регионален пат – Kurir.mk

ПАТОТ СТРУМИЦА – РАДОВИШ ВО ПРЕКИН – гори камион!

Дарко Андоновски — Fri, 14 Jul 2023 08:32:27 +0000

Регионалниот пат Струмица - Радовиш 09:45 часот е затворен за сообраќај поради опожарено товарно моторно возило, соопшти АМСМ. Нема инфрмација до кога ќе биде затворен патот и дали сообраќајот се пренасочува.

Втор ден блокиран патот Градско – Прилеп, се бара итна санација на оштетениот сифон Макарија на хидромелиоративниот систем ,,Тиквеш”

Дарко Андоновски — Mon, 05 Jun 2023 11:15:03 +0000

Втор ден е блокиран регионалниот пат Градско - Прилеп, кај клучката за Кавадарци, со протест се бара итна санација на оштетениот сифон Макарија на хидромелиоративниот систем ,,Тиквеш". Блокадата ќе остане до 14 часот, се пропуштаат итни случаи. Учесници на протестот велат дека се револтирани поради проблемот со каналот за наводнување. Тие бараат најбрза санација, како и алтернативен начин за наводнување, додека се врши санацијата. Затоа што, како што нагласуваат, загрозени им се земјоделските култури и нивната егзистенција. Претседателот на месната заедница Сирково, Веле Коцев за МИА информираше дека бараат вонредна седница на совет на Општина Росоман, прогласување на елементарна непогода, алтернативно решение за да се спаси сезоната. Блокадите ке траат до изнаоѓање на решение. На протестот заедно со земјоделците е и градоначалникот на Росоман, Стојан Николов. Тој нагласува дека итно се бара изнаоѓање решение за проблемот. Пред неколку дена, АД Водостопанство на Република Северна Македонија, ја информираше јавноста дека на 27 мај 2023, е детектирано оштетување на сифонот Макарија на хидромелиоративниот систем Тиквеш, поради кое привремено е прекинат дотокот на вода која се користи исклучиво за наводнување на земјоделските површини. - Извршен е увид и во моментов интензивно се работи на изнаоѓање технички решенија за ургентна интервенција и санација во најбрз можен рок, а се со цел враќање на системот во првобитна состојба. Дополнителни информации, граѓаните од регионот можат да добијат во подружницата АД Водостопанство - Тиквеш. За сите понатамошни активности пак, поврзани со санацијата, јавноста ќе биде навремено информирана, соопштија тогаш од АД Водостопанство.

Трагедија на регионалниот пат кај Кадрифаков: Жена починала на лице место откако автомобил удрил во неа

Магдалена Андонова — Fri, 09 Oct 2020 12:11:50 +0000

Четириест и шестгодишна самохрана мајка С.С. од светиниколското село Кадрифаково утрово загина кога го преминувала регионалниот пат Штип – Свети Николе, откако во близина ја оставил автобусот со кој се вратила од трета смена во штипска фабрика. Во обид да го премине патот, била прегазена од возило што се движело од спротивниот правец. Како последица од ударот, жената починала на самото место. Според СВР Штип, несреќата се случила во 6.27 часот. Им било пријавено дека на регионалниот пат кај село Кадрифаково, возило „форд фокус“ со светиниколска регистрација управувано од 43-годишниот Т.Г. од село Ерџелија, удрило во пешакот С.С. од село Кардифаково. Во незгодата, С.С. се здобила со повреди и починала на самото место. Увид извршила увидна екипа од Полициската станица Свети Николе во содејство со јавен обвинител.

Сливарите повторно на протест, блокиран регионален пат

Матеја Петровски — Sat, 18 Aug 2018 11:12:04 +0000

Група земјоделци незадоволни од откупот на сливи, од 11 часот го блокирале патниот правец Радовиш - Струмица кај клучката кај селото Воиславци. Автомотосојузот на Македонија информира дека на патот излегле околу 20 земјоделци со земјоделски машини. На останатите патни правци сообраќајот се одвива тековно по претежно суви коловози. Зголемена фреквенција на возила има на граничните премини Богородица и Табановце, каде времето на чекање од македонска страна е од 15 до 30 минути.

Граѓанска иницијатива за реконструкција на регионалниот пат Гевгелија-Богданци

Даниел Василев — Tue, 24 Apr 2018 09:29:51 +0000

Млади активисти од граѓански здруженија од Гевгелија и Богданци покренаа иницијатива за итна реконтрукција и целосно одбележување и заштита на регионалниот пат Гевгелија-Богданци, на кој се случуваат многу сообраќајни несреќи од кои повеќето за жал и со смртни последици. Потписи се собираа во Гевгелија и Богданци каде иницијативата наиде на големо разбирање од жителите. - Со задоволство се потпишавме на иницијативата на младите активисти затоа што ова е еден од најлошите регионални патишта во земјава кој поради неговата истрошеност зеде многу човечки животи, а парите не се ништо во споредба со еден човечки живот, рекоа дел од потписниците на иницијативата. За реконструкција на овој пат во владината програма за 2018 година се предвидени 24 милиони евра, а иницијативата има цел да ги поттикне градоначалниците на Гевгелија и Богданци да ја забрзаат постапката за реализација и да придонесе надлежните да размислат и за проширување на патот за што сигурно ќе бидат потребни дополнителни финансиски средства. МИА

Во следните 30 дена ќе се вози по една лента на патот од Крклино до Битола

Даниел Василев — Tue, 10 Apr 2018 09:20:51 +0000

Поради градежни работи на регионалниот пат од село Крклино до Битола сообраќајот на овој патен правец во наредните 30 дена ќе се одвива по една коловозна лента. На самото место ќе биде поставена соодветна сообраќајна сигнализација. Претходно, јавното претпријатие „Македонија пат“ информираше дека и регионалниот пат од село Теово до Богомила во наредните 30 дена ќе биде во прекин секој ден во периодот од 10 до 14 часот поради асфалтирање. МИА

Патот од Теово до Богомила во прекин по 4 часа во следните 30 дена

Ивона Петрова — Tue, 10 Apr 2018 06:19:52 +0000

Регионалниот пат од село Теово до Богомила од денес во наредните 30 дена ќе биде во прекин секој ден во периодот од 10 до 14 часот. Причина за прекинот, како што соопшти јавното претпријатие „Македонија пат“, е асфалтирање на патот.