ријад марез – Kurir.mk

Официјално: Марез нов член на Ал Ахли

Ристе Здравков — Fri, 28 Jul 2023 13:24:43 +0000

Во дил вреден 30 милиони фунти, Ријад Марез и официјално се пресели од Манчестер Сити во Ал Ахли. Со тоа, тој стана уште еден од контингентот на фудбалски звезди кои се упатуваат на Блискиот Исток летово, и својата фудбалска кариера ја пренасочуваат во чиста заработка на пари, а не и на спортска сатисфакција. Тој во новиот клуб ќебиде соиграч на Фирмино и Сент Максимен.

Марез останува во Манчестер сити до 2025 година

Бошко Тасиќ — Fri, 15 Jul 2022 19:05:04 +0000

Официјално Ријад Марез потпиша нов договор на две години со Манчестер сити, односно ќе остане во клубот до јуни 2025 година. Алжирското крило, кое дојде од Лестер сити во летото 2018, се промовираше во еден од клучните играчи во составот на Пеп Гвардиола. Марез им помогна на „граѓаните“ да освојат три премиерлигашки титули, трипати го освои Лига купот, еднаш ФА купот, а беше финалист во Лигата на шампионите. До сега запиша вкупно 189 настапи, постигнувајќи 63 голови, а воедно запиша 45 асистенции.

Реал Мадрид и ПСЖ заинтересирани за Марез

Дарко Андоновски — Sat, 23 Apr 2022 12:50:01 +0000

Алжирецот, чиј договор со Манчестер сити е со важност до летото 2023 година, се уште нема договорено продолжување на соработката со со „граѓаните“ пишува „L’Équipe“. Доколку страните не се договорат за продолжување на договорот, Манчестер сити претстојното лето ќе се обиде да го продаде Марез. ПСЖ ја следи ситуацијата околу 31-годишниот фудбалер. Тој се гледа како замена за Анхел Ди Марија, кој на лето ќе го промени клубот. За Марез е заинтересиран и Реал Мадрид. Неговата вредност се проценува на 30-40 милиони евра. Оваа сезона, играчот од средниот ред постигна 23 гола и направи осум асистенции на 41 натпревар за Манчестер сити во сите натпреварувања.

Манчестер Сити ги продава Марез и Стерлинг ?

Бошко Тасиќ — Sat, 29 May 2021 08:02:13 +0000

Англискиот весник „Дејли Мејл“ пренесе информација поврзана со трансфер активностите на новиот англиски шампион, Манчестер Сити. „Граѓаните“ биле подготвени да се ослободат од двајца свои играчи кои важат за клучни алки во тимот на Пеп Гвардиола. Станува збор за крилните фудбалери Рахим Стерлинг и Ријад Марез кои веќе неколку сезони се меѓу најдобрите играчи на тимот од „Итихад“. Манчестер Сити ќе ги слуша понудите за двајцата играчи, а со парите од нивните евентуални трансфери ќе се обиде да го ангажира Хари Кејн кој е трансфер цел број еден на Гвардиола, а се споменува ангажман и на Џек Грилиш од Астон Вила. За Марез интерс имало од тимот на Арсенал, додека подолг период за Стерлинг се интересираат од таборот на Реал Мадрид.

Марез: Понекогаш 90 проценти од поседот на топката не е доволен за победа

Дарко Андоновски — Wed, 03 Mar 2021 08:13:46 +0000

Напаѓачот на Манчестер сити, Ријад Марез, по синоќешната победа над Вулверхемптон во 29. коло од англискиот фудбалски шампионатот (4:1), истакна дека натпреварот бил многу тежок. – Тоа беше тежок меч. Почнавме многу добро и создадовме шанси. Можевме да го решиме исходот на средбата во првото полувреме. Второто полувреме беше малку потешко, но сепак создадовме шанси, продолживме да играме и да притискаме. Понекогаш може да имате посед 90 проценти од времето, но не и да победите. Последните 10 минути во нашиот перформанс беа многу добри. Одиме чекор по чекор. Следниот натпревар е со Манчестер јунајтед, и треба да се фокусираме на него, изјави Марез за „Би-би-си“. По 27 натпревари Сити има 65 бодови, 15 повеќе од второпласираниот градски ривал Манчестер јунајтед.

Марез: Не е доволно само да одиграте добар натпревар во Сити

Ивона Петрова — Tue, 12 Nov 2019 07:44:11 +0000

Играчот од средниот ред на Манчестер сити, Ријад Марез зборуваше за високото ниво на конкуренција во тимот. Според него, од секој играч се бара максимална посветеност. – Соблекувалната на врвниот клуб, тоа е друга реалност. Мора да се бориш постојано. Не можете да одморите. Ако не направите нешто извонредно, некој друг ќе го стори тоа, и тој ќе ви го заземе местото на теренот. Секој го знае ова добро. Не е доволно само да имате добар натпревар. Треба постојано да играте на многу високо ниво. Ова е Манчестер сити. Евалуација на перформансите се прави постојано, изјави Марез. Тој во 2018 години во Сити дојде од Лестер

Марез ќе може да игра против Челзи

Даниел Василев — Mon, 30 Jul 2018 20:03:58 +0000

Повредата на Ријад Марез не е од посериозна природа и тој ќе настапи против Челзи на натпреварот од „Комјунити шилд“ што се игра во недела. Најскапото летно засилување на англискиот шампион го повреди левиот скочен зглоб на пријателскиот натпревар со Баерн Минхен. Иако се стравуваше дека повредата е сериозна, по деталните прегледи беше утврдено дека фудбалерот веднаш може да се врати на терен. - Марез ги помина деталните прегледи по што беше утврдено дека нема оштетување на лигаментите на повредениот зглоб на левата нога, соопштија од Манчестер сити. Висината на трансферот на Марез од Лестер во Сити изнесуваше 60 милиони евра. МИА

Марез прво засилување за Сити во летниот трансфер рок

Дарко Андоновски — Wed, 11 Jul 2018 07:09:26 +0000

Ријад Марез и официјално е нов член на Манчестер Сити и тој е првото засилување за англискиот шампион во летниот преоден рок. Висината на трансферот на Марез од Лестер во Сити е 60 милиони евра, 10 повеќе од сумата која не беше доволна за овој трансфер да се реализира во јануарскиот рок. 27-годишнито Алжирец со „граѓаните“ потпиша петгодишен договор. Марез во Лестер беше од 2014 година и заедно со Варди беа најзаслужните за шампионскиот трофеј од Премиер лигата освоен во сезоната 2015/16.

Лестер прифати 80 милиони евра, Марез конечно оди во Сити

Даниел Василев — Tue, 03 Jul 2018 13:53:38 +0000

Алжирскиот фудбалер Ријад Марез конечно ќе го напушти Лестер и ќе го засили Манчестер Сити за 80 милиони евра, објави „Скај Спортс“. Како што се наведува, Лестер ја прифати понудата од 20 милиони повеќе од онаа на која беше одбиена зимата и поради што Марез одбиваше да тренира. Алжирецот заедно со Џејми Варди се најзаслужните за освојувањето на шампионскиот трофеј во Премиер лигата пред две години, и сега конечно ќе бара предизвик во големиот клуб. Пред Лестер, тој играше за француските клубови Кимпер и Авр, додека играше за репрезентацијата одигра 39 натпревари и постигна осум гола. МИА

ТРАНСФЕР БОМБА ОД АНГЛИЈА: Ријад Марез потпиша за Ливерпул!

Курир — Sat, 06 Jan 2018 23:13:21 +0000

Ливерпул веднаш реши да ги потроши заработените пари од трансферот на Кутињо во Барселона, па управата на „црвените“ го ангажираше фудбалерот на Лестер, Алжирецот Ријад Марез. Иако утрово се него се пишуваше дека е пред трансфер во Челси и дека Рома извиси за неговите услуги, од Англија доаѓаат вести дека токму тој ќе биде замената за Кутињо, па се очекува утре Матрез да се појави на „Енфилд“ на лекарски прегледи. За услугите на Марез, управата на Ливерпул ќе искешира 55 милиони евра, а тој ќе потпише договор до 2022 година. Ова секако ќе биде добра зделка и за Лестер, кој во 2014 година го доведе Марез за само 500.000 евра.