Во Киев уапсен уредникот на украинското дописништво на Риа Новости

Даниел Василев — Wed, 16 May 2018 11:41:04 +0000

Во Киев е уапсен рускиот новинар и уредник на порталот Риа Новости Украина, Кирил Вишински кого украинските власти го сомничат за државно велепредавство. Вишински бил уапсен вчера пред неговиот стан, а во исто време припадници на службата за безбедност на Украина спроведоа рации во Риа Новости Украина и дописништвото на Раша Тудеј. Претресени биле и становите на новинарката Људмила Лисенко од Русија Севодња и шефот на дописништвото на агенцијата во Украина, Андреј Бородин. Според информации од адвокатот на Вишински, рускиот новинар е префрлен од Киев во Херсон каде се наоѓаат канцелариите на украинското обвинителство. Сопругата на новинарот тврди дека нејзиниот маж има сериозни здравствени проблеми и оти мора да зема лекови. Службата за безбедност на Украина го сомничи новинарот за државно велепредавство. Максималната казна за тоа кривично дело, според украинските закони, изнесува 15 години затвор. Безбедносната служба тврди дека Вишински се занимавал со „субверзивни акции на Крим“ и дека ја „поддржува Доњецката Народна Република и Луганската Народна Република“. Агенцијата Русија Севодња на социјалните мрежи покрена хаштаг #ThruthNotTreason и #ЖурналистикаНеПредательство како знак на поддршка за Вишински. По повод апсењето нановинарот, потпаролката на руското Министерство за надворешни работи Марија Захарова изјави дека однесувањето на официјален Киев во оваа или слична ситуација е недозволиво. - Руската страна ќе направи се со цел рускиот граѓанин да биде ослободен и да не се спроведуваат такви акции кон други претставници на медиуми без разлика дали се работи за руски граѓани или руски медиуми, изјави Захарова. Службата за безбедност на Украина вчера изврши рации во киевските дописништва на РИА Новости Украина и Раша Тудеј. Службата соопшти дека открила „мрежа на медиумски структури кои Москва ги користи за да спроведе хибридна војна против Киев“. Портпаролот на Кремљ Дмитриј Песков вчера рече дека Москва реципрочно ќе реагира на потезите на украинската Служба за безбедност против руските медиуми и оти ќе ги брани интересите на новинарите. - Реципрочни мерки сигурно ќе бидат преземени, но за да можеме да кажеме нешто повеќе прво мораме да добиеме подетални информации, рече Песков. МИА

Рации во киевските дописништва на РИА Новости и Раша тудеј

Даниел Василев — Tue, 15 May 2018 10:18:12 +0000

Службата за безбедност на Украина денеска ја пребара во киевската канцеларија на руската новинска агенција РИА Новости Украина, соопшти портпаролот на Службата Олена Гитлјанска. И РИА Новости информираше дека нејзиниот уредник, Кирил Вишински, бил притворен. Во исто време, Службата за безбедност на Украина соопшти дека открила „мрежа на медиумски структури кои Москва ги користи за да спроведе хибридна војна против Киев“. Дописникот на ТАСС во Украина не успеал да стапи во контакт со Вишински и неговите колеги во Киев преку нивните мобилни и фиксни телефони, затоа што никој не одговарал на повиците. Веб-страницата на агенцијата РИА Новости Украина престана да се ажурира, додава ТАСС. Во меѓувреме, и рускиот државен медиум Раша тудеј соопшти дека не може да контактира со својот персонал во Киев после рација. Главната уредничка на Раша тудеј, Маргарита Симоњан на Твитер напиша дека телефонските врски во нивната канцеарија во Киев се блокирани и оти нивната украинска Интернет страница е соборена. Украинската безбедносна агенција потврди дека спровела рација во двата медиуми. Во соопштението се наведува дека се истражува мрежа на медиуми кои ги контролира руската Влада, а се користат како оружје во хибридна војна против Украина. МИА

РИА Новости – Kurir.mk

Во Киев уапсен уредникот на украинското дописништво на Риа Новости

Рации во киевските дописништва на РИА Новости и Раша тудеј