Ричард Гренел – Kurir.mk

Гренел: Европејците само ја влошуваат кризата на Балканот со еднострани интервенции

Ивона Петрова — Mon, 12 Dec 2022 06:48:49 +0000

Поранешниот американски претставник за дијалог меѓу Белград и Приштина, Ричард Гренел, ги повика САД да прекинат секаква помош за Приштина доколку Албин Курти веднаш не го ослободи уапсениот Србин и оцени дека Европејците само ја влошуваат кризата на Балканот со еднострани интервенции. Гренел на Твитер, реагирајќи на изјавата на шефицата на германската дипломатија, Аналена Бербок, напиша дека дијалогот што го води ЕУ е неуспешен. „Од економска нормализација преминавме во хаос затоа што не ја следите навистина ситуацијата. Не успеавте да го повикате Курти на одговорност за изминатата година. Тој отфрли сè што понудивте вие и САД“, напиша Гренел. Тој побара Курти да го ослободи уапсениот Србин, но и во исто време да се отворат сите премини и да се отстранат сите барикади. „И ако Курти не го стори тоа веднаш, тогаш САД треба да прекинат секаква помош. Не треба да поддржуваме некој што создава терор“, рече Гренел. Гренел ги повика Европејците „да го сменат курсот во нивната стратегија Косово-Србија“. – Тие не ја помагаат балканската криза – тие ја влошуваат со своите еднострани и непостојани интервенции, додаде американскиот дипломат. Во исто време, тој повика итно да се ослободи поранешниот косовски претседател Хашим Тачи од Хаг. Бербок синоќа оцени дека е „целосно неприфатливо“ испраќањето српски сили на Косово, како и последните напади врз припадници на мисијата ЕУЛЕКС на Косово, тврдејќи дека Приштина со одложувањето на локалните избори ги смирува тензиите, а Белград го прави спротивното со „неодамнешната реторика“.

Гренел: Дијалогот во Вашингтон ќе отвори нова ера за Србија и Косово

Тале Кристо — Thu, 18 Jun 2020 13:23:09 +0000

Средбата во Белата куќа дава можност и ја отвора вратата за економски развој и инвестиции, изјави Ричард Гренел, специјален претставник на американскиот претседател за мировните преговори меѓу Косово-Србија, осврнувајќи се на состанокот помеѓу делегациите на Белград и Приштина на 27 јуни во Вашингтон. -Соединетите американски држави се надеваат дека лидерите на Косово и Србија ќе ја искористат оваа можност да се вратат на дијалогот и да започнат нова ера на стабилност и просперитет. Народите од овој регион не заслужуваат помалку од тоа, изјави Ричард Гренел за српските медиуми. Денеска делегацијата на ЕУ во Србија најави дека специјалниот претставник на ЕУ за дијалог меѓу Белград и Приштина, Мирослав Лајчак, ќе го посети Белград на 22 и 23 јуни. -За време на посетата, Лајчак ќе се сретне со клучните српски претставници со кои ќе размени мислења за конкретни следни чекори и модалитети за брзо продолжување на дијалогот со помош на ЕУ, се наведува во соопштението. Мирослав Лајчак изјави во Приштина дека се создадени услови за продолжување на дијалогот.

Гренел: САД ќе ги повлече војниците од Германија

Ивона Петрова — Thu, 11 Jun 2020 06:22:20 +0000

САД планираат да ја повлечат армијата од Германија, бидејќи Американците се против тоа премногу да плаќаат за безбедноста на другите земји, изјави американскиот амбасадор во Берлин во заминување, Ричард Гренел. Тој наведе дека даночните обврзници во САД не сакаат да плаќаат за безбедноста на другите држави. – Во Германија и понатаму ќе бидат распоредени 25.000 војници, што не е мала бројка, посочи Гренел. Американскиот претседател Доналд Трамп минатата недела најави повлекување на 9.500 војници од Германија, а сега се чека официјален налог од Пентагон за да се реализира одлуката.

Гренел поднесе оставка од функцијата во Стејт департмент

Тале Кристо — Tue, 02 Jun 2020 08:17:21 +0000

Ричард Гренел официјално поднесе оставка од функцијата во Стејт департмент. Тој синоќа на Инстаграм напиша дека американскиот претседател Доналд Трамп во претседателскиот кабинет му врачил подарок. Гренел неодамна го напушти амбасадорското место во Берлин, а неговиот портпарол тогаш изјави дека тој ќе остане специјален пратеник на американскиот претседател во Дијалогот Белград – Приштина. Американските медиуми претходно објавија дека Гренел ќе се вклучи во медиумскиот тим на Трамп за избири, но тој ги демантираше таквите наводи.

Трамп именува специјален претставник за преговорите меѓу Белград и Приштина

Ивона Петрова — Fri, 04 Oct 2019 06:12:31 +0000

Претседателот на САД Доналд Трамп го именуваше Ричард Гренел, актуелниот американски амбасадор во Германија, за специјален претседателски претставник за преговорите меѓу Белград и Приштина, соопшти Белата куќа. Гренел за функцијата мора да го потврди Сенатот, јави Гласот на Америка. Според „Вашингтон тајмс“, Гренел би требало истовремено да ги извршува двете функции. Ричард Гренел е амбасадор на САД во Германија од 8 мај 2018 година.