реџеп таип ердоган – Kurir.mk

Ердоган повика на итен прекин на огнот: Во Газа се случуваат злосторства против човештвото

Ивана Ефремовски — Fri, 03 Nov 2023 12:28:30 +0000

Турскиот претседател Реџеп Таип Ердоган денеска повика на итен прекин на огнот меѓу Израел и палестинската милитантна група Хамас, велејќи дека во Појасот Газа се случуваат „злосторства против човештвото“. „Нема објаснување или оправдување за бруталноста на која бевме сведоци од 7 октомври“, рече Ердоган за време на Самитот на земјите од турско говорно подрачје во Астана, пренесува „Гардијан“. Тој додаде дека приоритет на Турција е итно воспоставување хуманитарен прекин на огнот. „Да бидам искрен, злосторства против човештвото се случуваат во Газа точно 28 дена“, рече Ердоган. Тој изјави дека Турција работи на „нови механизми кои ќе гарантираат безбедност за сите, без разлика дали се муслимани, христијани или Евреи“. „Нашите напори да поставиме основа за меѓународна мировна конференција продолжуваат“, рече Ердоган. (МИА)

Ердоган: Израел веднаш да го запре ова лудило и да ги прекине нападите врз Појасот Газа

Катерина Бојаџиева — Sat, 28 Oct 2023 09:19:23 +0000

Турскиот претседател Реџеп Таип Ердоган го повика Израел „веднаш да го запре ова лудило“ и да ги прекине нападите врз Појасот Газа, пренесоа француските медиуми, повикувајќи се на изјава објавена на „X“. -Израелското засилено бомбардирање во Газа минатата ноќ повторно беше насочено кон невините жени, деца и цивили и ја продлабочи тековната хуманитарна криза. Израел мора веднаш да стави крај на ова лудило и да стави крај на своите напади, рече Ердоган, повикувајќи ги своите поддржувачи на собир за поддршка на Палестинците во организација на неговата партија денеска во Истанбул. На собирот, како што кажа, „јасно и категорично ќе кажеме дека го поддржуваме палестинскиот народ против прогонот од Израел“. Собирот ќе се одржи на територијата на стариот аеродром „Ататурк“ во Истанбул. Во последните денови, Ердоган го заостри својот тон за израелското бомбардирање на Газа како одговор на нападот на Хамас на 7 октомври. Во средата турскиот претседател објави дека се откажува од сите планови да го посети Израел и го критикуваше неуспехот на Западот да ја запре војната во Газа. -Хамас не е терористичка група, туку група на ослободители кои ја бранат својата земја, додаде Ердоган, предизвикувајќи гнев кон Израел.

Ердоган: Меѓународниот молк за масакрот во Газа е срамен

Ивана Ефремовски — Thu, 26 Oct 2023 10:33:36 +0000

Турскиот претседател Реџеп Таип Ердоган во телефонски разговор со папата Франциск изјави дека израелските напади врз Газа се еднакви на масакр, пренесе Скај Њуз, додавајќи дека „молкот на меѓународната заедница е срамен“. Турскиот претседател вчера ја критикуваше и реакцијата на Западот на израелските напади. Обраќајќи им се на претставниците на неговата партија во парламентот тој кажа дека Хамас не е терористичка организација, туку група муџахедини кои ги бранат своите земји. -Гаѓањето на нашите палестински браќа, вклучувајќи ги и децата, пациентите и старите лица, дури и во училишта, болници и џамии, е злосторство против човештвото. Солзите на Западот, пролеани за Израел се манифестација на измама, нагласи тој и додаде дека ја откажал својата планирана посета на Израел. (МИА)

Ердоган: Хамас е ослободителна организација, а не терористичка

Катерина Бојаџиева — Wed, 25 Oct 2023 10:25:33 +0000

Турскиот претседател Реџеп Таип Ердоган денеска изјави дека палестинската милитантна група Хамас не е терористичка, туку ослободителна организација која се бори да ја заштити својата земја. Во обраќањето до членовите на неговата партија во парламентот, Ердоган рече дека Израел ги искористи добрите намери на Турција и дека нема да оди во Израел како што претходно беше планирано, пренесуваат британските медиуми. Шефот на турската дипломатија, Хакан Фидам претходно денеска најави дека израелската копнена операција во Газа ќе го претвори тамошниот конфликт во масакр. На заедничка прес-конференција со неговиот катарски колега во Доха, Фидан кажа дека оние кои ги поддржуваат акциите на Израел под изговор на солидарност се „соучесници во неговите злосторства“.

Ердоган пристигна во Каиро на Мировниот самит

Тале Кристо — Sat, 21 Oct 2023 08:33:45 +0000

Турскиот претседател Реџеп Таип Ердоган пристигна во Каиро за да учествува на Блискоисточниот мировен самит, што ќе се одржи денеска во главниот град на Египет, објавија странските агенции. Меѓународната конференција ќе се одржи поради стравувањата од ескалација на конфликтот меѓу Израел и палестинското исламистичко движење Хамас во поголема регионална војна. Ердоган вчера го повика Израел да ги прекине нападите врз Појасот Газа, за кои турскиот претседател вели дека се „геноцид“.

Ердоган: Советот за безбедност на ОН „не ја исполни одговорноста“

Ивана Ефремовски — Wed, 18 Oct 2023 17:56:07 +0000

Турскиот претседател Реџеп Таип Ердоган го осуди Советот за безбедност на ОН поради неусвојувањето на резолуцијата за хуманитарна пауза во војната во Газа, јави Ал Џезира. Турските напори за воспоставување смиреност во регионот се попречени од „колективното казнување“ на Палестинците преку воздушни напади и распоредувањето на американски носачи на авиони во регионот, рече Ердоган. - Советот за безбедност на Обединетите нации, кој стана уште понеефикасен, уште еднаш не ја исполни својата одговорност. Западните земји, кои не оставаат непревртен камен кога станува збор за човековите права и слободи, не презедоа никакви чекори освен долевање масло на огнот, истакна турскиот претседател. Ердоган, исто така, го критикуваше „пристрасното и дволично“ медиумско покривање на конфликтот.

Ердоган реизбран за лидер на Партијата на правдата и развојот

Ивона Петрова — Sat, 07 Oct 2023 17:44:04 +0000

Турскиот претседател Реџеп Таип Ердоган е реизбран за шеф на Партијата на правдата и развојот. Тој ги доби сите 1.399 валидни гласови на четвртиот вонреден партиски конгрес што се одржа денеска во Анкара. Претседавачот на Советот на Конгресот, Али Ихсан Јавуз, рече дека од 1.402 гласа, 1.399 се валидни.

Мицотакис и Ердоган ја потврдиле позитивната атмосфера меѓу двете земји и договориле одржување на Високиот совет за соработка

Тале Кристо — Wed, 20 Sep 2023 18:36:36 +0000

Се договоривме да продолжиме да работиме за продлабочување на позитивната клима во грчко-турските односи, која беше воспоставена во последните месеци и јасно го дефиниравме нивото на контакти и средби за следниот период, рече грчкиот премиер Кирјакос Мицотакис по средбата со турскиот претседател Реџеп Таип Ердоган, соопштувајќи дека се договориле следниот Висок совет за соработка да се одржи на 7 декември во Солун, јави дописничката на МИА од Атина. Мицотакис и Ердоган се сретнаа во Њујорк на маргините на Генералното собрание на Обединетите нации, а грчкиот премиер по средбата истакна дека имале продуктивна дискусија во присуство на министрите за надворешни работи и дипломатските советници. Ги одредиле следните чекори во билатералните односи на ниво на политички дијалог, мерки за градење доверба, но и промоција на позитивната агенда, а исто така, како што рече Мицотаки, разговарале и за предизвиците со кои се соочуваат двете земји. -Посебно ќе се задржам на проблемот со нелегалната имиграција, каде што сметам дека е неопходна соработката на Турција за да се сведат на минимум мигрантските бранови, рече Мицотакис. Додаде дека разговарале и за климатската криза, со оглед на тоа што Грција и Турција се две медитерански земји, „кои и ова лето беа соочени со значителни природни катастрофи, производ на глобалното затоплување и климатската криза, која е веќе присутна“. -Верувам дека ова поле на соработка може дополнително да се истражи, за да биде предмет на некои конкретни договори, кои ќе бидат потпишани во рамките на Високиот совет за соработка, во декември во Солун, додаде грчкиот премиер. Веднаш по средбата, што е втора во период од два месеци, од кабинетот на Мицотакис соопштија дека „двајцата лидери ја потврдија позитивната атмосфера во односите меѓу Грција и Турција и нивната силна волја за задржување на оваа клима“.

Ердоган сака Маск да изгради фабрика за Tesla во Турција

Ристе Здравков — Mon, 18 Sep 2023 06:49:13 +0000

Турскиот претседател Реџеп Таип Ердоган го повика извршниот директор на Tesla, Елон Маск, да изгради фабрика за Tesla во Турција, објави „Анадолија“ на платформата на социјалните мрежи X. Ердоган му го дал предлогот на Маск за време на состанокот во Турската куќа, облакодер во близина на Обединетите нации во Њујорк, објави турската државна новинска агенција во неделата навечер. Маск во понеделник во Калифорнија треба да се сретне и со израелскиот премиер Бенјамин Нетанјаху. Маск објави на платформата X дека нивните разговори ќе се фокусираат на технологијата за вештачка интелигенција. Ердоган е во САД за да присуствува на 78-та сесија на Генералното собрание на Обединетите нации. Во август, Tesla изрази интерес за изградба на фабрика во Индија за производство на евтини електрични возила (ЕВ). Tesla има шест фабрики и ја гради седмата во Мексико во северната држава Нуево Леон, дел од напорите на производителот на електрични автомобили да го прошири своето глобално присуство. Маск во мај изјави дека производителот на автомобили најверојатно ќе избере локација за новата фабрика до крајот на оваа година. Покрај управувањето со Tesla, Маск ја купи и платформата X, порано позната како Twitter, за 44 милијарди долари во 2022 година.

Ердоган: Верувам дека наскоро ќе биде донесена одлука во врска со договорот за жито

Тале Кристо — Mon, 04 Sep 2023 16:18:46 +0000

Турскиот претседател Реџеп Таип Ердоган по тричасовната средба со неговиот руски колега Владимир Путин денеска во Сочи изјави дека очекува наскоро да биде донесена одлука за договорот за жито. „Разговаравме за обновување на договорот за жито во Црното Море. Верувам дека наскоро ќе биде донесена одлука во врска со иницијативата за жито“, рече Ердоган. Тој истакна дека алтернативните опции од договорот за жито во Црното Море не даваат трајно решение и дека иницијативата мора да продолжи, пополнувајќи ги празнините. „Сакаме да испратиме жито во сиромашните земји, разговаравме за тоа со Путин. Турција ќе направи се што е потребно за да испрати жито во сиромашните земји, се договоривме за тоа“, истакна Ердоган. Според него, „Украина треба да ја омекне својата позиција кон Русија во однос на договорот за жито“. „Разговаравме за земјоделството, туризмот, финансиите, енергијата и други прашања“, додаде Ердоган.