рек – Kurir.mk

ВМРО-ДПМНЕ: Поплавувањето во рудникот Суводол е резултат на неискуството, нестручноста и непочитување на соодветната рударска документација при вршењето на ископ на јаглен

Тале Кристо — Sat, 28 May 2022 14:18:27 +0000

Хаваријата која се случи изминативе денови во РЕК Битола е вистинската слика за раководењето на СДСМ и ДУИ со енергетскиот систем во државата, реагираат од ВМРО-ДПМНЕ на соопштението од ЕЛЕМ. Единствено што се грижи оваа криминална власт за енергетиката е тоа како може повеќе да се украде од РЕК Битола. Поплавувањето во рудникот Суводол е резултат на неискуството, нестручноста и непочитување на соодветната рударска документација при вршењето на ископ на јаглен. Состојбата што е актуелна овие денови е резултат на интензивни врнежи со кратки траења кои паднале во оквир на контурите на површинскиот коп Суводол. Во рударската документација се пропишува според начинот на заштита на рудникот од површински води. За таа намена се предвидени заштитни ободни-одводни канали, етажни канали и водособирници и вклучувајќи го централниот водособирик чија примарна цел е зафаќањето на атмосферските води (100-1000 годишни води). Доколку кадарот бил свесен на влијанието на интензивните врнежи и што од нив би можело да настане не би се однесувале вака комотно при експлоатацијата на јагленот. Нестучниот, непрофесионалниот и несовесниот пристап кон професијата резултира со ваков тип на појави каде цената на нивно санирање ќе биде на товар на крајниот потрошувач на електрична енергија- граѓаните. Целосна неспособност на оваа криминална власт во енергетскиот систем и справување со крижата во енергетиката придонесе да граѓаните плаќаат повиски сметки за струја, општините да тонат во долгови заради енормните сметки за струја и стопанството едвај да преживува заради големата цена на електрична енергија. Целосно цунами во енергетиката од страна на оваа криминална власт. Премногу е, стои во реакцијата на ВМРО-ДПМНЕ.

ВМРО-ДПМНЕ: Да требаше да се распише тендер за во РЕК веќе 100 пати ќе беше направено, но кога се во прашање лекови за пациенти од карцином се чека со месеци

Магдалена Андонова — Sat, 21 May 2022 07:37:15 +0000

Да требаше да се распише тендер за во РЕК веќе 100 пати ќе беше направено, но кога се во прашање лекови за пациенти од карцином се чека со месеци. Пациенти со неколку видови карцином се оставени без соодветната билошка терапија цел месец, стои во соопштението на ВМРО-ДПМНЕ. Од партијата велат дека животот на десетици пациенти е загрозен, затоа што цел месец не можат да ја примат потребната терапија, затоа што во Клиниката за Онкологија ја нема, а ја нема затоа што не е распишан тендер за набавка. - Доколку набргу не се распише тендер за набавка на биолошка терапија ќе снема и за други видови карцином, и животот на голем број наши сограѓани може да стане целосно невозможен. Што треба да се случи за власта да ги набави потребните лекови? Дали вака ќе се чекаше и доколку требаше да се распише тендер за камиони или ископ во РЕК, или таму имаат интерес фирмите со струмички камиони и тендерите бргу одат? Апелираме власта да не си поигрува со животите на нашите сограѓани болни од карцином, и веднаш да ја обезбеди потребната билошка терапија, се додава во партиското соопштение.

ВМРО-ДПМНЕ: Наместо инвестиции Заевци редеа тендери во РЕК, сега увезуваме 5 пати поскапа струја

Тале Кристо — Thu, 11 Nov 2021 07:50:10 +0000

Наместо инвестиции Заевци редеа тендери во РЕК, сега увезуваме 5 пати поскапа струја, велат во партиското соопштение од ВМРО-ДПМНЕ. Само во изминативе недела дена државата увезе струја во висина од 9 милиони евра, истата таа струја доколку се произведуваше во домашните капацитети ќе се произведеше за скоро 5 пати пониска цена. Од домашните капацитети не се произведува затоа што наместо за инвестиции во РЕК, за нова механизација и машини Заевци преку владата даваа пари за рентање на камиони со струмички таблици и машини од фирми блиски на Вице. И сега кога ЕЛЕМ и МЕПСО од фирми со добивка ги направија загубари, ги оставија и без јаглен електраните, а хидроакумулациите ги испразнија увезуваат скапа струја и скап јаглен. СДСМ нема план како да ја извлече државата од енергетска криза, со нив само тонеме. Затоа СДСМ треба да си замине, се вели во соопштението на ВМРО-ДПМНЕ.

ВМРО-ДПМНЕ: Од Буџетот за еден месец се платени 20 милиони евра за купување струја заради неспособноста на Заев

Ивана Ефремовски — Sun, 07 Nov 2021 08:11:10 +0000

Заев купува струја за 5.5 милиони евра, тајно без никој да знае. 26.000 мегавати струја е купена за 5.5 милиони евра од ЕЛЕМ, затоа што владата на Заев ги испразни електраните и го остави РЕК без јаглен, реагираат од ВМРО-ДПМЕ. „Заедно со првите 15 милиони евра кои ги плати МЕПСО за еден месец за крадење од европската мрежа, тоа се 20 милиони евра кои државата ги дава заради апашлукот на Заев, за да не остане без струја. Заев на почетокот на зимата го остави РЕК без јаглен. Само 40.000 тони јаглен, што е доволно за само три дена се наоѓа на депонијата на РЕК. На државата буквално и се заканува да снема струја или да ја плаќа екстремно скапо и тоа само заради Заев и неговата неспсобност и трчање по тендери 5 години по ред. Заев ја турна Македонија во криза, и секој ден поминат со Заев е нов трошок за Македонија“ - порачуваат од партијата.

Доставени девет понуди на тендерот за набавка на јаглен за РЕК „Битола“ и РЕК „Осломеј“

Тале Кристо — Thu, 21 Oct 2021 12:36:50 +0000

Девет компании доставиле понуди на тендерот за набавка на јаглен за РЕК „Битола“ и за РЕК „Осломеј“. Понудите за РЕК „Осломеј“ ги исполнуваат барањата за потребните количини, додека за РЕК „Битола“ во најкус можен рок повторно ќе биде објавен тендер, бидејќи понудите не ги исполнуваат целосно количините што се бараа. Генералниот директор на АД ЕСМ, Васко Ковачевски денеска изјави дека се доставени пет понуди за РЕК „Битола“ и осум понуди за РЕК „Осломеј“. Понуди се доставени од три македонски рудници, како и од рудници од Албанија, Косово, Русија, Турција и Босна и Херцеговина. – Во прва фаза утврдено е дека за „Осломеј“ понудите ги исполнуваат барањата за потребните количини, и понатаму во втора и трета фаза се продолжува со проценка на другите сегменти од тие понудите. За РЕК „Битола“, понудите не ги исполнуваат целосно количините кои се бараа, односно не се нудат доволни количини на јаглен. Од тие причини АД ЕСМ во најкус рок повторно ќе објави повик за РЕК „Битола“ и повторно ќе бара понуди за потребните количини за овој капацитет, изјави Ковачевски. Тој најави дека следува евалуација во втора фаза, односно ќе се направи техничка, комерцијална и економска анализа, проверка на пробните количини кои треба да се достават, а потоа ќе биде донесена одлуката за избор.

„Дали првиот човек на РКЕ Бислимоски вели дека годинава нема да дозволи зголемување на цената на струјата, само заради локалните избори на есен?“

Магдалена Андонова — Sun, 09 May 2021 18:50:14 +0000

„НЕЗАВИСНИОТ“ ПРЕТСЕДАТЕЛ НА РЕГУЛАТОРНАТА КОМИСИЈА ЗА ЕНЕРГЕТИКА И ВОДНИ УСЛУГИ- МАРКО БИСЛИМОСКИ НЕ ПРЕСТАНУВА ДА ЈА ИЗНЕНАДУВА ЈАВНОСТА СО ИЗЈАВИТЕ КАКО ДА Е „ПРЕМИЕР ВО СЕНКА“! РКЕ одлуката за тоа дали ќе има зголемувања на цената на струјата ја носи врз основа на барањата на енергетските компании, кои до 15 мај треба да ги достават до РКЕ. Политичката фигура Бислимоски наместо да се зафати со пресметки со цел да види што се случува со финансиите на регулираните енергетски компании, излегува со став дека ќе стави над Законите и нема да ја покачи струјата! Дали овој човек ја има измешано функцијата или пак се чувствува како „премиер во сенка“? Зошто лани не се стави над Законите, туку ја покачи струјата за 7,4 % во услови на пандемија, што предизвика жестоки реакции кај граѓаните? Дали првиот човек на РКЕ Бислимоски вели дека годинава нема да дозволи зголемување на цената на струјата, само заради локалните избори на есен? После поскапувањето на струјата од 7,4 % кое го направи Регулаторната комисија за енергетика во јули 2020, сега истите оние кои го осиромашија народот, ќе го спасуваат од сиромаштија со помош на субвенции во форма на ваучери за домаќинствата за електрична енергија. Зошто тогаш ја поскапуваа струјата ако сега сакаат да делат субвенции? Одговорот е јасен: веднаш после изборите во јули, СДС побрза да си го земе назад, но неколку кратно повеќе, сé она што граѓаните го добија како поткуп на картичките, помош за студентите, ваучери за одмор и слично, Сега, откако СДСМ нé доведе до питачки стап и тоа во време на корона криза кога секој е погоден на некој начин од кризата, истите тие што нé осиромашија со зголемената цена на струјата, ќе делат субвенции во форма на ваучери за домаќинствата за електрична енергија и ќе се фалат дека ако треба ќе се стават и над Законот ама нема да ја покачат струјата. Премногу патетична глума дека се многу загрижени за својот народ! За жал, тоа е начинот на функционирање на оваа ненародна власт: прво ќе му земе на секое семејство по 1000 денари, а потоа за да ги поткупи ќе им врати 100 денари. И тоа не на сите, туку само на оние за кои тие ќе проценат дека треба да се „поткупат“. Но, на македонскиот народ веќе му е јасно! Поткупот за локалните избори тешко дека ќе им помине! КОМИСИЈА ЗА ЕНЕРГЕТИКА НА ВМРО-ДПМНЕ Фејсбук објава на Комисии на ВМРО-ДПМНЕ

Ангелевска: Дали е ова само неспособност на раководството на оваа актуелна власт или е смислено сценарио за целосно затварање на РЕК Битола?

Тале Кристо — Wed, 27 Jan 2021 10:53:18 +0000

Во ек на грејна сезона, столбот на електроенергетскиот систем во Македонија РЕК Битола веќе подолго време работи на апсолутен минимум. Од трите блока, само третиот блок работи со минимална снага од 125 МW, пишува на својот Фејсбук профил пратеничката од редовите на ВМРО-ДПМНЕ Силвана Ангелевска. Причина - немање на јаглен. Депонијата е празна, оштетени багери, искинати тракасти транспортери, поплавени уреди и багери, дробилица за јаглен која не е ремонтирана од доаѓањето на ова раководство. Се превдаат со природна непогода, а што очекуваа, дека во зима ќе пука сонце? Од раководството на РЕК Битола и Електрани на Македонија апсолутен молк дали и како може да се надмине оваа состојба? Кога го носевме буџетот во Собрание, предложивме неколку амандмани за РЕК Битола, но мнозинството НЕ ПРИФАТИ НИТУ ЕДЕН. Кога дојдоа на власт ветуваа многу: реконструкција на електростатските филтри, десулфуризација, набавка на сопствена механицација, отварање на нови рудни наоѓалишта... Реализација - НУЛА. Дали е ова само неспособност на раководството на оваа актуелна власт или е смислено сценарио за целосно затварање на РЕК Битола?, прашува Ангелевска.

Томовски: Грешката со механизацијата за РЕК ви е толку аматерска што е повеќе од воочливо дека се работи за наместена работа

Тале Кристо — Fri, 08 May 2020 14:11:40 +0000

Да, набавката на механизација за РЕК е приоритет, ама не и за Вас. Да беше Ваш приоритет немаше да правите почетнички грешки во тендерска документација. Грешката Ви е толку аматерска што е повеќе од воочливо дека се работи за наместена работа. Камионите на бате сепак се приоритет за Вас. Иде денот кога ќе одговарате за сите незаконитости. Ние укажувавме дека од сам старт е промашена постапката. Имавте повеќе ид доволно време да ја искорегирате. Не го сторивте тоа затоа што струмичките фирми требаше да продолжат со испумпување на пари од РЕК Битола. Сега во ек на корона го запирате и отварате простор пред избори повторно да се испумпуваат пари од РЕК Битола. Крајот Ви се гледа! Се е на чисто!, реагира Ивица Томовски од ВМРО-ДПМНЕ. https://www.facebook.com/ivica.tomovski.94/posts/10220145999234489

Лидер ги потврдува натписите: 22 милиони од РЕК без тендер за фирмата „на Вицeто“

Ивона Петрова — Fri, 16 Nov 2018 10:46:35 +0000

Пишувањата на „Економски Лидер” на 4 октомври оваа година, за огромен скандал на повидок поврзан со трошењето на државни пари во РЕК Битола, денеска се потврдија. Тогаш порталот обајви дека АД ЕЛЕМ, во ист ден, на РЕК Битола му дале согласност за две идентични набавки за услугата „техничко чистење на ПЕ Рудници“. -Скандалозно тука е тоа што едната набавка ќе биде отворена преку јавен тендер кој е објавен јавно на сајтот за јавни набавки, а втората ќе биде спроведена во четири очи со компании. Главнината на понудата за набавката во четири очи е вредна 18 милиони денари, а како што дознавме, неа ќе ја добие компанијата „СВ Инвест“ која е поврзувана со името на Вице Заев, брат на премиерот Зоран Заев. Овој наш сомнеж се потврди денеска, кога на страницата на јавни набавки е објавен Договорот за склучена јавна набавка помеѓу АД ЕЛЕМ – Подружница РЕК Битола и СВ Инвест ДООЕЛ Битола. Договорот е склучен со цел ангажирање на помошна механизација за потребите на рударска оператива во ПЕ Рудници, РЕК Битола, за услуги за одржување и поправка, стои во текстот на Лидер. Договорот за набавката е склучен вчера, а според податоците добиени биле само две понуди, со критериум најниска цена. Вредноста на Договорот изнесува со ДДВ 22.833.000 денари. Лидер претходно го објави износот на главнината на Договорот која изнесува 18 милиони денари без ДДВ. Инаку компанијата „СВ Инвест“ се поврзува со името на Вице Заев, е управувана од Стојан Чифлигароски. Претходно, лидерот на опозицијата Христијан Мицкоски на прес конференција откри дека камиони од струмичка компанија во сопственост на Вице Заев, брат на премиерот Зоран Заев, со налепници токму од битолската компанија „СВ Инвест”, се ангажирани за превоз на јаглен во РЕК Битола. Договорот за јавната набавка може да го погледенте на следниот линк: www.e-nabavki.gov.mk/PublicAccess/home.aspx#/dossie-acpp/e56147dd-101f-4990-9e03-5e8d059a1d73 Текстот кој поретходно го објави Лидер, прочитајте го на следниот линк: „СВ Инвест „на Вицeто“ ќе добие 18 милиони од РЕК без тендер?