рибарски мрежи – Kurir.mk

Пронајдени девет рибарски мрежи во Охридското езеро, риболовниот алат и уловот однесени во полициска станица

Дарко Андоновски — Tue, 18 Jan 2022 15:48:19 +0000

На потегот од населба Лагадин до село Пештани и наспроти автокампот „Градиште“ биле пронајдени девет рибарски мрежи со должина од околу 50 метри, информираат од Министерството за внатрешни работи. Мрежите биле пронајдени ноќта помеѓу 17 и 18 јануари од 19 до 2 часот по полноќ од страна на полициски службеници од Полициската станица за граничен надзор „Охридско езеро“, во содејство со инспектори од Државниот инспекторат за земјоделие и водостопанство. – На потегот од населба Лагадин до село Пештани, на околу 100 метри од брегот на езерото пронашле осум рибарски мрежи со должина од околу 50 метри, со улов од 82 парчиња риба. Исто така, наспроти автокампот „Градиште“, на околу 100 метри од брегот на езерото, била пронајдена една рибарска мрежа со должина од околу 50 метри, стои во соопштението од МВР. Од МВР велат дека риболовниот алат со уловот е подигнат и донесен во Полициската станица за Граничен надзор „Охридско езеро“ за понатамошна постапка и се преземаат мерки за расчистување на случајот.

Во Преспанско Езеро пронајдени 15 рибарски мрежи со улов 113 килограми крап

Катерина Бојаџиева — Fri, 05 Feb 2021 16:33:15 +0000

Од полициски службеници од Полициска станица Стење, вчера во време од 09,00 до 15,00 часот во водите на Преспанското Езеро на околу 150 метри од брегот на езерото, биле пронајдени 15 рибарски мрежи со улов 113 килограми крап. Пронајдениот риболовен алат и уловот се подигнати од местото на настанот. Се преземаат мерки за целосно расчистување на случајот, информираат од полицијата.

Кај Пештани запленети рибарски мрежи

Ивона Петрова — Mon, 04 Jan 2021 11:15:35 +0000

Четири рибарски мрежи со должина од по 50 метри и три рибарски мрежи со должина од по 100 метри, со вкупен улов од 100 парчиња риба охридска белвица и 19 парчиња риба грунец, заплени полицијата вчера наспроти селото Пештани, во близина на брегот на Охридското Езеро. Како што се наведува во денешниот МВР-билтен, акцијата била спроведена вчера, во периодот од 17.00 до 21.00 часот, од страна на полициски службеници од Полициската станица за Граничен надзор „Охридско Езеро“, заедно со претставници од Државниот инспекторат за земјоделство. Риболовниот алат бил однесен во Полициската станица за Граничен надзор „Охридско Езеро“ за понатамошна постапка. Полицијата презема мерки за расчистување на случајот.

Повторно пронајдени и одземени рибарски мрежи во Охрид

Ивана Ефремовски — Fri, 28 Dec 2018 14:24:27 +0000

При вршење на патролна дејност во водите на Охридското Езеро, вчера во периодот од 19:30 до 23:00 часот, на околу 300 метри од брегот на езерото кај плажата Елешец, полициски службеници пронашле рибарски мрежи. Се преземаат мерки за расчистување на случајот.