регулаторна комисија – Kurir.mk

Денес на пладне Регулаторна пред одлука, ќе поскапат ли горивата повторно?

Ристе Здравков — Mon, 21 Feb 2022 06:27:25 +0000

РКЕ денес точно на пладне ќе донесе одлука и ќе ги соопшти новите цени на течните горива од полноќ. Минатата недела како и претходно наназад Регулаторна одлучи цените на горивата да се зголемат – тоа беше најмногу од 1 денар за литар. Ова се актуелните цени на нафтените деривати во моментот: ЕУРОСУПЕР БС – 95 82,00 (денари/литар) ЕУРОСУПЕР БС – 98 84,00 (денари/литар) ЕУРОДИЗЕЛ БС (Д-Е V) 74,00 (денари/литар) Ќе имаме ли нова покачена цена за литар, останува да ја проследиме одлуката..

Антовски: Нова партизација на Регулаторната комисија

Магдалена Андонова — Wed, 12 Jan 2022 10:57:17 +0000

Неодамна на страната на Собранието беа објавени материјали за Предлог за именување член на Регулаторната комисија за енергетика и водни услуги. Од приложените документи се гледа дека на 27.12.2021 година владата на Заев и Ахмети испратила документ со којшто се предлага тоа да биде Мерита Дема, кадар на ДУИ. Дури во дописот во точка 2 е цитирано дека согласно Законот за енергетика за член на РКЕ се избира државјанин на Република Македонија кој во последните 15 години пред именувањето има најмалку десет години работни искуство во енергетиката, односно во обезбедувањето на водни услуги, изјави на денешната прес конференција, Стевче Антовски, член на Комисија за енергетика на ВМРО-ДПМНЕ. ВМРО-ДПМНЕ ги приложува оргиналните документи од страната на Собранието, каде јасно се гледа следното: Мерита Дема е родена на 29.6.1990 година, дипломирала на 8.11.20212, а прво вработување и било на 14.3.2013 година. За потсетување денес сме 12.1.2022 година со што наведениот услов во Законот за енергетика целосно е прекршен. Мерита Дема во последните 15 години не можела да има 10 години искуство во енергетиката, поради својата возраст, дипломирање и прво вработување кое било во март 2013 година. Дали со ова грубо кршење на Законот за енергетика, Заев му се заблагодарува на својот коалиционен партнер ДУИ што му ја спаси власта? - Како може некој кој го нема потребното работни искуство да се избере за член на такво независно тело, во кое се регулуираат цените на струјата, гасот, нафтата, парното греење и водата? - Дали Заев намерно одбира вакви кадри кои потоа за возврат ќе потпишуваат секакви зголемувања на цените на електричната енергија, за да може да се реализираат тендерите на кланот Заеви во РЕК Битола, прашува Антовски. Тој додава дека ова е класично прекршување на законите од владата на СДСМ ДУИ. - Ова е класичен пример за партизација на институциите како Регулторната комисија која треба да биде независно тело. Ова е типичен пример за причина зошто е потребен рестарт со менување на власта. Без тоа ќе функционираме како најкорумпирана држава во која нема владеење на правото и законите, туку само бизнис интереси на СДСМ и ДУИ. Затоа се потребни се нови избори за да ставиме крај на ова зло кое и се случува на Македонија, дециден е Антовски.

Стојаноски: СДСМ спротивно на закон мести партиски функционер за член на Регулаторна комисија за енергетика кој не ги исполнува условите

Магдалена Андонова — Wed, 21 Apr 2021 14:30:14 +0000

Продолжува дрското и бесрамно спроведување на политиките на СДСМ во енергетиката и пополнување на клучните места во енергетскиот сектор со нестручни и некомпетентни лица со искуство кое што го бара законот, вели пратеникот на ВМРО-ДПМНЕ, Бојан Стојаноски, на денешната собраниска седница кој потенцира дека СДСМ спротивно на законот мести партиски функционер за член на Регулаторна комисија за енергетика. Стојаноски истакна дека во Македонија се уште постои Регулаторна комисија за енергетика, а нејзина задача е да биде независна и да ги штити потрошувачите, но испаѓа дека таа ги штити интересите на СДСМ. - Согласно Законот за енергетика, тој што ќе биде предложен во оваа комисија не смее да има партиска функција. Предложениот Андреј Тасев кој треба да биде член на РКЕ, седи до Зоран Заев, но и носител на листа на СДСМ за Дојран во 2001 година и во два мандата бил советник на СДСМ, што е спротивно на Законот. Тасев го има и на список на централниот одбор на СДСМ. Човекот кој треба да стане дел од РКЕ има актуелна партиска функција, рече Стојаноски. Тој ги повика Државната комисија за спречување на корупција и сите надлежни органи да не дозволат вакво нешто да се случи и додаде дека овој кандидат не ги исполнува ниту условите да биде член на РКЕ. - Воедно овој кандидат не го исполнува условот од Член 17, став 3, точка 2 од Законот за енергетика каде јасно е наведено дека за член или претседател на РКЕ, може да биде именуван државјанин на Македонија кој ги исполнува следните услови, во последните 15 години пред именувањето да има најмалку 10 години искуство во енергетиката, а овој кандидат него исполнува овој услов. Власта смета дека е над законот и над народот, нагласи Стојаноски.

РКЕ одлучи: Ова се новите цени на горивата

Ивона Петрова — Mon, 29 Jun 2020 10:51:53 +0000

Регулаторната комисија за енергетика ги соопшти новите цени на нафтените деривати кои ќе важат од полноќ Согласно одлуката, горивата поскапуваат за 0,50 денари. Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 0,50 денар/литар, Новата цена на ЕУРОСУПЕР БС-95 изнесува 61,00 ден/лит, на ЕУРОСУПЕР БС-98 изнесува 63,00 ден/лит, на дизелот ЕУРОДИЗЕЛ (ДЕ V) изнесува 52,50 ден/лит, додека малопродажната цена на Екстра лесното масло за домаќинство (ЕЛ-1), изнесува 52,00 ден/лит. Малопродажната цена на мазутот М-1 НС се зголемува за 0,428 ден/кг во однос на цената утврдена со Одлуката од 22.06.2020 година и со тоа малопродажната цена на мазутот М-1 НС изнесува 25,824 ден/кг.

Од полноќ поскапува и бензинот и дизелот- ова се новите цени

Дарко Андоновски — Mon, 24 Jun 2019 10:04:26 +0000

Бензините и дизелот од полноќ ќе бидат за половина денар поскапи, реши на денешната седница Регулаторната комисија за енергетика. Според одлуката, Дизелот и ЕУРОСУПЕР БС 98 ќе бидат поскапи за половина денар и ќе се точат за 60.5 денари дизелот и 69,5 денари за 98 октанскиот СУПЕР. Цената на ЕУРОСУПЕР БС 95 нема да се промени и ќе се точи за 67 денари по литар.

„Дојде животот за сите“: За две години поскапување од 30 денари на ЕУРОДИЗЕЛОТ

Дарко Андоновски — Mon, 15 Oct 2018 18:15:36 +0000

Регулаторната комисија за енергетика денес донесе одлука за ново поскапување на цените на горивата. Во споредба со 2016 година и денес цената на ЕУРОДИЗЕЛОТ во јануари пред две години изнесувала 39 денари за литар, додека од вечерва истото ќе чини 69 денари за литар. Покачувањето на цената на ЕУРОДИЗЕЛОТ за не цели две години изнесува дури 30 денари, а тоа е јасен показател за владеењето на СДСМ и Зоран Заев. Регулаторна комисија за енергетика 15.10.2018 Малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 1,00 ден/лит, односно за 1,50 ден/лит во однос на цените утврдени со Одлуката од 01.10.2018 година и со тоа, малопродажната цена на ЕУРОСУПЕР БС-95 изнесува 74,50 ден/лит, додека малопродажната цена на ЕУРОСУПЕР БС-98 изнесува 76,50 ден/лит. Малопродажните цени на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 2,00 ден/лит, односно за 2,50 ден/лит, во однос на цените утврдени со Одлуката од 01.10.2018 година и со тоа, малопродажната цена на дизелот ЕУРОДИЗЕЛ (Д-Е V) изнесува 69,00 ден/лит, додека малопродажната цена на Екстра лесното масло за домаќинство (ЕЛ-1) изнесува 58,00 ден/лит. Малопродажната цена на мазутот М-1 НС се зголемува за 2,659 ден/кг во однос на цената утврдена со Одлуката од 01.10.2018 година и со тоа цената на мазутот М-1 НС изнесува 38,409 ден/кг. Регулаторна комисија за енергитика 11.01.2016 Малопродажните цени на ЕУРОСУПЕР БС-95, ЕУРОСУПЕР БС-98 и ЕУРОДИЗЕЛ (Д-Е V) се намалуваат за 3,50 ден/лит во однос на цените утврдени со Одлуката од 11.01.2016 година и со тоа цената на ЕУРОСУПЕР БС-95 изнесува 57,50 ден/лит, цената на ЕУРОСУПЕР БС-98 изнесува 59,50 ден/лит и малопродажната цена на ЕУРОДИЗЕЛ (Д-Е V) изнесува 39,00 ден/лит. Малопродажната цена на Екстра лесното масло за домаќинство (ЕЛ-1) се намалува за 4,00 ден/лит во однос на цената утврдена со Одлуката од 11.01.2016 година и со тоа цената на Екстра лесното масло за домаќинство (ЕЛ-1) изнесува 27,50 ден/лит. Малопродажната цена на мазутот М-1 НС се намалува за 2,467 ден/кг, во однос на цената утврдена согласно Одлуката од 11.01.2016 година и со тоа цената на М-1 НС изнесува 12,857 ден/кг.

Регулаторна ќе распарава за обесштетувањето на производителите и потрошувачите на струја

Матеја Петровски — Fri, 24 Aug 2018 05:57:29 +0000

Регулаторната комисија за енергетика на Република Македонија (РКЕ), денеска ќе одржи подготвителна седница, на која ќе се расправа за оштетените производители и корисници на електрична енергија. Како што соопшти РКЕ, на подготвителната седница ќе се разгледува Предлог - Правила за определување на надоместок на штета што им е причинета на производителите и потрошувачите приклучени на системите за пренос и дистрибуција на електрична енергија. (Миа)

Нови цени на горивата во Македонија, од полноќ поскап бензин

Предраг Кукиќ — Mon, 06 Aug 2018 11:10:47 +0000

Регулаторната комисија за енергетика на Република Македонија ги одреди најновите цени на горивата. Според одлуката на регулаторите малопродажната цена на бензинот ЕУРОСУПЕР БС-95 се зголемува за 0,50 ден/лит. и со тоа во следните две недели ќе изнесува 71,50 ден/лит. Малопродажните цени на бензинот ЕУРОСУПЕР БС-98, дизелот ЕУРОДИЗЕЛ (Д-Е V) и Екстра лесното масло за домаќинство (ЕЛ-1) остануваат исти. Цената на ЕУРОСУПЕР БС-98 ќе изнесува 73,00 ден/лит, дизелот ЕУРОДИЗЕЛ (Д-Е V) ќе чини 62,50 ден/лит, додека Екстра лесното масло за домаќинство (ЕЛ-1) ќе се продава по цена од 51,50 ден/лит. Малопродажната цена на мазутот М-1 НС се намалува за 0,246 ден/кг и со тоа ќе изнесува 33,651 ден/кг.

Нови цени на горивата од полноќ

Катерина Бојаџиева — Mon, 19 Feb 2018 11:16:34 +0000

Цената на горивата од ноќeска на полноќ се намалува за 2,5 денари по литар, одлучи денеска Регулаторната комисија за енергетика (РКЕ). Со одлуката се врши намалување на рафинериските и на малопродажните цени на нафтените деривати во просек за 6,19, односно за 4,21 отсто. Новата малопродажна цена на ЕУРОСУПЕР БС-95 изнесува 65,5 денари за литар, ЕУРОСУПЕР БС-98 ќе се продава за 67, ЕУРОДИЗЕЛ (Д-Е V) за 57, а Екстра лесното масло за домаќинство (ЕЛ-1) за 45,5 денари за литар. Со одлуката на РКЕ за 1,243 денари за килограм се намалува и малопродажната цена на мазутот М-1 НС и ќе изнесува 27,856 денари за килограм. Како причина за намалувањето на малопродажжните цени на нафтените деривати од РКЕ ги посочуваат за 7,21 отсто пониската просечна цена на суровата нафта на светскиот пазар во изминатите 14 дена и за 0,047 отсто повисокиот курс на доларот во однос на денарот.

Регулаторна: Шилегов не е доволно упатен во законите и прави штета на реформите

Ивана Ефремовски — Sat, 03 Feb 2018 14:52:15 +0000

Не е започната „војна“ околу новите тарифи за водата, велат од Регулаторна комисија за енергетика. Изјавите на Шилегов дека нивните одлуки се политички мотивирани, ги сметаат за негова недоволна упатеност во законските обврски и оценуваат дека тие се штетни за целиот реформски процес. - Потенцираме дека сите пресметки на тарифите се во согласност со законската и подзаконската регулатива која и понатаму професионално и доследно ќе биде применувана од наша страна. Професионалноста во донесувањето на решенијата од страна на Регулаторната комисија за енергетика може лесно да се провери доколку за тоа се има желба и интерес......Реакциите од страна на раководствата во локалната самоуправа на спроведувањето на реформите во секторот води на централно ниво не се издржани. Овие реформи се започнати уште пред донесувањето на Законот за утврдување на цените на водните услуги во јануари 2016 година, кој Регулаторната комисија за енергетика има обврска да го спроведува. - стои во соопштението на реглаторите. Додаваат дека доколку претпријатијата можат со ефикасно работење да ги намалат оперативните трошоци кои се презентирани во барањата до РКЕ, може да подготват промена на барањето и да ги достават на увид и одобрување. Отпор против воведувањето на новата тарифа имаше во повеќе општини. Локалните власти од Велес и Куманово поднесоа тужби, а Владата побара регулаторна да ја преиспита тарифата за ЈП Студенчица. Скопскиот градоначалник беше најгласен против промената во сметките за вода. Препораките од РКЕ ги нарече политикански. Дали според Шилегов одлуката на Регулаторна е се уште политиканска и дали ќе поднесе ново барање до РКЕ за преиспитување на тарифата, не даде конкретен одговор, единствено што одговори е дека Водата не поскапува. -Јас сум спремен да ја платам паричната казна, а да не се подлегнам на одлуката на Регулаторна комисија за енергетика, изјави Петре Шилегов. Водоводните претпријатија имаат рок до крајот на април, да ја прифатат предложената тарифа за водни услуги. Доколку тоа не го сторат, тогаш предметот се враќа во Регулаторна и тие ќе го имаат конечниот збор.