ренова – Kurir.mk

Шкендија заборави да победува, денес поразена од Ренова

Бошко Тасиќ — Sun, 15 Aug 2021 17:25:13 +0000

Ниту тренерската смена не носи подобри резултати за македонскиот фудбалски шампион Шкендија, по серијата порази во Европа, тетовскиот тим разочарува и во домашното првенство. Шкендија во првото коло одигра 0-0 кај Тиквеш, а сега како домаќин загуби од Ренова со 2-1. Ренова имаше водство од 2-0 со голови на Јусуфи и Селмани, Шкендија преку Дориев само го ублажи поразот. Шкупи со погодоци на Фаустин и Алварез дојде до триумф од 2-0 над Македонија Ѓорче Петров. Борец во судиското продолжение со гол на Манасиев го победи Тиквеш со 2-1. Претходно велешкиот тим поведе со гол на Ѓорѓиев со 52. мнута, а Вареловски четири минути подоцна изедначи на 1-1. Струга Трим Лум со гол на Скендери во 60. минута го победи Пелистер со 1-0. Немаше голови на дуелот меѓу Скопје и Брегалница. Дербито меѓу Академија Пандев и Работнички се игра вечерва од 20 часот. Резултати: Борец - Тиквеш 2:1 Скопје - Брегалница 0:0 Шкендија - Ренова 1:2 Шкупи - Македонија 2:0 Струга - Пелистер 1:0

Ќатип Османи уште една година тренер на Ренова

Дарко Андоновски — Mon, 31 May 2021 14:23:56 +0000

Македонскиот фудбалски прволигаш Ренова ја продолжи денеска соработката со Ќатип Османи, кој останува на клупата и во следната сезона. Османи по четиригодишна пауза во ноември лани се врати на клупата на Ренова и преку бараж му обезбеди на клубот од Џепчиште опстанок во Првата македонска фудбалска лига. Претходно во кариерата, Османи освои две шампионски титули со Шкендија, а беше тренер и на Шкупи.

Ренова се засили со колумбиски напаѓач

Тале Кристо — Tue, 05 Jan 2021 16:26:54 +0000

Екипата на Ренова ги засили своите редови за пролетниот дел од сезоната во Првата македонска фудбалска лига (ПМФЛ) со Колумбиецот Џон Еди Мена Перез. -Перез успешно ги помина медицинските прегледи и од утре започнува со тренинзи, соопшти попладнево прволигашот од Џепчиште. Ангажманот во Ренова ќе биде прво меѓународно искуство во кариерата за 23-годишниот колумбиски напаѓач. Ренова во пролетниот дел од сезоната во ПМФЛ ќе стартува од деветтото место со 19 бодови.

Ренова и Шкендија одат во второто коло од Лига Европа, Шкупи елиминиран

Дарко Андоновски — Thu, 27 Aug 2020 18:02:10 +0000

Две од трите македонски екипи изборија пласман во 2. квалификациско коло во Лигата на Европа. Ренова забележа победа на гостувањето во Ерменија кај Алашкерт, додека во Азербејџан, македонските тимови имаа половичен успех. Шкупи пружи достоен отпор во Баку, иако загуби од апсолутниот фаворит Нефчи, додека Шкендија во Сумгаит го надигра истоимениот тим. Резултати: Алашкерт – Ренова 0:1 (стрелец Мишковски 58. минута) Нефчи – Шкупи 2:1 (голот за Шкупи го постигна Дарбо Дембо во судиското надополнување) Сумгаит – Шкендија 0:2 (Ибраими 56. и Дориев 89. минута двата гола од пенал).

Вардар убедливо поразен од Ренова

Дарко Андоновски — Sun, 24 Feb 2019 15:30:31 +0000

Во Првата македонска фудбалска лига попладнево на распоредот беа натпреварите од 20. коло по кое лидерот Шкендија за уште еден бод ја зголеми предноста пред големиот ривал Вардар кој второто место и го препушти на Академија Пандев. „Црвено-црните“ претрпеа убедлив пораз на гостувањето кај Ренова, Шкендија одигра нерешено во Ѓорче Петров, додека Академија Пандев го доби локалното струмичко дерби со Беласица. Постигнати резултати: Беласица – Академија Пандев 0:1 Македонија ЃП – Шкендија 1:1 Работнички – Силекс 1:1 Ренова – Вардар 4:0 Шкупи – Победа 3:0. Табела: Шкендија 44 бода, Академија Пандев 36, Вардар 35, Работнички 28, Шкупи 27, Ренова 25, Македонија ЃП 22, Силекс 20, Беласица 18, Победа 18.

Вардар ремизираше со Ренова, Шкендија убедливо ја совлада Македонија ЃП

Ивана Ефремовски — Sun, 28 Oct 2018 17:28:18 +0000

Вардар одигра реми без голови против Ренова во рамките на 11-то коло од Првата фудбалска лига. За Вардар ова е втор натпревар во низа без победа, но останува да биде лидер на табелата со 24 поени, односно два повеќе од Шкендија. На натпреварот во Тетово актуелниот шампион Шкендија убедливо ја совлада Македонија Ѓорче Петров со 5:1. Шкендија поведе со голот на Висар Муслиу во 42-та минута, а пред самиот крај на првиот дел Бесарт Ибраими зголеми на 2:0. Во второто полувреме Христијан Кировски го намали резултатот на 2:1, а Бесрт Ибраими со неговиот втор гол во 72-та минута зголеми на 3:1 за Шкендија. Валмир Нафиу со два гола во самиот финиш на натпреварот ги постави конечните 5:1. На останатите натпревари од колото Академија Пандев со 3:0 убедливо ја победи Беласица, додека Силекс го совлада Работнички со 2:0, а Победа оствари триумф против Шкупи од 2:0. (МИА)

Никола Илиевски е нов тренер на Ренова

Ивона Петрова — Tue, 09 Oct 2018 20:09:28 +0000

Искусниот македонски фудбалски стручњак Никола Илиевски е нов тренер на Ренова. Илиевски во клубот доаѓа откако Јетон Беќири си поднесе оставка кон крајот на минатиот месец. Во меѓувреме тимот го водеше спортскиот директор Лирим Саити и оствари добар успех, реализираше победи против Академија Пандев и Шкупи, а на последниот натпревар ремизираше со Шкендија. Ренова во моментов е на четвртото место на табелата, а Илиевски ќе дебитира на 21-ви овој месец на домашен терен против Работнички. МИА

Барсегјан: Сите сме заслужни за триумфот

Ивона Петрова — Mon, 20 Aug 2018 12:32:25 +0000

Стрелецот на победничкиот гол за Вардар на средбата со Ренова, Тигран Барсегјан, за добриот старт во новата сезона го пофали целиот тим. Вардар во првото коло одигра нерешено во тетово со шампионот Шкендија (2:2), а вчера на истиот терен ја совлада Ренова со 1:0. - Среќен сум за голот како и за секој друг кога ќе биде победнички. Меѓутоа сакам да истакнам дека оваа победа е на тимот. Целата екипа многу се трудеше за оваа победа, и на крајот дојде и тој погодок. Сите сме заслужни за овој триумф, изјави Барсегјан за клупскиот сајт на „црвено-црните“. Македонскиот вицешампион во следниот период го очекуваат нови предизвици. Прво има натпревар од Купот на Македонија против Вардар Форино, а потоа и натпревар од првенството со Македонија Ѓорче Петров. - Немаме многу време за славење. Од денеска па натаму се вртиме веќе кон следните предизвици. Најпрво натпревар од Купот а потоа нов првенствен тежок натпревар. Сите мечеви се тешки, и ако не дадеме се од себе, ќе имаме проблеми. За да не се случи тоа, очекувам уште еднаш на сите натпревари да пружиме максимум без разлика на противникот, и да победуваме, вели ерменскиот интернационалец.

Ѓоре Јовановски: Грешки се повторуваат, не смееме тоа да го дозволиме

Матеја Петровски — Mon, 13 Aug 2018 12:36:12 +0000

ренерот на Работнички, Ѓоре Јовановски не е задоволен од стартот на новата сезона во Првата фудбалска лига. „Романтичарите“ вчера загубија на домашен терен од Ренова со 3:4, а самиот резултат отсликува дека одбраната била послабиот дел на тимот. - Одигравме лош натпревар, тоа е повеќе од јасно. Честитки за екипата на Ренова, тие заслужено ги освоија бодовите, но јас мислам дека ние им подаривме три од четирите гола поради наши грешки. И што е уште полошо, ова ни се случи и на гостувањето против Хонвед, во реваншот од Лигата на Европа. Ќе ги анализираме сите ситуации и такви грешки не смеат да ни се повторуваат. Ако има нешто добро во овој лош старт, тоа е дека е само прв меч и почеток на првенството, а ова наше издание треба да биде урнек како да не играме во иднина, изјави Јовановски за клупскиот сајт на Работнички. (Миа)

Јовановски: Да продолжиме во ист ритам и против Ренова

Матеја Петровски — Tue, 17 Apr 2018 12:30:06 +0000

Тренерот на Работнички, Ѓоре Јовановски е задоволен од изданието што екипата го имаше на претходниот меч и посакува ритамот да се задржи и за следниот натпревар, против Ренова во Тетово. - Остваривме важна победа на едно тешко гостување. Скопје на негов терен оваа пролет не успеаја да го победат ниту Шкендија, ниту Вардар, а ете ние освоивме три значајни бода. Честитки за фудбалерите за прикажаната игра, за борбеното издание, и се надевам дека ќе продолжиме во ист ритам и против Ренова. Ќе биде тоа ново искушение, теренот е одличен на Градскиот стадион во Тетово и ќе ги имаме сите услови за вистинско надигрување. Ренова е квалитетен тим, ги респектираме, но и веруваме во своите квалитети, вели Ѓоре Јовановски за клупскиот веб сајт. Натпреварот меѓу Ренова и Работнички ќе се одигра утре, со почеток во 16 часот на Градскиот стадион во Тетово.