Ремдесивир – Kurir.mk

Препорачани измени на условите за користење на лекот Ремдесивир против Ковид-19 во ЕУ

Тале Кристо — Fri, 11 Dec 2020 13:53:00 +0000

Европската агенција за лекови денеска препорача усвојување измени на критериумите за издавање на условна лиценца за лекот Ремдесивир во Европа. Целта е да се разјаснат условите под кои Ремедесивир може да се користи како терапија за Ковид-19. Новите услови предвидуваат дека лекот може да се користи кај пациенти на кои им е потребен кислород или друга неинвазивна вентилација на почетокот на терапијата. Ремдесивир веќе е индициран за употреба кај пациенти постари од 12 години, со минимална тежина од 40 килограми, кои имаат пневмонија и на кои им е потребна поддршка при дишење.

Филипче: Ремдесивир и Фавира да се земаат само во консултација со лекарите

Ивона Петрова — Sat, 05 Dec 2020 11:57:01 +0000

Ниту еден од овие лекови не се докажани дека помагат специфично за новата болест, порача министерот за здравство Венко Филипче во одговор на новинарско прашање дека на црно преку интернет се продаваат лековите ремдесивир и фавира за лекување на коронавирусот. При денешната посета на Штип посочи дека тоа се лекови коишто се докажани дека помагаат во некои други болести и ситуации и додаде дека не можат да се препишат лекови коишто не помагаат за конкретна дијагноза. – Никој не треба да посегне да бара лекови коишто не се докажани дека помагаат во лекувањето на Ковид-19. Уште во светот има огромен број на клинички студии коишто ипситуваат лекови. Сите знаеме дека специфичен и посебен лек за оваа болест нема. Се прави комбинација на постојните терпаии за некои други болести или сиптомите коишто ги дава оваа болест, а мора да знаеме и граѓаните да знаат дека има навистина широка лепеза на симптоми со коишто оваа болест може да се манифестира, рече тој. Апелира секој пациент во консултација со матичниот лекар или за време на болничкото лекување само со контрола на лекар да прими соодветна терапија. Филипче потенцира дека постои унифициран протокол за лекарите за лекување на болните од Ковид-19 и на тој пиротокол им е укажано повеќе пати. – Но што е суштината и кога ќе се каже нема унифициран протокол се однесува на тоа дека нема еден терк на лекувањена оваа болест зошто заради тоа што нема една форма на боелста. Има толку многу различни клинички форми што секоја клиничка форма бара поинаков пристап, поинакво лекување, поинакво дозирање на истите лекови коишто доаѓаат предвид за давање при соодветна манифестација и во таа смисла тоа е така секаде во светот. Затоа е многу битно сите коишто имаат и најмали симптоми и за било каков чекор во однос на дијагнозата за лекувањето да прават консултација со лекар, рече Филипче.

СЗО: Ремдесивир не е ефикасен во лекувањето на заболени од Ковид

Ивона Петрова — Fri, 20 Nov 2020 09:47:57 +0000

Лекот Ремдесивир, произведен од компанијата „Гилид“, не се препорачува за третман на пациенти хоспитализирани поради Ковид-19, без оглед на тоа колку се болни, бидејќи нема докази дека ја намалува смртноста или потребата за механичка вентилација, соопшти панел на Светската здравствена организација. Панелот на СЗО соопшти дека нема докази дека ремдесивирот го подобрува исходот на болеста во смисла на намалување на смртноста, потреба за механичка вентилација, време на опоравување и слично. Покрај тоа, лекот се дава интравенски, а сегашната евиденција не ја оправдува неговата употреба, која е компликувана и скапа, според панелот. Препораката се заснова на податоци од четири испитувања со повеќе од 7.000 пациенти хоспитализирани поради Ковид-19.

СЗО работи на насоки за употреба на лекот ремдесивир

Магдалена Андонова — Sat, 24 Oct 2020 07:12:19 +0000

Светската здравствена организација соопшти дека работи на изработка на упатства за употреба на лекот „ремдесивир“ за третман на пациенти со Ковид-19, кои треба да бидат објавени за три до четири недели. Комисијата на СЗО ќе се состане следната недела за да ги разгледа записите за ефикасност на лекот произведен од компанијата „Гилид сајенсиз“. Главниот научник на СЗО, Сумја Сваминатан рече дека се надева дека пратениците и телата што работат на изработка на упатства за лекување на Ковид-19 во земјите низ целиот свет, меѓу другото, ќе ги земат предвид резултатите од истражувањето. Соединетите Американски Држави издадоа целосно одобрување за употреба на „ремдесивир“ за третман на пациенти со Ковид-19. Сепак, обемна студија спроведена од СЗО на почетокот на оваа година покажа дека лекот најверојатно немал ефект врз стапката на преживување на хоспитализираните пациенти вклучени во истражувањето. (MИА)

САД го одобри првиот лек за лекување на Ковид-19

Ивона Петрова — Fri, 23 Oct 2020 07:10:59 +0000

Администрацијата за храна и лекови на САД (ФДА) го одобри првиот лек за лекување на Ковид-19: Ремдесивир, антивирусен лек што се дава интравенски на пациенти на кои им е потребна хоспитализација. Лекот е одобрен за итна употреба од пролет, и сега е првиот лек што добил целосно одобрување во САД за третман на Ковид-19. Лекот, што калифорниската компанија Gilead Science го нарекува Vecliuri, го намалува времето на опоравување за пет дена – од 15 дена во просек на 10 – покажува голема студија спроведена од американскиот Национален институт за здравство. Лекот е одобрен за лица постари од 12 години и над 40 килограми на кои им е потребна хоспитализација поради инфекција со вирусот.

МЗ: Република Македонија и преку ЕУ добива пристап до лекот Ремдесивир

Ивана Ефремовски — Wed, 14 Oct 2020 08:04:30 +0000

Преку Европската Унија, Република Македонија добива брз пристап до лекот Ремдесивир. Европската Комисија потпиша рамковен договор со фармацевтската компанија „Gilead“ за набавка на 500.000 дози од „Veklury“, бренд името на лекот „Ремдесивир“, со можност за дополнително зголемување на количините. Заедничкиот договор за набавка е потпишан од 36 земји, вклучувајќи ги земјите од Европската Унија, Норвешка и Исланд, Обединетото Кралство и шест земји сегашни и потенцијални ЕУ кандидати, во кои освен Република Македонија, директна набавка на лекот можат да направат и Албанија, Србија, Црна Гора, Босна и Херцеговина и Косово. Veklury (Ремдесивир) е лек за третман на пациенти со Ковид-19 на кои им е потребна кислородна поддршка, а постапката за директна нарачка на лекот може да започне уште веднаш. Ова е шеста успешно имлементирана заедничка постапка за набавка. Заедничката набавка е инструмент на Европската Комисија од почетокот на годината со кој на земјите им се обезбеди и дополнителен пристап до лична заштитна , респиратори, тестови и друга неопходна медицинска опрема. Инаку, Република Македонија преку Клиничката студија на Светската Здравствена Организација веќе го има лекот Ремдесивир, а со ова ќе се обезбедат дополнителни количини од истиот.

Србија го набави лекот против коронавирусот – „ремдесивир“

Тале Кристо — Fri, 09 Oct 2020 12:01:08 +0000

Во Србија од понеделник за пациентите ќе биде достапен новиот лек против коронавирусот „ремдесивир“, јави допсиникот на МИА од Белград. Директорот на Републичкиот фонд за здравствено осигурување проф. Д-р Сања Радојевиќ Шкодриќ за РТС изјави дека Србија набавила „ремдесивир“, лек против Ковид-19, и дека неговата дистрибуција ќе почне од понеделник. -Тоа е многу скап лек, што се дава само во одредена фаза на болеста и ќе се дава само со конзилијарна одлука, кажа лекарката. Според неа, лекот ги минал сите предвидени процедури. -Поради епидемијата на коронавирус и се додека не ја добиеме соодветната вакцина, особено е важно сите ранливи групи да примат вакцина против грип, но и против пневмокока, кажа таа. Во Србија пристигнаа дополнителни количества на пневмококна вакцина, што е особено важно за имунизација на лица постари од 65 години кои престојуваат во институции за сместување на стари лица и возрасни. Во Србија од март годинава официјално се регистрирани повеќе од 34.000 лица заразени со коронавирус, а 760 лица починаа. Во последно време се регистрираат повеќе од сто пациенти на дневно ниво. Во сила се мерките против пандемијата: задолжително носење маска во затворен простор, во јавниот превоз и на отворено каде што не е можно да се држи растојание, забрането е да се собираат повеќе од 30 лица во затворен простор, освен во културни институции каде што се дозволени 500 лица. Граѓаните што се враќаат од странство се под десетдневен засилен надзор. Новата мерка на Кризниот штаб е дека сите објекти, освен пумпите и аптеките, можат да работат до 23 часот, вклучително и терасите на кафулињата.

ЕУ купува половина милион дози од лекот „Ремдесивир“

Магдалена Андонова — Thu, 08 Oct 2020 11:11:08 +0000

Европската комисија денеска соопшти дека склучи договор со фармацевтскатакомпанија „Гилад“ за купување на 500.000 дози од лекот „Ремдесивир“ за болеста Ковид-19. Договорот за заедничко купување на лекот го потпишаа 36 држави,меѓу кои и сите 27 земји-членки на Европска Унија. Ниту еден лек досега не се покажа како ефикасен во лекувањето на новиот коронавирус, но антивирусниот медикамент „Ремдесивир“ помага за побрзо заздравување на пациентите. ЕК во јули го одобри „Ремдесивир“ за лекување на Ковид-19.(МИА)

Европските земји се соочуваат со недостиг на „ремдесивир“

Магдалена Андонова — Wed, 07 Oct 2020 07:59:53 +0000

Европските земји се соочуваат со недостиг на „ремдесивир“, кој се употребува за лекување од Ковид-19, имајќи предвид дека се намалуваат ограничените резерви, бидејќи големи количества на лекот, кој го произведува компанијата „Гилеад“, се продадени на американскиот пазар. Во јули оваа година земјите од ЕУ и Велика Британија, кои заедно имаат околу 500 милиони жители, обезбедиле дози „ремдисивир“ за 30.000 пациенти. САД потпишаа со производителот „Гилеад“ договор за продажба на повеќе од 500.000 дози, што е поголем дел од производството на компанијата минатиот месец. – Има недостиг на „ремдисивир“, изјави портпаролот на холандското Министерство за здравство Мартин Јансен, додавајќи дека сепак наскоро се очекуваат нови испораки. Докажано е дека антивирусниот лек го забрзува закрепнувањето кај најтешките случаи на Ковид-19. „Ремдесивир“ и кортикостероидот „дексаметазон“ се единствени лекови кои се одобрени во Европа за лекување на коронавирусот. Двата лека ги примил американскиот претседател Доналд Трамп, кој се лекува и со експериментален коктел од антитела. Бројот на хоспитализирани лица во Европа се зголемува, иако во повеќето земји е се уште помал отколку пролетта. – Поради зголемениот број на примени пациенти во болница, драстично расте побарувачката за „ремдесивир“, истакна Јансен. Полскиот министер за здравство Адам Ниедзелски изјави дека лекот нестасува во некои болници. Последната испорака на „ремдесивир“ за Полска пристигнала минатиот петок. (МИА)

Трамп се огласи на Твитер откако беше пренесен во болница

Ивона Петрова — Sat, 03 Oct 2020 07:14:45 +0000

Американскиот претседател Доналд Трамп се огласи на Твитер откако беше хоспитализиран поради Ковид-19. „Мислам дека оди на добро! Ви благодарам на сите! Ве сакам”, напиша Трамп. Трамп, кај кого беше дијагностициран новиот коронавирус, почна да зема антивирусен лек Ремдесивир. Не му треба „дополнителен кислород“. Тоа го соопшти Шон Конли лекарот на 74-годишниот шеф на државата, кој се кандидираше за втор мандат, јавија американски медиуми. Трамп беше префрлен во воената болница Волтер Рид во предградие на Вашингтон, каде ќе ги помине следните неколку дена. Тоа е мерка на претпазливост откако претседателот беше позитивен на Ковид-19, изјави портпаролката на Белата куќа, Кејли Мекнани.