рели дакар – Kurir.mk

ВОЗНЕМИРУВАЧКО ВИДЕО: Ужас на Дакар – камион прегази човек, починал на пат кон болница

Ивона Петрова — Thu, 12 Jan 2023 13:28:20 +0000

Организаторите на најпознатото рели во светот, релито Дакар, објавија дека еден навивач загинал за време на деветтата етапа на трката во вторникот. Чешкиот возач Алеш Лопраис налетал на него со камион, на дините, бидејќи навивачот бил премногу блиску до линијата на движење на возилото. Тој наводно фотографирал жена кога го фатило тркалото од камион и го прегазило. Се видело дека 69-годишниот маж во моментот на несреќата бил сè уште жив, но подоцна доживеал срцев удар и починал на пат кон болница. Лопраис за целата несреќа дознал дури вечерта бидејќи ниту тој, ниту некој од неговата екипа не го виделе прегазениот маж.

Video from Ales Loprais explaining what has happened during stage 9 Source: facebook Ales Loprais#Dakar #Dakar2023 pic.twitter.com/RN5S89rET2
— Rally Raid News (@RallyRaidNews) January 11, 2023

Затоа не застанале и не го запреле возилото, прекршувајќи ги правилата на трката. Во 45-те изданија на релито загинаа дури 73 лица, меѓу кои и 27 натпреварувачи.

Лоеб ја наследи победата на Саинс на 8. етапа на Дакар релито

Бошко Тасиќ — Mon, 09 Jan 2023 05:57:41 +0000

Себастиен Лоеб ја „наследи“ победата на осмата етапа на Дакар релито, додека Насер Ал-Атијах го зацврсти своето водство во генерален пласман и е на чекор од нова победа во генерален пласман. Саинс водеше во поголемиот дел од 367 километри долгата специјална етапа од Ал Дувадими до Ријад, за да победи со предност од 1:39 пред возачот на Рејд Екстрим. Меѓутоа, прославата во Ауди бргу беше прекратена, откако Саинс доби петминуна казна за прбрзо возење во одредени зони на етапата, за да му донесе на Лоеб втора етапна победа на овогодишната трка, со 2:11 предност пред Ал-Атијах. Саинс на крајот беше трет со 3:31 заостанување за комплетирање на катастрофалното рели за Тојота по повлекувањето на Стефан Петерхансел по повредата на неговито со-возач, Едуар Буланжер во шестата етапа. Во генерален пласман, Ал-Атијах има 1:03:36 предност пред колегата од Тојота, Ханк Латеган пред првиот ден на одмор, додека Лукас Мораеш има дополнителни 17 минути заостанување. Леб е четврт во генерален пласман.

Втор триумф за Ал Атијах, Ван Беверен изненади кај мотоциклистите

Бошко Тасиќ — Fri, 06 Jan 2023 09:07:58 +0000

Минатогодишниот победник на релито „Дакар“, Насер Ал-Атијах (Тојота) ја забележа втората етапна победа, бидејќи беше најбрз на петтата етапа од натпреварувањето во Саудиска Арабија. Како и во средата, така и денеска натпреварувачите возеа околу градот Хаила, а од 646 поминати километри, 375 километри беа во формат на специјални тестови. Катарецот, кој забележа четири победи на „Дакар“, тестовите ги помина за 4 часа, 13 минути и 23 секунди, надминувајќи го Шпанецот Карлос Саинц во Ауди за една минута и 57 секунди. Третата позиција му припадна на друг возач на „Ауди“, Французинот Стефан Петерхансел, кој заостана 3:44 минути зад победникот. Победникот на вчерашната етапа Французинот Себастиен Леб (Продрив БРХ) загуби дополнителни 20 минути откако се преврте во една од дините. Повеќекратниот рели шампипн на крајот заврши со деветто време со 19:58 минути заостанување зад Ал-Атијах.

Започна релито Дакар – Екстром и Прајс најбрзи

Бошко Тасиќ — Sun, 01 Jan 2023 07:38:36 +0000

Австралиецот Тоби Прајс (ГасГас) беше најбрз на отворањето на релито Дакар во конкуренција на мотоцикли, додека кај возачите на автомобили триумфираше Швеѓанецот Матијас Екстром (Ауди). Во Сеа Камп, покрај Црвеното Море во Саудиска Арабија, мотоциклистите се натпреваруваа во пролог долг 13 километри. Прајс го победи сонародникот Даниел Сандерс за една секунда, а Рос Бранч од Боцвана за девет секунди. Минатогодишниот победник, Британецот Сем Сандерленд на десеттото место заостана 13 секунди. Кај возачите најбрз беше швеѓанецот Екстром во Ауди. За секунда го победи Французинот Себастиен Леб. Трет беше уште еден Французин, Стефан Петерхансел, а по него беше минатогодишниот победник на релито, Насер ал Атија од Катар. Прологот првенствено служи за одредување на почетниот редослед на првата етапа, која е закажана за в недела. Ќе се вози кружна етапа долга 600 километри, заедно со тест за брзина од 367 километри. Инаку, овогодинешното рели Дакар ќе трае до 15. јануари. Ќе има 15 натпреварувачки денови, кои ќе ги однесат натпреварувачите на вкупно 8.549 километри разновидни песочни патеки. Регистрирани се вкупно 455 екипажи или 865 возачи и совозачи, а единствениот слободен ден ќе биде 9. јануари во Ријад.

Првиот голем спортски настан во 2021-ва година

Ивана Ефремовски — Fri, 01 Jan 2021 08:42:05 +0000

Релито „Дакар“ ќе стартува според предвидениот план, в недела, соопштија организаторите, додавајќи дека стартот и целта на трката ќе бидат во Џеда, пристаништен град на брегот на Црвеното Море. Првиот голем спортски настан во 2021 година ќе трае до 15 јануари, а вкупно 322 натпреварувачи ќе возат со автомобили, мотоцикли и камиони низ песочни дини и зафрлени пустински предели во Саудиска Арабија, која првпат во историјата ќе биде домаќин на релито „Дакар“ Учество најавија многу познати имиња, вклучувајќи ги Шпанците Нани Рома, поранешен победник во конкуренцијата на мотоцикли и автомобили, трикратниот победник и бранител на титулата Карлос Сајнц, како и деветкратниот светски првак во рели, Французинот Себастијан Лебе. Релито Дакар е трка што традиционално се возеше од европски град, во минатото најчесто Париз, до Дакар, престолнината на Сенегал. Откако изданието во 2008 беше откажано поради безбедносни закани, релито се сели од Африка во Јужна Америка, а од оваа година првпат во Азија. (МИА)

ТРАГЕДИЈА НА РЕЛИТО ДАКАР: Мотоциклист почина- ова е причината (ФОТО)

Дарко Андоновски — Sun, 12 Jan 2020 11:43:40 +0000

Португалскиот возач на мотоцикли Пауло Гонсалвес почина во текот на седмата етапа на релито „Дакар“. Ова го соопштија организаторите. Тој паднал од мотор на 276 км од седмата етапа на патеката. Медицински хеликоптер пристигнал на местото на трагедијата, лекарите го реанимализирале на местото на настанот, по што бил пренесен во болница каде е констатирана неговата смрт. Четириесет-годишниот Гонсалвес по 13-ти пат учествуваше на релито „Дакар“. Неговото највисоко достигнување беше второто место во генералниот пласман кај мотоциклистите во 2015 година. По шестата фаза на сегашниот „Дакар“, Португалецот беше на 46-тото место во пласманот.

Релито Дакар започнува со нешто историско

Предраг Кукиќ — Sun, 06 Jan 2019 09:11:20 +0000

334 екипи од 61 земја го почнуваат своето учество на 41-то издание на релито Дакар. Престижниот офроуд маратон ќе се одржи за прв пат во историјата на територијата на само една држава – Перу. Стартот ќе биде даден вечерва по македонско време во перуанскиот главен град Лима, каде што ќе биде и финишот на 17-ти јануари. Екипите ќе поминат траса од вкупно 5.000 километри, а десетте специјални фази вклучуваат 3.000 тркачки километри, 70 проценти од кои во песоците на пустината Сечура. Првата фаза од Лима до Писко вклучува 247 километри. Во трката ќе бидат промовирани шампиони во пет категории – автомобили, мотоцикли, камиони, ATВ и „баги“. Доста сериозно присуство кај екипите имаат и дамите, а дури 135 дебитанти се вклучени во натпреварувањето.