република бугарија – Kurir.mk

Бучковски доби нов мандат како специјален претставник на Владата за Бугарија

Магдалена Андонова — Tue, 30 Nov 2021 20:19:54 +0000

На универзитетскиот професор Владо Бучковски му е продолжен мандатот како специјален претставник на македонската Влада за Бугарија. На денешната седница, ден пред истекот на мандатот на Бучковски, Владата донесе одлука тој повторно да биде именуван на оваа позиција. -На предлог на Комисијата за именување, на денешната седница, проф. д-р Владо Бучковски е именуван за специјален претставник на Владата на Република Северна Македонија за Република Бугарија, со што практично му е продолжен мандатот кој истекува на 1 декември 2021 година, информираа од прес-службата на Владата. Лани на 1 декември, Владата го именува Бучковски за специјален претставник за Бугарија, со мандат од една година. Тогаш од Владата соопштија дека ова именување на поранешниот премиер за специјален претставник во Софија е со цел да се заокружи со успех процесот на решавање на отворените прашања со Бугарија и да се создаде атмосфера за реализација на прашањата од интерес на двете земји опфатени со Договорот за пријателство и добрососедство.

Владата во Бугарија денешната седница ја започна со едноминутно молчење

Магдалена Андонова — Wed, 24 Nov 2021 09:33:52 +0000

На денот на национална жалост, седницата на преодната влада на Бугарија започна со едноминутно молчење, јави дописникот на МИА од Софија. Премиерот на Бугарија Стефан Јанев соопшти дека ова е денот кога се сеќаваме на жртвите – девет бугарски државјани кои загинаа во пожарот во домот за стари лица во селото Ројак, Варна и државјаните на Република Северна Македонија кои загинаа во автобуската несреќа на автопатот Струма. -Во време на тешкотија, да го изразиме нашето сочувство за членовите на семејствата и роднините на жртвите, кажа Јанев. Знамињата на државните институции, вклучително и пред зградата на Советот на министри на Бугарија, се спуштени на половина, во чест на жртвите од селото Ројак и од автопатот Струма. (МИА)

Дејан Анакиевски по потекло од Македонија прогласен за доктор на годината во Варна, Бугарија

Дарко Андоновски — Fri, 22 Oct 2021 12:38:51 +0000

Бугарскиот медицински сојуз го награди доц.д -р Дејан Анакиевски (по потекло од Делчево) вработен во Универзитетската болница „Св. Марина “ – Варна со наградата „ Доктор на годината за 2021 година “. На Денот на бугарскиот лекар – 19 октомври, Бугарскиот лекарски сојуз ги додели традиционалните награди „Доктор на годината 2021“ за придонес во медицината. Д -р Дејан Анакиевски, раководител на Клиниката за урологија при Универзитетската болница „Св. Марина “- Варна, наградата ја освои во категоријата „ Придонес за развој и примена на иновативна медицина и уникатни техники “. Во своето обраќање по повод големото признание Доц.Анакиевски рече: -Ви благодарам за престижната награда. Оваа година е поспецијална затоа што славиме 120 години од основањето на Бугарската медицинска унија. Благодарение на тимот со кој работам и на кој можам да сметам оваа награда е важна не само за мене. Тоа е важно признание за болницата во која работам. Благодарност до раководството на Универзитетската болница „Св. Марина “ и Медицинскиот универзитет – Варна, бидејќи без нивна помош и без опремата што ја обезбедија, сите овие достигнувања немаше да се случат. И сето тоа во име на подобар квалитет на живот за пациентите “, рече Анакиевски во своето обраќање по повод доделувањето на престижното признание.

(ВИДЕО) Страшна несреќа: 15 загинати и 27 повредени во Бугарија откако се преврте автобус со туристи

Предраг Кукиќ — Sat, 25 Aug 2018 21:07:59 +0000

Најмалку 15 луѓе загинаа а 27 се повредени кога туристички автобус се превртел на автопат недалеку од Софија, соопштија бугарските власти. На лице место загинале 13, а двајца на пат кон болница. Несреќата се случила на 20 километри северно од Софија. Според информациите од бугарските медиуми, автобусот од засега непознати причини удрил во неколку автомобили, се превртел и паднал во клисура. Поради инцидентот, сообраќајот е во прекин. Четири болници во главниот град се мобилизирани за да ги примат повредените лица. Полицијата соопштила дека автобусот превезувал туристи кои оделе на викенд патување во блиските одморалишта. Повредените се хоспитализирани, а некои се во критична состојба, изјавиле медицински лица.

Подготвен е анекс на Договорот за пријателство, бугарските владејачки партии ВМРО-БНД и АТАКА порачуваат: Македонија и Бугарија. Тоа се два збора за истото!

Предраг Кукиќ — Wed, 22 Aug 2018 22:57:07 +0000

Откако бугарскиот претседател Румен Радев побара анекс на договорот помеѓу Македонија и Бугарија вечерва бугарските политички партии кои се дел од владејачката гарнитура, ВМРО-Бугарското национално движење и Атака и официјално потврдија дека веќе е подготвен анекс на Договорот за пријателство, пренесува EUSCOOP. Двете политички партии бараат Македонија да престане со присвојување и погрешно претставување на бугарската историја. Лидерот на Атака, Волен Сидеров, ја објави информацијата вечерва и изјави дека веќе ги подготвил условите на анексот. Тој вели дека договорот за пријателство дозволува таква промена. Сидеров ги сумираше неговите барања: "Во принцип, во анексот се наведува дека Македонија треба да се воздржи од присвојување на историски настани и личности: владетели од Првата бугарска империја од цар Крум до цар Владислав, сите историски личности се поврзани со борбата за национално ослободување и така натаму, сите историски настани поврзани со таа ера. Накратко, сакаме една гаранција од македонската држава да престане со своите невнимателни активности кои се однесуваат на нашата историја и да предизвикаат вознемиреност ". Од партијата ВМРО-Бугарското национално движење, бараат да не се меша со ВМРО-ДПМНЕ, и додаваат: "Нашите предци никогаш не направиле разлика меѓу Македонија и Бугарија. Тоа се два збора за истото!“ Од ВМРО-БНД велат, го разбираат премиерот на земјата, Зоран Заев дека е во деликатна позиција со претстојниот референдум, но исто така, потсетуваат дека Бугарија ќе го има последниот збор за Македонија да влезе во Европска Унија. Додаваат и дека Македонија станала позната по бизарните и неточни историски тврдења во врска со историјата на Бугарија и дека за повеќето Бугари, земјата и македонското население се етнички, културно и историски бугарски.

Радев: Заев не се извини како што треба, потребен е анекс-договор за промена на односите со Македонија

Предраг Кукиќ — Mon, 13 Aug 2018 11:48:35 +0000

Претседателот на Бугарија, Румен Радев смета дека македонскиот премиер, Зоран Заев не и се извинил на соседната земја по изјавата дека „Илинденското востание е македонско“, на што реагираа и високи функционери на Бугарија. Радев вели дека Заев не се извинил експлицитно, освен што изразил жалење: -„Доволно ли е тоа извинување? Вие слушнавте извинување? Јас не слушнав. Преку „фејсбук“ не е извинување. Заев посочи дека направил грешка, но, не ги исправи зборовите. За мене не е објасниво некој да каже дека бугарската Влада не реагира така како што треба да реагира. Според мене, недозволиво и неприфатливо е евроатланската перспектива на Македонија да биде ставена пред бугарската историја, идентитет и суверенитет. Не може долгорочните интереси на Бугарија се жртва на политичкиот маркетинг“, рече Радев. Бугарскиот претседател очекува неговата земја да спроведе мерки за санкционирање на Македонија, нагласувајќи дека Бугарија ги има сите основи склучување за дополнителен анекс-договор за промена на односите со Македонија.