ревизор – Kurir.mk

Комисијата за избори и именувања ќе одлучува за главен ревизор

Ивона Петрова — Fri, 01 Nov 2019 07:08:42 +0000

Собраниската Комисија за прашања на изборите и именувањата денеска ќе ја продолжи 17. седница на која треба да биде одлучено кој ќе биде главен ревизор. Собраниски извори потврдуваат дека е постигнат договор за тоа кој ќе биде државен главен ревизор, но официјално неговото име не се соопштува. Работата на Државниот завод за ревизија речиси е блокирана поради тоа што оваа институција нема директор, а мандатот на вршителот на должноста истече на 4-ти овој месец. За другите кадровски прашања, кои исто така треба да го минат филтерот на Комисијата, пред да бидат ставени на дневен ред на собраниска седница, како што посочуваат пратеници, засега нема договор. Станува збор за испразнетото директорско место во Дирекцијата за заштита на личните податоци, испразнетите места во комисиите за слободен пристап до информации од јавен карактер, Комисијата за антидискриминација, АВМУ и други. Во Собранието денеска седници треба да одржат и комисиите за здравство и за одбрана и безбедност. На Комисијата за здравство на дневен ред е Предлог-законот за контрола на опојни дроги и психотропни супстанции, во прво читање. Членовите на Комисијата за одбрана и безбедност ќе ја разгледуваат Предлог-одлуката за испраќање припадници на Армијата на Република Северна Македонија за учество во мировната операција „Одлучна поддршка“ во Исламската Република Авганистан.

Утре нов обид да се избере главен ревизор

Катерина Бојаџиева — Thu, 31 Oct 2019 14:24:27 +0000

Комисијата за прашања на изборите и именувањата за утре закажа седница на која треба да биде одлучено кој ќе биде главен ревизор. Собраниски извори потврдуваат дека е постигнат договор за тоа кој ќе биде државен главен ревизор, но официјално неговото име не се соопштува. Работата на Државниот завод за ревизија речиси е блокирана поради тоа што оваа институција нема директор, а мандатот на вршителот на должноста истече на 4 овој месец. За другите кадровски прашања кои исто така треба да го минат филтерот на Комисијата, пред да бидат ставени на дневен ред на собраниска седница, како што посочуваат пратеници, засега нема договор. Станува збор за испразнетото директорско место во Дирекцијата за заштита на личните податоци, испразнетите места во комисиите за слободен пристап до информации од јавен карактер, комисијата за антидискриминација, АВМУ и други.

Хуманитарна изведба на претставата „Ревизор“ на ФДУ

Дарко Андоновски — Fri, 08 Feb 2019 07:14:55 +0000

Студентите по актерска игра од четврта година на Факултетот за драмски уметности вечер ќе ја изведат на претставата „Ревизор“. Влезот на претставата е со донации во висина од можностите и желбата на посетителите. Средствата што ќе се соберат ќе и бидат предадени на Снежана Караџовска, која во сообраќајна несреќа ги изгуби двете нозе над колена. Таа треба да направи операција во болницата „AOFE“ во холандскиот град Утрехт, каде што ќе добие протези и обука за кликпротези и ќе може повторно да прооди. На влезот во салата, пред почетокот и по завршувањето на претставата, ќе биде оставена кутија, каде посетителите ќе можат да ги донираат средствата. Тие кои не се во можност да дојдат на изведбата на претставата, а сакаат да донираат, тоа можат да го направат на телефонските броеви: 070 143-191 (Телеком) и 078 143-478 (Вип). Средства може да се уплатат и на жиро сметка: За Македонија – Снежана Караџовска Скопје, денарска жиро сметка: 300-007016373883, Комерцијална банка АД Скопје, цел на дознака-лекување во странство. За странство – Snezana Karadzovska ul. Ograzden br. 4/1-9, 1000 Skopje, IBAN MK07300307010243080, BIC/SWIFT CODE: KOBSMK2X, Komercijalna banka AD Skopje Macedonia. Претставата „Ревизор“ е испит по предметот актерска игра 4 на студентите од катедрата за драмски актери-четврта година во класата на проф. М-р. Мими Таневска и дем. Ангелчо Илиевски. Ликовите ги толкуваат: Антон Антонович – Томислав Давидовски, Ана Андреевна – Стефанија Митовска, Марија Антоновна – Наталија Ристеска, Лука Лукич Хлопов – Благој Јовановски, Амос Фјодорович Лјапкин Тјапкин – Виктор Велевски, Артемиј Филипович Земљаника – Исмет Шабановиќ Иван Кузмич Шпекин – Стефан Спасов, Петар Иванович Допчински – Дарко Ристовски, Петар Иванович Бопчински – Марјан Наумов, Иван Александрович Хлестаков – Кристијан Танчевски Февроња Петровна Пошљапкина – Елена Кузманов, Подофицерката Ивановна – Ана Димитрова. Претставата „Ревизор“ беше наградена за најдобра претстава на фестивалот „Dioniz 2018“, што се одржува во Џаково, Хрватска.