реплек ад – Kurir.mk

„Реплек“ уште еднаш се здоби со сертификатот за највисоки производни стандарди на Европската Унија

Дарко Андоновски — Wed, 20 Sep 2023 12:44:41 +0000

20.09.2023, Скопје – Европската агенција за лекови (ЕМА) по четврти пат го потврди високиот квалитет на производите на „Реплек“, доделувајќи го сертификатот – EUGMP (Good manufacturing practice). Овој сертификат е потврда за добрата производна пракса согласно највисоките стандарди на Европската Унија. Покрај тоа EUGMP сертификатот е услов за влез на пазарот на ЕУ, но истовремено исклучително е важен и за пласман на другите пазари и во земји кои не се дел од Унијата. Потврдата за квалитет на производите на „Реплек“ е уште еден силен адут за зајакнување на растот на извозот и освојување на нови пазари. Како резултат на новата извозна стратегија, компанијата во првата половина од годинава веќе оствари раст на продажбата на странски пазари од над 40%, а продажбата порасна и на домашниот пазар. Растот на странските пазари продолжува и во втората половина на годината. „Огромно задоволство за нас преставува сертификатот – EUGMP, бидејќи тоа е гаранција за квалитетот на нашите производи и нашата конкурентност. Како извозна компанија која над 80% од продажбата ја остварува на странски пазари, овој сертификат е „пасош“ за нашите производи. Стратегија на компанијата не е само зајакнување на позициите, туку и унапредување на нашето портфолио, со што ќе креираме дополнителна вредност. Ги имаме сите услови за тоа, а резултатите што ги остваруваме покажуваат дека се движиме во вистинска насока“, изјави Душан Пецовски, генерален директор на „Реплек“. EUGMP – Good manufacturing practice е фармацевтски стандард воспоставен од Европската агенција за лекови кој ги дефинира производните процедури за фармацевтски производи, со што сите лекови што се продаваат на пазарите во ЕУ задолжително мора да ги исполнуваат критериумите пропишани со стандардот. „Добивањето на овој висок стандард по четврти пат е потврда за нашиот посветен пристап и континуирано вложување во производниот процес. Ова е потврда дека нашето производство испорачува квалитетен производ со исти перформанси како во било која друга компанија во ЕУ. Ова е еден од највисоките и најстроги стандарди, а процесот на негово добивање е детален и многу строг. Ние успешно ги поминавме сите скалила, што е потврда за високата стручност на целиот тим на компанијата. Продолжуваме и понатаму да работиме посветено“, изјави Марјан Велковски, оперативен директор на „Реплек“. Согласно својата стратегија компанијата продолжува да инвестира во имплементација на иновации, модернизација и трансформација, со што се пресретнуваат најновите трендови во фармацијата. „Реплек“ е присутна на пазарите во Европската Унија, регионот Адриа, како и на пазарите во Централна и Југоисточна Азија, а дел од производите од фармацевтската програма се едни од најпродаваните на одделни пазари, што е директна потврда за препознавање на нивниот висок квалитет.

Продолжуваат позитивните резултати на Реплек АД – раст на приходите во сегментот фармација од 32% во првата половина на годината

Дарко Андоновски — Wed, 12 Jul 2023 10:20:07 +0000

Јакнењето на позициите и освојувањето на нови извозни пазари го продолжија растот на приходите на „Реплек АД“. Во првите шест месеци од годинава компанијата оствари раст на вкупните приходи во сегментот фармација од 32%. Најголем удел во растот има продажбата на странски пазари, каде растот изнесува над 40% во споредба со истиот период од минатата година, а раст има и на домашниот пазар. „Резултатите од нашето работење во првата половина на годината се потврда за нашата стратегија која за компанијата, акционерите и за општеството во целина носи позитивни резултати. Квалитетот и потенцијалот на нашето портфолио ја зајакнува позицијата на компанијата на пазарите, што е резултат на зголемувањето на нашата конкурентност, на која работиме во континуитет. Внатрешните промени на кои бевме посветени имаа за цел создавање модерна компанија, чие портфолио ќе ги следи промените на пазарот. Работиме на развој на нови иновативни пристапи кои во иднина ќе донесат уште подобри резултати, а досега постигнатото е потврда за нашите досегашни одлуки“, истакна Душан Пецовски, генерален директор на „Реплек АД“. Растот на продажбата остварен во првите шест месеци е продолжение на нагорниот тренд што компанијата го оствари и во текот на минатата година. Тогаш, и покрај енергетската криза и отежнатиот пристап на пазарите, „Реплек АД“ оствари раст од 7%. Минатата година „Реплек АД“ ја претстави својата нова извозна стратегија, која се темели на јакнење на позициите на странските пазари и освојување нови. Дури 82% од портфолиото се пласира на пазарите во повеќе од 20 земји, а останатиот дел отпаѓа на домашниот пазар. Компанијата е присутна на пазарите во Европската унија, регионот Адриа, како и на пазарите во Централна и Југоисточна Азија. Некои од производите од фармацевтската програма на компанијата се едни од најпродаваните на одделни пазари, што е дополнителна потврда за квалитетот и висока конкурентност на глобално ниво.

Реплек АД Скопје: Позитивните резултати во 2022 постигнати како резултат на зајакнат извоз ќе продолжат и во следната година

Дарко Андоновски — Fri, 03 Mar 2023 12:48:42 +0000

Продолжува јакнењето на позициите на странските пазари и проширување на извозното портфолио на „Реплек АД“ Скопје. Минатата година „Реплек АД“ Скопје оствари раст на продажбата од 9%. Приходите од продажба на странските пазари учествуваат со 68% во вкупните приходи на компанијата остварени минатата година. Зголемувањето во овој сегмент, покрај зајакнувањето на постојните позиции на странските пазари и проширување на портфолиото се должи и на освојувањето на нови пазари, реализирани во услови на енергетска криза и отежнато движење на стоки и услуги. Продажбата на странските пазари е исклучително важен сегмент за „Реплек АД“. Компанијата пласира дури 75% од своето производство во повеќе од 20 земји, а останатиот дел отпаѓа на домашниот пазар. Со свои производи компанијата е присутна на пазарите во Европската унија и Адриа регионот, како и на пазарите во Централна и Југоисточна Азија. „Новата извозна стратегија на компанијата е базирана на амбициозен пробив на нови пазари и проширување на деловните активности на постојните. Промените што заедно со нашите вработени ги реализираме во нашата компанија се базирани на целосно преструктуирање, воведување на иновации и промена на одредени модели на работа. Првите резултати се мотив да продолжиме уште посилно и искрено се надеваме дека во блиска иднина ќе создадеме уште подобри резултати кои ќе бидат значајни за нас и за акционерите, но ќе дадат и дополнителна вредност за развој на македонската економија“, истакна Душан Пецовски, генерален директор на „Реплек АД“ Скопје. Приходите од продажба на домашниот пазар во текот на 2022 година се зголемени за 3%, а консолидираната добивка пред оданочување изнесува 97,9 милиони денари. Вкупните приходи од сегментот фармација кои ги оствари компанијата во текот на минатата година се зголемени за 7%. Добивката која ја оствари компанијата минатата година бележи пад во споредба со 2021 година, што во најголема мерка се должи на зголемените цени на енергенсите предизвикани од енергетската криза, а тоа влијаеше и на зголемување на расходите за 9% во однос на претходната година. Инвестициите во подобрување на конкурентноста на производите, преку модернизација и воведување на иновативни решенија, дополнително ќе придонесат за успешна реализација на деловните планови. Компанијата во континуитет инвестира и во целосна модернизација и трансформација на работењето, поставувајќи нови напредни стандарди. Во таа насока, „Реплек АД“ инвестираше 43 милиони денари во фотоволтаична централа со инсталирана моќност од 948.29 kWp, заменувајќи над 40% од вкупната потрошувачка на електрична енергија со обновлива сончева енергија. Компанијата доби и А - интегрирана еколошка дозвола, што е потврда за одговорното работење, континуираниот мониторинг и намалување на влијанието врз животната средина.

Новата извозна стратегија на „Реплек АД“ донесе раст од 9% на приходите остварени на странските пазари

Ивона Петрова — Wed, 01 Feb 2023 09:36:37 +0000

Стратегијата за зајакнување на позициите на „Реплек АД“ на странските и домашниот пазар дава резултати. Приходите од продажба минатата година пораснаа за 7% во однос на 2021 година. Најголем раст на приходите „Реплек АД“ оствари на странските пазари, каде што растот изнесува 9%. На домашниот пазар растот на приходите е зголемен за 3%. Растот на продажбата на странските пазари најмногу се должи на зајакнување на позициите и портфолиото на компанијата на пазарите во Европската унија, како и на пазарите во регионов и во ЗНД, Африка и Блискиот Исток, АСЕАН, ЕУ и други. Над 75% од производите на „Реплек АД“ се пласираат на странските пазари, а останатиот дел отпаѓа на домашниот пазар. „Позитивните резултати од работењето во минатата година не се случајни. Тие се резултат на промените кои ги реализираме во сите делови од нашето работење. Интерната реорганизација, подигнувањето на капацитетите и можностите на продажната мрежа, едукацијата и воведувањето иновативни решенија резултираа со позитивни резултати на сите пазари на кои се присутни нашите производи. Новата извозна стратегија која е приоритет на овој менаџмент на „Реплек АД“ ги даде првите резултати, а реформите ќе продолжат, па очекуваме раст на пазарите и во наредниот период“, истакна Душан Пецовски, главен извршен директор на „Реплек АД“. Во изминатиот период „Реплек АД“ инвестираше во подобрување на конкурентноста на производите преку воведување иновативни решенија, а се работеше и на подобрување на капацитетите на веледрогеријата. Овој тренд ќе продолжи и во следниот период за дополнително да се зајакнат позициите на странските пазари. Компанијата во континуитет инвестира и во целосна модернизација и трансформација на работењето, поставувајќи нови напредни стандарди. Во таа насока, Реплек АД“ инвестираше 43 милиони денари во фотоволтаична централа со инсталирана моќност од 948.29 kWp, заменувајќи над 40% од вкупната потрошувачка на електрична енергија со обновлива сончева енергија. Компанијата доби и А - интегрирана еколошка дозвола, што е потврда за одговорното работење, континуираниот мониторинг и намалување на влијанието врз животната средина.

„Реплек АД“ отвори нов погон – инвестиција вредна три милиони евра во зголемување на производството и модернизација

Ивона Петрова — Wed, 13 Apr 2022 12:26:52 +0000

„Реплек АД“ го зајакнува производството и своите позиции на пазарот. Денес свечено беше отворен новиот погон во компанијата, во чија изградба се вложени околу три милиони евра. Новиот погон кој се протега на површина од 600 м2 ќе овозможи двојно зголемување на капацитетот за производство на полуцврсти дозажни форми. Покрај тоа, за 30 отсто ќе се зголеми и капацитетот за производство на течни дозажни форми. Новата софистицирана опрема ќе овозможи и воведување на нови современи форми на пакување. Инвестицијата во новиот погон дополнително ќе ги зајакне позициите на компанијата на домашниот, но пред сѐ на странските пазари и ќе го забрза процесот на реализација на новата извозна стратегија на „Реплек АД“ која е базирана на диверзификација и проширување на портфолиото на компанијата. На отворањето на погонот претседателот на Управниот одбор на компанијата Душан Пецовски истакна: „Наша цел е да создадеме нови можности за развој и освојување на нови пазари. На тоа сме максимално посветени и храбро работиме во насока на реализација на овие можности и во услови на неизвесност на пазарите, која владее како резултат на кризата. Нашата извозна стратегија, заедно со проширувањето на портфолиото на производи, веќе дава резултати. Новиот производствен погон ќе ни овозможи да го продолжиме, но и засилиме овој стратешки пристап кој е дел од нашиот бизнис план. Нашата визија е да создадеме компанија која ќе биде уште подобро позиционирана на сите важни пазари. Новиот погон ќе придонесе кон таа цел, бидејќи ќе ја зајакне нашата конкурентност. Тоа е одлична вест и за вработените, партнерите и акционерите, бидејќи нашата визија е потврда за долгорочни планови за успех и просперитет“. Во првиот квартал од 2022 „Реплек АД“ оствари раст на приходите од продажба од 5,7 отсто во споредба со истиот период минатата година. Остварените резултати се убедливо најголемиот раст на приходите од продажба на компанијата во прв квартал од почетокот на нејзиното постоење. До крајот на годината планиран е раст на приходите од 20 отсто. На отворањето на новиот погон во компанијата присуствуваше и министерот за здравство д-р Беким Сали. Во своето обраќање тој зборуваше за значењето на соработката во насока на подобрување на услугите во здравствениот сектор. Меѓу другото, д-р Сали истакна: „Владата и Министерството за здравство секојдневно се обидуваат да создадат поволни услови за подобрување на здравствената заштита, креирајќи политики кои ќе го поттикнат квалитетот на сите нивоа. Во таа насока, во постојана комуникација сме со сите наши партнери и инволвирани страни, бидејќи само преку интензивна соработка можеме да ја постигнеме нашата цел – поквалитетна здравствена заштита за сите граѓани. Кризата ни покажа дека соработката и грижата за заедницата во целина е клучна, но и дека е многу важно да се потпреме на сопствените капацитети за да го заштитиме нашето здравје, здравјето на нашите граѓани. Тргнувајќи од тоа, оваа инвестиција е дополнителен придонес токму кон зајакнување на капацитети на нашата држава, во лекови, но и во квалификувани човечки ресурси“. „Реплек АД“ ја зајакнува и интензивира својата соработка со сите релевантни страни. Покрај инвестиции во модернизација на производството и освојување на нови пазари, компанијата соработува со Фармацевтскиот факултет и другите високообразовни институции, во насока на подобрување на едукацијата на стручните кадри и унапредување на научно истражувачката дејност. „Соработката помеѓу реалниот сектор и образовните институции е од исклучително значење во процесот на создавање на квалификувани кадри, особено денес во услови на брз технолошки развој и иновации. За нашите студенти можноста да бидат дел од реалниот процес на создавање на фармацевтски производи во текот на образованиот процес е од исклучително значење. Новиот погон е дополнителен придонес во тој процес“, истакна Зоран Стерјев, декан на Фармацевтскиот факултет во Скопје. „Реплек АД“ во својата структура, покрај домашниот, има и австриски капитал, што е дополнителна потврда за развојниот потенцијал на компанијата и високите стандарди при работењето. На свеченото отворање присуствуваше и амбасадорот на Република Австрија д-р Георг Вуцас. „Економската соработка преку помеѓу двете земји е од големо значење, бидејќи тоа отвора и дополнителна можност за соработка во други сектори. „Реплек АД“ е една од компаниите во земјава во која е вложен австриски капитал, а развојниот план на компанијата и нејзините вложувања се поттик за привлекување на нови инвестиции и зајакнување на соработката“, истакна д-р Вуцас. Како извозна компанија „Реплек АД“ е фокусирана на дополнително освојување и пробив на пазарите во Европската Унија. Компанијата е веќе присутна на пазарите на некои од земјите од Унијата, а се работи и на освојување на нови пазари во ЕУ, но и во Африка и Азија. Компанијата активно работи на проширување на соработката со земјите членки на Асоцијацијата на југоисточните азиски нации (АСЕАН), а паралелно и на подобро позиционирање на домашниот и регионалните пазари. Скоро 75 отсто од производството на „Реплек АД“ се пласира на странските пазари, а 25 отсто отпаѓа на домашниот пазар. Производите на компанијата се присутни на повеќе од 25 пазари во целиот свет. Меѓу нив, покрај оние на земјите од ЕУ, најголеми се пазарите на Русија, Азербејџан, Казахстан, Молдавија, Грузија, Виетнам и други. „Реплек АД“ вработува околу 500 лица, а компанијата е основач и на „Реплек Фарм“, која од 2011 година го поседува ГМП-сертификатот на ЕУ за добри производни практики во фармацевтската индустрија. Овој сертификат гарантира квалитет и е потврда дека лековите на компанијата се целосно усогласени со највисоките светски стандарди во оваа индустрија.

„Реплек АД“ со раст на приходите од продажба за 5,7 отсто во првиот квартал од годината

Дарко Андоновски — Tue, 05 Apr 2022 08:42:27 +0000

Во првиот квартал од 2022 година „Реплек АД“ оствари раст на приходите од продажба од 5,7 отсто во споредба со истиот период минатата година. Остварените резултати се убедливо најголемиот раст на приходите од продажба на компанијата во прв квартал од почетокот на нејзиното постоење. На домашниот пазар приходите од продажбата се зголемиле за над 15 отсто. Компанијата бележи значаен раст од 3,7 отсто и на странските пазари, и тоа во услови на здравствена и воена криза. Според проекциите, компанијата таргетира раст на приходите од продажба за над 20 отсто до крајот на годината. Солидниот резултат што компанијата го оствари од продажба во првиот квартал од годинава, покрај другото е резултат и на новата извозна стратегија со што се зајакнаа и извозните позиции. Покрај тоа, „Реплек АД“ ги зајакна и своите пазарни позиции преку силната диверзификација на извозот. Во таа насока, компанијата за прв пат го осигура извозот на производите од своето портфолио, со што значително се намалува ризикот. Како резултат на новата извозна стратегија компанијата го продолжува освојувањето на нови пазари во Европската унија (ЕУ), Африка и Азија. „Резултатите од првиот квартал се вистинска потврда на нашата одлука за проширување на портфолиото на производи и инвестиции во квалитетот на пласманите на пазарите. Оваа одлука донесе конкретен успех на сите пазари каде што сме присутни. Имаме силен развоен бизнис план кој ќе го оствариме со уште посилно темпо, а успехот што го постигнавме во првиот квартал е одлична вест за нас, но и за нашите вработени и нашите акционери. Развојот и успехот на нашата компанија е можен само со заеднички заложби и енергија која ќе ги забрза овие процеси. Тоа ќе донесе бенефит за сите, а најмногу за нашите потрошувачи. Очекуваме преку инвестиции и иновации да внесеме нова додадена вредност на „Реплек АД“, што ќе рефлектира модерност, флексибилност и нови производи со што дополнително ќе ги зајакнеме нашите пазарни позиции“, истакна Душан Пецовски, претседател на Управниот одбор на „Реплек АД“. „Реплек АД“ започна нов развоен циклус во компанијата, а дел од овој процес, чија цел е унапредување на сите нејзини активности, е и зголемување на капацитетите. Во таа насока, компанијата го завршува процесот на инвестиции во новиот погон, кој набрзо ќе биде ставен во функција. Како извозна компанија, „Реплек АД“ останува фокусирана на зајакнување на своето присуство на пазарите во ЕУ. Покрај тоа, компанијата активно работи и на проширување на соработката со земјите членки на Асоцијацијата на југоисточните азиски нации (АСЕАН), а се работи и на подобро позиционирање на домашниот и регионалните пазари. „Реплек АД“ е извозно ориентирана компанија која на странските пазари пласира 75 отсто од своето производство, а 25 отсто отпаѓа на домашниот пазар. Производите на компанијата се присутни на повеќе од 25 пазари во целиот свет. Меѓу нив, покрај оние на земјите од ЕУ, најголеми се и пазарите на Русија, Азербејџан, Казахстан, Молдавија, Грузија, Виетнам и други. „Реплек АД“ вработува околу 500 лица, а компанијата е основач и на „Реплек Фарм“, која од 2011 година го поседува ГМП-сертификатот на ЕУ за добри производни практики во фармацевтската индустрија. Овој сертификат гарантира квалитет и е потврда дека лековите на компанијата се целосно усогласени со највисоките светски стандарди во оваа индустрија.

„Бомба“ во Реплек: Мнозинството му изгласа недоверба на директорот Туџаров и другите менаџери

Дарко Андоновски — Fri, 09 Apr 2021 07:48:42 +0000

Mнозинството акционери, предводени од Душан и Владимир Пецовски денеска на Годишното Собрание на акционери на Реплек АД Скопје, изгласале недоверба на сите членови на Управниот Одбор и на Надзорниот Одбор на компанијата, објавува Фактор. Фактор дознава дека мнозинството било впрочем против одобрување на работата на двата одбори, поради незадоволство и нетранспарентно работење. Согласно Член 363 и 384 од Законот за Трговски Друштва, со неодобрување на работата на одборите, сите членови вклучувајки ги и Иван Туџаров, односно Претседателот на Управниот Одбор (Генералниот Директор на Реплек АД), како и Претседателот на Надзорниот Одбор се истовремено разрешени. Сите активности, дејствија и овластувања се замрзнати се додека не се назначи нов Управен и Надзорен одбор, на продолжената седница на Годишното Собрание на Акционери во рок од 8 до 15 денови.