реизбор – Kurir.mk

Израелскиот парламент забрани реизбор на критичар на премиерот Бенет

Тале Кристо — Tue, 26 Apr 2022 09:54:48 +0000

Израелскиот парламент (Кнесет) му забрани на пратеникот Амихаи Шикли, кој ја напушти десничарската партија на премиерот Нафтали Бенет, да биде реизбран за член на која било партија. Како што пренесуваат локалните медиуми, ваквата забрана се смета за мала политичка победа на премиерот во време кога се обидува да стабилизира кревка влада, а истовремено е и предупредување за секој друг пратеник во случај да се побуни. Собраниската комисија со седум гласа за и ниту еден против гласаше против пратеникот Шикли и го прогласи за отстапник. Шикли ја напушти партијата Јамина на Бенет речиси веднаш по формирањето на владејачката коалиција и се сметаше за можен иден кандидат на опозициската конзервативна партија Ликуд. Израелските медиуми јавуваат дека Шикли би можел да основа нова партија. Шикли претходно изјави дека на Израел му е потребна ционистичка влада, а не „некоординирана крпеница“ која зависи од гласовите на арапските пратеници, алудирајќи на фактот дека коалицијата на десничарски, левичарски и центарски партии вклучува и една мала арапска партија за прв пат во еврејската историја.

Честитка од претседателот на ЕПП, Доналд Туск до претседателот на ВМРО-ДПМНЕ, Христијан Мицкоски

Тале Кристо — Thu, 13 Jan 2022 18:20:38 +0000

Претседателот на ЕПП, Доналд Туск му го честиташе реизборот на лидерот на ВМРО-ДПМНЕ Христијан Мицкоски за прв човек на партијата Сакам срдечно да ви честитам за реизборот за претседател на ВМРО-ДПМНЕ на Конгресот на партијата. По многу успешните локални избори на кои ВМРО-ДПМНЕ победи во повеќето градови – вклучувајќи ги и силните резултати во главниот град Скопје – убеден сум дека и вашиот реизбор ќе придонесе за вбризгување на нова енергија во партијата. Мило ми што се запознав и со новата партиска доктрина која што беше усвоена на Конгресот, која се фокусира на најважните предизвици со кои се соочува земјата, а тоа се борбата против корупцијата и потребата од дигитализација и реформи за зајакнување на економскиот развој на земјата и нејзино придвижување на Европскиот пат, кои што се клучни столбови за иднината. Убеден сум дека ВМРО-ДПМНЕ ќе продолжи да води силна и конструктивна опозиција, што ќе овозможи да си ја врати поранешната сила на идните парламентарни избори, а притоа сметам на вас, да продолжите да се држите до европските и вредностите на ЕПП. Ви посакувам успех во новиот мандат, стои во честитката на Туск, упатена до лидерот на ВМРО-ДПМНЕ.

Поранешен вработен во Гугл тврди дека компанијата работи Трамп да не биде реизбран

Ивона Петрова — Wed, 07 Aug 2019 06:37:54 +0000

Поранешен вработен во Гугл тврди дека компанијата работи на тоа американскиот претседател Доналд Трамп да не биде реизбран, со тоа што ќе влијае врз претседателските избори идната година. Во изјава за телевизијата „Фокс“, Кевин Серники, поранешен инжинер во технолошкиот гигант, изјави дека компанијата ќе употреби методи на цензура како на политичка реклама и филтрирање пребарувачки резултати за да промовира либерална политичка агенда. -Кога претседателот Доналд Трамп победи во 2016 година првите луѓе на Гугл се појавија на сцената и плачеа, буквално целите беа во солзи. Тие ветија дека тоа нема никогаш повеќе да се случи и дека ќе ги искористат сите сила и ресурси за контрола на информацијата за тој да не биде реизбран во 2020 година, изјави Серники. Според него, Гугл поседува податоци за секој гласач во САД и компанијате може да изгради „психолошки портрети“, во обид да ги натера гласачите да гласаат поинаку. -Раководството е пристрасно. Постои пристрасност на секое ниво во компанијата и тие не поднесуваат различно мислење, укажа тој и потврди дека бил отпуштен откако во кадровскоит оддел се пожалил дека бил жртва на мобинг поради своите конзервативни ставови. Серники себе си се смета за свиркач и укажа дека официјалната причина зошто го отпуштиле од работа во Гугл е злоупотреба на компаниски хардвер и софтвер систем за далечински пристап. „Си-Ен-Би-Си“ соопшти дека Серники бил обвинет од поранешен колега дека во компанијата ширел екстремно десничарски ставови. МИА