ресторан – Kurir.mk

Прогласен најдобриот ресторан во светот за 2023 година, се наоѓа во Холандија

Ивона Петрова — Thu, 28 Sep 2023 08:33:51 +0000

„Tripadvisor“ неодамна ги прогласи најдобрите ресторани во светот. Победник е ресторанот „Бугенвил“ кој се наоѓа во Амстердам. Овој ресторан, каде храната како и услугата е очигледно на завидно ниво, има повеќе од 260 оценети критики со „пет ѕвезди“ на Tripadvisor, што е навистина многу. Веднаш потоа, на листата се најде ресторан во токискиот кварт Нишијазаб по име „Исе Суејоши“. Третото место годинава го зазеде ресторан од Велика Британија, кој минатата година беше на првото место, поточно „Old Stamp House“. Број еден во САД е „Le Bernardin“ лоциран во Њујорк, кој го зазеде 23-то место на светската листа, додека ниту еден ресторан од австралискиот континент не влезе во топ 25. Ова е деталната листа на најдобри ресторани: Ресторан "Bougainville", Холандија "Ise Sueyoshi", Јапонија "The Old Stamp House Restaurant", Велика Британија "Maison Medard", Франција "Ristorante Villa Crespi", Италија "Avartana", Индија "Akira Back", Тајланд "Paul Ainsworth at No. 6", Велика Британија "PIC", Франција "Sachi Heliopolis", Египет Патем, кога Tripadvisor го избира најдобриот ресторан во светот, се оценуваат различни фактори, вклучувајќи ги коментарите и оценките на корисниците, квалитетот на храната, услугата, амбиентот, цените и друго. Овие фактори се земени предвид за да се одреди целокупниот рејтинг и рангирање на светските ресторани на Tripadvisor. Најдобриот ресторан во светот обично има високи оценки од сите овие аспекти и позитивни критики од многу корисници. Важно е да се напомене дека овие рангирања може често да се менуваат бидејќи се засноваат на постојани оценки и прегледи на корисници.

Ресторан во Кина под истрага поради натпревар во јадење кнедли и кршење на Законот против фрлање храна

Катерина Бојаџиева — Wed, 12 Jul 2023 07:42:04 +0000

Властите покренаа истрага околу ресторан во Кина поради натпревар во јадење полнети кнедли. Гостилницата, имено, е обвинета за кршење на Законот против фрлање храна. Во Кина, инаку, традиција е пред гостите да се става повеќе храна отколку што може да изедат. Наградата за оној кој најбрзо изеде 108 кнедли беше бесплатен оброк и титула „Крал со голем стомак“. Сепак, заразниот предизвик ги натера луѓето да претераат со нарачките во ресторанот, коешто предизвика прекумерно фрлање храна, посочуваат надлежните. Кина, на повик на претседателот Си Џинпинг, воведе регулатива во 2021 година за да се справи со „шокантното и вознемирувачко“ фрлање храна. Но, и по две години од донесувањето на тој Закон, Кинезите сѐ уште се прилагодуваат на него. Најмалку 34 милиони тони храна се фрлаат во рестораните во Кина секоја година, посочува истражување на надлежните власти од 2020 година. Некои општини, во овој контекст, како и одделни угостителски објекти, поставија свои правила за борба против фрлањето храна. На пример, Здружението на угостителската индустрија во Вухан ги повика рестораните во таа област - при нарачка на храна во групи, бројот на јадења да мора да биде за еден помалку во однос на бројот на луѓе во групата. Некои ресторани дури и ја мерат тежината на гостинот пред да одредат колку храна му треба нему или нејзе.

ВИДЕО: Хаос во Аргентина, Меси излезе на вечера

Ивона Петрова — Tue, 21 Mar 2023 10:15:54 +0000

Три месеци откако со Аргентина ја освои титулата светски шампион, Лионел Меси во татковината буквално не може да излезе на вечера во ресторан, а да не се случи хаос. Таква беше ситуацијата и вчеравечер во Буенос Аирес. Меси е дома поради два пријателски натпревари со репрезентацијата. Аргентина во четврток игра против Панама, а пет ден подоцна против Курасао. Официјално најдобриот играч во светот бил на вечера во ресторан, каде пристигнал без многу гужва и галама, трудејќи се да остане незабележлив. Но, набрзо пред ресторан настанал вистински хаос. Голем број обожаватели се собрале и го чекале да излезе. Навивачите и обожаватели го чекале фудбалерот два часа пред ресторанот, а за тоа време пееле навивачки песни и го скандирале неговото име.

"Don Julio": Por la presencia de Lionel Messi en ese restaurantepic.twitter.com/8Q53dHg976
— ¿Por qué es tendencia? (@porquetendencia) March 21, 2023

Изгоре ресторан во близина на АМСМ

Ивона Петрова — Mon, 13 Mar 2023 10:24:06 +0000

Пожар рано утринава избувнал во ресторан во близина на Авто мото сојузот на Македонија. Повредени лица нема, но е причинета материјална штета. Од Министерството за внатрешни работи информираат дека во СВР Скопје во 04:33 часот е пријавено дека на улицата „Митрополит Теодосиј Гологанов“ избувнал пожар во угостителски објект при што опожарени се внатрешноста на објектот и кровната конструкција.

Бил Гејтс резервирал цел ресторан со 3 Мишелин ѕвезди, готвачот збеснал поради неговата нарачка

Ивона Петрова — Wed, 22 Feb 2023 07:35:21 +0000

Познатиот шпански готвач Џорди Круз, сопственик на ресторанот ABaC во Барселона, кој има три Мишелин ѕвезди, раскажа како Бил Гејтс ги оставил без зборови него и вработените. -Пред неколку години, Бил Гејтс дојде во ресторанот. Со него дојдоа неговите 25 телохранители, придружба... Бил изнајми цел ресторан само за нив, а ние ја подготвивме најдобрата храна. И што направи? Нарача диетална кока-кола, стана и отиде со својот авион, изјави готвачот во една ТВ емисија. На постојаното прашање на водителот за тоа што нарачал, готвачот одговори. -Ништо, рече Круз и додаде дека поради Гејтс ги прекинал резервациите во ресторанот на два дена. Потегот на Гејтс навистина го налутил. -Дали навистина треба да затворите цело место за да пиете кока-кола?, праша тој. Инаку, менито за дегустација во ресторанот ABaC чини 295 евра. Гејтс е познат по годините на залагање за поодржлив систем на храна. Поддржува алтернативни брендови за месо како што се Beyond Meat, Impossible Foods и Upside Foods.

Се затвора ресторанот на Рене Реџепи

Ристе Здравков — Tue, 10 Jan 2023 09:01:13 +0000

Светски познатиот ресторан во Копенхаген, Нома, најави дека ќе ги затвори вратите за посетителите кон крајот на 2024 година. Уште од отворањето пред 20 години, Нома привлекува поестители од целиот свет и е на првото место на сите главни листи за најдобри ресторани во светот. Основачот на Нома, Рене Реџепи, важи за еден од највлијателните готвачи во светот. И покрај успехот, Реџепи за New York Times изјави дека барањата за водење врвен ресторан на највисоко можно ниво се неодржливи. Одлуката за затворање на Нома доаѓа кога ресторанот се соочува сo контрола околу третманот на работнициte, од кои многумина се недоволно платени или воопшто не се платени. Планот на Реџепи е ресторанот целосно да го затвори за гости до крајот на 2024, и потоа да го пренамени во „лабораторија за храна“ која ќе работи на развивање нови јадења и производи за Noma Projects. Затворањето на Нома веројатно ќе има значително влијание врз кулинарскиот свет. Многу готвачи ја проучуваа работата на Реџепи во Нома и продолжија да го шират неговиот стил во други земји. Сепак, поранешни вработени изјавија дека 16-часовното работно време одамна е рутина во Нома, дури и за неплатените работници. Програмата за стажирање во Нома служеше како пазар на трудот, а практикантите извршуваа голем дел од работата. До неодамна програмата не нудеше плата, а практикантите зборуваа за токсична работна средина, како и за тоа дека им било забрането да разговараат или да се шегуваат.

ВИДЕО: Најстариот ресторан во светот кој работи речиси 300 години се наоѓа во Шпанија

Катерина Бојаџиева — Fri, 02 Dec 2022 08:46:34 +0000

Ресторанот „Ботин“ во Мадрид, Шпанија, е основан 1725 година, па и Гинисовата книга на рекорди го призна како најстар ресторан во светот којшто сѐ уште работи. А, една од најуникатните одлики на оваа гостилница е печката, којашто работи постојано, веќе 298 години. – Тоа е нашиот скапоцен камен… На нашата круна!, рече заменик-управителот, Луис Хавиер Санчез, кој работи во ресторанот повеќе од 45 години. – Никогаш не ја исклучуваме. Таа мора да биде жешка навечер и подготвена за печење наутро. Затоа никогаш не смееме да ја исклучиме. Внатре има посебна арома, навистина е неверојатно! Подеднакво е неверојатно колку ресторанот е посветен на одржување на храната што ја служи. Санчез ја опишува и винската визба како „историја која дише“… Но, храната е она што мора „да го има вкусот на историјата“, при што секој готвач учи од својот претходник, а потоа рецептите ги пренесува на следната генерација. – Нашите рецепти се многу стари, од кога нашите прадедовци го основаа ресторанот. И, оттогаш останавме верни на тие рецепти, додаде тој. Сепак, ресторанот „Ботин“ не е „целосно заглавен“ во минатото – има и своја интернет-страница, како и сите потребни профили на социјалните мрежи.

ДЕФИНИТИВНО НАЈВАЛКАН ПРЕДМЕТ! Сите го допираме ова во ресторан, а има околу 11.000 бактерии!

Магдалена Андонова — Thu, 01 Sep 2022 19:51:27 +0000

Сигурни сме дека до денес не сте размислувале да користите бибер во ресторан... Но затоа сигурно сте слушнале дека менито е еден од највалканите ставки во ресторанот и дека на него може да има околу 185.000 бактерии . Интересно, второто највалкано нешто во ресторанот не е тоалетот, тоа е на вашата маса. Пред да посегнете по него, размислете колку луѓе го допреле тој предмет пред вас. Дали изгледа чисто? Дали површината е леплива? За жал, не е невообичаено рестораните понекогаш да ја занемарат чистотата на садот за сол и бибер. Истото важи и за садовите за сол, шеќер, сирење, а садот за бибер се чини дека води во однос на бројот на бактерии пронајдени на него. Според истражувањето спроведено од ABC News, просечниот сад за бибер содржи околу 11.600 бактерии. - Повеќето од овие предмети се бришат само ако изгледаат валкано, па дури и тогаш само со крпа што вработените ја имаат при рака - објасни Јонас Стиклер, директор на организацијата ConsumerSafety.org и додаде: - И додека во одредени ресторани овие предмети се полнат и бришат, ретко се дезинфицираат и чистат правилно. Друга страшна причина, продолжува Стикерс, е тоа што родителите, за да ги смират децата во ресторанот, често им дозволуваат да си играат со овие предмети за време на оброкот. Тоа би значело дека може да се покрие со се што има на раката на детето, а знаеме дека тие обожаваат да ги „туркаат“ насекаде.

ОВА ДЕФИНИТИВНО НЕ СТЕ ГО ЗНАЕЛЕ! Еве зошто секогаш добиваме леб во ресторани иако не сме го побарале

Магдалена Андонова — Fri, 19 Aug 2022 11:43:33 +0000

Готвачот Рас Адамс од Вашингтон на социјалната мрежа Quora откри зошто на клиентите им се даваат пецива, ѓевреци или леб пред одредена храна во рестораните, а тоа всушност има многу смисла. Свое мислење го споделија и некои други корисници. - Прво, овие печива ќе ве направат жедни. Жедните луѓе потоа нарачуваат повеќе пијалоци, што значи подобар профит. Второ, лебот или нешто слично го стимулира варењето и ве прави уште погладни. Токму затоа луѓето нарачуваат повеќе отколку што можат да јадат, а подоцна велат дека не успеале. Последната причина е што кога луѓето во рестораните имаат занимање, кое во случајов е јадење леб, тогаш не им е досадно и не бараат постојано келнери, напиша Адамс. Ова прашање има над 100 одговори. Еве уште неколку објаснувања. - Се согласувам дека штом ќе добиете нешто, дефинитивно ќе го запомните и повторно ќе се вратите во истиот ресторан. Можете да оставите и поголем бакшиш, напишал еден корисник. Џо Колела, кој порано беше сопственик на ресторанот, исто така го сподели своето искуство. - Повеќето луѓе премногу размислуваат за одговорот. Единствената причина зошто дававме леб пред главното јадење беше да го успориме редот, односно да им дадеме време на готвачите да подготват сè. Келнерот ќе прима нарачки од луѓето по редоследот по кој пристигнале, а додека чекаат ќе им даваат леб на посетителите. Да заклучиме, нема врска со тоа што келнерите се добри и љубезни и сакаат да ти дадат леб, туку едноставно го користат овој трик за себе.

ЈАДЕЛ ПИЕЛ И НЕ САКАЛ ДА ПЛАТИ ПА ЗАВРШИЛ СО СКРШЕНА РАКА И РЕБРО: Во ресторан на плажа претепан син на бизнисмен!

Тале Кристо — Thu, 04 Aug 2022 10:42:47 +0000

Во ресторан во Пула претепан е гостин кој наводно не сакал да си ја плати сметката. Според пишувањата на локалните медиуми, персоналот на ресторанот го претепале 26-годишниот гостин бидејќи откако ручал не ја платил сметката. -Син ми седна во ресторан, и додека ме чекал , јадел пица и пиел пиво. Бидејќи поради работни обврски задоцнив да му донесам пари да плати и да си оди дома. Меѓутоа, штом стигнав на паркингот тој беше на другата страна од патот, видов како целиот персонал од ресторанот го удира додека лежи на земја. Мислеле дека ќе избега и викаа по него. Сега е со скршена рака и едно ребро. Дири и да имало некаков проблем, било какво недоразбирање, не е нормално да претепате човек за пица, вели таткото на нападнатото момче, сопственик на неколку кафулиња во Пула. Медиумите побарале одговори и во ресторанот во кој што се случил инцидентот. -Ќе проверам за што станува збор, но не верувам дека моите вработени некого би претепале. Се случувало некој да нема пари или тврдоглаво да плати, но никој никогаш не бил нападнат. Ние ја негуваме репутацијата на нашиот бар и навистина тоа што ме прашувате ми е за неверување, рекол сопственикот на ресторанот. Од полицијата го потврдија настанот и работи на околностите како дошло до овој немил настан. -Полицијата го испитува настанот со повредата на 26-годишното момче кое на 31 јули околу 23.20 часот пријавило дека на Форуот во Пула бил нападнат од повеќе лица затоа што не платил за оброкот кој го конзумирал во ресторанот. Во инцидентот тешко повредено е момчето, а полицијата продолжува да испитува под кои околности настанал овој настан, велат од полицијата.