реванш – Kurir.mk

Алаба неизвесен за реваншот на Реал против Манчестер сити

Тале Кристо — Tue, 03 May 2022 09:28:38 +0000

Дефанзивецот на Реал Мадрид, Давид Алаба најверојатно ќе го пропушти реваншот од полуфиналето на Лигата на шампионите против Манчестер сити, објави „Марка“. Според шпанскиот спортски весник, 29-годишниот фудбалер го пропушти последниот тренинг на Мадрид. Постои можност поради повреда да не може да учествува на натпреварот со англискиот првак. Реваншот од полуфиналето во Лигата на шампионите Реал – Манчестер сити ќе се одржи утре, 4 мај, на „Сантијаго Бернабеу“. Средбата започнува во 21 часот. Првиот натпревар Сити го доби со 4:3. Вечерва од 21 часот се игра првото полуфинале. Во него ќе се соочат Виљареал и Ливерпул. Првиот меч го доби англискиот претставник со 2:0.

Мурињо: Нема да биде лесно на реваншот со Лестер дури и со 70.000 наши навивачи

Тале Кристо — Fri, 29 Apr 2022 08:19:57 +0000

Тренерот на Рома, Жозе Мурињо ги сумираше впечатоците по мечот со Лестер во полуфиналето на Конференциската лига (1:1). – Ја губевме топката премногу лесно, стана невозможно да се оди во контранапад, не го правевме тоа баш најдобро. Сепак, можевме да притиснеме и да играме како што сакаме, но со текот на времето изгубивме интензитет. Сигурен сум дека сите навивачи на Рома кои го следеа натпреварот би биле среќни кога би знаеле дека исходот од пресметката ќе биде решен на Олимпико. Знам дека на реваншот и со 70.000 навивачи на стадион и уште повеќе надвор нема да биде лесно. Во недела имаме натпревар против Болоња, екипа која игра многу добро и победува. За разлика од Лестер, треба да се фокусираме на Серија А и да се обидеме да завршиме петти. Треба да заборавиме на полуфиналето три дена и целосно да се фокусираме на Болоња, изјави тренерот на Рома. Во другото полуфинале, синоќа Фејнорд го совлада Марсеј со 3:2. Реваншите се закажани за 5 мај, домаќини ќе бидат Рома и Марсеј. Финалето ќе се игра на 25 мај.

Гвардиола сака повторно да се врати во Мадрид, Симеоне пред (не)возможна мисија

Ристе Здравков — Wed, 13 Apr 2022 10:58:05 +0000

Атлетико Мадрид ќе се обиде да ја анулира негативата од 1:0 против Манчестер Сити на Ванда Метрополитано на реваншот од четвртфиналето на Лигата на шампионите во среда навечер. Голот на Кевин Де Брујн на првиот меч во Манчестер ги стави избраниците на Пеп Гвардиола во добра позиција пред ова гостување во Мадрид. Атлетико сега мора да нападне Планот за игра на Диего Симеоне беше едноставен на првиот меч во Англија – спречете го Сити да постигне гол и ништо друго не е важно. Симеоне играше во формација 5-5-0 во буквална смисла. Таков дефанзивен фудбал веројатно не е виден предходно во елитното европско натпреварување, дури и од многу послаби екипи од Атлетико. Ваквиот пристап за малку ќе се исплатеше, но влегувањето на Фил Фоден донесе многу повеќе опции во Манчестер Сити, при што младиот англиски репрезентативец го проигра Де Брујн за водство од 1:0 во 70-та минута. Актуелниот шампион во Ла Лига доживеа уште еден удар врз нивниот моментум изминатиот викенд. Имено, Атлетико и покрај големата фаворитска улога доживеа пораз од Мајорка со 1:0 во саботниот дуел во Ла Лига. Симеоне бара пласман во полуфиналето за прв пат по 2016-17 година, а за тоа Атлетико мора прво да се обиде да шутира кон голот на противникот – што не го направи ниту еднаш во текот на сите 90 минути на Етихад. Враќањето на домашните удобност на „Ванда Метрополитано“ значи оптимизам за Атлетико, кој победи на последните три домашни дуели во тамошното првенство, но од октомври 2020 година тимот на Симеоне не победил на домашен натпревар од Лигата на шампионите – оттогаш ремизирале на четири меча дома и загубиле три натпревари. Сити со тежок распоред на натпревари Тежок меч одигра Сити изминатиот викенд во Премиер Лигата. Де Бруин и Габриел Жесус му донесоа предност на Сити од 2:1 на мечот со Ливерпул кога можеше да се реши прашањето за титулата. Сепак, Мане на почетокот на вториот дел со својот гол ги постави конечните 2:2. Сити беше подобар на теренот, но тоа не се покажа како доволно за победа и разликата од еден бод меѓу двата тима на врвот на тебалата остана непроменета. За да бидат нештата уште покомплицирани, по овој меч во Мадрид, Сити следниот викенд игра повторно со Ливерпул, овој пат во полуфиналето на ФА Купот. Тежок распоред, но во исто време распоред кој може да донесе титули на повеќе фронтови. Целосно импресивната серија на гости покажа дека тимот на Гвардиола, кој направи серија од 12 натпревари без пораз на гостински терен – победувајќи на 10 од нив – додека тие исто така примија само еден гол во последните 630 минути на гостински терен. Нема сомнеж дека Сити ќе игра далеку попретпазливо за разлика од првиот дуел, но со оглед на фактот дека Атлетико конечно ќе мора да се отвори и да нападне, веројатно Пеп и Сити ќе имаат полесна задача во офанзивата за разлика од дуелот во Манчестер.

Квалификации СП: Македонските ракометари бранат „плус осум“ на реваншот во Романија

Тале Кристо — Sat, 19 Mar 2022 09:56:00 +0000

Македонската машка ракометна репрезентација попладнево од 17 часот во Букурешт го игра реванш полуфиналниот мундијалски бараж против Романија, оптимистички расположена дека ќе успее да ја зачува предноста од осум голови разлика од првиот натпревар. Македонските ракометари во средата пред околу 5 000 гледачи во салата „Борис Трајковски“ во Скопје ја совладаа романската репрезентација со 30-22 и направија голем исчекор кон настап во финалниот бараж против Чешка за место на Светското првенство во 2023 година. Иако задоволен од предноста со која „црвено – жолтите“ допатуваа во Букурешт, капитенот и селектор Кирил Лазаров истакна пред денешниот реванш дека неговите соиграчи мора да бидат максимално фокусирани, бидејќи ги очекува полна сала и мотивиран противник. – Треба да бидеме претпазливи пред реваншот, познавајќи го (романскиот селектор Чави) Пасквал, тој нема да се предаде и сигурно не очекува тежок натпревар во Букурешт, посочи Лазаров.

ЛШ: Шкендија ја чека полн стадион на утрешниот реванш против Мура

Тале Кристо — Mon, 12 Jul 2021 17:36:20 +0000

Македонскиот фудбалски првак Шкендија пред полн стадион ќе го игра утрешниот реванш натпревар против словенечкиот претставник Мура во кој ќе се обиде да ја надомести негативата од 0:1 од првиот натпревар и да избори пласман во 2. квалификациско коло во Лигата на шампиони (ЛШ). Како што јавуваат словенечките медиуми, натпреварот против Шкендија предизвикува голем интерес меѓу навивачите на Мура и стадионот „Фазанерија“ во Мурска Собота ќе биде максимално исполнет за утрешниот натпревар што започнува во 20 часот. Стадионот во Мурска Собота има капацитет од 5.500 седишта, но поради ковид-протоколот, во продажба за дуелот против Шкендија се пуштени 4.000 влезници. Екипата на Шкендија денеска со чартер-лет пристигна во Словенија и вечерва ќе го одржи единствениот тренинг на стадионот „Фазанерија“. Победникот од двомечот меѓу македонскиот и словенечкиот првак за противник во 2. квалификациско коло во Лигата на шампиони ќе го има поуспешниот од пресметката меѓу Лудогорец од Бугарија и Шахтјор Солигорск од Белорусија.

Павар се повреди пред реваншот против Челси во Лигата на шампионите

Магдалена Андонова — Mon, 27 Jul 2020 07:41:37 +0000

Дефанзивецот на Баерн, Бенџамин Павар, се повреди на тренинзите, соопшти клубот од Минхен. Французинот го напушти теренот на носилки. Според резултатите од медицинскиот преглед, му бил дијагностициран оштетување на лигаментите на левиот глужд. Павар најверојатно ќе го пропушти реваншот од осминафиналната рунда во Лигата на шампионите на 8 август против Челзи. На првиот меч Баерн како гостин победи со 3:0. Оваа сезона, 24-годишниот Французин има четири гола и седум асистенции на 46 одиграни натпревари. (МИА)

Во септември реванш меѓу Конор Мекгрегор и Хабиб Нурмагомедов, но ако Русинот го победи Фергусон!

Тале Кристо — Sun, 02 Feb 2020 16:13:40 +0000

Се чини дека во оваа 2020 година ќе има спектакл над спектаклите. Ќе има борба во УФЦ или реванш меѓу Конор Мекгрегор и Хабиб Нурмагомедов. Ова го потвдри Дана Вајт, кој изјави дека Конор Мекгрегор ќе се бори со победникот од дуелот меѓу Хабиб Нурмагомедов и Тони Фергусон. Ако се знае дека Дагестанецот, односно Русинот не би требало да има проблем со Тони на 18 април во Бруклин, тогаш ете го тоа што цел свет го чека. Епска битка значи ќе има, таа ќе вреди богатство. Само Хабиб бара 100 милиони долари, веројатно истата сума ќе ја бара и Конор. Терминот на тоа антологиско соочување ќе биде познат веројатно после 18 април. Веројатно тоа ќе биде во септември. Треба прво Хабиб да одработи домашната задача против Фергусон. Да се потсетиме дека ова ќе биде втор меч меѓу Хабиб и Конор, во 2018 година Нурмагомедов во четвртата рунда го нокаутираше Мекгрегор.

Матиќ и Санчез се вратија во групата на Јунајтед за реваншот со Барса

Дарко Андоновски — Mon, 15 Apr 2019 14:48:39 +0000

Манчестер Јунајтед замина утринава за Барселона, каде утре „црвените ѓаволи“ ќе излезат на „Камп Ноу“ во реваншот од четвртфиналната фаза на Лигата на шампионите против Барселона. Во проширениот состав на Оле Гунар Солскјер се враќаат Немања Матиќ, Алексис Санчез и Матео Дармијан кои беа повредени. Во првиот натпревар, кој беше одигран пред една недела на „Олд Трафорд“, Барселона победи со 1:0 по авто-гол на Лук Шо. Групата на Манчестер Јунајтед за дуелот со Барселона: Голмани: Давид Де Хеа, Серхио Ромеро, Ли Грант; Одбрана: Диого Далот, Матео Дармијан, Ешли Јанг, Фил Џонс, Виктор Линделоф, Маркос Рохо, Крис Смолинг, Лук Шо; Среден ред: Фред, Немања Матиќ, Скот Мактомии, Андреас Переира, Пол Погба, Џеси Лингард, Хуан Мата; Напад: Антони Марсијал, Алексис Санчез, Ромелу Лукаку, Маркус Рашфорд.

Фјури ќе добие 26 милиони долари за реваншот со Вајлдер

Дарко Андоновски — Tue, 12 Feb 2019 20:44:27 +0000

Поранешниот светски шампион во бокс во тешка категорија, Тајсон Фјури (Велика Британија) ќе добие 26 милиони долари хонорар за реваншот против шампионот во верзија Светски боксерски совет Дионтеј Вајлдер (САД), соопштува „Дејли Мирор“. Натпреварот ќе се одржи на 18 мај во Њујорк. Тие се состанаа на 1 декември минатата година во Лос Анџелес, но победник немаше, откако и Вајлдер, и Фјури останаа без пораз на професионалниот ринг. Американецот е со биланс од 40 победи (39 со нокаут), 0 порази и 1 реми при, додека Фјури е со 27 успеси (19 со нокаут) 0 порази и 1 реми. Британецот објави дека донирал 9 милиони долари за добротворни цели добиени од првиот натпревар со Вајлдер.

Венгер останува оптимист за финалето

Дарко Андоновски — Fri, 27 Apr 2018 07:28:45 +0000

Менаџерот на Арсенал, Арсен Венгер изрази разочарување од ремито дома 1:1 против Атлетико Мадрид во првото полуфинале на Лига Европа, но остана оптимист за шансите на „топџиите“ да стигне до финалето во Лион. Во поголемиот дел од натпреварот, Атлетико играше со фудбалер помалку, откако Вршаљко беше избркан поради два жолти картони. - Ако го погледнеме целокупното претставување и начинот на кој се разви натпреварот, тогаш ова е најлошиот можен резултат. Сепак, треба да одиме во Мадрид со позитивен став и да се пласираме во финалето, изјави Венгер по мечот. Французинот смета дека неговиот тим мора да се поврати од големото разочарување и да се подготви за следниот натпревар. - Тоа беше една прекрасна можност која пропуштивме. Можеше да се пласираме уште денес (вчера), но тоа не се случи. Нивниот голман направи многу одбрани, а во исто време покажаа класа дека можат да постигнат гол по една единствена шанса, додаде Венгер. Реваншот во Мадрид е на 3 мај.