ДВАЈЦА РЕКЕТАРИ ЗАВРШИЛЕ ЗАД РЕШЕТКИ – прво му го земале БМВ-то, апарат за испитување на подземни води, па му побарале 6, па подоцна и 12 илјади евра!

Дарко Андоновски — Wed, 28 Dec 2022 18:49:12 +0000

Основното јавно обвинителство Скопје донесе Наредба за спроведување истражна постапка против две лица, на возраст од 36 и 34 години, за кои постои основано сомневање дека како соизвршители сториле кривично дело – Изнуда од член 258 став 1 во врска со член 22 од Кривичниот законик. Двајцата осомничени заедно, со употреба на сила и сериозна закана, поради наводен долг и нерасчистени должничко-доверителски односи, од едно лице од Крушево одзеле автомобил БМВ и апарат за испитување на подземни води, во вкупна вредност од околу 17.500 евра. Потоа му барале 6.000, а подоцна и 12.000 евра за да му го вратат одземеното. На 27 декември се сретнале со оштетениот во угостителски објект во трговски центар во Скопје за да им ги предаде парите. Банкнотите претходно биле криминалистички обработени, а полициски службеници веднаш ги лишиле од слобода двајцата осомничени. Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени, оценувајќи дека постои опасност да се дадат во бегство, да влијаат врз сведоците или да го повторат делото.

Јанушев: Со Спасовски и Заев сигурни може да бидат само криминалците и рекетарите

Тале Кристо — Sat, 04 Jan 2020 10:39:00 +0000

Извршната власт била во сигурни раце на Спасовски - кажа Заев. Со Спасовски и Заев сигурни може да бидат само криминалците и рекетарите во земјава, пишува на Фејсбук генералниот секретар на ВМРО-ДПМНЕ Игор Јанушев. -Сигурните раце на Спасовски значат прво место на земјава во Европа по корупција и криминал, ослободени убијци на 4 малолетни деца кај Смилковското езеро, да го пуштат да избега убиецот на Мартин Нешкоски, скопскиот асфалт стана како оној во Бејрут, нема месец да нема некое крваво убиство или огнена престрелка како на Дивиот Запад. Ако ова се сигурните раце на Спасовски, не сакам да знам како изгледаат неговите несигурни раце, вели во својата објава Јанушев. -И додека техничкиот премиер во оној “зелен спот” одговарајќи на 30 прашања, на прашањето што би му порачал сегашниот Оливер на Оливер кога имал 18 години, овој гордо и недоветно како од пушка ќе каже да биде чесен, што не упатува на тоа само да замислиме колку бил нечесен од мали нозе, додава Јанушев. И на крај, додека Заев верува во сигурноста на Спасовски, мислам дека треба некој да му каже дека наместо премиерското место Заев по изборите, единствено што осигура е челното место на Спасовски во СДСМ, заклучува генералниот секретар на ВМРО-ДПМНЕ. Или што би рекол Заев - премиер повторно "мало сутра"!, порачува Јанушев.

рекетари – Kurir.mk

ДВАЈЦА РЕКЕТАРИ ЗАВРШИЛЕ ЗАД РЕШЕТКИ – прво му го земале БМВ-то, апарат за испитување на подземни води, па му побарале 6, па подоцна и 12 илјади евра!

Јанушев: Со Спасовски и Заев сигурни може да бидат само криминалците и рекетарите