река сена – Kurir.mk

По 100 години, парижаните повторно ќе може да пливаат во Сена

Катерина Бојаџиева — Mon, 10 Jul 2023 10:07:39 +0000

Жителите и туристите во Париз од 2025 година повторно ќе можат да пливаат во реката Сена, првпат по повеќе од 100 години, објави вчера градоначалничката на француската престолнина, Ана Идалго. Таа посочи три места коишто ќе бидат отворени за јавноста - водно собиралиште што веќе делумно е во употреба, како и две други наменски плажи недалеку од Ајфеловата кула. Местата за капење ќе бидат означени со пловки и пристапни преку пристаништето во близина. Ќе има и соблекувалници и тушеви. Можноста повторно да се капат во Сена е долгогодишна желба на парижани. Пливањето во Сена е официјално забрането од 1923 година поради лошиот квалитет на водата, но и покрај забраната, тоа се практикувало до 60-тите. „Ова е долгогодишен сон и е на добар пат конечно да стане реалност“, соопштија од градот. Проектот има поттик и од Олимписките игри што ќе се одржат во Париз во 2024 година. Некои од натпреварите во пливање ќе се одржат во Сена. Во тек се и напори за подобрување на квалитетот на водата. Градот, според наводите, веќе има вложено 1,4 милијарди евра за да ја направи Сена почиста барем за пошироката област на Париз.

Франција плива во вода: Се најавува уште дожд (ФОТО)

Катерина Бојаџиева — Thu, 25 Jan 2018 14:18:47 +0000

Француската метеоролошка служба соопшти дека во 15 департмани останува портокаловиот метео-аларм поради излевање на реките од своите корита ширум земјата. Метеоролозите најавуваат уште дожд. Освен Париз, каде што се очекува да расте нивото на реката Сена до сабота, останатите загрозени региони се наоѓаат на северот и на истокот на земјата, а четири департмани во Централна Франција се под закана поради снегот и мразот, пренесува АП. За поплавите се виновни долготрајните дождови, а количината на дождот во Париз е двапати поголема од обично. Поради ова железничкиот сообраќај и метрото во Париз не работат редовно.

Се излеа Сена, неколку патишта блокирани

Катерина Бојаџиева — Wed, 24 Jan 2018 14:11:02 +0000

Неколку патишта денеска се затворени поради излевање на реката Сена во Париз, а крстарењата се откажани. Според одлуката на градските власти, патиштата долж брегот на Сена од источниот дел на градот, кои водат кон Ајфеловата кула се затворени, бидејќи нивото на водата е најмалку 3,3 метри над нормалното ниво. Метеоролозите предвидуваат дека нивото на водата ќе продолжи да расте во наредните денови.