Нефју: Не можеме да споделиме повеќе детали за корупциската активност на Мерко

Ристе Здравков — Wed, 21 Jun 2023 07:43:27 +0000

Координаторот за антикорупција во Стејт департментот на САД, Ричард Нефју, во интервју за албанската редеакција на „Гласот на Америка“ рече дека не може да се споделат повеќе детали зошто градоначалникот на Струга, Рамиз Мерко, е ставен на американската црна листа. Во одлуката се вели дека Рамиз Мерко како градоначалник злопотребил фондови и се мешал во судските и други јавни процеси. Забрана за добивање виза се однесува и на сопругата и трите деца на Мерко. - Одлуката е донесена затоа што државниот секретар имал веродостојни информации кои сугерираат дека г-дин Мерко бил вмешан во голема корупција. И така според законите, кога секретарот ќе дојде до тој заклучок, нечија определба е правно обврзувачка, како што се случи денес, вели Нефју. Глас на Америка: Можете ли да споделите со нас на кои конкретни докази е донесена оваа одлука? - Да, информациите што беа објавени како дел од соопштението укажуваат дека се работи за злоупотреба на средства и мешање во судските постапки. И знаете, со оглед на природата на одлуките и нивната правна основа, тоа се информациите што можеме да ги објавиме во јавноста за овој случај. Видовме дека одлуките што беа донесени во минатото покренаа прашања за нивната ефикасност и дали тие служат на наведената цел? - Една од главните цели на овие акти, главната цел на Конгресот што го усвои законот, е да ја покажеме нашата поддршка за владеењето на правото во напорите за борба против корупцијата ширум светот. И со јавно идентификување и негирање на можноста да дојдат во Соединетите Држави, мислиме дека помагаме да се поддржи принципот на владеење на правото. Ние исто така веруваме во зајакнување на антикорупциските норми во активностите и практиките ширум светот. Секогаш кога се зборува за визни ограничувања или санкции, секогаш се поставува прашањето за нивната ефикасност и влијание. Генерално, имавме многу добри резултати помагајќи им на граѓанските здруженија и другите активисти, да им покажеме дека не се сами, дека кога ќе се сретнат со корумпирани поединци имаат поддршка од меѓународната заедница, рече Нефју.

Средба на претседателот Пендаровски со Ричард Нефју, глобален координатор за антикорупција на Стејт департментот

Ивана Ефремовски — Fri, 10 Mar 2023 10:12:33 +0000

Претседателот Стево Пендаровски денеска го прими Ричард Нефју, глобален координатор за антикорупција на американскиот Стејт департмент. На средбата се разговараше за актуелни теми врзани со борбата против корупцијата и напорите на државата за воспоставување на ефикасен систем за превенција на корупцијата и судирот на интереси. На средбата претседателот Пендаровски истакна дека борбата против криминалот и корупцијата, на секое ниво, вклучувајќи ја високата корупција, е од исклучително значење во напорите за градење на правната држава и за стекнување на доверба на граѓаните во институциите. Претседателот Пендаровски посочи на подготвеноста на државата, во согласност со националните приоритети, да ја продолжи соработката со САД во напорите за сузбивање на корупцијата, а во функција на унапредување на демократските процеси во државата преку овозможување на добро управување и владеење на правото. На средбата претседателот Пендаровски истакна дека Република Македонија високо ја цени поддршката и помошта што ја добива од САД во нејзините напори за подобрување во областа на владеењето на правото и борбата против корупцијата и изрази очекување таа да продолжи преку поддршка во градењето на капацитети.

Ричард Нефју – Kurir.mk

Нефју: Не можеме да споделиме повеќе детали за корупциската активност на Мерко

Средба на претседателот Пендаровски со Ричард Нефју, глобален координатор за антикорупција на Стејт департментот