рек осломеј – Kurir.mk

Пожар во РЕК „Осломеј“

Ивона Петрова — Fri, 24 Mar 2023 11:02:44 +0000

СВР Охрид информира дека вчера во полициското одделение во кичевското село Осломеј пријавено е дека во помошна котлара од електраната РЕК „Осломеј“ настанал пожар. Пријавата била околу 12:25 часот. -Повредени лица нема, а интервенирала Територијалната противпожарна единица од Кичево, велат од СВР Охрид.

После еден месец непрекината работа, РЕК Осломеј плански исклучен од мрежа

Ивана Ефремовски — Mon, 06 Mar 2023 09:34:38 +0000

После еден месец непрекината работа, утрово од електроенергетскиот систем е исклучен РЕК Осломеј. Поволните временски услови и добрата кондиција во која се наоѓаат производствените капацитети на АД ЕСМ, особено РЕК Битола, овозможија исклучување на РЕК Осломеј со цел да се интервенира на неколку позиции во термоицентралата. Во следните неколку недели во РЕК Осломеј планирани се активности за санација на млинови, на кондензатор, издувни канали. Останува отворена и можноста за брзо ставање во функција на термоцентралата во зависност од потребите на електроенергетскиот систем на државата. Во меѓувреме, со работа продолжуваат сите останати капацитети на АД ЕСМ со цел до крајот на грејната сезона да се обезбедат сите потребни количини на електрична енергија исклучиво од домашно производство.

Вонреден инспекциски надзор по пожарот во РЕК Осломеј

Дарко Андоновски — Sun, 25 Dec 2022 14:51:49 +0000

Денеска е направен вонреден инспекциски надзор на лице место од страна на Државниот инспекторат за животна средина по добиена информација за пожар во РЕК Осломеј. Инспекторатот бил повикан од граѓаните откако синоќа изби пожар откако се запали јаглен во просторијата кај турбините во термоелектраната и се почувствува зголемено загадување на воздухот во околината на Кичево. „При надзорот се состави Записник за констатација при што се констатира дека во РЕК Осломеј термоелектраната, настанат е пожар на 24.12 околу 20:15 часот, истиот е локализиран (според изјава на директорот на Термоелектраната) околу 21:15 часот. Причина за настаниот пожар е поголемета количина на шљака која била собрана во печката и при излез во одшљакивачот била прелеана до местото каде се наоѓа јагленот при што е дојдено до појава на опожарување на истиот и пожар. Поради безбедносни причини Блокот бил веднаш исклучен“, информира ДИЖС. Блокот ќе се рестартира откако ќе се направи детална проверка на настаната штета и откако ќе се санираат настанатите оштетувања кои веројатно ќе потраат неколку денови.

РЕК Осломеј во 48-часовен прекин, еве што е причината

Магдалена Андонова — Wed, 26 Oct 2022 09:49:03 +0000

РЕК Осломеј е во 48-часовен прекин поради пукната цевка, како најчест дефект во термоелектраните, кој брзо се санира, информираат од ЕСМ. Производството на електрична енергија за потребите на регулираниот пазар (домаќинства и мали потрошувачи) се одвива непречено преку другите електрани на АД ЕСМ, пред се со поинтензивно производство на двата блока во РЕК Битола. Се очекува РЕК Осломеј повторно да биде на мрежа од сабота, 29.10.2022г. - Напоменуваме дека РЕК Осломеј во последните години работи со исклучително зголемен капацитет, благодарение на силните инвестиции кои беа направени во комбинатот во периодот од 2018 до 2020г во однос на термоелектраната, опремата, човечките ресурси итн. Како резултат на тоа се забележува зголемено производство, така што заклучно со вчерашниот ден, производството од Осломеј достигна 219 GWh. Со тоа РЕК Осломеј го исполни и го надмина планот за производство за 2022г, се додава во соопштението на ЕСМ.

АД ЕСМ произведува со два блока од РЕК Битола и еден блок РЕК Осломеј, ТЕЦ Неготино во сервисни и ремонтни активности

Магдалена Андонова — Fri, 21 Oct 2022 13:34:05 +0000

АД ЕСМ соопшти дека во моментот произведува електрична енергија преку двата блока во РЕК Битола, едниот блок во РЕК Осломеј и хидроелектраните кои се користат пред се за системски услуги. Според компанијата, со оглед на тоа што се произведува со три блока од термоектраните и со оглед на топлото време, конзумот се задоволува со наведените капацитети. -ТЕЦ Неготино работеше во периодот додека се изведуваше ремонтот на Блок 1 во РЕК Битола, и со повторното вклучување на Блок 1 во системот, се создадоа услови за исклучување на ТЕЦ Неготино и вршење сервисни и ремонтни активности врз истиот со цел зајакнување на постројката, заради поголема довеерливот за следниот период, кога потрошувачката ќе се зголеми и кога сите капацитети на ЕСМ ќе мора да бидат вклучени, информира ЕСМ. (МИА)

ЕСМ: Tермоелектраните во Битола и Осломеј со 40% зголемено производство

Ивона Петрова — Wed, 17 Aug 2022 10:31:22 +0000

РЕК Битола и РЕК Осломеј произведоа за приближно 40% повеќе електрична енергија во првите седум месеци од годинава во споредба со истиот период лани. Од јануари до јули 2022г термоелектраните произведоа 1559 GWh електрична енергија, додека од јануари до јули 2021г произведоа 1914 GWh. Од АД ЕСМ велат дека зголеменото производство се должи на зголемениот ископ на јаглен во сопствените рудници, набавката на јаглен за дополнително производство, и подготвеноста и техничкото одржување на блоковите. Во истиот период, постигнато е да се намали потрошувачката на вода, односно производството на електрична енергија од хидроелектраните е намалено за 25% и нивото на акумулациите се држи на оптимална кота, со цел заштеда на хидропотенцијалот за следниот период, кога во текот на грејната сезона се очекува пораст на побарувачката и на потрошувачката на електрична енергија. Оттука, АД ЕСМ ги поздравува владините мерки и препораки за штедење на електрична енергија, и смета дека истите ќе придонесат да се намали притисокот врз производните капацитети и да се растовари електро-енергетскиот систем во услови на високи цени на енергенсите и отежнато снабдување на пазарот со енергенси.

Разрешени директорите на РЕК Битола и РЕК Осломеј

Магдалена Андонова — Wed, 24 Nov 2021 10:21:59 +0000

На седница на Управниот одбор на АД ЕСМ донесена е одлука за кадровски промени во РЕК Битола и во РЕК Осломеј. Разрешен е директорот на РЕК Битола Златко Ќурчиевски и на негово место за в.д. директор е назначен Пеце Матевски, досегашен директор на Термоелектрана. Во РЕК Осломеј разрешен е директорот Златко Пиперкоски и на негово место за в.д. директор е назначен Стојан Мицкоски, досегашен технички директор во Рудници. Во следните денови ќе бидат извршени и други кадровски поместувања внатре во комбинатите, со цел подобрување на процесот на производство и соочување со предизвиците од енергетската криза. (МИА)

ФОТО: Гори механизација- Колку СДСМ се грижи за механизацијата во РЕК Осломеј?

Катерина Бојаџиева — Mon, 22 Feb 2021 17:31:00 +0000

На сликата гледаме како гори дел од механизацијата во РЕК Осломеј. Нема информации која е причината што го предизвикала пожарот, но багерот е во пламен повеќе од еден час и сеуште нема интервенција од противпожарната служба за гасење на пожарот и превенција од ширење на истиот. Исто така нема информација дали е некој од вработените повреден, велат од Комисијата за енергетика на ВМРО-ДПМНЕ. -Крајно недозволиво е ова што се случува со механизацијата во РЕК Осломеј. Негрижата за техничката исправност на механизацијата и нејзиното секојдневно користење како таква, е единствена причина за избувнување на пожарот. Со тоа, не само што имаме опожарена и уништена механизација, туку во опасност по својот живот се ставени операторите и останатите вработени во РЕК Осломеј. Со РЕК Осломеј раководи неспособен тим кој незнае што треба да превземе во случај на пожар, затоа што и по повеќе од еден час од кога е настанат пожарот, нема реакција од раководството за санирање на истиот, сеуште нема противпожарни екипи на самото место. Раководството на РЕК Осломеј воопшто не се грижи за механизацијата и функционалноста на комбинатот, подвлекуваат од Комисијата и додаваат: „Ова е само мал дел од мозаикот на владеењето на СДСМ и нивното управување со нашите енергетски капацитети. Затоа и енергетиката денес како и целокупната состојба во државата се пред распаѓање. Одговорност за нивното владеење мора да има. Потребно е што поскоро нивно заминување од власт и доаѓање на нов и стручен тим во енергетиката кој што ќе се грижи за општествените добра на нашата држава“.

Синдикатот на РЕК Осломеј донираше скафандери за Брзата помош во Кичево

Тале Кристо — Tue, 14 Apr 2020 14:13:51 +0000

Синдикатот на РЕК Осломеј донираше 35 трајни заштитни скафандери за медицинскиот персонал во Брзата помош при Ургентниот центар во Кичево. – За вработените во Брзата помош, Синдикатот донираше и ракавици, маски и дезинфикциони средства за раце со цел безбедно пружање здравствена услуга на граѓаните на Кичево преку заштита и на пациентите и на медицинските лица, се вели во соопштението од АД ЕСМ.

Комисија за енергетика на ВМРО-ДПМНЕ: РЕК Осломеј се “модернизира“ и работи како мазутара

Дарко Андоновски — Fri, 27 Mar 2020 17:31:27 +0000

Комисијата за енергетика на ВМРО-ДПМНЕ преку статус на Фејсбук алармира дека РЕК Осломеј се модернизира и работи како мазутара. -РЕК Осломеј се “модернизира“ и работи како мазутара Вчера јавноста имаше можност да слушне од актуелниот Претседател на Регулаторната комисија за енергетика дека ако треба РЕК Осломеј ќе бил пуштен во погон, т.е да не се секирале македонските граѓани за снабдување со електрична енергија. За да појасниме колку кадрите на СДСМ во областа на енергетиката се спремни РЕК Осломеј да го пуштат во погон и приклучат на мрежа, ќе потсетиме на настаните на почетокот на март годинава, кога се обидуваа да го сторат токму тоа. Од крај на февруари па сė до 12 Март 2020 година, ЕЛЕМ се обидуваше да го вклучи РЕК Осломеј во производство. Повеќе од една недела се правеа безуспешни обиди, но ништо. На крај активностите беа прекинати и обидите запрени, затоа што се појави дефект на т.н. отшљакувач, а јагленот не беше со соодветен квалитет. За сето тоа време РЕК Осломеј работеше на мазут, при што се потрошени околу 1500 тони мазут. И што е резултатот: РЕК Осломеј не може да се вклучи во работа, а троши огромни количини мазут, ја загадува околината со пепел и издувни гасови без никаква контрола. Секоја чест за “шампионите во енергетиката“, потрошија мазут, ужасно ја загадуваа околината и што е најважно, ништо не произведоа. Затоа пак, цистерни полни со мазут во редици се движеа кон РЕК Осломеј. После поправката на отшљакувачот, повторно следуваше неуспешен обид за старт на РЕК Осломеј, по што се потрошија уште 100 тони мазут и повторно дефект, сега поради високи вибрации и мора да се застане со работа. Неуспешен обид за санација на вибрациите и испитување од надворешнен изведувач за откривање на изворот на вибрации. После ова следи трет обид за стартирање на блокот на 9 март, повторно потрошени 100 тони мазут и повторно исклучување поради вибрации. И повторно нема производство на електрична енергија, а има огромни трошоци. И како ништо да не било, како да е нормална состојба за актуелното раководство на ЕЛЕМ. На 11 март во вечерните часови повторно стартување на блокот, а на 12 март повторно се случи исклучување поради вибрации. Вибрационата состојба е знак за неисправност на опремата и можност за хаварија со тешки последици ако истата не се санира. Иако оваа алармантна состојба е сигнализирана од стручните служби како состојба која е опасна по опремата и луѓето, раководство со сите сили бара да се вклучи РЕК Осломеј во погон спротивно на техничките правила за погон и сигурност во работата. Цело време додека се стартува блокот има недозволени вибрации кои се основна причина за евентуални хаварии и претставува реална опасност за вработените кои работат во РЕК Осломеј. Потрошено е близу 2000 тони мазут, направени се трошоци за овој период од околу 1.000.000 евра, но нема можност за сигурно производство на електрична енергија. Освен тоа се направи и големо загадување на околината со пепел и отровни издувни гасови. Кој ќе ги сноси трошоците за ваква работа кои се проценети на околу 1.000.000 евра? Се разбира- сите граѓани на Република Македонија. Втор проблем се ремонтните работи кои се направени во РЕК Осломеј и со тоа треба РЕК Осломеј да биде спремен за погон без последици. Посебно што за тие ремонти се потрошени многу средства и извршени голем број на набавки. Но, дали тие ремонти се навистина спроведени како што треба? Секако не се очекува надлежните институции да преземат нешто за ваквиот начин на работа во РЕК Осломеј. Прашање е дали воопшто има барем некој од актуелното раководство на ЕЛЕМ да понесе морална одговорност за штетите, загадувањето и опасностите од вакво работење по вработените во РЕК Осломеј? Но, одговорност за ваквото работење мора да има. Ваквата неодговорност народот ќе ја казни кога и да е, стои во нивниот пост на Фејсбук.