република турција – Kurir.mk

Турчин приведен на „Деве Баир“, приложил фалсификуван зелен картон

Ивана Ефремовски — Tue, 02 May 2023 10:41:36 +0000

На 02.05.2023 во 00:30 часот на Граничниот премин „Деве Баир“, поради постоење основи на сомнение за сторено кривично дело „фалсификување на исправа“, од слобода бил лишен Х.К.(51) од Република Турција. При пасошка проверка и контрола, на увид приложил фалсификуван зелен картон за возилото кое го управувал. Тој бил предаден на полициски службеници од Полициската станица Крива Паланка за понатамошна постапка.

Ердоган: Вечерва ќе разговарам со Путин за Украина

Ивана Ефремовски — Thu, 29 Sep 2022 17:41:59 +0000

Претседателот на Република Турција, Реџеп Тајип Ердоган изјави дека вечерва ќе разговара со својот руски колега Владимир Путин и оти дискусијата ќе биде фокусирана на Украина, јави Анадолија. Ердоган се обрати на митинг во Анкара, а во таа прилика зборуваше за енергетската криза и Украина. Кога станува збор за енергетската ситуација, Ердоган рече дека Турција релативно лесно влезе во турбулентниот период со проекти за гасоводи кои гарантираат безбедност во снабдувањето со енергија, склучени договори, складишта за течен природен гас и дупчење и истражувачки активности во Црното Море и Источен Медитеран. -Вечерва ќе разговарам со господинот Путин и ќе имаме можност да разговараме за прашањето за Украина, рече Ердоган. Тој се осврна и на борбата со каматите. -Мојата најголема борба е со каматите, мојот најголем непријател се каматите. Повторно ја намаливме каматната стапка на 12. Ова не е доволно, мора да се намали уште повеќе, рече Ердоган и додаде: Се бориме против инфлацијата, верувам дека инфлацијата ќе се намалува со ниски камати по Нова година и јас го бранам таквиот пристап. (МИА)

Изложба и конференција во Скопје по повод 98-годишнината на Република Турција

Катерина Бојаџиева — Fri, 29 Oct 2021 05:41:49 +0000

Во Музејот на Македонска борба за самостојност денеска ќе се одржат активности за одбележување на 98-годишнината на Република Турција. Во рамки на одбележувањето ќе се биде отворена „Изложба на фотографии од Ататурк до Републиката“ и ќе се одржи „Конференција за реформите на Ататурк и републичките достигнувања“.

Пронајден студентот од Турција кој беше исчезнат во Македонија

Ивана Ефремовски — Wed, 29 May 2019 13:19:32 +0000

На 28.05.2019 година во 16:00 часот пронајден е студентот Б.М.А.(21), државјанин на Република Турција. За него вработен во амбасадата на Турција на 25.05.2019 пријави дека се оддалечил од интернатот на Балканскиот универзитет лоциран на улицата „Прохор Пчински“ во Скопје.

Земјотрес погоди познато туристичко место во Турција

Предраг Кукиќ — Sun, 19 Aug 2018 09:50:33 +0000

Земјотрес со итензитет од 4,9 степени, според Рихтеровата скала, утрово е регистриран во Егејското Море во близина на турското одморалиште Датча. Епицентарот на земјотресот е забележан на 28,49 километри длабочина. Нема информации за предизвикани материјани штети или жртви. (МИА)

Налес: Во интерес на сите е Турција да остане економски стабилна

Предраг Кукиќ — Sun, 19 Aug 2018 07:39:48 +0000

Лидерката на германската Социјалдемократска партија, Андреа Налес, навести дека Берлин може да размисли за давање на помош на Турција за актуелната економска криза во земјата. - Може да дојде до ситуација во која ќе биде нужно Германија да и помогне на Турција, независно од политичките тензии со претседателот Реџеп Тајип Ердоган, изјави Налес. Таа посочи дека Турција е членка на НАТО и дека тоа не може да се игнорира. - Во интерес на сите е Турција да остане економски стабилна, истакна Налес. Од почетокот на годината, турската лира опадна за повеќе од 35 отсто во однос на американскиот долар. Корпоративниот долг, инфлацијата и влошените односи со САД само придонесоа за проблемите на Турција. (МИА)

Ердоган едногласно реизбран за лидер на АКП

Предраг Кукиќ — Sat, 18 Aug 2018 17:09:32 +0000

Турскиот претседател Реџеп Таип Ердоган е реизбран за лидер на Партијата на правдата и развојот (АКП), пренесуваат светските агенции. Ова го покажаа резултатите од гласањето одржано денес на партискиот конгрес во Анкара. Сите 1.380 делегати едногласно гласале за Ердоган. (МИА)

Во Турција приведено момче осомничено за палење на автомобили во Шведска

Предраг Кукиќ — Wed, 15 Aug 2018 12:05:30 +0000

Турската гранична полиција привела 19-годишен шведски државјанин по кога е издадена потерница поради сомневање дека учествувал во опажарување на возила во Шведска, објави шведскиот весник „Гетеборгс постен“. Шведската полиција утврдила дека еден од осомничените заминал за Турција и ги предупреди турските власти. Се предвидува приведениот денеска да биде екстрадиран во Шведска. Најмалку сто автомобили беа опожарени во ноќта помеѓу понеделникот и вторникот во реонот на Гетеборг и и Тролхатен. Пироманите дејствувале истовремено во неколку реони, а биле координирани преку социјалните мрежи. И синоќа биле опожарени четири автомобили. Во Шведска приведени се две лица под обвинение дека учествувале во палењето на возилата. Според очевидците возилата биле потпалувани од луѓе облечени во темна облека и со качулки. Тие носеле канти со бензин и бејзбол палки со кои ги кршеле стаклата на автомобилите. Полицајците кои им помагале на пожарникарите биле нападнати со камења. (МИА)

Ердоган: Турција е подготвена за војна во секое време

Предраг Кукиќ — Mon, 13 Aug 2018 13:48:06 +0000

Турскиот претседател Реџеп Тајип Ердоган изјави денеска дека една силна држава треба да е подготвена за секаква ситуација и во името на тоа да обезбеди траен мир. – Тајната на успехот на државите се крие во подготвеноста за војна во секое време, ако тие сакаат мир. Ние сме подготвени со сė со што располагаме – нагласи Ердоган на средба со амбасадорите во Анкара. – Тираните на светскиот систем не може грубо да посегнуваат на нашите постигнувања, за кои сме платиле со крв -додаде тој на адреса на САД, јави ДПА. Во истото обраќање тој рече дека државата се наоѓа под економска „опсада“ која нема ништо заедничко со економските показатели. Тој додаде дека очекува да продлжат нападите врз турската економија. Турската лира е на нов рекорден минимум во однос на доларот (7-1). Ердоган наведе дека акциите на САД се удар во грбот на Анкара и дека се појавува „економски терор“ што се води на социјалните медиуми, но според него „ќе има казни за сите предавници“. (МИА)

Турската Лира продолжува брзо да паѓа

Предраг Кукиќ — Mon, 13 Aug 2018 09:21:18 +0000

Турција изработи акционен план и ќе започне да го спроведува денеска за да ги смири вложувачите, изјави министерот за финансии, Берат Албајрак, откако курсот на лирата према американскиот долар потона на најниско ниво на вредност во историјата. Албајрак, во интервју за „Хуриет“ рече дека слабоста на лирата е последица на нападите и дека акциониот план е подготвен. „Од денеска, нашите институци ги преземаат потребните чекори“, најави министерот, без да изнесе конкретни детали. Тој појасни дека планот е подготвен за банките и малите и средни претпријатија, на кои најмногу влијаат осилациите на курсот на валутата. Од почетокот на годината лирата на вредност изгуби повеќе од 45 проценти, воглавно поради загриженоста во врска со влијанието на турскиот претседател, Реџеп Тајип Ердоган врз економијата, неговото барање за ниски каматни стапки и влошувањето на односите со САД.