република албанија – Kurir.mk

Млад Албанец приведен во Струга

Ивана Ефремовски — Fri, 06 Oct 2023 11:33:25 +0000

На 05.10.2023 во 14:50 часот на улица „Пролетерски бригади“ во Струга, полициски службеници од Полициската станица Струга го привеле А.З.(22) од Република Албанија затоа што кај него била пронајдена и одземена марихуана. По документирање на случајот ќе следува соодветен поднесок.

Заедничка седница на владите на Северна Македонија и на Албанија на 14 ноември

Дарко Андоновски — Tue, 08 Nov 2022 14:51:15 +0000

Владата, на денешната седница, на предлог на Министерството за политички систем и односи меѓу заедниците ја разгледа и усвои и Информацијата за одржување на втората заедничка седница на Владата на Република Северна Македонија и Владата на Република Албанија.Седницата е предвидено да се одржи во Скопје на 14 ноември 2022 година, соопшти владината прес-служба.

Поддршка од премиерот на Унгарија, Виктор Орбан за ВМРО-ДПМНЕ, Мицкоски и државата

Магдалена Андонова — Tue, 21 Sep 2021 15:09:03 +0000

Денес Претседателот на ВМРО-ДПМНЕ Христијан Мицкоски и потпретседателот на партијата, Александар Николоски остварија средба со премиерот на Република Унгарија и претседател на сестринската партија ФИДЕШ, Виктор Орбан. На средбата се разговараше за актуелни теми и прашања. Една од темите беше справувањето со Ковид кризата која преставува заеднички предизвик на државите од Европа, при што претседателот на ВМРО-ДПМНЕ Мицкоски ја потенцираше потребата од поддршка и отворена соработка со оглед на фактот што Македонија е една од земјите која досега има најголеми последици од оваа пандемија. Исто така на средбата беше отворено прашањето за мигрантскиот бран и состојбата на јужната македонска граница, при што Мицкоски ја отслика состојбата со авганистанските бегалци во Македонија. Соговорниците разменија мислење и ја потенцираа важноста за поддршка на заеднички иницијативи како што е Иднината на Европа, кои ќе овозможат перспектива и нови можности. Од страна на Претседателот на ВМРО-ДПМНЕ, Мицкоски беше посочено дека Македонија во изминатите години владата има исклучително слаб учинок во справувањето со корупцијата и подобрувањето на економскиот амбиент во државата, што е евидентирано и посочувано од страна на нашите меѓународни партнери. Тоа пред се се должи на немањето на капацитет и волја од страна на власта, но беше посочено дека Македонија и македонскиот народ заслужуваат отворање на процесот на преговори, затоа што реформските политички сили предводени од ВМРО-ДПМНЕ многу скоро ќе имаат можност да спроведат брзи и итни чекори за приближување до европските стандарди. Претседателот Мицкоски посочи дека државата мора да има целосно дефинирани цели и дека граѓаните заслужуваат иднина базирана на промени, реформи и нови успеси. Соговорници ја истакнаа одличната соработка на двете сестрински партии и се заложија поддршката да продолжи да се развива и унапредува.

Приведен државјанин од Албанија баран од Интерпол

Магдалена Андонова — Mon, 19 Oct 2020 13:09:15 +0000

МВР соопшти дека денеска во 8 часот на Граничниот премин Блаце бил приведен З.А. (23) од Република Албанија, затоа што бил баран по потерница од Интерпол-Германија. По приведувањето, почната е постапката за одредување на екстрадициски притвор за лицето, инфромираат од МВР. (МИА)

Приведен државјанин на Република Албанија во Тетово: Непријавено престојувал и го нарушувал јавниот ред и мир

Магдалена Андонова — Mon, 17 Aug 2020 14:34:39 +0000

На 16.08.2020 околу 21.00 часот на ул.„171“ во Тетово, полициски службеници на СВР Тетово го привеле Н.Т.(52) од Република Албанија. Тој непријавено престојувал на подрачјето и го нарушил јавниот ред и мир. Н.Т. бил задржан во Полициската станица Тетово за понатамошна постапка и по целосно расчистување на случајот ќе му биде изготвен поднесок.

Албанската опозиција најави продолжување на бојкотот на Парламентот

Предраг Кукиќ — Thu, 20 Sep 2018 10:51:20 +0000

Земјата е во вонредна национална состојба, повеќе не постои држава, нема судство и обвинителство, се носат закони за да се полнат џебовите на албанскиот премиер Еди Рама, па во вакви услови опозицијата не се враќа во Парламентот, изјави во Валона лидерот на Демократската партија, Љуљзим Баша, пренесувајќи го ставот на албанската обединета опозиција. Баша, придружуван од Моника Круемади, претседателка на Социјалистичкото движење за интеграција и Шпетим Идризи, лидер на Партијата за правда, интеграција и единство, позната како „партија на Чамите“, која деновиве ја напушти владината коалиција и се приклучи кон опозицијата, порача дека Рама „бил фатен во кражба“ во однос на Националниот театар. - Законот „Фуша“ е за грабеж на Националниот театар. Еди Рама и неговите разбојници во Парламентот се фатени во кражба преку забрзана процедура на законот за грабеж на театарот. Во вакви услови опозицијата не се враќа во Собранието, изјави Баша во Валона,каде денеска заседаваат пратениците од опозицијата. Градежната компанија „Фуша“, која според опозицијата е во блиски односи со Рама. ќе го урива театарот и ќе гради повеќекатници на таа локација. Продолжувајќи со обвиненија за актуелната власт, Баша рече дека криминалот владее и во Валона и направи кусо резиме на настани што се случувале последните месеци во овој град. Неговиот нов партнер Идризи оцени дека поради една Влада која Албанија ја однела во непознат правец има потреба од силна опозиција. - Денес опозицијата бројно е во мнозинство. Дојде денот на Албанците да им дадеме понуда и решенија за проблемите кои ги мачат, додаде Идризи. Круемади и лидерите на помалите политички партии предложија отпочнување со средби со базата, оценувајќи го патот до „ослободување на Албанците од криминлната Влада“ како долг и тежок. (МИА)

Оваа соседна држава е прва во светот по употреба на кокаин

Предраг Кукиќ — Fri, 24 Aug 2018 13:10:26 +0000

Престижниот британски весник „Економист“ објави дека Албанија го зазема првото место во светот по употреба на кокаин во однос на бројот на населението. Во репортажата под наслов „Зошто картелите профитираат“ се наведува дека борбата со дрогата се движи кон нова криза, а насилните нарко картели се борат за добивка од 320 милијарди долари годишно. Во целиот свет се смета дека има 18 милиони корисници на кокаин. Купопродажбата на наркотичните средства денес е многу лесна, како никогаш порано благодарение на интернетот. - Велика Британија, Шпанија, Австралија и САД се земји каде најмногу се консумира кокаин. Но, најголемиот процент го држи Албанија каде 2,5 отсто од населението ја користи оваа дрога, заземајќи го прво место. Тоа е поради фактот што таа е значаен пат за трговијата со кокаин од Авганистан, наведува „Економист“ . Според истито извор, на кој се повикува албанската агенција Балкан веб, главните производители на кокаин се земјите во Јужна Америка. Колумбија е на 34 место за консумирање, но е производител и снабдувач на половина од количината на кокаин во светот. - Килограм кокаин во џунглите на Колумбија чини околу 2.200 долари, додека во Мексико од 12.000 до 16.000 долари. Во Европа се движи од 53.000 до 55.000 долари по килограм. Организираните криминлани групи бараат нови транспортни патишта, додека обемот е зголемен повеќе од кога било. Исто така, се користат стари канабис канали и правци за транспорт на кокаин, посочува „Економист“. (МИА)

Политичките лидери од Прешевската Долина на консултации во Тирана

Предраг Кукиќ — Thu, 23 Aug 2018 13:47:15 +0000

Претседателот на Демократската партија на Албанците, Рагми Мустафа и негови колеги од другите политички партии на Албанците од јужниот дел на Србија (Прешевската Долина) денеска престојуваат во Тирана. Тие ќе разговараат со премиерот Еди Рама и со министерот за надворешни работи, Димитир Бушати, за актуелната резолуција за прашањето за Косово. Најавено е дека лидерите на политичките партии на Албанците во Србија ќе разговараат со Рама за улогата на албанскиот политички фактор во Прешевската Долина во врска со тековната полемика за корекции на границата. Претседателот на Косово, Хашим Тачи, бара корекција на границата со Србија, додека премиерот Рамуш Харадинај се спротиставува на тоа и наведе дека Тачи не е овластен да преговара за тоа. Албанските политички лидери,шефот на државата и Министертвото за надворешни работи идејата за корекција на границите и размена на територии ја сметаат за опасна по мирот и стабилноста во регионот. (МИА)

ЦИА: Албанија клучна земја за перење пари, трговија со оружје, наркотици и имигранти

Предраг Кукиќ — Mon, 20 Aug 2018 13:59:21 +0000

Американската разузнавачка агенција ЦИА, во последниот објавен извештај за Балканот, го опишува како „експлозив подготвен да експлодира“. Фокусирајќи се на сите земји, ЦИА во својот извештај наведува дека Албанија останува клучна земја за перење пари, трговија со оружје, наркотици и имигранти. - Според американската Агенција за разузнавање, нашата земја и понатаму има проблеми со перење пари, како и канали за шверц со наркотици и оружје. За ЦИА, Албанија се уште се смета за клучна земја за производство на канабис и активна точка за транзит на дрога, наведува весникот „Коха јон“. Во извештајот, Агенцијата предупредува на зголемување на ризикот од тероризам во Црна Гора. Се додава дека јапонската секта Aum Shinrikyo ја зајакнува мрежата во Црна Гора иако поголемиот број од членовите биле протерани пред две години. Што се однесува до Србија, ЦИА оценува дека оваа земја не ги решила граничните проблеми со Косово, Хрватска и Босна и Херцеговина. Се посочува дека патот за транспорт на хероин од Азија во Европа поминува низ Србија и дека нејзината економија е чувствителна кога станува збор на перење пари. Во Босна и Херцеговина, стои во извештајот се третира проблемот со перење пари и корупцијата,но оти судството е многу слабо. Исто така се наведува дека Хрватска е транзитна земја за шверц на кокаин од јужна Америка кон западна Европа. (МИА)

Aлбанските власти блокираа 27 тони бразилско месо со салмонела

Предраг Кукиќ — Sat, 18 Aug 2018 10:18:44 +0000

Албанската Национална агенција за храна во пристанишниот град Драч, блокираше 27 тони пилешко месо. Од месото, кое е потекло од Бразил, веднаш по пристигнувањето земени се мостри и од анализата било утврдено големо присуство на салмонела. Контејнерот во кој било сместено месото бил вратен во земјата на потекло. Во изминатиот перидот од годинава Агенцијата блокираше и врати назад седум контејнери или вкупно 180 тони месо. Од Бразил годинава во Албанија увезени се 259 контејнери со месо и сите се контролирани и анализирани. Бразил е главен извор на месо од живина и свинско месо за албанските увозници. (МИА)