регистрирани – Kurir.mk

Во САД за првпат регистрирани над 300.000 новозаразени за 24 часа

Тале Кристо — Sat, 09 Jan 2021 08:39:50 +0000

САД за првпат регистрирале повеќе од 300.000 нови инфекции со новиот коронавирус. Според секојдневниот ажуриран преглед на „Ковид Трекинг Проџект“, новите случаи за изминатите 24 часа се – 310.000, хоспитализирани се 131.889, а починатите се 3.777 – нешто под рекордните над 4.000 регистрирани вчера. Рекордно високи се и просечните бројки за истите индикатори за период од една недела. САД имаат најголем број заразени во светот од почетокот на пандемијата. Според Универзитетот Џонс Хопкинс, таа цифра е – 21,8 милиони.

Во август секојдневно регистрирани над 30 сообраќајни прекршоци

Магдалена Андонова — Wed, 02 Sep 2020 09:58:10 +0000

Во текот на август полицајците при полициската станица за безбедност на патниот сообраќај Тетово на тетовското подрачје откриле и законски санкционирале вкупно 960 различни видови сообраќајни прекршоци. Просечно станува збор за над 30 прекршоци дневно. – Во контролните активности, редовни и акциски, поради констатирани прекршоци, билo исклучено 101 возило. Најмногу од исклучените возила (89) имале истечена регистрација до и над 30 дена, кај 9 била утврдена техничка неисправност, а кај 3 претовар. Минатиот месец на ова подрачје од сообраќај биле исклучени и 245 возачи, од кои 159 кои управувале без возачка дозвола, 7 под дејство на алкохол, 31 возач-почетник, 10 со несоодветна категорија, 4 со важечка забрана за управување и 41 кои некористеле заштитен шлем, односно кацига, истакна Марјан Јосифоски, портпарол на СВР Тетово. Според анализата на податоците во СВР Тетово, откриените сообраќајни прекршоци во август, заокружени се со 277 прекршочни, 202 мандатни плaтни налози и 355 писмени опомени. Покрај тоа, времено биле одземени 30 возачки дозволи, а на сообраќајна поука биле повикани 11 лица. (МИА)

Загрижувачки број на шумски пожари регистрирани во Грција во текот на викенодот

Магдалена Андонова — Mon, 27 Jul 2020 08:07:56 +0000

За 48 часа, односно од петокот во 19 часот заклучно со вчера во исто време, во Грција биле регистрирани вкупно 116 шумски пожари на различни локации, во кои интервенирале речиси 2.000 пожарникари со над 750 возила, јави дописничката на МИА од Атина. Од Противпожарната служба на Грција соопштуваат дека поголемиот број од пожарите брзо биле ставени под контрола. Во изминатите 24 часа, заклучно со вчера во 19 часот, во Грција имало 54 шумски пожари, а интервенирале вкупно 880 пожарникари со 330 возила, 22 пешадиски тима, авиони и хеликоптери, а помагале и цистерни и булдожери од општините. Едно деноноќие претходно, биле регистрирани 62 шумски пожара кои ги гаснеле 1.115 пожарникари со 426 возила. Единици од Дирекцијата за справување со подметнување пожари на грчката Противпожарна служба ги испитуваат причините. (МИА)

Во Грција за 24 часа регистрирани 57 шумски пожари

Магдалена Андонова — Thu, 23 Jul 2020 08:14:31 +0000

Во изминатите 24 часа, заклучно со вчера во 19 часот, во Грција имало 57 шумски пожари на различни локации, а интервенирале вупно 749 пожарникари со 264 возила, 18 пешадиски тима, авиони и хеликоптери, а помагале еден хеликоптер од војската како и цистерни и булдожери од општините, јави дописничката на МИА од Атина. Од Противпожарната служба на Грција соопштуваат дека поголемиот број од пожарите биле брзо ставени под контрола, а сѐ уште е активен пожарот во близина на Коринт што избувна вчера напладне. Пожарникарите во текот на ноќта се бореа со огнените јазици, а напорите, пожарот да се стави под контрола, продолжуваат и денеска. Според грчката новинска агенција АНА-МПА, интервенираат 236 пожарникари со 54 возила, 15 пешадиски тимови, шест хеликоптери и четири авиони. Во текот на вчерашниот ден, превентивно беа евакуирани најмалку шест населби, два детски кампови со околу 800 деца, а според грчките медиуми, пожарот нанел материјална штета на неколку домови. Градоначалникот на Коринт, за грчката телевизија „Скај“ рече дека иако пожарот не е ставен под контрола, сепак не претставува опасност за населени места. (МИА)

Регистрирани 423 прекршоци за неносење на маска

Магдалена Андонова — Wed, 22 Jul 2020 09:58:22 +0000

Во текот на изминатото деноноќие (21/22.07.2020 година) на територијата на Република Македонија по однос на мерката за неносење лична заштита на лице регистрирани се 423 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.