рекорден број на заразени – Kurir.mk

Австралија потврди рекорден број на дневни инфекции со коронавирус

Дарко Андоновски — Mon, 03 Jan 2022 08:57:45 +0000

Австралија ќе продолжи да ја отвора својата економија и покрај рекордниот број на нови случаи на инфекција со коронавирус. Рекорден број на новозаразени денеска се регистрирани во државите Викторија, Квинсленд, Јужна Австралија и Тасманија. Во државата Нов Јужен Велс, бројот на нови инфекции изнесува 20.794, што е помалку од рекордниот број од 22.577 потврдени во саботата. На национално ниво, бројот на новозаразени е 37.150 во изминатите 24 часа, што е најголем број од почетокот на пандемијата. – Треба да престанеме да размислуваме за бројот на нови инфекции, туку да мислиме за тоа колку е сериозна болеста, да живееме со вирусот, да го држиме сопственото здравје под контрола и да се погрижиме да внимаваме на симптомите и да продолжиме да ја отвораме нашата економија, изјави австралискиот премиер Скот Морисон.

Во Мелбурн рекорден број заразени и покрај двомесечното заклучување

Дарко Андоновски — Thu, 30 Sep 2021 09:05:33 +0000

Во Мелбурн бројот на заразени денеска достигна рекордно ниво, а лекарите ова го припишуваат на илегални домашни собири за гледање спортски настани за време на скоро двомесечното заклучување. Властите во Викторија, каде што се наоѓа Мелбурн, проценуваат дека речиси една третина од новите инфекции, од вкупно 1.438, може да бидат поврзани со домашни собири минатиот викенд, на кои се гледало големото финале на австралискиот фудбал. – Многу од овие случаи можеа целосно да се избегнат … Не се обидувам да обвинам никого, само се обидувам да објаснам, бидејќи многу луѓе ќе се прашуваат како можеше да се случи тоа толку брзо, рече премиерот Даниел Ендрјус на прес – конференција. Половина од населението во државата над 16 – годишна возраст ја доби првата доза, што е под националниот просек од 53 проценти, бидејќивластите ги преполовија интервалите помеѓу примањето на вакцината Фајзер во државните центри за вакцинација на три недели по зголемувањето на залихите.

Во Русија рекорден број на новозаразени со коронавирусот

Дарко Андоновски — Mon, 21 Dec 2020 10:27:07 +0000

Во Русија во изминатите 24 часа е регистриран рекорден број на новоинфицирани со коронавирусот – 29.350, со што вкупниот број на заразени од почетокот на пандемијата достигна 2.777.727. Во истиот период починале уште 493 лица и вкупната бројка се искачи на 51.351 сметен случај. Од последниот пресек закрепнале 19.705, со што вкупниот број на оздравени од Ковид-19 во Русија достигна 2.295.362.

Во Јапонија рекорден број на новозаразени за еден ден

Дарко Андоновски — Sun, 13 Dec 2020 08:57:43 +0000

Во Јапонија денеска се регистрирани 3.030 случаи на Ковид-19, што е рекорден број на заразени за еден ден од почетокот на пандемијата, објави Министерството за здравство. Меѓу новите случаи, во Токио се регистрирани 621, што е и најголем број на нови случаи за еден ден во тој град, пренесува Гардијан. Од последниот пресек, уште 28 пациенти починале. Вкупно, од почетокот на пандемијата, заразени се речиси 178 илјади луѓе, а починаа 2.575 лица. Министерството за здравство соопшти дека се хоспитализирани 23.990 пациенти со Ковид-19, а 578 од нив се во критична состојба.

Рекорден број заразени со Ковид-19 во еден ден во Велика Британија

Дарко Андоновски — Thu, 24 Sep 2020 19:38:23 +0000

Британија пријави 6.643 нови случаи на зараза со Ковид-19, што, според официјалните податоци, претставува рекорден број на инфицирани лица за еден ден и е знак дека државата ја погодил вториот бран на пандемијата. Денешниот врв на вториот бран е многу поголем отколку во април и мај, затоа што Велика Британија во тоа време немаше можност да тестира толку голем број граѓани. И во овој момент, капацитетите за тестирање се затегнати. Беше соопштрено дека уште 40 лица починале од вчера, но здравствените власти наведоа дека за време на првиот бран се регистрирале по 1.000 жртви на вирусот дневно.