река треска – Kurir.mk

Се излеа Треска- оштетени патиштата до повеќе села

Катерина Бојаџиева — Mon, 29 Nov 2021 17:26:50 +0000

Надојдените води на Треска, по вчерашните интензивни врнежи од дожд, предизвикаа излевање на реката во селата Лисичани, Вранештица и Пласница, а во текот на денот се излеа и кај Македонски Брод од Пешна до село Девич. –Треска по вчерашните интензивни врнежи од дожд, се излеа од своето корито во текот на попладнето кај Македонски Брод. Поплави поголеми површини ниви и ливади од мотелот Пешна до село Девич, каде се полавени повеќе десетици хектари плодно земјиште, истакна Далибор Мисајлески, жител Македонски Брод и додаде дека поројните дождови тешко го оштетиле патот до Рамне. Силните врнежи од дожд покрај излевањето на Треска ги оштетија патиштата до повеќе села во Поречијата. -Патот до село Рамне, кој нема асфалт, од силните буици вода е тешко оштетен и со моторно возило е невозможно да се стаса до селото, додаде Мисајлески. Во Македонски Брод, Треска порасна до висината на мостот, каде се мери нејзиното ниво.

Еколошка катастрофа на реката Треска во Кичево – водата буквално е непрепознатлива (ФОТО)

Дарко Андоновски — Wed, 31 Mar 2021 12:11:13 +0000

Вистинска еколошка катастрофа се случува на реката Треска во Кичево. Ова го потенцираат и рибари кои се сведоци на денешната глетка на реката. Преку социјалните мрежи тие побараа да се преземат мерки за да се спречи уништувањето на природата, особено на водите во кои има животински свет. Од фотографиите кои ни ги испратија наши читатели буквално се гледа дека водата е со нетипична боја и целата е матна.

Водостојот на Треска осум пати понизок од просечниот

Дарко Андоновски — Thu, 27 Dec 2018 09:06:29 +0000

Водостојот на Треска на мерното место кај Македонски Брод е за осум пати понизок од вообичаениот за декември, а и нивоата на сите останати реки во земјава се пониски од просекот за овој месец, покажуваат последните мерења направени од Управата за хидрометеоролошки работи (УХМР). Водостоите, пак, на природните езера во земјава се повисоки од просечните со исклучок на Охридското Езеро, каде новото е за три сантиметри пониско од долгогодишниот просек за декември.