република македонија – Kurir.mk

За брзо возење на територија на Македонија казнети 186 лица

Тале Кристо — Tue, 06 Jun 2023 07:58:32 +0000

Во текот на вчерашниот ден (05.06.2023) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 186 возачи. Од нив осум возила се движеле со брзина над 50 километри на час повеќе од дозволеното. Притоа 109 возила ја пречекориле брзината во населено место, а 77 надвор од населено место. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

За брзо возење на територија на Македонија казнети 531 лице

Тале Кристо — Mon, 03 Apr 2023 08:43:40 +0000

Во текот на вчерашниот ден (02.04.2023) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 531 возач. Од нив 29 возила се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина. Притоа 272 возила ја пречекорилe брзината во населено место, а 259 надвор од населено место. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Триесет и две години од изборот на Киро Глигоров за прв претседател на независна Република Македонија

Тале Кристо — Fri, 27 Jan 2023 12:57:58 +0000

Пред 32 години Киро Глигоров беше избран за прв претседател на независна и суверена Република Македонија. Глигоров беше претседател на Република Македонија во два мандата, заклучно до 17 ноември 1999 година. Тој го имаше првото обраќање на македонски јазик на говорницата на Обединетите нации кога Република Македонија на 8 април 1993 година стана 181-та членка на Светската организација. На 3 октомври 1995 година преживеа атентат со автомобил-бомба поставен на улицата Македонија во непосредна близина на хотелот „Бристол”. По завршувањето на неговиот мандат како претседател беше посветен на публицистичка дејност, а меѓу делата е автор и на книгата „Македонија е сè што имаме” (2001). Почина на 1 јануари 2012 година во Скопје во неговиот дом на 94-годишна возраст.

Македонија нема да воведе визи за Косово

Тале Кристо — Wed, 07 Dec 2022 10:25:19 +0000

Република Северна Македонија не воведува визи за Косово, изјави денеска министерот за надворешни работи Бујар Османи, наведувајќи дека станува збор за грешка на Европската комисија која ќе биде поправена. -Тоа е грешка на Европската комисија, ставањето на Косово на листата на земји со коишто треба да има визен режим е пропуст којшто е увиден од страна на Европската комисија. Никогаш не е поминато низ телата на ЕК и тоа ќе биде ревидирано, рече Османи. Османи посочи дека трендот не е воведување визи туку поинаков, да се минува границата со лични карти. -Тоа е целосно контрадикторно со политиката на ЕК. Ние во рамки на Берлинскиот процес само што потпишавме договор шесте земји – членки за движење со лични карти во регионот, така што трендот е спротивен од воведување на визи. Ние сега не само со Косово, со БиХ, со Црна Гора, со Србија нема потреба ни пасош да вадиме, а целта е на крај целосно овој регион да влезе во рамки на слободното движење на граѓани, изјави Османи. Министерот за надворешни работи одговарајќи на новинарско прашање ги отфрли тврдењата за одземање на визната либерализација на Северна Македонија. Османи кажа дека ќе се работи на дополнителни ослободување во односите со ЕУ.

Цепките на Таче Ќуран викан Неизвесност

Љупчо Цветановски — Wed, 26 Oct 2022 13:27:27 +0000

Си седиш така по дома, се здосадуваш и ти врие умот од катадневната северна канонада антимакедонски глупоштии и скандали, цупкаш во место и си чадиш во главата, ама место не те фаќа. Ти фали акција, да. Ти доаѓа да пукнеш или некому да му ја „пукнеш“ в лице. Не, не со тупаница, имаш наплив на бес и срџба збрана која бара вентил и да му се изнавикаш на некој владин северџганистанец, на некое функционерче да му се издереш за сите понижувања, срам и гнев навлечен и набиен минативе 5 години. За се’ што ти се збрало и збира, да му кажеш убаво, јасно и гласно во „фаца“, урлајќи од маката национална и човечка натопорена до ниво на експлозија. Или поверојатно, имплозија, обратен чин во кој предметите си се уриват самите себеси... И таман да си пукнеш, се мислиш дали, сепак, да одиш во кооперација и да си олесниш на душичката со некоја домашна ж’та или, пак, да излезеш на верандата и да заурлаш на цел глас со сиот збран таксират во себе. Кубурот, никако, тој е само за црни денови, нели? И тамам да решиш – еве го Таче. „Струја е“, и буквално и фигуративно, а фотоволтаична, дефинитивно. Ете, пак тој, дворскиот кловн кој оди неуморно по стапките на својот ментор и гуру Зоче. Оти, и Ќуран ја користи истата финта. Кога балонот македонски ќе дојде до сериозно ниво на детонација, Таче Црпков излегува и лупа зелена. И сите се „газиме“ од смеење. Исто ко и со неговиот претходник Зоче. А му згуснеше и направеше или требаше да направи голема беља – излегуваше и тресеше зелен/црн бисер. И нам веднаш ни олеснуваше, си се кикотевме, та коментиравме колку бил глуп, та IQ-то му било ко иницијалите, 33, та кој суртук го ставил, та покорисен идиот не сте виделе, хи-хи-ха-хиња до подмочување, нели? И сега, посреќни сме што Црпко Први „одјава кон зајдисонцето“ на Халкидики? Срцето ни се смее и душата ни грее што дели правда по форуми, формира ступидни фондации, носи помош во Украина, изигрува филантроп, ѓоамити Сорос Муртински? Јок, не сме. Не утепа, не сроза, а ние „смејачите“, си теравме „цепки“ и сеир со него. А Ковачевски, е тој саде копира успешен, црпнат рецепт. „Проверено“, што велеше суртукот нов министер за локална... Да, нема, нема, па Таче ќе се разоткрие. Ама „скроз“... Не, не не’ изненадува, оти добро знаеме дека круша под круша паѓа, а Црпко Втори под Црпко Први. И би. По Муртинхаузен, Тачехаузен ли, ама дека е дилајла која се шлепа на сопствена инфантилност, нема збор... Ок, секој нов ден се’ повеќе сме убедени дека Таче е најприродниот можен избор за престолонаследник на Црпко, најпогоден во вселената, поподобен здравје? А кој го овозможува ова црпкофилско задоволство? Па, кој друг ако не самиот Таче звани Ќуран, кој сега доби и нов прекар – Неизвесност. Тотално во контекст на детските американски серии, каде суперхероите имаат прекари како Опасност, Напаст или Мрзеливост. И така, и Ќуран стана Неизвесност... Секогаш кога ќе касне банана, Кире станува Бананамен, а секогаш кога ќе фати микрофон, Таче станува Неизвесност. Факт. Случајност, јок. Во тој фатален момент, владее огромна неизвесност кај сите, невидена недумица и трпнеж, целиот аудиториум е максимално потресен и во прашалници за Ќуран со микрофонот. Сите се прашуваат: ШТО СЕГА ЌЕ ТРЕСНЕ ТАЧЕ???? И да, Фројд работи кај Таче Ќуран викан Неизвесност, па така тој поттиснат од Фројдовиот комплекс, потиснувајќи ја дарбата за мега-неизвесност во себе, многу остроумно ќе срочи: „ДОЈДОВМЕ ДО ЦЕЛОСНА ПОЛИТИЧКА СТАБИЛНОСТ И НЕИЗВЕСНОСТ!“ Упс, статива. Башка глупост... Ок, нема логика и тресење зелени е работава мисирска, но наследникот на суртукот кој тврдеше самоуверено дека рибата смрди од опашката, човечето кое имаше три први љубови, зборуваше за првиот македонски роман „Село ПОД седумтте јасени“, мешаше баби и жаби и изигруваше полиглот говорејќи и мандарински и абориџински, не „вози“ на истата финта. Мора да сфатиме, еднаш за секогаш, дека тоа што Таче ПЛАТИ КРАТИ, го слуша суфлерот Алија, се „гази“ со гровтање од смеење кога ќе го наречат западнобугарски премиер и не може никогаш да го прочита она што суртукот Забрчанец му го напишал, и не е баш за смеење. Не за смеење, за плачење сме луѓе. Ова веќе е серија, не епизода. Ридска, турска, шпанска ли. Катастрофално режирана од самиот почеток, со сценарио кое веднаш конкурира за Златна малинка, со наместени цепки и црни бисери на Тачевци и Заевци. Ајде, да најдеме друг начин за празнење на насобраното понижување, бес, гнев и срам. Оти, тоа и им е целта на јаваните, да се смееме и сеир да фаќаме, а македонската имплозија е веќе на повидок. Колку ние повеќе се церекаме, толку нивните мешиња и џебови се пополни... Една стара шега за крај, иако ѓаволот одамна ја однесе од Македонија. Она кога Словенецот ја прашува бомбата (Македонија): -Бомбо, бомбо, буш пукла? -БУУУУУУМ!!!

За четири часа казнети 60 возачи

Тале Кристо — Wed, 12 Oct 2022 14:25:56 +0000

Денеска (12.10.2022) во периодот од 06.00 до 10.00 часот од страна на секторите за внатрешни работи и патролни тимови составени од полициски службеници од Одделот за униформирана полиција, спроведена е акциска контрола во областа на сообраќајот на територијата на цела држава. При контролата, санкционирани се 60 возачи. Од нив три за вршење јавен превоз без лиценца по член 284 - а од Кривичниот законик, 17 санкции поради непоседување лекарско уверение, 10 мерки за некористење сигурносен појас, шест санкции за возење без возачка дозвола. Исклучени од сообраќај се три возила кои вршеле јавен превоз на патници на територија на СВР Велес, а 21 возило е упатено на вонреден технички преглед. aЗасилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

За брзо возење казнети 280 лица

Тале Кристо — Fri, 29 Jul 2022 08:05:10 +0000

Во текот на вчерашниот ден (28.07.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 280 возачи. Од нив 14 возила се движеле со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволената брзина. Притоа, 136 возачи ја пречекориле брзината во населено место, а 144 надвор од населено место. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заедничким да придонесеме за побезбедни патишта.

Шпанскиот премиер Санчез в недела во Скопје

Тале Кристо — Fri, 29 Jul 2022 06:37:55 +0000

Премиерот на Кралството Шпанија, Педро Санчез Перез-Кастехон в недела доаѓа во еднодневна официјална посета на Република Македонија. Се очекува тој во Скопје да има средби со премиерот Димитар Ковачевски и со претседателот Стево Пендаровски. Посетата на Северна Македонија е дел од турнеја на Санчез низ земјите од Западен Балкан, што ги вклучува и Србија, Босна и Херцеговина, Црна Гора и Албанија. Кабинетот на шпанскиот премиер соопшти дека Санчез ќе ги охрабри сите балкански земји да ги спроведат неопходните реформи што ќе им овозможи да го забрзаат приклучувањето во ЕУ и ќе им пренесе дека можат да сметаат на Мадрид за време на шпанското претседателство со Унијата во втората половина на 2023 година. Санчез има намера да ја покаже и важноста што Шпанија ја придава на билатералните политички, економски и културни односи со државите од Западен Балкан, како и поддршка за напорите што ги преземаат да бидат дел од ЕУ. Поддршка која веќе беше пренесена на самитот на лидерите на ЕУ и Западен Балкан што се одржа минатиот месец во Брисел пред состанокот на Европскиот совет, на кој Санчез се заложи за старт на преговорите со Северна Македонија и Албанија и давање статус кандидат за чченство на Босна и Херцеговина.

На територијата на Република Македонија за брзо возење казнети 263 лица

Тале Кристо — Tue, 22 Mar 2022 08:47:24 +0000

Во текот на вчерашниот ден (21.03.2022) Министерството за внатрешни работи спроведе засилена акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 263 возачи. Од нив шест возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. Притоа, 127 возачи ја пречекориле брзината во населено место, а 136 надвор од населено место. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

За брзо возење казнети 254 возачи

Тале Кристо — Sun, 27 Feb 2022 08:59:38 +0000

Во текот на вчерашниот ден (26.02.2022) Министерството за внатрешни работи спроведе засилена акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 254 возачи. Од нив 21 возилo се движелo со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволената брзина. Притоа, 76 возачи ја пречекориле брзината во населено место, а 178 надвор од населено место. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.