рибокрадци – Kurir.mk

„СТОП ЗА РИБОКРАДСТВОТО СО СТРУЈА“: На Плоштадот во Струмица иницијатива за креативно активистичка акција посветена на овој проблем (ФОТО)

Дарко Андоновски — Wed, 12 Apr 2023 10:46:28 +0000

На градскиот плоштад во Струмица е поставена иницијатива за креативно активистичката акција посветена на проблемот со се позачестените појави на рибокрадство со употреба на струја во струмичкиот регион. Идејата за оваа акција потекнува од група еколози и спортски риболовци собрани околу платформата „Корморани“ која се залага за зачувување на водените екосистеми и одржлив спортски риболов. Во последно време членови на платформата „Корморани“ и многу други спортски риболовци и еколози сведочат за се позачестените појави на рибокрадство во струмичкиот регион особено на акумулациите Турија и Водоча и на реката Струмица. Уловените риби нелегално се продаваат на пазарите и други канали без почитување на хигиенскo санитарни мерки, ладен синџир на достава и најчесто се бајати и полурасипани. За жал освен спортските риболовци надлежните институции не превземаат никакви посериозни чекори за спречување на овие појави кои го уништуваат рибниот фонд. Она што е особено загрижувачко е што покрај мрежи и други недозволени алатки рибокрадците се почесто користат и електронски направи за неселективно убивање на рибите со висок напон и висока електролитска фреквенција. Според најновите податоци од истражувањата на Европската агенција за безбедност на продуктите и храната, рибите и останатите водени организми убиени/уловени со струја и слични инструменти кои користат електролитички процеси се небезбедни за човекова исхрана и за исхрана на домашните животни. Во процесот на усмртување на рибите со електролитична висока фреквенција доаѓа до промена на молекуларната структура кај рибиното месо. Овие молекуларни промени на меките ткива ја менуваат структурата на месото со што истото станува неподобно и опасно за исхрана, а забележани се и појави на канцерогени клетки и структури кои претставуваат сериозна закана по човековото здравје. Поради овие факти со цел заштита на човековото здравје и заштита на рибниот фонд заедно со платформара „Корморани“ ја иницираме оваа акција за да се подигне јавната свест и да не се купува илегално уловена и непроверена риба но и да предизвикаме реакција кај надлежните посериозно да се зафатат со контрола и спречување на илегалниот риболов. Периодот на мрест на рибите допрва започнува, затоа да им дадеме шанса на рибите, да им овозможиме шанса на наредните генерации да уживаат во благодетите на природата и да не дозволиме крупи на криминалци да го уништуваат она што природата ни го дава а спортските рибловци го негуваат со децении. Акцијата стоп за рибокрадците е во продукција на програмата за уметнички и креативен активизам на Центарот за современи уметности од Скопје, во соработка со платформата риболовци „Корморани“.

Рибарите разочарани од новите измени на Законот: Вчера целиот свет го славеше денот на рибарите, а во Македонија го празнуваа рибокрадците

Дарко Андоновски — Tue, 13 Jul 2021 10:00:51 +0000

Во Фејсбук групата „Корморани“ и „Риболов во Македонија“ револтирани рибари коментираат за новите измени на Законот за рибарство и аквакултура каде како што пишуваат дел од членовите повеќе права им се даваат на крадците наместо на рибарите. -Жално но вистинито, излегоа измените и дополнувањата на Законот за рибарство и аквакултура во 2021. 1.На рибокрадците испекторите/рибочуварите прво треба да им се изрече опомена, а не казна у ПМ. 2.Од државните доволи процентот што го добиваа здруженијата кои издаваа државни дозволи сега треба да се уплаќа на сметка на концесионерите во тие општини во кои живее ректеативниот риболовец. Тоа значи дека не може секое здружение да издава дозволи. Ако вчерашниот ден Петровден многу рибари во светот го празнуваа како ден на рибарите, овој ден во Македонија треба да го празнуваат рибокрадците. Бистро односно матно!, стои во нивниот пост на Фејсбук групата.

Запленетата белвица од рибокрадците завршува на маса кај охридските затвореници

Магдалена Андонова — Wed, 02 Dec 2020 14:57:54 +0000

Господски живот на затворениците од Казнено поправната установа Затвор Охрид,се хранат како богови –со највкусната риба,белвицата која ги задоволува апетитите дури и на најпребирливите гурмани.Бидејќи Охридското езеро нема стопан, рибата од мрежите кои ги запленува полицијата, се носи во охридскиот затвор. Директорот на установата потврди дека на осудениците им принесуваат богата трпеза исклучиво од белвици, оти им било страв да не им залетне од другите риби кои завршуваат како улов. Спортските риболовци гневни ендемичните видови риба пастрмтката и белвицата се пред истебување велат и треба да се стават на црвената европска и светска листа на загрозени, пренесува АЛФА. Државата го остави Охридското езеро без концесионер,една година никој не се грижи за зачувување на рибниот фонд-напротив бидејќи стопан нема, се врши масовно рибокрадење а никој до сега не одговарал за недозволен риболов, иако тоа е кривчно дело според член 229 од кривичниот законик.Полицијата само ги запленува мрежите, а уволената риба се носи во охридскиот затвор. Оваа година од страна на надлежните институции не е поднесена ниту една кривична пријава против познат сторител.Сите кривични пријави што се поднесени од страна на полицијата се против непознат сторител.Тоа нема да го сузбие недозволениот риболов односно рибократството.Мора да се штити рибниот фонд, да се поднесуваат пријави против познати сторители, а не само да се прибираат мрежите и рибата да завршува во затворите мора под итно нешто да се превземе-рече Радован Димитриески-С.Р.Д. “Свети Апостол Павле”. Целиот текст може да го прочитате на АЛФА.