Резултат – Kurir.mk

Гејмер надградил симулатор за возење камиони, резултатот е неверојатен (ВИДЕО)

Ристе Здравков — Thu, 21 Jul 2022 06:15:05 +0000

Посветен гејмер кој стои зад профилот на Инстаграм @ricotrucker1 ја подигна границата за искуство во игри, барем кога станува збор за симулации за возење камиони. Овој гејмер и обожавател на камиони го надгради симулаторот Kenworth за да даде што е можно повеќе „вистинско чувство“ за возење камион. Неговата „кабина“ изгледа како вистинска внатрешност на камионот, вклучувајќи вистински менувач на брзини, седишта и врати, и гледа на патот преку 4 поврзани екрани.

View this post on Instagram

A post shared by ricotrucker1 (@ricotrucker1)

Според коментарот на еден од неговите следбеници, во оваа поставка биле вложени околу 7.500 долари. Следбениците на Инстаграм се воодушевен од неговите интервенции: „Ова е толку кул!“, „Дали е ова во твојата куќа? Ако е така, како можам да направам нешто вакво?“, „Ова се целите на љубителите на симулатори за возење камиони“.

View this post on Instagram

A post shared by ricotrucker1 (@ricotrucker1)

Онколошки пациенти без терапија – Сведоштво за хаосот на Радиологија: Со месеци чекав резултати за на крај да ми кажат дека не ја снимале мајка ми

Ивона Петрова — Thu, 07 Jul 2022 10:46:06 +0000

Жена од Кочани која е онколошки пациент, речиси четири месеци е без потребната терапија поради хаосот кој се случува на Институтот за Радиологија. Нејзината ќерка Симона ја контактираше нашата редакција и раскажа за голготата низ која минува веќе со месеци. Како што објаснува, на крајот на март отишла на Радиологија со упат од Онкологија, каде и закажале снимања за нејзината мајка на компјутерска томографија за бели дробови, абдомен и мала карлица за 4-ти мај. Резултатите, вели за Курир, успеала да ги земе дури вчера по кавга со вработените, но само за снимањето на бели дробови. Шокот следувал кога дознала дека за останатите снимања резултатите не се готови, бидејќи снимањата не биле воопшто направени, иако упатите биле уредно доставени. -„Горе нема никој, џабе ќе одиш. Не знам што да ти кажам“ – вака ми велеа кога им реков дека сакам да разговарам со одговорното лице на Радиологија. Ме упатуваа да земам нов упат од Онкологија за снимањата кои не ги направиле и да дојдам пак на Радиологија да ми закажат термин. Така мајка ми ќе изгуби нови четири месеци. Таа од крајот на март е без потребната терапија бидејќи нема резултати. Вчера со мене резултати бараа 30-тина пациенти, повеќето онколошки случаи беа, на сите им беше кажано нема резултати. На едно момче по кавгата која ја имаше резултатот му го напишаа за еден час. Така ли треба сите да правиме? Да се тепаме за да дојдеме до резултат во нормално време?, вели во изјава за Курир Симона која и самата е онколошки пациент. Во битката за животот на својата мајка и што поскоро доаѓање до резултати и терапија, вели сега треба приватно да ги закажува снимањата. -За да дојдеме поскоро до резултати од кои зависи нејзината терапија, сега треба сите снимања приватно да ги правиме. Сигурно тоа ќе не’ чини околу 40-50.000 денари, а мојата мајка зема пензија од 11.000 денари. Каде да најдам толку многу пари?, вели Симона. Иста или слична судбина делат голем пациенти, без разлика дали се работи за онколошки случаи или не. Резултати со месеци се чекаат на Радиологија, минатата недела на Институтот влезе и инспекција. Како што пишуваше претходно Курир, по вонредниот инспекциски надзор беа констатирани недостатоци во работењето и на Радиологија и беше даден рок од седум дена за постапување. Рокот за постапување е изминат, а Курир денеска побара одговор од директорката на ДСЗИ доктор Ирина Бухова за тоа каква е состојбата на Радиологија. Бухова вели дека во текот на вчерашниот ден бил извршен контролен инспекциски надзор. -Констатирано е дека веќе се постапува по наложените мерки. До крајот на тековната недела ќе биде завршено изготвувањето на сите заостанати резултати, изјави за Курир доктор Бухова. Додава дека до државниот санитарниот и здравствен инспекторат не е доставена нова претставка од пациенти. Поврзани вести https://kurir.mk/makedonija/vesti/kolaps-na-radiologija-pacienti-so-meseci-chekaat-rezultati-del-od-niv-i-onkoloshki-sluchai/ https://kurir.mk/makedonija/vesti/inspekcija-vleze-na-radiologija-dodeka-na-drzavno-so-meseci-se-chekaat-rezultati-privatno-se-naplakja-i-do-500-evra/

ФОТО КУРИР: Човекот кој во коментар на Фејсбук ја предвиде минутата во која Македонија ќе даде гол против Италија

Ристе Здравков — Fri, 25 Mar 2022 07:39:57 +0000

Во текот на вчерашниот ден, редакцијата на КУРИР на својот Фејсбук профил објави фотографија од македонската фудбалска репрезентација и побара мислење од своите читатели да прогнозираат за крајниот резултат на мечот против Италија. Еден од нашите читатели не само што го погоди точниот резултат, туку и ја предвиде целата ситуација. Александар Трајковски во 92 минута постигна фантастичен гол за Македонија и ја однесе македонската репрезентација во финале со Португалија за пласман на СП во Катар.

Силјановска: Само референдум со повисок резултат од тој во 1991 година, може да биде легитимен

Тале Кристо — Tue, 07 Jul 2020 08:24:05 +0000

Потсетување за рекетирањето на правдата, овојпат за нелегитимниот референдум. Само референдум со повисок резултат од тој во 1991 год., може да биде легитимен, вели во својата Фејсбук објава носителот на листата на ВМРО-ДПМНЕ во ИЕ1 Гордана Силјановска Давкова. -Ние имавме важечки референдум од 8-ми септември, со највисок резултат во југословенски рамки на кој што граѓаните се изјаснија за самостојна и независна Република Македонија. Само референдум со повисок резултат може да го поништи резултатот од тој референдум, децидна беше Силјановска во неодамнешната дебата на ТВ24.

Бишевац: Резултатот од владеење на СДСМ и Заев е хибриден режим и 106 место на индексот на корупција

Тале Кристо — Thu, 05 Mar 2020 19:02:49 +0000

Може да има мало влијание, но секако нема да биде решавачко за резултатот на овие избори, вели поранешниот пратеник и новинар Сафет Бишевац во гостување во емисијата Само вистина на Канал 5 телевизија, за мини извештајот од Европската Комисија за напредок на државата и за можното добивање на датум за почеток на преговорите на Република Македонија со Европската Унија. -Погледнете ги оценките на влијателни меѓународни организации или агенции за степенот на слободата во земјата, ние се уште сме во групата на делумно слободни. Македонија е хибриден режим, се наоѓа на 106 место според индексот на перцепција на корупцијата. Тоа се резултатите на владеењето и тоа резултатот на управувањето на државата и општеството во овие речиси три години, истакна Бишевац. Во однос на судската пресуда на главниот уредник на медиумот Инфомакс Александар Митовски, Бишевац рече дека не се согласува дека не е во ред да се бара одговорност од страна на новинар, бидејќи на тој начин се испраќа ужасна порака и до останатите новинари да не објавуваат документи од јавен интерес. -Ние имаме судска пресуда за казна затвор од 6 месеци на новинар. Не навлегувам јас колку е точно тоа што тој го пишувал во неговиот медиум, патем и јас бев еден од тие кои што беа жестоко напаѓани од страна на тој медиум, но не можам да се согласам дека ова е времето каде што новинарите треба да лежат затвор и дека тоа е одговорот на власта кон тој новинар. Ужасното е што се испраќа ужасна порака кон оние кои што би можеле да дојдат во ситуација да се прашаат дали да го објавам или да не го објавам документот кој што е од јавен интерес. Наместо власта да си расчисти како тој документ излегол од судот да се расчисти кои ги преслушувал обвинителите во обвинителството, да се расчисти тоа кој го пушти Никола Груевски да избега од државата, како е можно да нема никаква одговорност во државата. Тоа е таа политичка неказнивост, посочи Бишевац.