рибар – Kurir.mk

Семејството на рибарот и петмина вработени во велешката болница под надзор по третиот случај на конго кримската хеморагична треска

Ивона Петрова — Mon, 14 Aug 2023 13:24:10 +0000

Третиот случај на конго-кримска хеморагична треска кај нас е 42-годишен велешанец, а можниот начин на зараза е неговото рибарење покрај дел на Вардар, каде што има доста влага, каде што има трева, трња и слично. Ова денеска во изјава за медиумите го соопшти директорката на Инфективната клиника, Милена Стевановиќ. Таа информираше и дека епидемиолози, како и Агенцијата за храна и ветеринарство и Факултетот за ветеринарна медицина, се вклучени во следењето на состојбата со конго-кримска хеморагична треска и работат на терен, заловуваат и испитуваат инсекти. Стевановиќ појасни дека конго-кримска хеморагична треска ја пренесува крлеж. Но, како што посочи, таа може да биде пренесена и од консумирање на несоодветно или млеко, месо, што не е третирано добро. - Најчесто се пренесува кај луѓе кои се професионално оптоварени, здравствени работници во текот на работата со пациентите, сточарите, риболовците, ловџиите со диви укасувања од инсекти. Оние кои ги колат и обработуваат месните продукти на евентуално заболени животни. Тоа е начинот на пренос, додаде Стевановиќ. Конкретно кај овој, трет пациент, таа рече дека тој самиот не бил свесен дека го каснал крлеж. Но, тоа не секогаш може да биде забележано. Под медицински надзор, одговори таа на новинарско прашање, покрај неговото четиричлено семејство, има уште пет лица кои работеле со пациентот во велешката болница. Стевановиќ, меѓу другото, апелираше сите кои се движат во природа, како рибари, ловџии, планинари, да носат високи чизми, високи чорапи, светла облека за полесно да забележат инсект, а здравствените работници никако да не го забораваат основниот протокол за заштита при работа за секој пациент. Ова е трет случај со конго-кримска хеморагична треска во земјава. Во првиот случај со директно заразување, почина 27-годишна пациентка, по инфекција со каснување од крлеж. Во вториот случај се работи за болничарка, која моментално се лекува на Инфективната клиника, а нејзината состојба, како што беше кажано, е стабилна.

Давеник пронајден во Охридско Езеро

Ивона Петрова — Wed, 04 May 2022 09:38:44 +0000

Давеник утрово е пронајден во водите на Охридското Езеро, кај карпите меѓу плажите „Горица 2“ и „Горица 3“. Според првичните информации, се работи за несреќен случај со трагични последици. Рибар од Охрид се лизнал од карпата од која рибарел. Случајот за МИА го потврди портпаролот на СВР Охрид Стефан Димоски, посочувајќи дека полициски екипи се на местото на незгодата и вршат увид. Телото на давеникот го забележале случајни минувачи и пријавиле во полиција.

Банкари, бизнисмени, сметководители, финансиската полиција апси

Ристе Здравков — Wed, 07 Oct 2020 17:08:31 +0000

Дваесетмина бизнисмени, банкари и сметководители се приведени по денешната акција под име „Рибар“ на Управата за финансиска полиција. Тие се осомничени дека од општинските каси на Тетово и Гостивар организирано извлекувале пари и ја оштетиле државата за над 1 милион евра. „Основното јавно обвинителство Скопје донесе Наредба за спроведување истражна постапка против 13 лица за кривични дела даночно затајување и злоупотреба на службената положба и овластување. Управата за финансиска полиција во кординација со скопското Основно јавно обвинителство поднесе кривични пријави против 20 физички и 15 правни лица, за сторени кривични дела: Даночно затајување, Злоупотреба на службената положба и Помагање, кои го оштетиле државниот буџетот по основ на Данок на додадена вредност, Данок на добивка и Персонален данок на доход во вкупен износ од 62.933.835 денари.

ХОРОР: Наместо риба, рибар извадил човечко тело од езеро

Магдалена Андонова — Fri, 25 Sep 2020 18:30:36 +0000

Рибар, кој ловел риба вчера на езерото Харлем Мир во Централ парк во Њујорк, наместо риби од езерото извадил мртво тело. Луис Кастор вели дека сфатил дека станува збор за човечко тело веднаш штом почнал да ја влече јадицата. - Мислев дека видов дух. Куката ми заглави. Кога се замота, видов како излегува нога од езерото, а потоа и остатокот од телото - рече Кастор, пренесува Sky News. Тој и другите рибари повикале полиција, која го зела телото. Се верува дека жртвата е маж на возраст од околу 30 години од Харлем, кој претрпел некаква рана на главата, но причината за смртта сè уште не е утврдена.

Риба уби рибар во Австралија

Тале Кристо — Sat, 15 Aug 2020 12:29:42 +0000

Еден рибар почина, откако голема риба скокнала во чамецот од каде ловел, го удрила мажот по градите и го убила, соопшти денеска полицијата на австралиски Северни територии. Рибарот (56) вчера ловел риба со пријателите и семејството од брод, во близина на главниот град Дарвин, кога рибата неочекувано скокнала во пловилото, појасни полицијата. Властите наведоа дека по ударот, ловекот само паднал, по што веднаш бродот се уптаил до Кулен Беј, но таму било констатирано дека тој починал на самото место. Полицијата вели дека ова бил исклучително стресен инцидент за сите на бродот.

Приказна која ќе ве насмее и замисли: Чувајте се од жена која чита книги!

Ивана Ефремовски — Mon, 14 Jan 2019 10:49:43 +0000

Маж и жена отишле на одмор на убаво езеро, меѓу останатото познато како место за риболов. Мажот одел на риболов во раните зори, а неговата жена тогаш на мир да читала книги. Едно утро, мажот после неколку часа се вратил и одлучил малку да поспие, а сопругата одлучила сама со чамецот да оди на езеро. Го запалила моторот на чамецот и отишла на осамено место, го фрлила сидрото, ја извала книгата и продолжила да ужива во тишина, читајќи ја својата книга. За брзо време риболовниот инспектор ѝ се приближил со неговиот чамец, и ѝ рекол: „Добро утро госпоѓо. Што правите?“ „Читам книга, одговорила таа“. „Вие сте на делот на езерото резервирано за спортски риболов“. „Жал ми е господине, но јас не ловам риба. Јас само седам и читам книга“. „Да, но во чамецот го имате приборот потребен за ловење и што се однесува до мене, би можеле со ловење риба да започнете секој момент. Ќе мора да ве однесам со себе до станица и против вас да поднесам пријава“, ѝ рекол тој. „Ако вие го направите тоа, тогаш да знаете дека и јас против вас ќе поднесам пријава, но поради силување“, му рекла таа. „Но, јас не ве ни допрев!“, извикал тој. „Да, но вие го имате потребниот прибор и што се однесува до мене, би можеле секој момент да го направите тоа“, му рекла таа. „Догледање госпоѓо и уживајте во овој ден...“ Поука: Не навлегувај во расправија со жена која чита. Голема е веројатноста таа да знае и многу да мисли.

Рибар нашол граната во Вардар

Катерина Бојаџиева — Wed, 29 Aug 2018 13:47:16 +0000

Вчера околу 18.30 часот, во коритото на река Вардар, покрај патот Јегуновце- Радуша, риболовец пронашол експлозивно средство. Станува збор за граната за рачен фрлач (РПГ), која била значително корозирана. Извршен е комплетен увид, а гранатата е подигната и предадена на Дирекцијата за заштита и спасување.