рекорден број – Kurir.mk

„ФИФА 23“ привлече 10,3 милиони играчи во првата седмица од објавувањето

Дарко Андоновски — Thu, 13 Oct 2022 07:09:36 +0000

Во првата недела од објавувањето, видеоиграта „ФИФА 23“ привлече 10,3 милиони играчи, што е рекорд во серијата на оваа видеоигра, но и рекорд во спортскиот жанр на видеоигри. Нејзиниот претходник, „ФИФА 22“, претходно го држеше рекордот со 9,1 милион играчи за првите седум дена. Бројката од 10,3 милиони играчи не значи дека сите ја купиле видеоиграта, бидејќи имаше можност и за пробно играње преку претплата на „ЕА плеј“. „Одѕивот на обожавателите е неверојатен. Возбудливо е да се гледа како заедницата игра ФИФА 23 во рекорден број. Светските фудбалски првенства за мажи и жени се веднаш тука, а ние штотуку почнуваме да го нудиме најавтентичното фудбалско искуство на уште повеќе играчи“, објави „Електроник артс“ – компанијата што ја произведува оваа серија видеоигри. „ЕА“ потсетува и дека во играта се присутни над 19.000 играчи, а изборот вклучува 700 клубови од 30 лиги од цел свет.

Рекорден број на новозаразени со коронавирус во последните три месеци во Унгарија

Тале Кристо — Thu, 04 Mar 2021 09:19:42 +0000

Во Унгарија во последните 24 часа се потврдени 6.278 нови случаи на Ковид-19, што е најголем број на новозаразени во последните три месеци. Во истиот период од коронавирусот починаа уште 152 лица. Од почетокот на пандемијата во Унгарија се регистрирани вкупно 446.178 заразени со коронавирусот, и 15.476 смртни случаи.

Рекорден број починати од корона вирус во еден ден во Бразил

Тале Кристо — Wed, 03 Mar 2021 07:03:20 +0000

Во Бразил во изминатите 24 часа од Ковид-19 починале 1.641 лице, што е рекорден број смртни случаи регистрирани во земјата за еден ден, покажуваат податоците на локалното Министерство за здравство. Претходно, најголемиот број смртни случаи беа забележани на крајот на јули минатата година – 1.595. Бразил се соочува со нов бран на епидемијата, а здравствениот систем е пред колапс. Според официјални податоци во Бразил од Ковид-19 досега починаа повеќе од 257.000 луѓе, а земјата е на второто место во светот, по САД, по вкупниот број смртни случаи од коронавирусот. Околу 10,6 милиони случаи на коронавирус се потврдени од почетокот на пандемијата, а 59.925 лица биле заразени во последните 24 часа.

Во Франција рекорден број хоспитализирани пациенти заразени со Ковид-19

Тале Кристо — Wed, 03 Feb 2021 06:42:41 +0000

Бројот на пациенти со Ковид-19 во болниците низ Франција достигна рекорден број од ноември минатата година. Од 28.029 пациенти во болниците, 3.270 се лекуваат на интензивна нега. И бројот на хоспитализирани и бројот на пациенти на интензивна нега е најголем оваа година. Повеќе од 28.000 пациенти се регистрирани во болниците за последен пат на 30 ноември 2020 година, додека рекорден број хоспитализирани е регистриран на 16 ноември минатата година, кога во болниците низ Франција имало 33.497 пациенти. Во Франција се потврдени нови 23.337 случаи на заразени со вирусот, што е голем скок во однос на вчерашните 4.347 и повеќе дури и од минатиот понеделник кога беа регистрирани 22.086 заразени лица, соопшти француското Министерство за здравство Министерството за здравство исто така објави дека бројот на починати е зголемен – вчера се регистрирани уште 726 смртни случаи, во споредба со 455 во понеделникот.

Рекорден број на новозаразени во Чешка, во болниците се примаат само итни случаи

Тале Кристо — Thu, 31 Dec 2020 12:30:38 +0000

Чешка евидентираше рекорден дневен број од 16.939 лица заразени со коронавирус во последните 24 часа, соопшти денеска Министерството за здравство. Оваа централноевропска земја со 10,7 милиони жители е една од најтешко погодените во Европа според бројот на жители, со досега регистрирани вкупно 718.661 случаи. Досега се регистрирани вкупно 11.580 смртни случаи, 151 повеќе од претходниот ден. Некои од новите смртни случаи беа додадени во средата, а други во претходните денови. Земјата малку ги олесни мерките во однос на водење бизнис во ноември, но повторно мораше да ги заостри овој месец. Министерството за здравство вчера им нареди на болниците да го прекинат приемот на пациенти за закажани операции и да го зголемат капацитетот за пациенти заразени со коронавирус, вклучително и единиците за интензивна нега. Вчера, бројот на хоспитализирани лица со Ковид-19 беше 5.893, вклучително и 845 лица на единиците за интензивна нега.

На Кипар регистриран рекорден број случаи на Ковид-19

Тале Кристо — Tue, 29 Dec 2020 10:03:21 +0000

Министерството за здравство на Кипар соопшти за 751 нов случај на Ковид-19, што претставува рекорден број новозаразени на дневно ниво од почетокот на епидемијата , јави дописничката на МИА од Атина. Новите случаи се по направените 13.482 тестови (ПЦР и рапид), а бројот на заразени се зголеми на 20.408 лица. Регистриран е и еден смртен случај, вкупно 113 од почетокот на епидемијата. Хоспитализирани се 153 лица, од кои 51 е во сериозна состојба. Од вчера, во вкупниот број нови случај се вклучени и оние по направените брзи тестови и нема повеќе да се користи праксата позитивниот резултат од брзиот тест да се потврди со нов ПЦР тест. На Кипар во тек е вакцинацијата која започна во неделата, а денеска меѓу оние кои ќе се вакцинираат е и архиепископот Хрисостомос Втори.

Во Украина рекорден број на смртни случаи од последици од Ковид-19

Тале Кристо — Wed, 09 Dec 2020 10:08:03 +0000

Во Украина во изминатите 24 часа регистрирани се 276 смртни случаи, што е најголема бројка од почетокот на пандемијата, изјави денеска украинскиот министер за здравство Максим Степанов. Од почетокот на пандемијата со Ковид-19 во Украина починаа вкупно 14.204 луѓе. Во изминатото деноноќие во Украина потврдени се 12.585 новозаболени, со што вкупниот број се искачи на 845.343 инфицирани луѓе.

На Кипар регистриран рекорден број нови случаи на Ковид-19 на дневно ниво

Тале Кристо — Tue, 08 Dec 2020 12:27:37 +0000

Во изминатите 24-часа на Кипар се регистрирани 416 нови случаи на Ковид-19, што претставува рекорден број новозаразени во земјата на дневно ниво, а починаа две лица, јави дописничката на МИА од Атина. Новите случаи се од 4.347 направени ПЦР тестови, додека пак од 5.105 брзи тестови, позитивни се 127 случаи, меѓутоа не се вклучени во вкупниот број новозаразени, бидејќи праксата на Кипар е резултатот од рапид тестовите, да се провери со ПЦР тест. Од почетокот на епидемијата, регистрирани се 63 смртни случаи и 12.867 заболени. Во кипарските болници, хоспитализирани се 126 лица, од кои 20 се во сериозна состојба. Министерот за здравство на Кипар Константинос Јоану за кипарската новинска агенција ЦНА изјави дека изминатата седмица беше со најлоша епидемиолошка слика со 2.200 нови случаи, 15 починати и десетици хоспитализирани за само седум дена – Голема е загриженоста, кога забележуваме дека и покрај преземените мерки, сликата во земјата не е подобрена на посакуваното ниво, рече Јоану. Минатиот понеделник на Кипар беше воведен полициски час од 21 до пет часот наутро, рестораните и кафулињата работат до 19 часот, затворени се фитнес центри, базените и казина, забранети се јавни собири и протести, во црквите и религиозните храмови дозволени се најмногу 75 лица, додека пак за венчавките, крштенките и погребите, бројот не смее да биде над десет присутни. Продавниците и моловите, фризерските и козметичките салони, археолошките локалитети и музеите, театрите и галериите се отворени, но согласно здравствените протоколи. Мерките, планирано е да бидат во сила до 14 декември, а доколку се подобри епидемиолошката слика во земјата, за периодот до 7 јануари 2021 година, ќе има поблаги рестрикции. Меѓутоа, министерот за здравство на Кипар вели дека епидемиолошките податоци, во овој момент, не дозволуваат олабавување на мерките од следниот понеделник.

Рекорден број починати од Ковид-19 за еден ден во САД

Дарко Андоновски — Thu, 03 Dec 2020 08:01:03 +0000

Во изминатите 24 часа во САД е регистриран рекорден број на смртни случаи од коронавирус – 2.658, покажуваат податоците на Универзитетот Џон Хопкинс. Според Универзитетот, дневниот просек на починати во САД во овој период изнесува 1.531 лице. Во изминатото деноноќие во земјата се хоспитализирани и рекордни 100.226 пациенти заразени со Ковид-19.

Рекорден број починати од коронавирус во Русија за еден ден

Тале Кристо — Thu, 12 Nov 2020 10:17:36 +0000

Рекорден број смртни случаи, 439, се регистрирани денеска во Русија, како резултат на последици од коронавирусот, со што вкупниот број починати достигна 32.032. Исто така, во последните 24 часа се регистрирани 21.608 новозаразени, од кои речиси 6.000 се во Москва. Во исто време, се излекувале околу 18.000 пациенти, пренесува агенцијата ТАСС. Вкупниот број заболени лица од почетокот на пандемијата е 1.85 милиони.