реми – Kurir.mk

У17: Македонските фудбалски надежи ремизираа без голови против Полска

Тале Кристо — Thu, 07 Oct 2021 15:44:45 +0000

Македонската фудбалска репрезентација до 17 години со бод ги почна евроквалификациите, откако попладнево на стартот од турнирот во ирскиот град Корк одигра нерешено 0:0 против Полска. Македонскиот состав во второто коло од квалификациите за пласман во Елитната фаза на патот кон завршниот турнир што идната година ќе се одржи во Израел ќе игра против Република Ирска, в недела, a во последното коло противник на „црвено – жолтите“, идната среда, ќе биде Андора. Пласман во Елитната фаза ќе обезбедат двете првопласирани репрезентации од 12 квалификациски групи, заедно со четири најдобро третопласирани тимови.

И покрај ремито на домашен терен, Зидан задоволен од играта на Реал

Тале Кристо — Tue, 02 Mar 2021 07:35:50 +0000

Тренерот на Реал Мадрид, Зинедин Зидан ги сумираше впечатоците од синоќешниот натпревар од 25. коло на Шпанскиот фудбалски шампионат против Реал Сосиедад (1:1). – Одигравме добар натпревар. Можеби почетокот не беше најдобар, но имавме шанси, особено во првото полувреме. Изгубивме два бода – игравме дома, но не можам да кажам дека сум незадоволен. Во текот на мечот ја сменив формацијата. Промените влијаеја на играта на најдобар начин. Имавме добар натпревар со 3-4 шанси за гол. Тимот создава шанси, треба да продолжиме во истиот дух, изјави Зидан за „Марка“. По овој натпревар Реал Мадрид има 53 бода и е трет на табелата. Пред него се Барселона со 53 бода и Атлетико Мадрид со 58 и натпревар помалку. Реал Сосиедад со 42 бода е петти на табелата во Ла Лига.

Милан се спаси од пораз против Парма и остана лидер во Серија А

Тале Кристо — Mon, 14 Dec 2020 07:15:03 +0000

Милан ремизираше со Парма (2:2) синоќа во 11. коло од Италијанското фудбалско првенство. Гостите поведоа со 2:0 со головите на Ернани и Јасмин Куртиќ, двоен стрелец за „росонерите“ беше Тео Ернандез. Милан со 27 бода останува лидер во Серија А. Парма има 11 бода на 14. место. Во следното коло, Милан ќе игра со Џенова на гости, а Парма ќе гостува кај Каљари. Миланезите се 23 последователни натпревари без пораз (17 победи, 6 нерешени средби) во Серија А. зс/

Сетиен по ремито против Атлетико: Губењето поени ги намали нашите шанси за титулата

Тале Кристо — Wed, 01 Jul 2020 06:48:00 +0000

Ремито против Атлетико Мадрид (2:2) дополнително ја оддалечи Барселона од титулата и тренерот на тимот Кике Сетиен не криеше дека задачата станала уште покомплицирана. Сепак, тој беше задоволен од играта во судирот со „јорганџиите“. – Жално е што не победивме бидејќи е потешко да се надеваме дека ќе станеме шампиони. Губењето на поени ги намали нашите шанси за прво место, но мора да продолжиме да работиме. Атлетико е добар тим, со одлични играчи. Тие се многу стабилни. Тие не оставаат слободни места. Јас сум целосно задоволен од нашата игра. Ние ја контролиравме топката подолги периоди на натпреварот. Тимот вложи многу напор против исклучително дисциплиниран противник, изјави Сетиен. На прашањето дали е мирен за својата позиција, специјалистот рече дека ја чувствува поддршката на тимот, а исто така одби да коментира дали имало средба меѓу него и раководството на клубот. Барселона е на второто место во пласманот со 70 бода, а лидерот Реал Мадрид има 71 пред денешниот натпревар против Хетафе.

Македонските фудбалерки ремизираа со Косово

Ристе Здравков — Fri, 31 Aug 2018 09:05:07 +0000

Македонската женска фудбалска репрезентација одигра нерешено 0:0 со соодветната селекција на Косово на првиот од двата контролни меѓусебни натпревари. И двете репрезентации не искористија неколку шанси за погодок на вчерашниот дуел, а најблиску до гол беа Максути и Ели Јаковска. Македонија и Косово вториот пријателски натпревар исто така на теренот во тренинг центарот „Петар Милошевски“ во Скопје ќе го одиграат в недела од 17 часот. (МИА)