Францускиот премиер ќе бара одложување на регионалните избори

Тале Кристо — Fri, 13 Nov 2020 11:46:59 +0000

Францускиот премиер Жан Кастекс ќе побара регионалните избори, кои се закажани за март 2021 година, да се одложат на три месеци поради пандемијата на коронавирусот. Кабинетот на премиерот денеска соопшти дека Кастекс ќе предложи изборите да се одржат во јуни следната година. Франција, со 1,9 милиони случаи на Ковид-19, е четврта земја во светот според бројот на заразени. Моментно во државата се во сила рестриктивни мерки поради спречување на ширењето на коронавирусот.

Регионални избори во Полска

Ивона Петрова — Sun, 21 Oct 2018 08:02:09 +0000

Во Полска денеска се одржуваат регионални избори, на кои се очекува најмногу гласови да добијат кандидатите на владејачката десничарска евроскептична партија Право и правда (ПиС), чии националиситчка реторика и правосудни реформи доведоа до тензии во односите меѓу Варшава и Брисел. ПиС дојде на власт во 2015 година со ветување за издвојување поголеми средства за социјални програми, за заштита на традиционалните вредност и за поголемо влијание на државата во економијата. И покрај обвинувањата од ЕУ дека полската Влада ги крши принципите на владеењето на правото, владејачката ПиС и натаму е најпопуларна политичка партија во Полска. Сепак, ПиС досега ја имаше власта само во помал број локални самоуправи и мнозинство само во едно од 18-те регионални собранија. Аналитичарите оценуваат дека иако на денешните избори во Полска се бираат само органите на регионалните и локалните власти, тие сепак се дел од пошироката борба за иднината на ЕУ, во услови кога Велика Британија се подготвува за повлекување од блокот и кога во европските земји расте популарноста на десничарските и популистичките партии. МИА

регионални избори – Kurir.mk

Францускиот премиер ќе бара одложување на регионалните избори

Регионални избори во Полска