река Струмица – Kurir.mk

Се излеа реката Струмица кај Зубово (ВИДЕО)

Магдалена Андонова — Wed, 13 Jan 2021 15:13:18 +0000

Силните врнежи од дожд предизвикаа зголемени водостои на реките во скоро целиот регион. Во струмичко најголем е водостојот на реката Струмица, која засега нема посериозни излевања, пренесува ТВ21. Камерите на канал Вис денеска при обиколка на струмичко забележале одредени излевања на коритото на реката Струмица кај селото Зубово, но во поле каде нема насади и не се регистрирани штети. Инаку, од утре не очекува постудено време, односно ќе има намалување на температурите, со можност за појава на снег, иако во овој регион е помала веројатноста. УХМР апелира до граѓаните внимателно да се движат покрај водотеците, суводолиците и во клисурите, поради можност од појава на големи води, излевања, свлечишта и одрони.

Двојно намалување на водостојот на реката Струмица кај Ново Село

Магдалена Андонова — Wed, 12 Aug 2020 08:48:32 +0000

Двојно намалување на водостојот во однос на вчерашното мерење, денеска е забележано на реката Струмица кај Ново Село и сега е во рамките на просекот за август. Од Управа за хидрометеоролошки работи очекуваат водостојот и натаму да се намалува. Кај другите реки, денеска не е забележана голема разлика во однос на вчерашната состојба, освен на Бабуна кај Богомила, каде е забележано намалување во однос на вчера. Речиси кај сите реки водостојот е поголем во однос на просекот за август. Од Управа за хидрометеоролошки работи не очекуваат да има промени во следните денови. Водостојот на Охридското, Дојранското и Преспанското Езеро е во рамки на просекот. Таква ќе биде состојбата и во следите денови. (МИА)