реки – Kurir.mk

Се зголемуваат водостоите на реките

Тале Кристо — Sat, 04 Nov 2023 12:13:44 +0000

Растат водостоите на речиси сите реки во земјава во споредба со вчера. Исклучок се реките Струмица на мерното место кај Ново Село и Црн Дрим кај Ложани каде нивото е пониско во споредба со вчерашното. Според последните мерења направени од Управата за хидрометеоролошки работи (УХМР), најголемо зголемување на водостојот од 48 сантиметри во споредба со вчера има реката Радика на мерното место кај Бошков Мост по што следи Треска кај Македонски Брод со покачено ниво од 40 сантиметри. Најголемо намалување на водостојот од 12 сантиметри има Црн Дрим кај Ложани. За разлика од реките нивоата на природните езера во земјава се исти како вчера. При тоа водостојот на Охридското и на Преспанското Езеро е понизок од просекот за ноември и тоа за три сантиметри кај Охридското и за 1,93 метри кај Преспанското со што е на 21 сантиметар под апсолутно појавениот минимум од 841,91 метри надморска висина. Нивото на Дојранското Езеро е за 1,66 метри повисоко од повеќегодишниот просек за овој период од годината.

Водостоите на повеќето реки под октомврискиот просек

Ивана Ефремовски — Tue, 24 Oct 2023 09:29:21 +0000

Водостојот на Вардар кај Јегуновце, кај Железнички мост Скопје и кај Демир Капија е над просекот за октомври, а повисоки се водостоите и на Пчиња кај Катлановска Бања и на Струмица кај Сушево, покажуваат мерењата на Управата за хидрометеоролошки работи. Под просекот за октомври се водостоите на Вардар кај Велес, Лепенец - Влив, Пчиња кај Пелинце, Бабуна кај Богомила, Брегалница кај Берово, Треска кај Македонски Брод, Крива Река кај Крива Паланка, Струмица кај Ново Село, Црна Река кај Новаци, Црн Дрим кај Ложани.... Нивото на Препанското Езеро и натаму е на 17 сантиметри под апсолутно појавениот минимум. (МИА)

Во Словенија цел ден се очекува ново излевање на реки, некои места се уште се отсечени

Тале Кристо — Sat, 05 Aug 2023 07:08:32 +0000

Сосотојбата со поплавите во Словенија не е подобрена. Многу реки во централна, северна и источна Словенија се уште се поплавуваат, јавија локалните медиуми. Реката Сава се поплавува во поголеми размери, во долниот тек во наредните часови ќе го достигне својот најголем проток. Во текот на ноќта евидентирани се бројни интервенции низ државата, дежурни екипи и надлежни служби се на терен и продолжуваат со отстранување на настанатите последици и помагање на населението, јавија словенечките медиуми. Мнистерот за одбрана Марјан Шарец на прес-конференција синоќа најави дека Словенија ќе побара меѓународна помош, а еврокомесарот за управување со кризи Јанез Ленарчич во наредните денови ќе ја разгледа состојбата во земјата. Во 11 часот ќе заседава Советот за национална безбедност, а потоа и Владата. Според предвидувањата на премиерот Роберт Голоб, ќе биде прифатен предлогот за измена на законот за отстранување на последиците од елементарни непогоди, кој првично беше планиран по одморите. Неколку места во земјата се уште се отсечени. Меѓу нив е и општина Межица. Како што напишаа во соопштение, за нив тоа е катастрофа каква што не паметат. -Во моментов сите граѓани се безбедни. Сепак, ситуацијата се уште се менува од минута во минута. Цел ден беа активирани сите надлежни служби во општината кои се обидуваа да ја решат или ублажат штетата. Ни помагаат од словенечката Армија и пожарникари од Мурска Собота. Состојбата во нуклеарната централа Кршко е стабилна и под контрола, соопшти словенечката управа за нуклеарна безбедност, откако од електраната констатирале дека забележале „ненормален настан“ поради големиот проток и високиот водостој на реката Сава. -Нивоата на Сава се уште не се доволно високи, изјави Томаж Немец од Дирекцијата за нуклеарна безбедност, јавија словенечките медиуми.

Се намалуваат водостоите на реките

Ивона Петрова — Fri, 28 Jul 2023 09:09:14 +0000

Водостоите на најголем дел од реките во земјава се намалени во споредба со вчера, додека нивоата на трите природни езера се исти како вчерашните. Според последните мерења направени од Управата за хидрометеоролошки работи (УХМР), најголемо намалување на водостојот во споредба со вчера има реката Вардар на мерното место кај Јегуновце каде нивото е за 20 сантиметри пониско од вчерашното. Најголемо зголемување, пак, на водостојот од 12 сантиметри има реката Црн Дрим на мерното место кај Ложани. Нивоата на трите природни езера се исти како вчера и се под просекот за јули. Притоа, водостојот на Охридското Езеро е за еден сантиметар понизок од просечниот за овој период од годината, кај Преспанското е понизок за 1,87 метри, а кај Дојранското Езеро е понизок за дури 4,29 метри.

Зголемен водостојот на дел од реките, езерата во рамки на просекот за јули

Дарко Андоновски — Fri, 14 Jul 2023 08:49:41 +0000

Нивоата на повеќе реки во земјава, кај кои денеска се вршени хидролошки мерења, покажуваат вредности повисоки од просекот за јули. Според Управата за хидрометеоролошки работи (УХМР) зголемување има на Вардар кај Јегуновце, Скопје, Велес и кај Демир Капија, на Треска кај Македонски Брод, на Пчиња кај Катлановска Бања, на Струмица кај Сушево, како и на Црна Река кај Новаци... Мнимално намалување на водостојот во однос на просекот за јули се бележи на реката Црни Дрим кај Ложани, на Сатеска кај Ботун и на Брегалница кај Берово. Водостоите на Охридското, Препанското и на Дојранското Езеро според денешните мерења, се во рамки на просекот.

Намалени водостоите на реките во споредба со вчерашните

Ивона Петрова — Tue, 27 Jun 2023 08:51:52 +0000

Водостоите на речиси сите реки во земјава се повисоки од просекот за јуни, но најчесто бележат благо намалување во споредба со вчера. Според последните мерења направени од Управата за хидрометеоролошки работи (УХМР), исклучок е само реката Струмица на мерните места кај Сушево и Ново Село каде нивото е повисоко од вчерашното, особено кај Ново Село каде водостојот е зголемен за речиси 2,5 пати во однос на вчера. Нивоата, пак, на природните езера се исти со вчерашните, но се пониски од повеќегодишниот просек за овој период од годината. При тоа водостојот на Охридското Езеро е понизок за пет сантиметри од просечниот, на Дојранското за 47 сантиметри, а кај Преспанското Езеро за дури 1,89 метри.

Зголемено нивото на реките, езерата во рамки на просекот за јуни

Тале Кристо — Fri, 23 Jun 2023 08:54:30 +0000

Зголемено ниво на реките во однос на просекот за јуни денеска се бележи на Вардар кај Јегуновце, Скопје, Велес и кај Демир Капија, на Треска кај Македонски Брод, на Пчиња кај Катлановска Бања, на Брегалница кај Штип, како и на Црна Река кај Новаци. Според мерењата на Управата за хидрометеоролошки работи, потпросечно е нивото само на реката Брегалница кај Берово. Податоците на УХМР покажуваат дека водостоите на Охридското, Препанското и Дојранското Езеро се во рамки на просекот за јуни.

Зголемено нивото на реките, езерата во рамки на просекот за јуни

Катерина Бојаџиева — Mon, 19 Jun 2023 10:07:14 +0000

Зголемено ниво на реките во однос на просекот за јуни се бележи денеска на Вардар кај Јегуновце, Скопје, Велес и кај Демир Капија, на Треска кај Македонски Брод, на Пчиња кај Катлановска Бања и Пелинце, на Струмица кај Сушево, на Црна Река кај Новаци, како и на Сатеска кај Ботун. Податоците на Управата за хидрометеоролошки работи покажуваат дека единствено минимално намалување на водостојот има на реката Брегалница кај Берово. Водостоите на Охридското, Препанското и на Дојранското Езеро според денешните мерења, се во рамки на просекот.

Зголемено нивото на реките, езерата во рамки на просекот за јуни

Тале Кристо — Mon, 05 Jun 2023 09:16:31 +0000

Зголемено ниво на реките во однос на просекот за јуни се бележи денеска на реката Вардар кај Велес и кај Демир Капија, на Треска кај Македонски Брод, на Пчиња кај Катлановска Бања, на Струмица кај Сушево, на Црна Река кај Новаци, како и на Сатеска кај Ботун. Податоците на Управата за хидрометеоролошки работи покажуваат дека единствено минимално намалување на водостојот има на реката Лепенец. Водостоите на Охридското, Препанското и на Дојранското Езеро според денешните мерења, се во рамки на просекот.

Нивоата на реките во рамки на просекот за мај

Катерина Бојаџиева — Tue, 30 May 2023 08:53:41 +0000

Нивото на водата на повеќето реки во земјава се во рамки на просекот за мај, покажуваат денешните хидролошки мерења. Според Управата за хидрометеоролошки работи, исклучок прават реката Вардар кај Јегуновце, Пчиња кај Катлановска Бања, Бабуна кај Богомила и Брегалница кај Штип, каде нивото на водата е над просекот за овој месец. Водостоите на Охридското, Преспанското и Дојранското Езеро не отстапуваат значително.