Трипуновски од Охрид: Минатата година не се изврши порибување на Охридското езеро, под знак прашалник рибниот фонд

Тале Кристо — Sun, 05 Jan 2020 14:02:07 +0000

Согласно моите активности сум во охридско и најнапред сакам на сите граѓани да им го честитам празникот Св. Наум, да посакам среќа, здравје и успех во нареднава година, вели Трипуновски. -Она што сакав да го потенцирам од средбите кои што ги имав денеска во охридскиот регион е негрижата која што ја имаа Владата кон Охридското езеро, поточно кон рибниот фонд. Само за потсетување минатата година за прв пат после основањето на хидробиолошките завод од 1935 година, минатата година не се изврши порибување на Охридското езеро. Тоа е една катастрофална ситуација каде што практично го доведуваме до знак прашање рибниот фонд кој што постои овде, објаснува тој. Исто ака во разговорите и информациите кои што ги добив е сомнителниот начин на порибување на Охридското езеро со јагула, каде што набавката беше извршена од Компанија ЕЛЕМ, додава Трипуновски. -Согласно моите овластувања како дополнителен технички министер во Министерството за земјоделство, шумарство и водостопанство овие две активности ќе ги проверам и во наредниот период ќе ја информирам јавноста за сите злоупотреби и несериозен однос кој што го прави владата во делот на Охридското езеро, едно од природните богатства кои што ги има Република Македонија, потенцира заменик министерот Трипуноски. Оттука заминувам во Ресен каде што ќе имам средба со јаболко производителите, со овоштарите и ќе разговараме за актуелните проблеми кои што ги имаат и оние проблеми кои што ги имаа изминатиот период, истакна Трипуновски.

Наскоро конкурс за избор на нов концесионер на Охридско Езеро

Ивона Петрова — Tue, 21 Aug 2018 05:46:01 +0000

Во владина процедура е постапката за објавување конкурс за избор на нов концесионер на Охридското Езеро. Како што информира министерот за земјоделство, шумарство и водостопанство Љупчо Николовски, во консултација со стручните служби од Охрид и институтите, направена е измена во риболовните основи за поголема заштита на рибниот фонд. - Прифатени се сите предлози што стигнаа во делот на заштитата на белвицата и охридската пастрмка. Со овие измени на риболовните основи имаме уште поголема сигурност. Штом ќе заврши владината постапка, формирањето комисии и другите активности што се во процедура ќе биде објавено, рече Николовски. Ресорниот министер тврди дека и покрај тоа што Охридското Езеро нема концесионер кој треба да се грижи за зачувување на рибниот фонд и да го штити од рибокрадци, Инспекторатот успешно ја врши својата работа. - Ќе ги објавиме констатираните незаконитости и ќе имаме транспарентна постапка за избор на нов концесионер согласно изменетите риболовни основи кои даваат поглема заштита на ова природно богатство, напоменува Николовски. Охридското Езеро моментно нема концесионер. Со одлука на Влада е одземена концесијата поради, како што информира министерот, неисполнување одредени законски обврски кои треба да ги извршува концесионерот. МИА

рибен фонд – Kurir.mk

Трипуновски од Охрид: Минатата година не се изврши порибување на Охридското езеро, под знак прашалник рибниот фонд

Наскоро конкурс за избор на нов концесионер на Охридско Езеро