реклама – Kurir.mk

ДЕТАЉ КОЈ МНОГУ ГОВОРИ: Откриено што значи распоредот на шаховските фигури во рекламата на Меси и Роналдо

Ивона Петрова — Tue, 22 Nov 2022 10:47:56 +0000

Заедничката фотографија на Лионел Меси и Кристијано Роналдо на ден пред почетокот на Светското првенство привлече големо внимание, а шаховските великани забележаа многу интересен детаљ со положбата на фигурите на фотографијата. Рекламната кампања на францускиот моден бренд Луј Витон ја донесе, како што веќе многумина ја нарекоа, фудбалската фотографија на векот. Брендот Луј Витон е првиот кој на една иста фотографија ги собра двајцата од најдобрите фудбалери во последните децении. На фотографијата Меси и Роналдо играат шах и размислуваат за потегот што ќе го направат во следниот момент. Она што многумина го пропуштија е дека положбата на шаховските фигури на фотографијата крие многу интересна приказна, што е потврда дека кога била креирана рекламата било размислувано и на најмалите детали. Шаховските мајстори открија дека позицијата на фигурите е реплика на вистински натпревар, познатиот судир во 2017 година меѓу двете големи легенди Магнус Карлсен и Хикару Накамура. Интересно прашање е зошто креаторите на рекламата го избрале овој натпревар. Причината е што ривалството меѓу Меси и Роналдо потсетува на она на Карлсен и Накамура. Велемајсторот Магнус Карлсен често се наведува како Моцарт во шахот, кој според многумина е најдобриот шахист на сите времиња и играч кој пет пати по ред бил светски шампион. Од друга страна, Хикару Накамура е неговиот најголем ривал, најдобриот шахист на денешницата, светски првак во шах и единствен кој заедно со Карлсен го држи врвот на една од официјалните рангирања. Причината за оваа поставка на фотографијата е нерешено. Изборот на шаховска позиција е всушност истата која се случи на познатото реми во 2017 година меѓу Карлсен и Накамура. Натпреварот заврши, што значи дека и Меси и Роналдо се најголеми на сите времиња на свој начин. Интересно, и Карлсен и Накамура се огласија на социјалните мрежи за да ја коментираат сега веќе иконската фотографија. -Се прашував зошто оваа шаховска позиција изгледаше познато, напиша Накамура на Твитер. Од друга страна, Карлсен се пошегува и рече дека ривалството меѓу Меси и Роналдо е второ најголемо во светот. -Второто најголемо ривалство на нашето време, истакна Карлсен, алудирајќи на неговото ривалство со Накамура.

Second greatest rivalry of our time mimicking the greatest https://t.co/9ncVVgUnzs
— Magnus Carlsen (@MagnusCarlsen) November 19, 2022

Како беше произведена најлајкуваната слика овој век: Еве што се случувало зад камерите (ВИДЕО)

Ристе Здравков — Mon, 21 Nov 2022 13:07:26 +0000

Фотографијата на Лео Меси и Кристијано Роналдо според многумина, веројатно е најголемата фудбалска фотографија овој век, а компанијата Луј Витон, објави видео од тоа како настанала фотографијата. Роналдо и Меси се заиграа шах на вирална фотографија во склоп на реклама за компанијата Луј Витон, бренд кој е застапен во светски рамки. На фотографијата е претставено размислување на двете фудбалски икони за тоа кој потег да го влечат следно, а шаховската табла е во логото на споменатата компанија. Главното мото на оваа реклама од Луј Витон е „Победата е состојба на умот!“.

View this post on Instagram

A post shared by Leo Messi (@leomessi)

Фотографијата е објавена ден пред почетокот на СП во Катар, а веќе руши рекорди и најверојатно тоа ќе биде најлајкуваната фотографија овој век. Ден потоа, Луј Витон објави видео во кое може да се види како била направена фотографијата и што се случувало зад камерите.

БРАВО ЗА НАШИТЕ МАЛИ АКТЕРИ: Децата од „Дајте музика“ снимија реклама за американскиот пазар (ВИДЕО)

Тале Кристо — Wed, 16 Mar 2022 16:16:45 +0000

Талентот на нашите мали актери кои играат во серијалот „Дајте музика“ е препознаен и од светските режисери. Две од екипата талентирани деца се појавуваат во реклама за интернет провајдер, а спотот во целост е снимен во скопската чаршија. Весна Петрушевска како нивен ментор е горда на нив, а и сите ние се гордееме! bravo-dechki-decata-od-dajte-muzika-snimija-reklama-vo-skopska-charshija-kje-se-emituva-vo-sad-foto-01.jpg Саша и Иринеј од „Дајте музика“ се појавуваат во реклама за најпознатиот интернет провајдер во САД, Verizon. Убавите вести на социјалните мрежи ги сподели нашата позната актерка Весна Петрушевска, која е ментор на дечињата кои се дел од нејзината актерска школа. „Само да ви кажам дека сме светски и дека странските продукции препознаваат добра актерска школа за деца. Верувајте нема подобро чувство“ – напиша Весна до објавата.

View this post on Instagram

A post shared by Vesna Petrushevska (@vesnapetrushevska)

Иринеј Ковчиќ во рекламата е брзо дете, а Саша Димитриевска ја толкува улогата на Ана. Рекламата е снимена во Старата скопска чаршија, а на Инстаграм страната на продуцентската куќа Motioncreativ има повеќе видеа од снимањето на рекламата.

View this post on Instagram

A post shared by Motion Creativ (@motioncreativ)

Во едно од видеата се гледа како Иринеј прашува дали ќе го качат на кров, затоа што бил мошне возбуден поради тоа. „Не, нема да одиш на кров, тоа ќе го снимиме со дрон, а тебе ќе те снимаме посебно на зелено платно“ – му одговара режисерот Питер Тимберлејк.

View this post on Instagram

A post shared by Motion Creativ (@motioncreativ)

Колку чини реклама на „Бурџ калифа“?

Ивона Петрова — Mon, 07 Mar 2022 13:03:29 +0000

Реклама или порака на облакодерот „Бурџ калифа“, чини најмалку 250.000 дирхами (62.500 евра), за триминутната реклама, пишува „Арабијан бизнис“ (Arabian Business). Цените се движат од 62.500 евра за три минути во работните денови од 20 до 22 часот, но за викендите се искачуваат до 88.000 евра. За два триминутни термина секоја вечер меѓу 20 и 22 часот, цената е 125.000 евра, а петпати по три минути чинат милион дирхами (над 250.650 евра). Рекламите се управувани од маркетинг-агенцијата „Мулен лоу МЕНА“ (Mullen Lowe MENA) со седиште во Дубаи. Се плаќа однапред, а содржината мора да се достави четири недели однапред заради одобрување од фирмата-сопственик на „Бурџ Калифа“ – „Емар“. На екранот може да се додаде и музика.

Разголени манекенки рекламираат мртовечки сандаци – Провокативно облечени убавици во шокантна реклама

Ристе Здравков — Fri, 04 Feb 2022 09:51:14 +0000

Погребниците од руската компанија "Horonim.ru" од Москва ангажирале полуголи манекенки за да продадат повеќе ковчези. Кампањата која ја започнале на социјалните мрежи веројатно ќе им се одбие од глава, бидејќи реакциите се во главно негативни. „Имаме сопствен персонал од квалификувани работници, кои ја надгледуваат организацијата на погребите во секоја фаза - од документацијата до обредот“, пишува во описот на кампањата на социјалните мрежи, иако не е јасно дали и манекенките се дел од перосналот.

View this post on Instagram

A post shared by HORONIM.RU | Ритуальная служба (@horonim.ru)

Контроверзната реклама привлекла големо внимание, но не на начинот кој тимот веројатно го очекувал. Луѓето на социјалните мрежи го изразиле својот бес поради неа. Додека еден корисник напишал дека рекламата е "невкусна и навредлива", други ја означиле како "богохулие". „Ова е ужасно, вистински хорор е што луѓето ги изгубија сите граници. Светот полуде“, напишал корисник. Некои напишале дека погребот е нешто приватно и дека не заслужува вакво рекламирање. „Зошто ни се потребни голи жени за да рекламираме нешто толку приватно и мрачно? Тоа е невкусно и навредливо за оние кои треба да ги погребаат своите сакани“, додал корисникот, пренесува "Indy100".

„Цитроен“ повлече реклама, корисниците на социјалните мрежи обвинија дека промовира сексуално вознемирување

Магдалена Андонова — Thu, 30 Dec 2021 18:15:35 +0000

Францускиот производител на автомобили Цитроен денеска ја повлече рекламата што се емитуваше во Египет, во која се појавува поп ѕвездата Амр Дијаб, а корисниците на социјалните мрежи обвинија дека промовира сексуално вознемирување. Компанијата соопшти дека не толерира каков било облик на вознемирување и им се извини на сите кои биле навредени. Во реклатата Дијаб ја користи камерата од својот автомобил да фотографира жена која преминува улица, очигледно без нејзина дозвола, а подоцна се возат заедно. Новинарката Рим Абделатиф реклата ја оцени како „морничава“. Писателката Амал Алхарити на Твитер напиша дека е поразувачки што целата екипа што учествувала во креирање на спотот не сфатила дека со тоа повредува нечии права. Во коментар на Инстаграм, Цитроен Еџипт предупреди дека мажите кои ја гледаат рекламата може погрешно да разберат дека несаканото фотографирање на жена може да доведе до средба, додека во реалноста би можеле да бидат осудени на затворска казна.

„НЕ СЕ ВАКЦИНИРАЈ“- Погребално возило кружеше низ градот, а многумина погрешно ја сфатија оваа бизарна реклама (ФОТО)

Катерина Бојаџиева — Wed, 22 Sep 2021 19:39:49 +0000

Во Шарлот, Северна Каролина, на улиците може да се види камион со бизарна реклама „Не се вакцинирај“. И покрај фактот дека на почетокот изгледа како порака од антиваксерска група, со мали букви под натписот пишува: „Погребна компанија Вилмор“. Фотографијата од камионот со необичната порака беше споделена на Твитер, а потоа се прошири и на други социјални мрежи. Според зборовите на сопственикот на компанијата, оваа реклама само пропагира спротивно од она што го пишува, односно, повикува на вакцинација. Во Соединетите држави, 181 милиони луѓе се вакцинирани против Ковид-19, а 45,4 проценти од Американците допрва треба да се вакцинираат.

Ad truck in Charlotte, North Carolina pic.twitter.com/5hMGFEN4VG
— March For Science (@MarchForScience) September 20, 2021

Mozzart ги собра регионалните ѕвезди – Погледнете како изгледа средбата на Биковиќ, Северина и Шербеџија

Super Admin — Fri, 10 Sep 2021 12:34:49 +0000

Што имаат заедничко Северина, Милош Биковиќ и Раде Шербеџија? Поглед назад, во нивните богати кариери, јасно ни говори дека тие тројца се победници во она што го прават, а поглед напред ќе ви открие дека овој пат се најдоа на заедничка задача – низ целиот регион да ја пренесат пораката од Mozzart – БИДИ ПОБЕДНИК! Подобри од нив за таа работа нема – гласот на Северина веќе со децении е омилен од Гевгелија до Триглав, улогите на Милош се раскажуваат во сите временски зони, од Енкориџ до Владивосток, а храброста на Раде пред камера е легендарна и таму каде, кога е во прашање филмската индустрија, сè почнува и завршува – во Холивуд. Победници. А на таквите местото им е во Mozzart. Новата спектакуларна реклама на компанија Mozzart ни носи филмско сценарио и интересен заплет – кој ќе го освои значајното признание, а кој ќе биде победник, ќе дознаете наредните денови, и ќе имате можност да фрлите поглед и позади сцената и да дознаете како најголемите ѕвезди го поминуваат времето додека камерата не е вперена во нив. Сето ова е во режија на еден од најталентираните српски режисери Немања Чипраниќ. Дали ќе победи шармот, младоста или искуството, каква е вашата прогноза? Токму Mozzart е местото каде што се среќаваат младоста и искуството. Во кое навидум неспојливото делува природно поврзано. Место на кое сме сите исти. Со желба за добра забава и возбудувања. Оние кои не се откажуваат – победници. Милош Биковиќ со задоволство одговори на повикот за оваа улога. „Ни недостига повеќе квалитетна и уметничка содржина, која го гради имиџот на вистинските брендови, а оваа реклама на Mozzart е токму тоа“, рече младиот актер. Раде Шербеџија истакна дека му претставува особено задоволство што по прв пат работи со Биковиќ за кого слушнал многу убави работи. „Драго ми е, се разбира, и заради Северина, но со неа веќе имам многу соработувано. За Милош сите зборуваат дека е одличен, драго ми е што конечно работиме нешто заедно. Ретко се согласувам да работам на вакви проекти, само кога искрено верувам во нив и имам добри соработници. Претходната реклама на која работев заврши на Супербоул, верувам дека и оваа реклама ќе има светла иднина“, истакна Шербеџија. За крај, оваа фантастична екипа порачува: Донеси одлука. Биди победник. https://www.youtube.com/watch?v=8UFSGVBN_js

„Сникерс“ мораше да ја повлече оваа реклама, хомосексуалците се чувствувале “навредено“ (ВИДЕО)

Ивана Ефремовски — Mon, 09 Aug 2021 20:54:31 +0000

„Сникерс“ крена многу прашина во Шпанија со својата реклама. Таа беше повлечена, а компанијата се извини за недоразбирањето што рекламата можеби го предизвикала, откако рекламата од 20 секунди беше осудена во јавноста за хомофобија. Во рекламата се гледа шпанскиот инфлуенсер Алес Гибаја како нарачува „секси сок од портокал“, додека неговиот пријател разменува збунети погледи со келнерот. Келнерот потоа одговара со тоа што му понуди на Гибаја снејкерс сладолед-чоколадо, а по еден залак, Гибаја се „трансформира“ во брадест човек со длабок глас. „Подобро?“, го праша пријателот. „Подобро“, одговара човекот додека раскажува нараторот, „Не си свој кога си гладен“.

El REPUGNANTE anuncio PLUMÓFOBO de Snickers. pic.twitter.com/bxtgMHh44e
— Gato (@gamomena) August 4, 2021

-Државната федерација на лезбејки, хомосексуалци, транс луѓе и бисексуалци беше меѓу оние кои ја осудија рекламата, велејќи во твит дека „е срамно и тажно што постојат компании кои продолжуваат да ги одржуваат стереотипите и промовираат хомофобија – пишува „Гардијан“. Се вклучи и шпанската министерка за еднаквост Ирина Монтеро. -Се прашувам кој би помислил дека е добра идеја да се користи хомофобијата како деловна стратегија. Нашето општество е разновидно и толерантно. Се надевам дека оние што имаат моќ да одлучат што гледаме и слушаме во реклами и ТВ програми, исто така, ќе научат да бидат такви – напиша таа на Твитер. „Сникерс“ соопшти дека веднаш ќе ја повлечат рекламата и се извини за какви било недоразбирања што би можеле да произлезат од кампањата. -Во оваа кампања, сакавме на пријателски и весел начин да пренесеме дека гладот може да го промени карактерот. Во ниту еден момент немаше намера да се стигматизира или навреди некое лице или колектив – се вели во соопштението објавено на Интернет.

Со еден потег им причини пад на акциите и загуба од 4 милијарди долари: Во минатото Роналдо снимал реклами за кока-кола! (ВИДЕО)

Тале Кристо — Wed, 16 Jun 2021 09:25:28 +0000

Еден од најдобрите фудбалери во светот, Кристијано Роналдо вчерата на прес-конференцијата пред мечот меѓу Унгарија и Португалија направи интересен потег кога ги тргна шишињата кока-кола и им порача на сите да пијат вода. Потегот на Португалецот за кратко време ги урна акциите на кока-кола за 1,6 проценти, со што компанијата загуби неверојатни четири милијарди долари, односно вредноста падна од 242 милијарди на 238 милијарди. Здравата исхрана и изоставувањето од ваков тип задоволства се одлика на Португалецот, особено што на своите деца им има забрането да конзумираат газирани пијалоци. Но, португалскиот ас во минатото, односно пред околу 10-тина години снимаше реклами токму за кока кола наменета за азискиот пазар.