Ибраими: Граѓаните на Арачиново доброволно плаќаат даноци, досега 15 отсто дојдоа и уплатија данок на имот

Ристе Здравков — Fri, 14 Apr 2023 19:48:15 +0000

Граѓани на Арачиново доброволно се пријавувале за да плаќаат даноци, тврди градоначалникот, Ридван Ибраими. Тој вината за ревизорскиот извештај ја префрла на претходното раководство на општината бидејќи тогаш локалната власт била во рацете на Милекие Халими, кадар на СДСМ. Вината за неплаќањето данок на имот, како што вели Ибраими, не треба да се бара кај арачиновци оти имало граѓани кои доброволно се пријавиле да платат данок на имот. – Петнаесет отсто граѓани доброволно дојдоа и уплатија данок на имот, рече Ибраими. Претходно, државните ревизори утврдија дека Општина Арачиново не води регистар на недвижен имот, не издава решенија за данок на имот, нема приходи по основ на комунална такса на фирма, за користење музика во јавните локали, за истакнување реклами, објави и огласи на јавни места и приходи од надоместок за уредување градежно земјиште. Констатирани се и низа слабости во пресметките на платите и надоместоците на советниците и привремено вработените, а не се оправдани ниту расходите за потрошено гориво, сервис на возила и зимско одржување на локалните улици и патишта. Во 2021 општината потрошила над 10.000 евра по ресторани.

Физички напaднат градоначалникот на Општина Арачиново

Тале Кристо — Tue, 13 Sep 2022 12:55:27 +0000

Од Министерството за внатрешни работи за МИА потврдија дека денеска физички бил нападнат градоначалникот на Општина Арачиново, Ридван Ибраими. – На 13.09.2022 во 09:46 часот во СВР Скопје, градоначалникот на општина Арачиново пријавил дека бил физички нападнат од неколку лица. Се преземаат мерки за расчистување на случајот, информираа за МИА од МВР.

Ридван Ибраими – Kurir.mk

Ибраими: Граѓаните на Арачиново доброволно плаќаат даноци, досега 15 отсто дојдоа и уплатија данок на имот

Физички напaднат градоначалникот на Општина Арачиново