рекација – Kurir.mk

„Филипче да прекине да бега од одговорност, а законските измени за заштита од корона веднаш да се стават на собраниска седница“

Дарко Андоновски — Wed, 21 Oct 2020 12:48:51 +0000

Министерот за здравство Венко Филипче веднаш без никакви изговори да ги доставите предлог законските измени со цел заштита на јавното здравје на граѓаните во ситуација на пандемија со КОВИД-19, ова денеска преку реакција до јавноста го истакнуваат од ВМРО-ДПМНЕ. -Законот за заштита на населението од заразни болести и новите мерки за превенција од понатамошно ширење на вирусот може да бидат изгласани доколку тоа вистински го сака Филипче. Крајно време е Филипче да прекине да бега. Филипче е главниот виновник за целата ситуација во врска со корона кризата во која се наоѓа Македонија. Не може Филипче да бега од одговорност. Филипче конечно треба да понесе одговорност, велат од партијата. Во нивната реакција стои и дека предлогот на ВМРО - ДПМНЕ за специјална државна комисија за справување со пандемија која ќе брои 11 члена и во која по функција би биле министерот за здравство и директорот за Центарот за управување со кризи, а внатре би членувале специјалисти инфектолози тројца членови, епидемиолози двајца членови, микробиолози двајца членови, еден имунолог и еден специјалист интернист, ќе биде поднесен како посебен предлог независно од предлогот за законски измени. -Крајно време е за делување во насока на здравјето на граѓаните, велат од ВМРО-ДПМНЕ.

Реакција на ВМРО-ДПМНЕ до СДСМ: И додека на Заев, Анѓушев и Рашковски им оди добро, бизнисите и граѓаните тонат

Дарко Андоновски — Sun, 30 Jun 2019 13:09:21 +0000

Хохштаплер е германизам, кој се употребува како синоним за измамник, лажго или некој што се обидува на нечесен и криминален начин да се стекне со финансиска корист, ова денеска преку реакција го истакнуваат од ВМРО-ДПМНЕ во врска со соопштението на СДСМ. -Хохштаплер е зборот кој што најдобро го опишува делувањето на Зоран Заев и бандата околу него овие три години. Хохштаплерот Заев го зголеми имотот на неговите семејни фирми откако е на власт со тоа што неговото семејство го презема струмичкиот конфекциски гигант Герас Цунев, влезе во бизнисот со марихуана, а нивни камиони возат и за потребите на РЕК Битола. Хохштаплер е Анѓушев кој зема државни тендери во време кога е вицепремиер за економски прашања. Хохштаплеер е Рашковски, кој го слушаме како мести тендер од 7 милиони евра. И додека на Заев, Анѓушев и Рашковски им оди добро, бизнисите и граѓаните тонат, се потенцира во реакцијата. Од партијата додаваат дека бројот на работници во индустријата е намален за 0.6% во период јануари-мај 2019 во однос на истиот период лани. Додека само за месец мај оваа година, во однос на мај минатата година бројот е паднат за 2.5%. Реализацијата на капиталните инвестиции е најниска до сега, за 5 месеци реализирани се само 13.7% од годишно предвидените. Заев и СДСМ неможат да го направат ни она што се обврзале дека ќе го направт со гласањето на Буџетот во Собранието. Откако СДСМ е на власт долгот константно се зголемува. Јавниот долг за првпат надмина 5 милијарди евра со СДСМ на власт, а тенденција е дека тој ќе се зголемува од сегашните 49% од БДП на 60% од БДП, не за инвестиции или развој, туку за сервисирање на редовните потреби на државата и нејзино преживување. СДСМ и ја одзема надежта на Македонија. Со СДСМ Македонија само тоне. Потребно е оваа власт да си замине што побргу.

ВМРО-ДПМНЕ: Кирацовски, како и СДСМ очигледно целосно се одлепиле од реалноста- годината која што поминува е година на црнила

Дарко Андоновски — Sun, 23 Dec 2018 14:29:07 +0000

Кирацовски, како и целиот СДСМ очигледно целосно се одлепиле од реалноста. Годината за која што зборуваат, годината која што поминува е година на црнила, ова денеска преку реакција го потенцираат од ВМРО-ДПМНЕ во врска со прес-конференцијата на Александар Кирацовски од СДСМ. -Безочно беше погазен Уставот, законите и деловникот. Оваа 2018-та година беше година на политички прогон, терор, неразјаснети убиства. Криминалот царува со улиците, криминалците беа пуштени од затворите, а се бележи и раст на корупцијата. Оваа година јавниот долг порасна на рекордни 5 милијарди евра со бесмислените задолжувања, а да биде пострашно власта предводена од аболицираниот криминалец Заев најавува дека тој ќе расте до најмалку 54,5% од БДП. Годинава ќе ја завршиме со рекордно најнизок раст на БДП не само во Европа туку и во регионот, што се должи на неработењето и неспособноста на оваа власт да реализираат барем половина од капиталните инвестиции кои што самите ги планираа, истакнуваат од ВМРО-ДПМНЕ. Од партијата додаваат дека неславен рекорд рушиме и во аерозагадувањето со кое Владата не знае и не сака да се справи затоа што им се поважни бизнисите отколку здравјето на граѓаните. -2018-та година е година во која фризерки се вработуваа во МЕПСО за дебели хонорари, партиски функционери добиваа државни грантови, а граѓаните осиромашуваа бидејќи се отвори само спиралата на инфлацијата што доведе до поскапување на горивото, на лебот, водата и зголемување на даноците. Оваа власт на СДСМ не изгради нови градинки, нови училишта, нема ниту темел од Клиничкиот центар, нема ништо од ветените студентски градови со кино сали, читални, спортски сали, нема ништо од ветените 600 километри нов автопат, ниту 500 евра просечна плата, ниту 100.000 денари плата за докторите. Секаде гледаме црнила. Крах во економијата, хаос во здравството, безидејност во образованието и животен стандард во слободен пад. Кирацовски очигледно сам си верува во лагите кои што ги кажува. Но граѓаните многу добро знаат дека наместо живот СДСМ им донесе мртвило и пекол. Тоа ќе престане кога овој криминален картел на власт неславно ќе ја заврши својата политичка кариера, се наведува во партиското соопштение на ВМРО-ДПМНЕ.

ВМРО-ДПМНЕ: Граѓаните од Тевдовски очекуваат одговори каде завршија стотиците милиони евра со кои ја задолжија Македонија во изминатата година

Дарко Андоновски — Sun, 12 Aug 2018 15:06:18 +0000

Граѓаните од Тевдовски очекуваат одговори каде завршија стотиците милиони евра со кои ја задолжија Република Македонија во изминатата година. Тевдовски и Заев не можат да се кријат зад најава за наводна алатка за транспарентност, стои во реакцијата на ВМРО-ДПМНЕ во врска со изјавата на Драган Тевдовски од СДСМ. -Јавниот долг за првпат во историјата на државата надмина 5 милијарди, а државниот 4 милијарди евра. Каде и на што се потрошени тие пари, кога знаеме дека реализацијата на капитални инвестиции за половина година изнесуваат едвај 16%. СДСМ камен на камен немаат ставено. Граѓаните од оваа влада гледаат како Буџетот се користи за преку крајно сомнителни тендери да се полнат џебовите на функционерите од власта. Аздисаноста на владата трајно ги загрозува евроатлантските аспирации на државата. Поради криминогеноста на СДСМ Република Македонија во светот се спомнува како мека за криминалот и корупцијата во Европа. Не постои светски медиум на чии страници не се пишуваат разочарувачки стории за неспособноста на власта да се справи со криминалот и корупцијата, кои откако е СДСМ на власт се мултиплицираа, стои во нивната реакција. Од партијата додаваат дека не постои друга држава во демократскиот свет, каде човек кој е видео и аудио документиран како бара мито од 200.000 евра се ослободува од обвинение, само затоа што е премиер. Никаде на друго место во демократските држава тендерите не се делат на државните функционери. СДСМ ја претвори државата во престолнина на криминалот и корупцијата и тоа нема да го смени ниту една наводна алатка за транспарентност, она што е потребно е владеење на правото, а не партизирани институции и криминогени функционери, кои прва мисла како и на нивниот шеф Зоран Заев им е како да ја злоупотребат функцијата. -Буџетот не е алатка за богатење на функционерите од СДСМ. За сите злоупотреби кои ги направи оваа криминална власт ќе одговараат согласно закон, како и секаде во државите од ЕУ, каде владее законот, а не криминалот како во Република Македонија под власта на Зоран Заев и СДСМ, потенцираат од ВМРО-ДПМНЕ во нивната реакција.