажува дека казната што ја доби тимот за прекршување на буџетските ограничувања била премногу блага. Откако призна дека го прекршил буџетот од 145 милиони долари за 2,2 милиони долари, тимот на Ред Бул во октомври беше казнет со седум милиони долари и со 10 отсто помалку време на аеродинамичко тестирање во период од една година. Таа казна имаше мал ефект, бидејќи Ред Бул доминира на почетокот на новата сезона, победувајќи на првите три трки, од кои на две неговите возачи ги зазедоа првите две места. Актуелниот шампион на Ред Бул, Макс Верстапен победи на трките оваа сезона во Бахреин и Австралија, а неговиот тимски колега Серхио Перез во Саудиска Арабија. За брзината и темпото на Ред Бул се покажа и тоа што на Верстапен му требаше само половина од трката за од 15. место да стигна на второто место во Саудиска Арабија. Од друга страна, Ферари имаше разочарувачки старт на сезоната и освои само 26 бода на три трки, а воедно имаше и две откажувања на Шарл Леклер поради проблеми со моротор. Не сакам да кажам дека не завршија добро, затоа што многу добро ја завршија работата со болидот. Воопшто не се обидувам да барам оправдување, но ако ме прашате дали казната е премногу мала, ќе кажам дека е. Не сум сигурен дека казната има мега ефект, но и ако сметате дека имате предност на почетокот на сезоната затоа што потрошивте повеќе претходната година, додаде Васер.

Верстапен се израмни со Сена по подиуми

Ивана Ефремовски — Sun, 02 Apr 2023 14:14:18 +0000

Возачот на Ред Бул, Макс Верстапен, денес победи на трката за ГН на Австралија и го освои својот 80-ти подиум во кариерата. Двократниот шампион во Формула 1 се израмни по број на подиуми во Формула 1 со трикратниот носител на титулата Аиртон Сена. Верстапен и Сена се изедначени за седмото место во оваа статистичка категорија. Тимот на Ред Бул за кој настапува Верстапен, за прв пат во историјата на Ф-1 победи на првите три трки од сезоната. Последен пат Ред Бул победи во Мелбурн во 2011 година благодарение на Себастијан Фетел. (МИА)

Ред Бул ќе го претстави својот болид во февруари

Бошко Тасиќ — Thu, 19 Jan 2023 07:40:34 +0000

Актуелниот шампион во Формула 1, во конкуренција на конструктори Ред Бул објави дека ќе го претстави својот болид за 2023 година, на трети февруари во Њујорк. „Трети февруари треба да биде нашето најголемо претставување досега, во градот кој никогаш не спие, Њујорк“; објави Ред Бул во постот на својот Твитер профил. Во 2022 година, Ред Бул доминираше во титулата кај конструкторите, победувајќи го второпласираниот Ферари со 205 поени. Претсезонските тестирања на автомобилите се закажани за 23-25 февруари во Бахреин. Сезоната започнува една недела по тестирањето на истата патека Шакир, од трети до петти март.

Њуи останува главен дизајнер и на новиот болид на Ред Bул

Бошко Тасиќ — Thu, 01 Dec 2022 06:29:57 +0000

Адријан Њуи, главниот технички директор на Ред бул рејсинг, потврди дека неговиот тим ќе продолжи и во 2023 година да работи на концептот кој оваа сезона им донесе доминантна титула. Ред Bул ги освоија титулите кај возачите и кај конструкторите во 2022 по промените во техничките правила, откако Њуи го дизајнираше РБ18 болидот кој победи на 17 трки оваа сезона. „Ќе продолжиме да работиме на тој концепт, бидејќи го познаваме најобро. Не се дрзнувам да кажам дека тоа е вистинскиот пат. Можеби некој друг ќе извади подобра идеја од нас“, вели Њуи. Единствениот технички директор кој освојувал титули со три различни Ф1 тимови (Ред бул, Мекларен и Вилијамс), првично беше критичен кон новите технички правила, сметајќи ги премногу рестриктивни, но тоа не му пречеше да направи еден од најдоминантните болиди во историјата на спортот.

Перез убеден дека може да го победи Верстапен и да стане шампион во Формула 1

Дарко Андоновски — Mon, 28 Nov 2022 10:51:44 +0000

Пилотот на Ред Бул, Серхио Перез, следната сезона планира да се натпреварува со клупскиот колега Макс Верстапен во борбата за шампионската титула. – Не е лесно да го победиш. Но, мора да продолжам да се обидувам. Морам да продолжам да се подобрувам. И верувам дека можам да го постигнам тоа. Само треба да се чувствувам поудобно. Таков каков што бев на почетокот на годината. А јас веќе покажав дека можам, ги цитира „GPblog“ зборовите на Мексиканецот. Верстапен годинава стана шампион на Формула 1 (454 поени). Перез сезоната ја заврши на третото место со 305 бодови.