рената дескоска – Kurir.mk

Лога: Рената Дескоска е лош пример за министер за правда

Ивана Ефремовски — Wed, 05 Jul 2023 13:14:04 +0000

Во однос на наводите на поранешната министерка за правда, Рената Дескоска дека Уставниот суд треба да поведе постапка за оценување на уставноста на Упатството, министерот за правда Кренар Лога во изјава за медими рече дека таа е лош пример за министер.

„За време на нејзиното извршување на функцијата министер за правда, таа сама се номинирала за претставник во Венецијанска комисија, независно советодавно тело при Советот на Европа. Ако таа се повикува на европските и меѓународните стандарди, тогаш е една од оние министри кои ги прекршиле тие стандарди. Ова го нема во ниту една земја во светот. Таа е лош пример за министер и во минатото, кога не прифати уставните измени за Преспанскиот договор да одат преку Министерството за правда, туку преку МНР што е преседан, изјави Лога.

Протестира затоа што легалната куќа насилно му ја купиле за 400 евра- за Дескоска законска е одлуката, Заев ја штити корупцијата! (ФОТО)

Дарко Андоновски — Mon, 06 Jul 2020 14:45:42 +0000

На Твитер се појави фотографија на која се гледа како извесен Чичко Илчо протестира секојдневно затоа што градежна парцела вредна 210000 евра, насилно му е купена за 400 евра. -Чичко Илчо е секој ден тука, протестира затоа што градежна парцела вредна 210000 евра,министер може да ја купи за 400 евра,иако тука нема никаква куќа,а чичко Иле не може да се противи на одлуката од Министерката @RenataDeskoska иако на истото место тој има легална куќа.Срамота!, стои во постот на Твитер.

Чичко Илчо е секој ден тука, протестира затоа што градежна парцела вредна 210000 евра,министер може да ја купи за 400 евра,иако тука нема никаква куќа,а чичко Иле не може да се противи на одлуката од Министерката @RenataDeskoska иако на истото место тој има легална куќа.Срамота! pic.twitter.com/eP8PuFoaEV
— Natasha Tasevska (@TasevskaNatasha) July 6, 2020

Николовска до Дескоска: На крај на мандатот признавате дека оваа власт воведе хибриден режим без правда, со поткупи и рекетирања, со амнестии и ослободување на криминалци

Тале Кристо — Fri, 19 Jun 2020 20:57:07 +0000

Почитувана министерке, за каква примена на законодавството на ЕУ и стандардите во областа на правото, зборуваме?, прашува Ружица Николовска од ВМРО-ДПМНЕ. Дојдовте со наводна европска агенда, правевте референдум со лаги за европски правен систем, па дури и ЗЗ го направивте реформатор на правосудниот систем! Сега на крај на мандатот признавате тоа што сите го знаат: не видовме реформи, туку оваа власт воведе хибриден режим без правда, со поткупи и рекетирања, со амнестии и ослободување на криминалци па и воопшто не постапување за огромни рекетарски афери, неслободен режим без правда, во кој ,,без Заев не се може,, ! Тргувавте со се што е вредно за Македонија, а наместо иднина, ја оддалечивте Македонија од европската агенда.

Канал 5: Има ли министерката за правда двојни стандарди кога е ДИК во прашање?

Ивана Ефремовски — Sun, 24 May 2020 19:01:43 +0000

Има ли министерката за правда Рената Десковска двојни стандарди кога се работи за Државната изборна комисија и медиумите. Повеќе од 3 месеци националните телевизии но и другите, се обидуваат да им објаснат на Дерковски, Кондарко и другите членови на ДИК дека математиката е егзактна наука, објави Канал 5. Нивната анализа ја пренесуваме во продолжение: Имено после неколкуте состаноци ДИК донесе упатство во кое објаснува дека просечната цена за рекламирање кај радиодифузертите за овие избори е воедно и максималана цена, што е навистина зачудувачки. Но незаконското толкување на членовите на ДИК е работа која за која еден ден ќе мора да се понесе одговорност за евентуалните финансиски штети кои ќе ги трпат радиодифузерите. Она што изненадува е индиферентниот однос на министерката за правда Десковска во интервјуто за канал 5 каде вели дека е неприфатливо да се менуваат клучни правила среде изборен процес. Во истото интервју Десковска проблемот го лоцира не во нормата туку во толкувањето од страна на Дик но што можат радиодифузерите да направат во однос на катасрофалното толкување на ДИК кога тие го изедначуваат терминот просек и максимална цена. Која е моќта на радиодифузерите кои сега ќе трпат штети, ако тоа не го направат Владата, министрите или партиите. Министерката Десковска тврди дека ги немала видено претставките од радиодифузерите ниту пак скандалозните одлуки на ДИК што е многу чудно. Како министерката за правда која беше дел од тимот за преговори со ВМРО ДПМНЕ не ја интересираат и засегаат лошите упатства на ДИК или пак ја интересираат само изборните проблеми за тоа дали се 21 ден како што ги толкува партијата или 50 до 60 дена како што бара ДИК , па не упатува за решение на проблемот на Управен суд. За политичките аналитичари одлуката на ДИК околу ценовникот за рекламирање во медиумите е не уставна бидејќи ја загрозува слободата на претприемништвото- категорија загарантирана во уставот. -Би требало одлуката за медиумското претставување да биде без ограничување односно како што била и досега, тоа не е ни одредено во изборниот законик па не може да се одреди со одлука што е спротивна на самиот законик и спротивна на уставот. Член 8 од уставот предвидува слобода на пазарот и претприемништвото па поради тоа не може да се ограничува. Од наши извори дознаваме дека веќе беше подготвена уредба, Владата да ја до прецизира уредбата на ДИК поврзана со радиодифузерите само нејасно остана зошто министерката Десковска мистериозно се откажа од носење на оваа уредба. Единствено што бараат радиодифузерите е до прецизирање на еден член во изборниот законик со цел да се надмине проблемот со катастрофалното толкување од ДИК. Останува зачудувачки како владата во време на вонредна состојба можеше да расправа и му даде дозвола за производство на канабис на синот на осудениот градоначалник на ново село Боро Стојчев познат како ,,Боро Малборо,, а со прст не мрдна за медиумите. За крај само може да се заклучи дека институциите практикуваат, не двојни, не тројни туку многубројни стандарди во ова кризно време. И повторно нешто што е за рубриката ,,верувале или не,, - како е можно министерката за правда, првиот човек кој треба да се грижи за праведноста да не ги знае уредбите на ДИК кои ќе предизвикаат милионски штети кај радиодифузерите? Времето ќе покаже. Извор: Канал 5

Дескоска: Засега нема да се носи одлука за времен прекин на затворските казни

Ивана Ефремовски — Fri, 17 Apr 2020 13:21:04 +0000

Иако се размислувало за евентуален времен прекин на затворските казните на ограничен дел од затворениците до 1 септември, министерската за правда, Рената Дескоска, за Алсат М вели дека „сега за сега нема да се носи таква одлука“. Оваа потенцијална опција во контекст на корона-кризата и состојбата во затворите се разгледувала во соработка со здравствените власти, но засега нема информација дали и кога би се донела таква одлука. Од Управата за извршување санкции велат дека се на располагање со свое мислење и експертиза, но досега не се информирани за ваков процес.

СДСМ со предлогот за откажување на државното финансирање ја отвора вратата за корупција, а во исто време демонстрира лицемерие

Дарко Андоновски — Thu, 26 Mar 2020 19:52:03 +0000

Министерката за правда Рената Дескоска речиси не се откажува од намерата да се укине финансирањето на политичките партии за оваа година. Имено со намерата на министерката Дескоска за откажување на државното финансирање на партиите практично се поставува и прашањето во јавноста дали таа сака да ја отвори вратата на илегално финансирање и за перење на рекетирани пари? Впрочем законот се донесе за да се спречи таква појава, а со оваа одлука СДСМ признава дека не им е проблем да обезбедат неколку милиони евра пари во услови кога пари нема. Тоа сигурно во тој случај би биле црни пари. Воедно функционерите на СДСМ останаа глуви на повиците на ВМРО-ДПМНЕ за откажување од државната функционерска плата што е доказ за лицемерието и двојното лице на СДСМ. ОД ВМРО-ДПМНЕ денеска преку соопштение бараа на денешната владина седница на која ќе се расправа за доброволно откажување од платата на Рената Дескоска од 70 илјади денари, на братучедот на Дескоска, Николче Тасевски да кој ќе се откаже од платата од 188 илјади денари, на Оливер Спасовски од 90 илјади денари, на Радмила Шекеринска од 80 илјади денари повикуваме да се расправа и за законот за финансирање на политички партии. -Да не се заборави и на Дамјан Манчевски кој ќе ја докаже хуманоста кој ќе се откаже од платата од 70 илјади денари, Мила Цароска од платата од 74 илјади денари и Роберт Поповски од платата од 72 илјади денари како и Никола Димитров од платата од 72 илјади денари. Се додека ова не е се случи излегува на површина лицемерието на Дескоска, Спасовски и цела дружина на Заев, на виделина излегува целата неспособност на Владата на Заев. За 3 години Владата на СДСМ потроши 11 милиони евра за служени патувања, репрезентации, кафеани и ресторани, непродуктивно трошејќи ги мачно заработените пари на граѓаните. 3 години капиталните инвестиции беа на катастрофално ниско ниво, немаше изградба на нови болници, немаше набавка на медицинска опрема, напротив Македонија секоја година губеше 100-тици доктори благодарение на иселувањето, потенцираат од партијата. Од таму додаваат дека во време на вонредна состојба министрите на Заев, Шекеринска и Димитров потрошија 8 милиони денари на кафеани и службени патувања. Македонската економија е во очајна состојба, на стопанството му е потребна сериозна помош за да ја преброди кризата со корона вирусот, во овие тешки времиња на граѓаните најмалку им е потребно политиканство. Инаку темата стана актуелна откако лидерот на СДСМ Зоран Заев излезе со листа на мерки што треба да ги донесе Владата како одговор на последиците предизвикани од кризата со корона вирусот. Предлозите предизвикаа бура реакции кај владините функционери при што се покажа дека сите сакаат помош и се согласуваат со нови задолжувања, но ретки се тие што се подговени да поддржат штедење или да се откажат од некои свои приходи.

Скандалозно судење и школски пример за дискриминација: Прво сте обвинети, а потоа сте луѓе

Ивана Ефремовски — Wed, 25 Mar 2020 13:15:35 +0000

Денеска се случи уште едно во низа скандалозни судења. Овој пат за случајот „Титаник“. Во овој предмет никој не е во притвор, ниту се очекува брзо да заврши, а уште помалку да застари. Сепак, по налог и инсистирање на Рената Дескоска и Иван Џолев, судијата им порача на обвинетите дека никој од нив, без оглед на околностите, нема право да се повикува на никакви мерки или препораки од Владата. Се инсистира на нивно присуство по секоја цена, без оглед на здравствената состојба на обвинетите. Хронично болните кои се високоризични и по препорака на Владата не смеат да излегуваат од дома, ќе бидат приведувани и најверојатно ќе им се определи притвор доколку не се појават на следното рочиште на 30-ти март. Тоа значи, ако хронично болен кој е обвинет во Титаник отсуствува од рочиште, ќе биде казнет од судот т.е. приведен и ќе оди во притвор. Истото ќе му се случи и на обвинет во предметот кој е родител на две деца кои имаат помалку од 10 години, чиј сопружник е медицински работник и не може да користи отсуство заради грижа за децата. Има и адвокат на возраст од 67 години. Тој ако биде во суд ќе биде казнет од МВР, зошто го прекршил полицискиот час за возрасни, а ако не дојде ќе биде казнет со најмалку 1000 евра од судот. Мерки за заштита во судот нема, судниците се преполни, а за маски и ракавици не станува ни збор. Ова што се случува во Кривичниот суд е школски пример за дискриминација и непочитување на владините мерки, на потег е обвинителството. Дали Дескоска, Џолев и Киро Здравев ќе бидат санкционирани зато што го доведуваст во опасност здравјето на луѓето и директно придонесуваат за ширење на заразата? Дури 5 полициски службеници кои биле во контрола на десетици заразени и лица во самоизолација, веднаш после контролите беа присутни во судот за да бидат присутни на рочиштето. Очигледни е дека за Дескоска и Џолев обвинетите во овие политички нарачани случаи, се пред се обвинети, но не и луѓе кои имаат граѓански права за време на вонредна состојба.

„ВЕЧЕР“: Заев и Дескоска најавуваат ревизија на правната држава и корупција на партиите

Ивана Ефремовски — Sun, 22 Mar 2020 18:40:32 +0000

Мерките кои ги нареди шефот на СДСМ, Зоран Заев како обврска на владата да се земат пари од платите на администрацијата и да се делат по 14.500 денари на фирми на кои им е наредено да запрат со својата работа јавноста ја прими со големо негодување и нападите на оваа најава на социјалните мрежи се масовни, анализира ВЕЧЕР. -Помеѓу остантото, од правен аспект тоа е незаконски затоа што со законот кој се однесува на работните односи на вработените им е гарантирана 50% од платата во случај на вонредни околности, и не е можно платите на универзитетски професори, наставници, судии, уметници, менаџери и вработени во јавни претпријатиа или агенции, секаде каде е некој вработен во јавниот сектор да се одземе од нивните плати и да им се даде минималец од 14.500 денари за тие пари да се исплатат на сметки на приватни фирми. Во демократско и пазарно општество никој, никогаш не може да земе приватни пари од некого без негова согласност и да ги даде на друг. Денес вие земате од друг, утре се е можно за секого.Тоа е време на најтврдиот комунизам, анализира ВЕЧЕР. Обврската на државата да плати штета на приватните фирми од областа на транспортот, угостителството, трговијата и туризмот, сектори кои се најмногу погодени од наредбата на владата за прекин на нивната работа, треба да се плати од буџетот за што постојат наменски средства за вакви прилики. -Зошто владата тие буџетски пари би ги сочувала за себе, а би натоварила на грбот на административците да платат од свој џеб за штета која настанала заради владина наредба со која тие немаат никаква врска, ниту некој ги прашал дали сакаат свои пари да загубат за владата да одбегне плаќање од буџетска сметка. Тие луѓе плаќаат даноци и придонеси за буџетот. Без оглед на вонредната состојба, законите постојат и мора да се почитуваат. Вонредната состојба не е тука за ревизија на правната држава каде законот е над се, туку само за мерки околу епидемијата, пишува порталот. Целата анализа прочитајте ја на ВЕЧЕР

Вонредната состојба контра семејниот бизнис на Дескоска и партиските решенија на СДСМ: Се одложува полагањето на правосудниот испит

Љупчо Цветаноски — Fri, 20 Mar 2020 08:38:14 +0000

Со оглед на прогласувањето на вонредна состојба во нашата држава се јави потреба од донесување на оваа уредба со која се уредува одложувањето на полагање на испитот за вештаци, правосудниот испит, испитот за медијатори и испитот за нотари за време на траењето на вонредната состојба. За времено одлагање на овие испити, Владата ги донесе Уредбата со законска сила за примена на Законот за вештачење, Уредба со законска сила за примена на Законот за правосудниот испит, Уредбата со законска сила за примена на Законот за медијација, и Уредбата со законска сила за примена на Законот за нотаријатот. Ова владина мерка се задира во т.н. семеен бизнис на министеката за правда Рената Дескоска на која, како што обвини опозицијата, малку и беше сама себе да се кандидира за член на Венецијанската комисија, па истата таа воведе критериуми за сите оние кои полагаат правосуден испит да ги поседуваат книгите на нејзиниот сопруг Тони Дескоски. Скандалот да биде поголем Дескоска тогаш, како што обвини ВМРО-ДПМНЕ, целосно ја партизира и Комисијата за правосуден испит. Во самата комисија има низа на конфликти на интереси. Именувањето на сестрата на пратеничката од СДСМ Снежана Калевска Ванчева, Антоанела Димовска, именувањето на Тања Милева, сопруга на поранешниот кандидат за градоначалник на СДСМ од Радовиш и поранешен член на ДИК Игор Милев, именувањето на пријателот на Заев претседателот на Апелацискиот суд во Штип Наќе Георгиев, именување на струмички судија чија сопруга е јавен обвинител во Струмица, именувањето на поранешниот претседател на ДИК Александар Чичаковски, адвокатот Валентин Пепељуговски, чие адвокатско друштво се чини дека е повластено од СДСМ, па наплатило околу 17.000.000 денари од владата, судијката Исмета Амет, според пишувањата во која што учествуваше во донесување на спорната одлука за прегласување во Теарце во 2016 година, се само дел од контроверзните именувања во комисијата за полагање на правосуден испит.Единствен критериум по кој се избрани членовите на комисијата е послушноста кон Заев, обвини тогаш опозицијата, посочувајќи дека на ваков начин Заев и Дескоска го уриваат до темел правосудниот систем во Република Македонија. Дали коронавирусот и мерките на владата, и покрај нечие негодување, го одложија семејниот бизнис и профитот на партијците на СДСМ?!

Адвокатот Страшевски до министерката Дескоска: Јавното здравје е заедничка одговорност!

Љупчо Цветаноски — Wed, 18 Mar 2020 16:13:48 +0000

Адвокатот Јовица Страшевски напиша писмо до министерката за правда Рената Дескоска, во кое јавно ја прашува зошто се уште судовите се полни и редовно се оддржуваат судења. Во писмото Страшевски бара одговор на повеќе прашања: „Согласно последното соопштение на Судскиот совет од 17.03.2020 година кое е идентично со ставот на Министерството за правда се констатира фактот дека над 90 проценти од предметите (не постои предмет освен ретки исклучоци каде не е определена мерка на претпазливост) кои се во надлежност на Основно јавно обвинителство за гонење на организиран криминал и корупција судот ќе продолжи да ги суди и во вакви услови кога за сите нас најважно е здравјето на граѓаните. Ваквиот став значи секојдневно стотици и стотици лица да бидат присутни во судот што дава можност за ширење на вирусот. Се надевам дека адвокатите, обвинетите, судиите, поротниците, вештаци, сведоци, припадниците на МВР и судската полиција, новинарите, преставниците на невладиниот сектор и вработените во судот треба да имаме ист третман како и секој граѓанин во нашата држава. Ве молам со цел да се разјасни на нас адвокатите но и на сите кои директно или индиректно учествуваат во постапките пред судовите да одговорите на следниве прашања: Дали во судницата треба да се задржи минимум неопходно растојание од најмалку еден метар и половина до два метри помеѓу луѓето кои престојуваат во судницата? Дали доколку не се обезбеди вака просторни услови треба да се одржуваат судења? Дали под масовни собири се подразбира и присуство на 20 или повеќе лица во простории од 40 до 150 м2? Дали за учесниците во постапката важат мерките за самоизолација? Кој контролира дали некој учесник во постапка пред судот, изминатиов период бил во земји кои се од висок и среден ризик на зараза имајќи во предвид дека изминативе денови во судот имаше сведок кој беше од Дебар или адвокат кој бил во вакво подрачје а слободно се движеа во судот? Кои се санкциите за ваквите дејствија? Кој е надлежен за дезинфекција на судниците, шалтерите, ходниците, лифтовите, тоалетите и другите простории во судот? Дали е доволно само двапати во една недела да се дезинфицира судница каде секој ден има и по неколку судења? Кој контролира дали судниците и другите простории се дезинфицирани и каде да пријавиме доколку не се? Врз база на која методологија правници т.е претседателите на судовите и судиите ќе определуваат кои предмети не се со висок ризик по здравјето на учесниците во постапката нешто што е наведено во ставот на Судскиот совет? Кој треба за сите присутни во судницата да обезбеди заштитни маски и нараквици? Дали за учесниците во постапката кои во исто време се и родители со деца до 10 години кои се во градинка или училиште треба да се појавуваат на рочишта? Дали учесници во постапката кои спаѓаат во група на хронично болни од некоја болест согласно листата објавена од Владата треба да се појавуваат на рочишта? Земајќи во предвидека во Основниот кривичен суд каде се судат овие предмети но и во останатите судови не се овозможува употреба на информатичка технологија за да има видео стриминзи и слично дали треба да се одржуваат судења земајќи во предвид дека неопходно е јавност при судењето? На крај сакам да Ве замолам уште еднаш заедно со стручните лица да го разгледате ставот на Министерството за правда кое е идентичен со оној на Судскиот совет, бидејќи јавното здравје е заедничка одговорот и од нас зависи како ќе се справиме со корона вирусот.