режисер – Kurir.mk

Русија нареди апсење на истакнат продуцент и режисер поради критикување на војната во Украина

Катерина Бојаџиева — Wed, 17 May 2023 14:39:51 +0000

Судот во Москва нареди апсење на истакнатиот филмски продуцент Александар Родњански и театарскиот режисер Иван Вирипаев поради „ширење лажни информации“ за руската војска. Првото судско рочиште против Родњански и Вирипајев се одржа на 27 април, но судот тоа до денеска не го објави. Прес-службата на судот објави дека Родњански и Вирипаев, кои се надвор од Русија, ќе бидат приведени кога руските власти ќе успеат да ги приведат или кога ќе бидат екстрадирани. Рускиот министер за внатрешни работи дополнително го стави Вирипаев на сојузната потерница. Роден во Киев, Родњански е меѓу највлијателните личности во руската кинематографија во последните децении. Тој ја напушти Русија по почетокот на нејзината инвазија на Украина во февруари 2022 година и постојано зборуваше против војната.

Уапсен режисерот и сценарист Пол Хагис, обвинет е за силување

Ивона Петрова — Tue, 21 Jun 2022 06:04:15 +0000

Канадскиот режисер и сценарист Пол Хагис (69) е уапсен во италијанскиот град Остуни. Британска го обвинила за силување и нанесување на тешки телесни повреди. Во полиција рекла дека Хагис два дена јадржел во хотел и сексуално ја злоставувал, пред да ја однесе на аеродром и таму да ја остави. Истрагата е во тек, а на оскаровецот му е забрането да ја напушти Италија додека случајот целосно ќе биде истражен.

Литванскиот режисер Кведаравичиус загина во Мариупол

Ивона Петрова — Sun, 03 Apr 2022 10:45:52 +0000

Во Мариупол вчера е убиен литванскиот филмски режисер Мантас Кведаравичиус, кој долги години ги документираше настаните во градот, соопшти украинското Министерство за одбрана. Во соопштението се наведува дека „руските окупатори додека се обидуваа да го напуштат Мариупол го убија литванскиот режисер Мантас Кведаравичиус“. – Изгубивме човек кој до последен момент, и покрај опасноста, работеше во Украина, која е окупирана од Русија, изјави литванскиот претседател Гитанас Науседа.

Почина познатиот американски режисер

Магдалена Андонова — Thu, 23 Sep 2021 07:40:33 +0000

Американскиот режисер и глумец Мелвин ван Пиблс, познат по својот удел во независната филмска индустрија, почина на 89 години. Веста ја потврди неговиот син – познатиот режисер и глумец Марио ван Пиблс. – Тато знаеше дека сликата на црнците вреди… Ако една слика вреди илјада зборови, тогаш колку вреди филмот? Ако сакаме да бидеме успешни, треба да се гледаме себеси како слободни. Вистинското ослободување не значи имитирање на менталитетот на колонизаторот. Тоа значи да се цени моќта, убавината и меѓусебната поврзаност на сите луѓе!, изјави Марио за својот починат татко. Мелвин ван Пиблс режира 17 свои проекти, а глумел во 44 филмови и ТВ-серии. Реолуционерниот „Sweet Sweetback’s Baadasssss Song“ од 1971 година, е можеби неговиот најпознат филм. (МИА)

Почина Ричард Донер, режисерот на „Супермен„ и „Смртоносно оружје“

Ивона Петрова — Tue, 06 Jul 2021 06:19:31 +0000

Режисерот Ричард Донер кој е најпознат по филмовите Супермен, The Goonies и Lethal Weapon почина на 91 годишна возраст. Неговата сопруга изјавила дека тој починал во понеделникот. Неговото прво пробивање во светот на кинематографијата е во 1976 година кога е објавен филмот „Претскажување“. Подоцна ги продуцирал филмовите Free Willy и The Lost Boys. Стивен Спилберг за него ќе каже дека е надарен за многу жанрови. -Да се биде во негово друштво е слично на дружење со вашите омилени тренери, најпаметни професори, најдобри пријатели, сојузници. Беше детинест. Со сето срце, цело време. Не можам да верувам дека повеќе го нема, но неговото смеење ќе остане со мене засекогаш, изјавил Спилберг. Донер е роден во Њујорк, а на почетокот од ’60-тите започнал со работа на телевизија. Бил ангажиран во антологиската серија The Twilight Zone и шпионскиот трилер The Man From Uncle. Кон средината на ’70-тите оставил неизбришлива трага во Холивуд. Неговата работа на Супермен во 1978 година во кој глуми Кристофер Рив често се смета за прв модерен суперхеројски филм.

Richard Donner's SUPERMAN is the DNA, the fundamental building block, that all good super hero movies have been built from. It was the earnest leap of faith, the single bound, that made us all believe that a man could fly. https://t.co/I3hEJU9s2c pic.twitter.com/ev7Yb3lSHJ
— Dan Slott (@DanSlott) July 5, 2021

Нов скандал го “стресе“ Холивуд: Познат режисер обвинет за силување

Ивана Ефремовски — Tue, 26 Jan 2021 13:09:11 +0000

Актерката и режисерка Азија Аргенто го обвини филмскиот режисер на „FAST AND FURIOUS“ Роб Коен за сексуално злоставување. Таа за италијански „Ил кориере дела сера“ изјави дека Коен ја малтретирал и ја присилувал да пие ГХБ, супстанца позната и како дрога за силување. Аргенто тврди дека нападот се случил за време на снимањето на акциониот филм во 2002 година. -Тој ме натера да пијам ГХБ, тој имаше шише. Во тоа време, навистина не знаев што е тоа. Се разбудив наутро гола во неговиот кревет, рече Аргенто. Таа обвинува и во својата автобиографија „Анатомија на диво срце“, која ќе биде објавена на 26 јануари во нејзината родна Италија. Режисерот негира сè. Портпаролот на Коен го нарече нејзиното тврдење „категорично лажно“ и „збунувачко“. “Г-дин Коен категорично го негира обвинувањето на Азија Аргенто за напад. Кога работеа заедно, тие имаа одлични работни односи и Коен ја сметаше за пријателка, и затоа ова тврдење за 2002 година е збунувачко”, се вели во изјавата на портпаролот на Коен. Азија исто така беше меѓу првите актерки кои го обвинија Харви Вајнстин за злоупотреба. Ова не е прв пат името на Коен да се споменува во врска со наводите за сексуално злоставување. Во 2019 година, една жена анонимно го обвини за сексуален напад, пишува Холивуд репортер. Наводната жртва вели дека ја нападнал во 2015 година, додека таа била во бесознание. Тој уште тогаш ги негираше обвинувањата. Истата година, неговото најстаро дете, Валкири Ведер, исто така го обвини за сексуално злоставување. Во интервју за „Холивуд репортер“, таа рече дека „главно се сеќава на болката“. „Беше толку болно што не можев да го вербализирам долго време“, рече таа. Таа исто така тврди дека нејзината мајка Дијана Мицнер била сведок на еден од нападите. Коен го негираше и тоа. Самата Азија се справи со обвинувањата за сексуално злоставување Патем, Азија Аргенто исто така беше обвинета за сексуален напад. Актерот и музичар Џими Бенет ја обвини за сексуален напад во 2018 година. Тој тврди дека во 2013 година, тогаш 37-годишната Аргенто го нападнала во хотелска соба само два месеци по неговиот 17-ти роденден. Според текст на Њујорк Тајмс за 2019 година, Аргенто постигнала финансиска спогодба со Бенет плаќајќи му 380.000 долари со нејзиното сега починато момче Ентони Бурдејн.

Џорџ Клуни како режисер на филм според книгата „Калико Џо“ на Џон Гришам

Магдалена Андонова — Fri, 16 Oct 2020 09:34:14 +0000

Џорџ Клуни ќе биде дел од филмската екранизација на книгата „Калико Џо“ на Џон Гришам. Глумецот се споменува и како можен режисер на филмот. „Калико Џо“ (Calico Joe) е првата спортска, бејзбол-книга на Џон Гришам, издадена 2012 година. Дел од проектот ќе биде и актерот и продуцент Грант Хеслов. Тој и Клуни соработуваа и заради „Арго“ од 2012, којшто го доби оскарот за најдобар филм. Новиот филм е сѐ уште во претпродукција. (МИА)

Почина чешкиот режисер Јиржи Менцел

Дарко Андоновски — Mon, 07 Sep 2020 07:37:01 +0000

Познатиот чешки режисер и глумец Јиржи Менцел почина на 82-годишна возраст, објави вчера неговата сопруга Олга на Фејсбук. Менцел беше познат по филмовите кои комбинираа хуманистички поглед на светот со сарказам и провокативна сатира. Тој беше важен дел од чешкиот „нов бран“. Неговиот филм „Строго контролирани возови“ (Ostre sledované vlaky)1966 година го освои Оскарот за најдобар филм од неанглиско говорно подрачје, а комедијата „Моето мало село“ (Vesnicko má stredisková) од 1985 година беше номинирана во истата категорија. Како режисер се потпиша зад 29 продукции, а глумел во 80 филмски и ТВ-проекти.

Почина познатиот македонски режисер Богдан Поп Ѓорчев

Ивона Петрова — Mon, 18 May 2020 05:32:19 +0000

Познатиот македонски телевизиски и театарски режисер Богдан Поп Ѓорчев почина пред два дена, а во вечното почивалиште беше испратен во текот на вчерашниот ден. Негов најпознат ТВ проект е ТВ серијата „Трст виа Скопје“. Поп Ѓорчев беше и сценарист и режисер на оваа телевизиска серија во продукција на Македонската телевизија. Режисер е на играните филмови „Поштар“, „Јагне на ражен“ и „Исчекување“ и на сериите „Случки од животот“ и „Еурека“. Дипломирал на Академијата за филм во Москва. Сочувство до семејството.

Полански номиниран за 12 француски Оскари, жените бесни: „Му укажувате чест на насилник и педофил“

Ивона Петрова — Thu, 30 Jan 2020 10:57:21 +0000

Активистки од феминистрички кампањи ја обвинија Француската филмска академија дека поддржала насилник и силувач во бегство, откако последниот филм на режисерот Роман Полански е номиниран за 12 Цезар награди. Полскиот режисер избега од САД во Франција во 1978 година откако призна дека силувал 13 годишно девојче по што се води како бегалец. Неговиот филм „Офицер и шпион“ е номиниран за 12 Цезар награди - француски пандан на Оскарите, вклучително во категориите најдобар филм и режисер. Непосредно пред премиерата во ноември минатата година, француската фотографка Валентина Моније, го обвини Полански дека ја силувал во швајцарско ски одморалиште кога имала 18 години. -Признавањето на неговиот филм е еквивалентно на замолчување на жртвите, истакнуваат од феминистичката група „Осез Ле Феминисиме“.