риболов – Kurir.mk

СРД „Трофта” апелира за позасилена контрола на Дебарско Езеро поради зачестена појава на риболов со недозволиви средства

Тале Кристо — Wed, 10 May 2023 09:37:55 +0000

Спортското риболовно друштво „Трофта" апелира до надлежните за позасилен надзор и контрола на Дебарско Езеро по појавата на нелегален риболов и со недозволиви средства. Дополнително на состанокот на раководството на друштвото е договорено и неговите членови да ја следат состојбата и да ги известуваат надлежните. -Се договоривме да преземеме доброволни мерки за надзор на Дeбрско Езеро, со оглед на најкритичниот период односно мрестот, поради што несовесни лица со тврди предмети ја масакрираат рибата. Во моментот кога ќе забележат вакво нешто веднаш ќе ја известат полицијата од местото на настанот за преземање на понатамошни мерки. Ќе бидеме на секое место на езерото. Доста беше уништување на рибниот фонд, изјави за МИА, Бели Халити, претседател на СРД „Трофта". Смета дека поголема ангажираност е неопходна и од Подрачната единица на министерството за земјоделство, шумарство и водостопанство, како и инспекторатот за рибарство. - Во моментов има забрана за лов на крап, клен и скобал, заради мрестот кај овој вид риба. Токму поради тоа рибите се доближуваат до брегот што пак несовесни лица, како од нашето подрачје но и други општини, го злоупотребуваат тоа и вршат лов со недозволиви средства, посочува Халити. Пред два дена полициските службеници од дебарското одделение за внатрешни работи лишиле од слобода жител на струшкото село Добовјани, кој бил затекнат при незаконит риболов користејќи водна пушка-харпун марка „Марес“ и метална шипка-вила за риболов.

Забранет риболовот на Калиманско Езеро

Ивона Петрова — Wed, 03 May 2023 16:49:09 +0000

Воведена е забрана за ловење риба на Калиманско Езеро. Забраната стапува на сила од денеска и ќе трае до 2 јуни 2023 година, информираа од здружението „Шаран“ од Македонска Каменица. -ЗРСК „Шаран“ ги известува сите риболовци дека од 3.05 до 2.06.2023 година на езерото Калиманци воведена е забрана за риболов. Забраната важи за сите видови на риба освен за видовите караш и белвица, што значи ќе биде дозволен риболов со една трска со една јадица од брег без употреба на чамец и 200 метри подалеку од уливите на Каменичка река, Брегалница, Луковичка и Рибничка река. Риболовот на наведените реки е целосно забранет, а како што додадоа оттаму ќе биде дозволен само дење, додека во ноќниот период ќе биде забранет, информираа од ЗРСК „Шаран“. Доколку се утврди непочитување на забраната по било кој основ, против несовесните рибари како што додадоа од здружението ќе бидат поведени прекршочни постапки до Државниот инспекторат за земјоделство согласно Законот за рибарство и аквакултура. -Секој риболовец доколку фати друга риба освен Карас и Белвица е должен веднаш да ја врати во водата. Воедно се известуваат рекреативните риболовци дека ќе биде зголемена контролата од МЗШВ, Државната риболовна контрола и активисти на ЗРСК Шаран, додадоа од каменичкото риболовно здружение.

„СТОП ЗА РИБОКРАДСТВОТО СО СТРУЈА“: На Плоштадот во Струмица иницијатива за креативно активистичка акција посветена на овој проблем (ФОТО)

Дарко Андоновски — Wed, 12 Apr 2023 10:46:28 +0000

На градскиот плоштад во Струмица е поставена иницијатива за креативно активистичката акција посветена на проблемот со се позачестените појави на рибокрадство со употреба на струја во струмичкиот регион. Идејата за оваа акција потекнува од група еколози и спортски риболовци собрани околу платформата „Корморани“ која се залага за зачувување на водените екосистеми и одржлив спортски риболов. Во последно време членови на платформата „Корморани“ и многу други спортски риболовци и еколози сведочат за се позачестените појави на рибокрадство во струмичкиот регион особено на акумулациите Турија и Водоча и на реката Струмица. Уловените риби нелегално се продаваат на пазарите и други канали без почитување на хигиенскo санитарни мерки, ладен синџир на достава и најчесто се бајати и полурасипани. За жал освен спортските риболовци надлежните институции не превземаат никакви посериозни чекори за спречување на овие појави кои го уништуваат рибниот фонд. Она што е особено загрижувачко е што покрај мрежи и други недозволени алатки рибокрадците се почесто користат и електронски направи за неселективно убивање на рибите со висок напон и висока електролитска фреквенција. Според најновите податоци од истражувањата на Европската агенција за безбедност на продуктите и храната, рибите и останатите водени организми убиени/уловени со струја и слични инструменти кои користат електролитички процеси се небезбедни за човекова исхрана и за исхрана на домашните животни. Во процесот на усмртување на рибите со електролитична висока фреквенција доаѓа до промена на молекуларната структура кај рибиното месо. Овие молекуларни промени на меките ткива ја менуваат структурата на месото со што истото станува неподобно и опасно за исхрана, а забележани се и појави на канцерогени клетки и структури кои претставуваат сериозна закана по човековото здравје. Поради овие факти со цел заштита на човековото здравје и заштита на рибниот фонд заедно со платформара „Корморани“ ја иницираме оваа акција за да се подигне јавната свест и да не се купува илегално уловена и непроверена риба но и да предизвикаме реакција кај надлежните посериозно да се зафатат со контрола и спречување на илегалниот риболов. Периодот на мрест на рибите допрва започнува, затоа да им дадеме шанса на рибите, да им овозможиме шанса на наредните генерации да уживаат во благодетите на природата и да не дозволиме крупи на криминалци да го уништуваат она што природата ни го дава а спортските рибловци го негуваат со децении. Акцијата стоп за рибокрадците е во продукција на програмата за уметнички и креативен активизам на Центарот за современи уметности од Скопје, во соработка со платформата риболовци „Корморани“.

Забрана за риболов на крап од 10 мај до 20 јуни на Осломејско Езеро

Ивона Петрова — Thu, 14 Apr 2022 11:27:38 +0000

Поради мрестот на крапот на Осломејско Езеро одреден е ловостојот во истиот период, односно забрана на лов за овој вид риба ќе има од 10 мај до 20 јуни, додека ловостојот за клен ќе биде од 5 мај до 10 јуни. Најдолг ќе биде ловостојот за мрена, кој ќе трае од 15 мај до 15 јули, соопшти портпаролот на спортското риболовно друштво „Хантер фиш“, Мире Ночески. Тој ги соопшти и правилата за ловење на Осломејско Езеро во количина и големина на уловената риба. Како што напомена, во периодот кога нема ловостој на Осломејско Езеро, спортските риболовци можат да уловат најмногу пет примероци на клен со должина до 25 сантиметри, а црна мрена 10 примероци со должина до 15 сантиметри. – Ловот на крапот има трајна забрана за носење дома и секој уловен примерок мора да се врати во езерото, додека неограничен е ловот на следните видови риба, бојник, плашица и карас, додаде Ночески.

Балканско првенство во риболов во Кавадарци

Катерина Бојаџиева — Fri, 01 Oct 2021 18:04:48 +0000

Во Кавадарци попладнево започна 15. Јадрански подунавски куп, во дисциплина „пливка”, којшто ќе се одржи на Тиквешко Езеро и ќе трае до недела. Настанот е во организација на Македонската риболовна федерација. -Заради коронакризата не можевме да бидеме во поголем број, но добро е што се собравме на овој голем спортски натпревар, велат организаторите. На натпреварот ќе учествуваат риболовци од земјава, како и од Србија, Хрватска и од Босна и Херцеговина.

Уловил 49 килограми риба, но ништо од среќата – еве што се случи во Дојранско Езеро

Ивана Ефремовски — Mon, 19 Jul 2021 14:48:45 +0000

Регионален центар за гранични работи Југ поднесе кривична пријава против Ш.М. (52) од Стар Дојран, поради постоење основано сомнение за сторено кривично дело „незаконит лов“. На 20.06.2021 на место викано „Стара Мрдаја“ пријавениот бил затекнат со чамец во водите на Дојранското Езеро, во кој имало уловена риба со вкупна тежина од 49 килограми.

Дедовци фатени во незаконит риболов

Ивана Ефремовски — Sat, 04 Jul 2020 19:18:11 +0000

Поради постоење основи на сомнение за сторено казнено дело „незаконот риболов“, ОВР Дебар поднесе кривична пријава против С.К.(70) од Скопје и И.Ц.(67) од Дебар. Пријавените, на 25.06.2020 биле затекнати во незаконит риболов во водите на Дебарското Езеро. При преглед во гумен чамец што го користеле, полициските службеници пронашле и одзеле рибарски мрежи во должина од 10 метри и риба.

На Дебарско Езеро во сила забрана за риболов на клен и скобал, а следува и на крап и мрена

Тале Кристо — Mon, 04 May 2020 18:14:52 +0000

Заради овозможување непречен природен мрест на рибите и зачувување на рибниот фонд, на Дебарско Езеро во тек е забрана за риболов на клен и скобал (скобуст). -Во согласност со одлуката на Федерацијата на рибари на Република Македонија во нашето езерото во тек е забрана за риболов и тоа на скобал што ќе трае до 15-ти овој месец, како и на клен која е воведена на 1-ви и ќе трае до 31 мај, изјави за МИА Дритан Боцку, претседател на Спортското риболовно друштво „Трофта“, кое е концесионер на езерото. Додава дека од средината на овој месец,односно од 15 мај па се до 30 јуни ќе има забрана за лов на крап и на црна мрена. -Забраната за вршење на рекреативен риболов во риболовните води е востановена секоја година во овој период, заради непречен природен мрест на овој вид риба. Нашата рибочуврска служба постојано е во обиколка на езерото. Наша цел како концеионер е да го заштитите рибниот фонд на Дебарско Езеро,кое порано беше познато по богатиот и разновиден рибен фонф, кој што за жал во изминатите години беше опустошен,посочува Боцку. Додава дека овој период дозволен е риболов на плашица и на пастрмка. Министертвото за земјоделство, шумарство и водостопанство во ноември лани концесијата му ја додели на СРД „Трофта“ (пастрмка) и тоа како што бараше и друштвото, а беше подржано и од Советот на општината,само за рекреативен риболов. Тоа значи дека во период од пет години забранет е стопански риболов на езерото.

Донесени забрани за риболов заради непречен природен мрест на рибите

Дарко Андоновски — Mon, 27 Apr 2020 10:59:35 +0000

Министерството за земјоделство, шумарство и водостопанство согласно Законот за рибарство и аквакултура во изминатиот период донесе повеќе решенија за забрана за риболов во риболовните води во држвава. Според МЗШВ, забраната за вршење риболов во риболовните подрачја, риболовните зони, риболовните ревири и рекреативните зони за различните видови риби се носи заради овозможување непречен природен мрест на рибите и зачувување на рибниот фонд. -Периодот на природниот мрест на рибите е утврден во Риболовните основи за секоја риболовна вода поединечно, а се носи врз основа на одобрените годишни планови за заштита и стопанисување со рибите за 2020 година и поединечните барања за одобрување на период за забрана на риболов доставени од концесионерите на рибите. Прегледот (рокот) на периодот на забрана за риболов за одделни видови риби и риболовни води е објавен на страната на Македонската риболовна федерација и може да го погледнете на следниот линк: www.mrf1952.mk, наведува Министерството.

Алчната власт ги испразни езерата

Дарко Андоновски — Fri, 06 Mar 2020 18:13:11 +0000

Празнењето на Дебарското Езеро може да доведе до еколошка катастрофа и риболовците со апел до владата и државната ЕЛЕМ да престане користењето на водите од ова езеро за производство на струја. Спортските риболовци со апел до владата и државната ЕСМ да престане користењето на водите од Дебарското Езеро за производство на струја, бидејќи на ова вештачко езеро паѓа. Алармираат дека празнењето на Дебарско може да доведе до еколошка катастрофа и уништување и на така осиромаштениот рибен фонд во него, велат тие. Риболовците бараат да се престане со економска експлоатација на дебарското езеро за производство на електрична енергија, бидејќи ќе се наруши целиот еко систем, а тоа ќе предизвика несогледливи последици кои не ќе можат да се санираат наредните години. Водостојот на Дебарското Езеро да се одржува на дозволено и безбедно ниво, бидејќи во моментов, ова вештачко езеро нема хидропотенцијал. -Вообичаено на сите приодни и вештачки езера е најнизок во месец април. Што ќе се случи до тогаш со дебарско кога нивото на езерото и сега е критично, вела рибарите. Тие посочуваат дека ќе се нарушат природи мрест, на крапот, кленот, живиот мрест започнува во април, а ќе се загрози и опстанокот на рибата која единствена во Дебарското езеро, а станува збор за главатица која е вид на пастрмка. Загриженост изразуваа и концесионерот за спортски риболов на езерото.