Затворени избирачките места во Струга и Вевчани

Катерина Бојаџиева — Sun, 30 Sep 2018 18:08:15 +0000

Сите избирачки места во општините Струга и Вевчани се затворени, информираат општинските изборни комисии. Според податоците од ОИК до 18 часот и 30 минути во Струга излезноста е 36,78 отсто, а во Вевчани 32 проценти. Од регистрирани 60.169 гласачи во Избирачкиот список во општина Струга до половина час пред затворање на кутиите своето уставно право го искажале гласале 22.120 лица, додека во Вевчани од 2.038 пријавени гласачи на референдумското прашање се изјасниле 641 лице до 18 часот и 30 минути. Изборните комисии од двете општини референдумскиот ден го оценија како мирен без поголеми нарушувања, освен фотографирањето со мобилен телефон од тераса во зграда во близина на избирачко место во основното училиште „Браќа Миладиновци“ во Струга, како и поставен транспарент во близина на избирачко место во селото Мислешево.

ФОТО: Меѓународните медиуми го најавуваат пропаѓањето на референдумот

Матеја Петровски — Sun, 30 Sep 2018 15:04:18 +0000

Светските медиуми пишуваат дека на референдумот за договорот меѓу Македонија и Грција, со кој се предвидува промена на уставното име и Уставот на Република Македонија, му се заканува пропаѓање. „Fox News“ пишува дека од ДИК соопштиле дека излезеноста на референдумот за промена на името на Македонија, е 16 проценти на шест часа пред затворањето на избирачките места. Македонците гласаат за тоа дали да го прифатат договорот со соседна Грција, според кој ќе го променат името на нивната земја во Северна Македонија и Грција ќе ги избрка своите приговори за пристапувањето на земјата во НАТО, се вели во текстот на „Fox News“. Во текстот се вели дека Владата, која го распишала референдумот, го стави како необврзувачки, со што резултатот може да се земе како точен одраз на јавното мислење без оглед на одзивот. Во текстот на „Emerging Europe“ се објаснува за што денеска гласаат граѓаните на Република Македонија, а и се вели дека она што го прави овој референдум уште поважен е фактот што излезноста ќе одлучи за валидноста на резултатот. -Илезноста на повеќе од 50 проценти би го направил резултатот законски валиден и ќе обезбеди подобра имплементација на договорот од Преспа. За ова да се случи, од 1.806.000 запишани гласачи, повеќе од 903.000 илјади треба да излезат и да гласаат, се вели во текстот. Таму се вели дека во еден часот излезноста е помала од очекувањата- само 15,78 проценти. Исто така, потенцираат дека тој период највисока излезност имало во центарот на Скопје, со 26,29 проценти, потоа во Карпош со 23,97 проценти и Крива Паланка во близина на границата со Бугарија, со 22, 36 проценти. Шест часа откако се отворени гласачките место за референдумот во Република Македонија за договорот со Грција за името, излезноста остана на ниско ниво, пишува грчки Екатимерини. Тие пишуваат дека според она што е соопштено од Државната изборна комисија, излезноста не надминала 16 проценти во првите шест часа. Тие прават и паралела со излезноста на последните парламентарни избори во 2016 година, каде во првите шест часа излезноста била 34,86 проценти, а на крајот достигнала 66,79 процентѕи. Тие велат дека за успех на референдумот потребна е излезност над 50 проценти. „Independent Balkan News Agency (IBNA)“, пак пишува за излезноста до 11 часот бил 8,12 проценти. Во текстот пишуваат и дека ДИК до тој период известиле за само три претставки за прекршување на процесот на гласање, а три пак од жалбите ги отфрлиле, а за четири биле во процес. И српски Мондо пишува за малата излезност на референдумот, таму велат дека до 13 часот на референдумот излегле 16 проценти, а и пишуваат за условите како референдумот би бил успешен. Таму пишува и за инцидентите што се случиле за време на референдумскиот ден. И хрватски Национал пишува дека излзеноста до 13 часот е мала. Тие во текстот го објаснуваат и договорот со Грција, како и условот за успех на референдумот, но напоменуваат дека тој не е задолжителен. Таму пишуваат дека излезноста до 13 часот е 16 проценти, а прават и паралела со излезноста на парламентарните избори во 2016 година, кога излезни беа 34 проценти од гласачите. Додека пак до крајот на изборниот ден таа бројка била 66 проценти.

Стружани со порака до Заев: 2004-та – 2018-та, исто предавство, исти предавници, додека дишеме само Македонија (ФОТО)

Матеја Петровски — Mon, 17 Sep 2018 16:19:27 +0000

Како дел од кампањата каде Зоран Заев и останатите членови на Владата ги убедуваат граѓаните да гласаат „За“ на референдумот за промена на Уставот и уставното име на Република Македонија, премиерот денеска е во Струга. Тој таму од граѓаните беше пречекан со пораки од граѓаните. -Додека дишеме само Македонија, беше една од пораките кои граѓаните ја пратија до Заев. -2004- 1018. Исто предавство, исти предавници, пишуваше во пораката од граѓаните до Заев, алудирајќи на референдумот за територијалната поделба во 2004 година.

реферндум – Kurir.mk

Затворени избирачките места во Струга и Вевчани

ФОТО: Меѓународните медиуми го најавуваат пропаѓањето на референдумот

Стружани со порака до Заев: 2004-та – 2018-та, исто предавство, исти предавници, додека дишеме само Македонија (ФОТО)