репрезентација – Kurir.mk

Канатларовски објави список за тестовите со Ерменија и Малта

Ристе Здравков — Wed, 31 May 2023 12:25:07 +0000

Репрезентацијата на Македонија до 21 година на средина на месец јуни во Скопје ќе одигра два контролни натпревари против селекциите на Ерменија и Малта. Селекторот на младата репрезентација, Драги Канатларовски повика вкупно 25 фудбалери: Голмани: Марко Алчевски (Академија Пандев), Иван Николоски (Беласица), Васко Василев (Рио Аве, Португалија), Стефан Тасев (Македонија Ѓ.П.); Одбрана: Марио Ричков (Шкупи), Стефан Деспотовски (Работнички), Андреј Стојчевски (Жилина, Словачка), Имран Фетаи (Гостивар), Решат Рамадани (Динамо Киев, Украина), Виктор Крстевски (Гостивар), Методи Максимов (Шкендија), Михаил Димитриевски (Брегалница); Среден ред: Мартин Талаков (Подбрезова, Словачка), Иван Николов (Брегалница), Хамза Рамани (Силекс), Алекс Златков (Шкупи), Димитар Тодоровски (Работнички), Димитар Трајков (Академија Пандев), Ване Крстевски (Академија Пандев), Берат Калкан (Касимпаша), Бехар Фета (Воска Спорт), Матеј Ангелов (Работнички); Напад: Марио Илиевски (Кишварда, Унгарија), Христијан Малески (Струга Трим Лум), Луан Абази (Вил, Швајцарија); Двете пријателски средби, избраниците на селекторот Драги Канатларовски ќе ги одиграат на тренинг центарот „Петар Милошевски", со почеток од 17:00 часот. Првиот контролен меч го играме против селекцијата на Ерменија на 15. јуни, а пет дена подоцна е втората контролна пресметка против репрезентацијата на Малта.

Меси за своите соиграчи и тренери од репрезентацијата купил 35 златни ајфони

Тале Кристо — Thu, 02 Mar 2023 10:18:29 +0000

Напаѓачот на ПСЖ и Аргентина, Лионел Меси купи 35 златни ајфони за играчите и тренерите на националниот тим. Бенџамин Лион, шеф на компанијата за уредување телефони „Indesign Gold“, рече: „Беше чест да му доставам 35 златни „iPhone 14“ на Меси. Ги нарача за соиграчите и стручниот штаб како подарок за победата во финалето на Светското првенство“. На задната страна на секој телефон се имињата и броевите на репрезентативците на Аргентина. - Лионел не контактираше неколку месеци по финалето на Светското првенство. Тој рече дека би сакал да им подари посебен подарок на сите играчи и стручниот штаб за да ја прослават нивната убава победа, но не сакаше да подари нешто обично како часовник. Предложив златни iPhone-и со бројки, а идејата му се допадна на Лео, изјави Лион за „Сан“. Триесет и петгодишниот Аргентинец потрошил околу 200 илјади евра за овие подароци. Аргентина го освои Мундијалот по трет пат, претходно до трофејот стигна во 1978 и 1986 година.

Менаџерот на Бензема објави видео со кое предизвика бура во Франција

Ристе Здравков — Tue, 27 Dec 2022 09:17:13 +0000

Во Франција не се смирува ситуацијата по Светското првенство во Катар и изгубеното финале од Аргентина по пеналите. Најмногу се зборува за отсуството на Карим Бензема во самата завршница, иако сè почести се приказните дека освојувачот на Златна топка бил потполно подготвен да заигра за „триколорите“. Дури се огласи и неговиот менаџер Карим Џазири кој објави видео од неговата повреда и анализа од тројца лекари кои потврдиле дека Бензема можел да игра.

Je pose ça là mais avant ça j’ai consulté 3 spécialistes qui confirment le diagnostic que @Benzema aurait pu être apte à partir des 1/8 éme pour au moins être sur le banc ! Pourquoi lui avoir demandé de partir si vite ? pic.twitter.com/wtOHhDeDVW
— Karim Djaziri (@KDjaziri) December 26, 2022

Но, поради одлуката на селекторот Дидие Дешамп, тоа не се случи, па Бензема не се ни најде во Катар иако до самиот крај останал на списокот на пријавени играчи. „Ова го објавив, но прво се консултирав со тројца специјалисти кои ја потврдија дијагнозата - Бензема можеше да биде подготвен уште од осминафиналето за да биде барем на клупата. Зошто толку брзо баравте да си замине?“, напишал Џазири покрај видеото кое предизвика лавина од коментари во Франција.

Хипотетичката репрезентација на Југославија за СП 2022 го вклучува Елмас

Ристе Здравков — Tue, 15 Nov 2022 15:59:37 +0000

Југославија секогаш имала што да покаже на настапите на Светските првенства. Голем број таленти се појавија до 1990 година, кога репрезентацијата на Ивица Осим заврши на петтата позиција. Пред секое ново големо натпреварување се креира хипотетичка репрезентација од најдобрите балкански фудбалери. Така е и оваа година, во пресрет на Мундијалот во Катар. Од македонската репрезентација само Ељиф Елмас најде место меѓу најдобрите единаесет во југословенската селекција од денешно време. Голман: Јан Облак Одбрана: Симе Врсаљко, Јошко Гвардиол, Стефан Савиќ, Сеад Колашинац Среден ред: Лука Модриќ, Сергеј Милинковиќ-Савиќ, Филип Костиќ, Ељиф Елмас Напад: Бенџамин Шешко, Александар Митровиќ Меѓу резервите од македонските интернационалци се уште Столе Димитриевски и Езџан Алиоски. Исто така се споменуваат Самир Хандановиќ, Асмир Беговиќ, Никола Миленковиќ, Дејан Ловрен, Амир Рахмани, Иван Ракитиќ, Марсело Брозовиќ, Матео Ковачиќ, Марио Пашалиќ, Душан Влаховиќ, Един Џеко, Лука Јовиќ, Анте Ребиќ, Андреј Крамариќ и Стеван Јоветиќ.

Лазаров со четири промени во составот за Турција: Се враќа Манасков

Ристе Здравков — Sat, 15 Oct 2022 10:32:38 +0000

Македонската ракометна репрезентација утринава отпатува за Ван, каде утре од 16 часот го игра својот натпревар со репрезентацијата на Турција во 2.коло од квалификациите за Европското првенство 2024 година. Селекторот Кирил Лазаров направи неколку промени во составот за овој втор натпревар, во однос на дуелот против Луксембург. Во тимот се враќа Дејан Манасков на местото на Петар Атанасијевиќ, а на списокот се и голманот Мартин Томовски, Михајло Младеновиќ и Костадин Петров. Од ние што играа против Луксембург отпаднаа Марко Стојковиќ, Марко Кизиќ, а повторно нема да добие шанса Марко Митев. Македонија ќе настапи со следниве ракометари: Митревски, Томовски, Кузманоски, Манасков, Георгиевски, Костески, Петров, Маркоски, Пешевски, Серафимов, Јагуриновски, Талески, Атанасијевиќ, Џонов, Кузмановски, Младеновиќ, Ѓоргиев.

Фалангата ги испрати фудбалерите за Палермо (ВИДЕО)

Ристе Здравков — Tue, 22 Mar 2022 12:47:16 +0000

Македонската фудбалска репрезентација на 24 март го игра бараж натпреварот против Италија на „Ренцо Барбера“ во Палермо. Избраниците на Благоја Милевски денес го одработија последниот тренинг пред летот за Сицилија, а по завршувањето на истиот беа поздравени и испратени од страна на македонските навивачи. Популарната Фаланга ќе ги бодри нашите фудбалери и во Палермо, а дел од нив веќе отпатуваа и се пристигнати во Сицилија. Остатокот од навивачите ќе отпатуваат во следните денови. Македонија и Италија го играат првиот меч од баражот за пласман на Светското првенство во Катар, победникот од овој меч ќе игра со победникот од натпреварот меѓу Португалија и Турција, а конечниот победник ќе обезбеди место на Мундијалот.

Роналдо со нов рекорд, десетти хет-трик во репрезентативниот дрес

Ивона Петрова — Wed, 13 Oct 2021 06:16:21 +0000

Најдобриот португалски фудбалер Кристијано Роналдо постави нов светски рекорд во репрезентативниот дрес. Фудбалерот на Манчестер јунајтед, синоќа во триумфот над Луксембург со 5:0, три пати се запиша во листата на стрелците. Ова е рекорден, 10. хет-трик за Роналдо кога настапува за репрезентацијата. Португалија е втора во А-групата од квалификациите за Светското првенство 2022, со 16 бода, зад лидерот Србија која има 17, но и натпревар повеќе. Следуваат Луксембург со 6 бода, Ирска со 5 и Азербејџан со 1. Директен пласман на Мундијалот во Катар ќе обезбеди првопласираната селекција, додека второто место носи учество во баражот.

Бајиќ: Добивме група која не изгледа атрактивна, но не е ни лесна

Бошко Тасиќ — Tue, 31 Aug 2021 15:35:53 +0000

Селекторот на нашиот сениорски национален тим, Драган Бајиќ, присуствуваше на церемонијалот на одредување на квалификациските групи по кој Македонија за противници ги доби националните репрезентации на Шпанија Грузија и Украина,. „Добивме група која не изгледа како атрактивна, но не е ниту лесна. Но, мојата тренерска филозофија вели дека повеќе сакам противниците да размислуваат за нас, отколку ние за нив. Така е и овојпат. Во разговорите со колегите кои се тука во Женева, дознав дека се вложува многу. И во Грузија, и особено во Украина, тоа се сериозни селекции, за шпанската не сакам да дискутирам. Но во мојот реченик не постои зборот предавање“, вели Србинот. Селекторот смета дека овие најмалку шест натпревари се всушност продолжение на планираните активности откако дојде на кормилото на нашиот сениорски национален тим. „Јасна е визијата, сакаме низ овие натпревари да им дадеме уште поголем прилика на помладите. Верувајте во секој прозорец тоа ќе биде и видливо. Овие мечеви би биле само континутитет на реализација на плановите. Искрено се надевам дека во наредниот циклус ќе ги имаме на располагање и играчите кои не беа во можност да бидат дел од селекцијата, што не бепе слушај овој месец. И сите заедно да уживаме и да напредуваме низ овие квалификациски натпревари. Се надевам дека зад нас ќе останат проблемите со короната, дека ќе се врати оној стар систем на натпреварување,Не би одел така далеку со прогнозите. Имаме простор пред нас кој треба да го искористиме, пред се, да се екипираме. Одиме чекор по чекор „балон“ по „балон“. Да им посветиме уште поголемо внимание на помладите репрезентативци. И некоја наша цел во иднина да биде пласман на Евробаскетот. Дојдовме до шанса да играме на едно повисоко нивно, на нас ќе биде да ја искористиме и да напредуваме. Нема никаков натпреварувачки притисок пред нас. Сакам да бидеме компактни, и со секој одигран натпревар во квалификациите да бидеме подобри и подобри. Но во исто време и да го продолжиме процесот на подмладување. Во секој „прозорец“ да имаме по некое ‘ново име’, тоа треба да биде водич низ квалификациите“, додава Бајиќ.

Одбојкарската репрезентација веќе е во Финска и го одработи првиот тренинг

Бошко Тасиќ — Sun, 29 Aug 2021 14:15:45 +0000

По долгиот пат до Тампере, македонската машка одбојкарска репрезентација денеска го одржа и првиот тренинг во пресрет на стартот на Европското првенство. Нашите одбојкари денеска тренираа во малата сала во Тампере која е наменета за тренинзи надвор од официјалниот распоред, а веќе утре избраниците на селекторот Душко Николиќ ќе имаат два тренинга во пресрет на мечот со Финска в среда. Официјалниот тренинг пред дуелот со Финците ќе се одржи во вторник и ќе биде реализиран во салата во која ќе се играат натпреварите на Еуроволеј 2021. „Имавме долг и напорен пат. Навистина се изморивме, но добро спиевме и еве денеска ни останува да се одработи овој единствен тренинг, па утре ќе имаме според распоредот уште два. Се средивме и мислам дека сега мислиме само на она што не чека в среда со Финска“, ни изјави капитенот на нашата репрезентација, Никола Ѓорѓиев. Македонија второто учество на европските шампионати го почнува в среда во Тампере од 19 часот против селекцијата на Финска.

Кошаркарите денес ќе тестираат со Црна Гора

Бошко Тасиќ — Mon, 02 Aug 2021 08:36:19 +0000

Македонската кошаркарска репрезентација денеска ќе го игра првиот од двата предвидени контролни натпревари против селекцијата на Црна Гора, средби што селекторот Бајиќ ќе ги искористи за да ги види на дело кошакарите со кои работеше во изминатиот период, како загревање за претквалификациите за СП. За овој натпревар, селекторот Бајиќ се реши да им даде шанса на вкупно 15 кошаркари. Своите минути во националниот дрес на овaа проверка ќе ја чекаат: Андреј Магдевски, Кристијан Николов, Бојан Крстевски, Адем Мекиќ, Бојан Трајковски, Бобан Стајиќ, Горјан Марковски, Дамјан Робев, Виктор Ефремовски, Марко Миловановиќ, Андреј Андоноски, Теодор Симиќ, Лејсон Зекири, Валмир Какруки и Џејкоб Вајли За два дена, на 4. август, од 19.часот, двете селекции ќе одиграат уште еден контролен натпревар, исто така во СЦ „Јане Сандански“ во Скопје.