Ренато Санчез – Kurir.mk

Санчез потпиша за ПСЖ

Катерина Бојаџиева — Fri, 05 Aug 2022 09:18:29 +0000

Португалскиот играч за врска Ренато Санчез (24) ги напушти редовите на Лил и кариерата ќе ја продолжи во францускиот првак ПСЖ, објави клубот од Париз. Санчез потпиша договор до 2027 година, а вредноста на трансферот се проценува на десет милиони евра. – Сигурен сум дека го направив вистинскиот избор, изјави Санчез за клупскиот сајт на ПСЖ. – Го избрав ПСЖ бидејќи мислам дека е најдобриот проект за мене. Останувањето во Франција ми беше важно, бидејќи веќе ја познавам оваа лига, додаде португалскиот фудбалер, кој изминатите три сезони настапуваше за Лил.

Ренато Санчез потпишува за ПСЖ

Бошко Тасиќ — Sat, 30 Jul 2022 04:24:37 +0000

Ренато Санчез наскоро ќе стане нов играч на Пари Сен Жермен, пренесува португалскиот О’Жого. Португалците тврдат дека 24-годишниот играч за врска ќе му се приклучи на тимот на францускиот шампион како позајмица од Лил со откупна обврска од 10 милиони евра. Лил го донесе Санчез пред три години од Баерн за 20 милиони евра, а Португалецот сега влезе во последната година од договорот со Лил. Кариерата ја започна во Бенфика која го продаде на Баерн за 35 милиони евра по одличниот настап на Евро во 2016 година. Во Париз, Санчез ќе работи со Кристоф Галтие, тренерот кој го водеше во Лил кога тој клуб беше шампион на Франција во 2021 година. ПСЖ претходно летово ги доведе Витињо и Норди Мукиеле, а најголемата работа на францускиот шампион е продолжувањето на договорот на Килијан Мбапе. Ренато Санчез наскоро ќе стане нов играч на Пари Сен Жермен, пренесува португалскиот О’Жого

Ренато Санчез го одби Милан и одлучи да се пресели во ПСЖ

Катерина Бојаџиева — Tue, 28 Jun 2022 16:13:57 +0000

Фудбалерот на Лил, Ренато Санчез, одлучи да се пресели во Пари Сен Жермен, објаави „Le Parisien“. Сумата на трансферот ќе биде 10 милиони евра. Самиот играч ќе потпише договор со парижаните на три години. Претходно, главни претенденти за Санчез беа Милан, кој се обидуваше да го ангажира играчот уште од зимата. Сепак, 24-годишниот Португалец реши да го одбие италијанскиот клуб. Минатата сезона Санчез за Лил во сите натпреварувања постигна два гола и пет асистенции на 32 натпревари. Договорот на играчот од средниот ред со францускиот клуб е до 30 јуни 2023 година.

Ренато Санчез пак на мета на Милан

Бошко Тасиќ — Sun, 26 Jun 2022 07:09:14 +0000

Милан долго време се интересира за Ренато Санчез се верува дека веќе и ги имаат договорено личните услови со него исто како што ги имаат и со Ботман. „Калчомеркато“ се сомнева дека ПСЖ воопшто има доставено формална понуда за Ренато Санчез и шансите тој да заврши во Милан се реални. Милан се уште верува дека можат да дојдат до Санчез без да ја зголемат пондата до Лил од 18 милиони евра.

Милан се договори со Ренато Санчез

Ивона Петрова — Wed, 08 Jun 2022 07:16:21 +0000

Играчот од средниот ред на Лил, Ренато Санчез може да ја продолжи кариерата во Италија. Според новинарот Фабрицио Романо, Милан се договорил за соработка со португалскиот репрезентативец. Според информациите од Италија, се чека клубовите да се договорат за висината на трансферот. Актуелниот договор на 24-годишниот Португалец со Лил е до летото 2023 година. Во сезоната што неодамна заврши, Санчес одигра 32 натпревари во сите натпреварувања, постигна два гола и беше творец на пет асистенции.

Јувентус во преговори за Ренато Санчез

Бошко Тасиќ — Sun, 13 Mar 2022 07:57:40 +0000

Португалскиот фудбалер Ренато Санчез, кој настапува за Лил е блиску до трансфер во Торино. Португалецот се поврзуваше со Јувентус и во 2016 година, кога блесна на Европското првенство. Сепак, тој тогаш реши да се пресели во Баерн Минхен. Во Бундес лигата не се прослави, клубот го испрати на позајмица најпрвин во Свонси, а потоа и во Лил. Францускиот клуб потоа го откупи за 20.000.000 евра. Минатата сезона беше еден од најдобрите во походот кон шампионската титула. Медиумите во Италија тврдат дека до крајот на месецов ќе започнат преговорите а се шпекулира дека Лил за Санчез ќе побараат 30.000.000 евра од италијанскиот тим.

Ренато Санчез: Трансферот во Барселона беше готов летото, но пропадна поради повреда

Ивона Петрова — Mon, 22 Nov 2021 10:19:32 +0000

Фудбалерот од средниот ред на Лил, Ренато Санчез проговори за интересот на врвните клубови за него. – Можеби Милан и Арсенал се заинтересирани за мене, но јас не знам за тоа. Милан е голем клуб со историја. Има висока класа, ми се допаѓа. Зборував со мојот агент. Знам кои клубови контактираат со него, а кои не, но не можам да го кажам тоа сега. Но, знам дека сум подготвен. Ако се добие понуда, ќе одлучам што е најдобро за мене. Кога пристигнав во Баерн, не бев подготвен да играм во таков клуб. Бев многу млад. И кога бев подготвен, немав можност да играм за овој тим. Многу клубови беа заинтересирани за мене летово, но кога се повредив сфатив дека ќе останам во Лил. Се беше подготвено со Барселона, мислам дека трансферот беше откажан поради повреда, изјави Санчез во интервју за „Л’Екип“. Дваесет и четиригодишниот Португалец, во својата кариера има играно и за Свонси и Бенфика. Ги има поминато сите селекции во португалската репрезентација, а од 2016 година е член на сениорскиот тим.

Ренато Санчез: Не сум сигурен дека ќе останам во Лил следната сезона

Дарко Андоновски — Sun, 01 Nov 2020 12:10:48 +0000

Фудбалерот за врска на Лил, Ренато Санчез изјави дека би можел да го напушти тимот летото 2021 година. Не знам дали клубовите ќе даваат понуди, но знам дека сега станав многу подобар и ова е најважното нешто. Не сум сигурен дали ќе бидам во Лил следната сезона. Сега сум задоволен во сегашниот тим, имам уште три години на договорот, но којзнае што ќе се случи во следните три месеци или една година? – го цитира Санчез „Goal.com“. Во сезоната 2020/21, Санчез одигра седум натпревари за Лил, постигнувајќи еден гол. Порталот „Transfermarkt.com“ проценува дека 23-годишниот Португалец вреди 20 милиони евра.

Лил заинтересиран за Ренато Санчез

Ивона Петрова — Thu, 22 Aug 2019 08:22:23 +0000

Францускиот прволигаш Лил сака во своите редови да го види играчот од средниот ред на Баерн, Ренато Санчез, објави „Билд“. Претходно се појавија информации дека Санчез сака да го напушти германскиот клуб за да добие повеќе минутажа на натпреварите. Санчез се пресели во Баерн од Бенфика по победата на Еуро 2016 година. Во истата година, тој ја доби наградата „Златно момче“ за најдобар млад играч на годината. Минатата сезона тој одигра 24 натпревари и постигна два гола.