Реј Лиота – Kurir.mk

По една година: Откриена причината за смртта на Реј Лиота

Ивона Петрова — Mon, 08 May 2023 20:59:27 +0000

По една година од смртта на ѕвездата на „Goodfellas“ Реј Лиота е откриена причината. Според ТМЗ, причината за смртта на Лиота била откриена како акутна срцева слабост и белодробен едем. Тој имал течност во белите дробови и за време на снимањето на филм во Доминиканската Република. -Начинот на смртта на актерот беше категоризиран како природен и ненасилен“, објави ТМЗ, додавајќи дека актерот страдал и од респираторна инсуфициенција и задебелување на артериите (атеросклероза). Лиота (67) во тоа време го снимаше трилерот „Опасни води“ во Санто Доминго, кога почина во сон.

Филмскиот свет се простува од Реј Лиота

Катерина Бојаџиева — Fri, 27 May 2022 07:09:50 +0000

Филмските ѕвезди се простуваат со еден од најпознатите гангстери на големото платно, починатиот Реј Лиота. Лорејн Брако, што ја глумеше неговата сопруга во класиката „Добри момци“ (Goodfellas), изјави дека е „целосно скршена“ од веста за неговата смрт. „Можам да бидам речиси каде било во светот и луѓето ќе дојдат и ќе ми кажат дека нивниот омилен филм е ‘Добри момци’. И, секогаш ме прашуваат кој е најдобриот дел од снимањето на тој филм. Мојот одговор отсекогаш бил ист – Реј Лиота“, објави Брако на социјалните мрежи. Неговата колешка од „Нијанси сино“ (Shades of Blue), Џенифер Лопез го нарече „олицетворение на цврст човек, а однатре нежен“. Неговиот партнер во „Поле на соништата“ (Field of Dreams), Кевин Костнер говореше за „неверојатната оставина“ на Лиота. Џејми Ли Кертис, која глумеше крај него во „Доминик и Јуџин“ во доцните 80-ти, го нарече „мил човек“ и „прекрасен уметник“. Меѓу другите кои испратија последен поздрав се и Џефри Рајт, Вајола Дејвис, Џош Бролин, Розана Аркет и други. – Ако имате еден филм што луѓето го паметат, тоа е одлично. А, ако имате два, тоа е фантастично!, рече Лиота во една прилика. Лиота почина во сон во Доминиканската Република, додека го снимаше филмот „Опасни води“ (Dangerous Waters). Тој беше свршен со Џејси Нитоло, а претходно, од 1997 до 2004 година, беше в брак со Мишел Грејс со која ја имаат ќерката Карсен.

ЗАСПАЛ И ПОВЕЌЕ НЕ СЕ РАЗБУДИЛ: Почина популарниот холивудски актер (ФОТО)

Тале Кристо — Thu, 26 May 2022 17:31:03 +0000

Холивудскиот актер Реј Лиота кој се прославил во многу класици, меѓу кои и "Goodfellas", починал на 67 години. Реј Лиота починал на сон во Доминиканската Република каде престојувал поради снимањето на филмот "Dangerous Waters". Славниот актер зад себе ја оставил ќерката Карсен, а требало да се венча со својата избраничка Џејси Нитоло. Причината за смртта се уште не е позната. Реј Лиота стекнал слава играјќи интензивни ликови во текот на годините. Иако е омилен поради својата улога во мафијашкиот класик "Goodfellas", актерот во една прилика изјавил дека во приватен живот никогаш не се ни степал. „Никогаш воопшто не сум се тепал, освен за време на спортски активности, а тоа е само туркање и глупави детски работи“, рекол своевремено овој актер.