реновирање – Kurir.mk

Аутомакедонија со донација на енергетски ефикасна фасада за ООУ „Стив Наумов“ во населбата Автокоманда

Super Admin — Wed, 30 Aug 2023 11:39:59 +0000

Аутомакедонија, една од водечките компании за услуги поврзани со мобилетот и еден од најголемите дистрибутери на автомобили во Македонија, направи уште една донација со која ја зацврстува титулата на општествено одговорна компанија. По своја иницијатива и темелно планирање на овој проект од страна на Аутомакедонија, основното училиште Стив Наумов во Автокоманда доби нова енергетски ефикасна фасада. На веќе постоечки ѕид е додадена изолација која ја зголемува топлотната изолација со што се добива енергетска заштеда.

„Истражувајќи ги потребите на училиштата во нашата општина, дојдовме до идејата за обнова на фасадата во ООУ „Стив Наумов“. Во договор со општината во која се наоѓа нашиот објект – Автокоманда, заеднички го избравме основното училиште „Стив Наумов“. Примопредавањето на фасадата го усогласивме со почетокот на училишната година, а ќе го продолжиме со уште еден мурал кој ќе биде избран преку ликовен конкурс со цртежи од учениците.“ – изјави Гордица Штерјева, заменик директор на Аутомакедонија.

„Како градоначалник на општина Гази Баба изразувам благодарност до компанијата Аутомакедонија за покажаната општествена одговорност преку донацијата на изградбата на енергетски - ефикасната фасада на општинското основно училиште Стив Наумов во Автокоманда. Како локална самоуправа негуваме партнерски однос со компаниите кои функционираат на нашата територија. Наша обврска како локална самоуправа е да изнаоѓаме различни начини на финансирање со цел реализација на што повеќе проекти. “ – изјави градоначалникот на Гази Баба - Бобан Стефковски.

Со сите чекори за обнова на фасадата објектот добива минимално 20% зголемена енергетска ефикасност, што воедно ќе придонесе и за намалување на вкупните трошоци за енергија на училиштето. Реновирањето на оваа фасада е само еден дел од активностите кои Аутомакедонија како општествено одговорна компанија ги спроведува во рамки на својата стратешка определба за поддршка на енергетската ефикасност и обновливите извори на енергија.

ОД ВРЕВАТА ВО СТАНОТ СОСЕДИТЕ НЕ МОЖЕ ОКО ДА СКЛОПАТ – од тоа што се случува во домот на Беквалац со месеци наназад, кренаа раце и сестрите и родителите!

Дарко Андоновски — Fri, 11 Nov 2022 12:59:47 +0000

Пејачката Наташа Беквалац неодамна одлучила да го реновира својот стан на Дедиње, а кога им кажала на родителите и на сестрите, тие не можеле да поверуваат. Се обидоа да и објаснат дека се е ново, и дека во оваа криза не треба да оди на таков трошок.

View this post on Instagram

A post shared by Nataša Bekvalac (@bekvalceva)

– И архитектите и занаетчиите беа вчудоневидени, но баш и не им е грижа. Молчат да работат и да заработат. Соседите полудуваат од вревата и прашината, а Наташа фрла пари – рекол изворот за српските медиуми.

View this post on Instagram

A post shared by Nataša Bekvalac (@bekvalceva)

Сепак, пејачката решила да си го уреди домот токму онака како што замислила, па не зажалила за ниту еден вложен динар. – Таа сруши се, отиде на бетон. Дури и ги сменила цевките, не поштедила ниту едно парче плочка или паркет. Сега се е во голи и беж нијанси, секое парче во станот штотуку е купено и скапо платено, станот сега изгледа божествено – рекол изворот и додал дека Наташа може комотно да купи нов имот со парите што ги вложила во реновирањето.

View this post on Instagram

A post shared by Nataša Bekvalac (@bekvalceva)

Ургентен центар почнува со реновирање: Еве каде ќе се праќаат итните случаи од Скопје, а каде од другите градови при зголемен број пациенти

Ивона Петрова — Sat, 30 Apr 2022 17:17:38 +0000

Подготвителните активности за реконструкција на Ургентниот центар и новиот начин на функционирање беа повод за денешната посета на министерот за здравство, Беким Сали на Клиниката за ТОАРИЛУЦ. -Заедно со директорот, д-р Александар Трајановски направивме обиколка на просторот, каде е направено соодветно обележување на патеката на движење со јасно видливи ознаки, како и патеката на движење на возилата на ИМП до главниот влез на хируршките клиники од страната на УК за стоматологија. Во периодот на реновирање, пациентите со итна патологија се примаат во просториите на амбулантниот дел на Клиника за трауматологија, кој времено се преадаптира во Ургентен центар, информира Сали. Согласно планот предвидено е во случај на зголемен број пациенти, за време на реконструктивните зафати во Ургентниот центар сите итни пациенти од Скопје да бидат згрижени во Градската општа болница 8-ми Септември, додека пациентите од другите градови ќе ја добијат соодветната здравствена услуга – хируршки третман во Специјалната болница за хируршки болести Свети Наум Охридски.

Почнува реновирањето на Ургентиот хируршки центар

Магдалена Андонова — Fri, 29 Apr 2022 14:51:51 +0000

Од ЈЗУ Универзитетска клиника за трауматологија, ортопедски болести, анестезија, реанимација, интензивно лекување и ургентен центар (ТОАРИЛУЦ) информираат дека во текот на овој викенд почнуваат активностите за реновирање на Ургентиот хируршки центар и тие зафати ќе се реализираат во траење од еден, најдоцна до два месеца. Од Ургентниот центар информираат дека ќе функционираат непречено со дежурни тимови во текот на целото деноноќие, но со помал обем и пациентите кај кои е неопходна итна здравствена услуга ќе бидат соодветно згрижени. Во овој период на реновирање, пациентите со итна патологија ќе се примаат во просториите на амбулантниот дел на Клиника за трауматологија, што времено ќе се преадаптира во Ургентен центар, соопшти Министерството за здравство. Согласно планот, во случај на зголемен број пациенти за време на реконструктивните зафати во Ургентниот центар, предвидено е сите итни пациенти од Скопје да бидат згрижени во Градската општа болница „8-ми Септември“, додека пациентите од другите градови ќе ја добијат соодветната здравствена услуга – хируршки третман во Специјалната болница за хируршки болести „Свети Наум Охридски“. Во меѓувреме, во кругот на Ургентен центар се преземат активности за соодветно обележување на патеката на движење со јасно видливи ознаки, како и патека на движење за возилата на Итната медицинска помош до главниот влез на хируршките клиники од страната на Универзитетската клиника за стоматологија. Исто така, со цел обезбедување соодветен транспорт, обезбедено е посебно болничко транспортно возило, кое ќе биде достапно за пациентите на хируршките клиники, по потреба за транспорт до останатите клиники, најчесто до Институтот за радиологија (лоцирано на влезот од страната на УК за стоматологија), посочуваат од Министерството за здравство. (МИА)

Воопшто не штеделе: Мајката и ќерката Кардашијан потрошија огромно богатство за реновирање

Ивана Ефремовски — Fri, 07 May 2021 14:47:49 +0000

Реалити ѕвезда Клои Кардашијан и нејзината мајка Крис Џенер потрошиле огромно богатство за реновирање на нивниот имот во Калифорнија. Имено, Клои и Крис имаат огромен имот на кои се наоѓаат два огромни вили кои сега ги реновираат, а за истите потрошиле 37 милиони долари. На фотографиите може да се забележи дека е ископено целото земјиште, а изгледа се реновира и базенот. Мајката и ќерката воопшто не се штеделе да го уредат својот дом по нивен вкус. Инаку, неодамна Клои се најде во скандал кога моделот Сиднеј Чејс во подкаст на „Јутуб“ откри дека била интимна со НБА ѕвездата, Тристан Томпсон. Инфлуенсерката јавно кажа дека Тристан изјавил дека е слободен, но таа кога дознала дека е со Клои го прекинала контактот.

За реновирање на Белата куќа потребни 377 милиони долари

Магдалена Андонова — Thu, 30 Jul 2020 07:37:05 +0000

Администрацијата на американскиот претседател Доналд Трамп бара 377 милиони долари во следниот предлог закон за помош за ублажување на последиците од коронавирусот, со цел да се реновира Белата куќа. Сумата, која е вклучена во предлог законот за помош од страна на Сенатот, исто така ќе опфати нова безбедносна заштита за зградата на Извршната канцеларија Ајзенхауер во комплексот на Белата куќа. Администрацијата соопшти дека реновирањето на Белата куќа „би ја зголемило способноста на кампусот да ја открие и ублажи надворешната безбедност и заканите од пандемијата“. Западното крило не е комплетно реновирано од 1933 година, според Управата за општи услуги, која го одржува поголемиот дел од комплексот на Белата куќа. (MИА)

Владата во вонредна состојба троши 294.310 евра за реновирање

Ивана Ефремовски — Sun, 24 May 2020 17:41:58 +0000

Владата од почетокот на вонредната состојба од 18.03.2020 до денеска потрошила над 290.000 евра за реновирање. Првиот договор го склучила на 16.04.2020 година за замена на столарија, а во врска со спроведување на мерките за енергетска ефикасност согласно програмата за аерозагадување. Вредноста е 273.673 евра, а опфатени се 12 општини, фирма која го добила тендерот од Кавадарци регистрирана како МИ КОМЦЕРЦ 2000 Златко ДООЕЛ, анализира ТВ 21. -Претходно, во месеците декември и ноември Владата исто така реализирала јавни набавки за иста цел, само за различни општини, а вкупната вредност е 432.228 илјади евра. И овие набавки ги добила истата компанија. Добивала и други тендери, најскапите се во општина Аеродром. За реконструкција на станбени објекти потрошени се 812.532 реализиран во две фази. Втората набавка е направена шест денови подоцна, а тежи 20.637 евра, со цел адаптација на Вила Водно 2. Тендерот го добила фирма од Скопје, регистрарана како СОЛАС – ЕКС – ИМ –ДООЕЛ, објави телевизијата. Лакирање на паркет, молерисување, поставување подни плочки, изработка на кров од трска за летниковец кај скара како и ѕвездено небо на главниот влез, се дел од реконструкцијата која е планирана за вилата. -Компанијата СОЛАС – ЕКС – ИМ –ДООЕЛ според евиденцијата, тендери започнува да добива од 2016 година, највредниот е 134.309 илјади евра за Општина Тетово, наменет за рушење на објекти. За сето ова побаравме став од Владата, но до почетокот на овие вести, одговор не добивме, објави ТВ21.