ријана – Kurir.mk

Се породи Ријана- името на бебето започнува на буквата „Р“

Катерина Бојаџиева — Tue, 22 Aug 2023 09:04:00 +0000

Пејачката Ријана роди момче - нејзиното второ дете со раперот АСАП Роки. Според американските медиуми, бебето се родило на почетокот на овој месец. „Добро упатени извори ни кажаа дека бебето се родило на 3 август во Лос Анџелес. Сè уште не се знае името на детето, но знаеме дека започнува со 'Р' и оти е момче“, пишува „ТМЗ“. Пејачката го роди својот прв син во мај 2022 година. Пејачката, чие вистинско име е Робин Ријана Фенти, нема издадено албум од 2016 година, но последниве години, сепак, влезе во „клубот на милијардери“, користејќи ја својата слава за создавање успешни брендови за шминка, долна облека и висока мода. Неодамна, Ријана ѝ се врати на музиката со песната „Lift Me Up“, за потребите на филмот „Црниот Пантер: Ваканда засекогаш“.

Ријана стана мајка по втор пат, пејачката откри на кого личи бебето

Ристе Здравков — Mon, 14 Aug 2023 07:22:35 +0000

Ријана и нејзиниот партнер A$AP Rocky станаа родители по втор пат. Како што пишуваат тамошните медиуми Рири роди девојче, а мајката и бебето се добри и одмараат во својот дом во Лос Анџелес. Пејачката од Барбадос ја објави својата втора бременост во февруари на годинешниов Супербол. Бебето наводно личи на нејзината мајка, па дури ги има наследено и прекрасните светли очи на Ријана. Ѕвездата, која неодамна претстави и своја линија на трудничка облека, веќе е мајка на момче кое со нејзиниот партнер го добија во мај минатата година. Ријана и Роки го криеја синчето подолго време, сè додека не го покажаа на TikTok, за кратко потоа да се појават сите тројца во британскиот Вог. Честитки за новиот член во семејството. Фото: Instagram

Бремената Ријана во атрактивно издание ја претстави својата нова колекција на долна облека (ФОТО)

Ристе Здравков — Fri, 14 Jul 2023 07:48:08 +0000

Поп- ѕвездата Ријана неодамна на својот Инстаграм профил сподели фотографии на кои позира во долна облека. Бремената пејачка со атрактивни фотографии ја најави новата колекција од својот бренд „Savage x Fenty“. За таа прилика пејачката одлучила да позира во соба со материјали за шиење, а била облечена само по долна облека.

View this post on Instagram

A post shared by badgalriri (@badgalriri)

Со фотографиите Ријана привлекла огромно внимание кај своите фанови, но на многумина не им се допаднало ова нејзино ново издание, па ѝ порачале повеќе да внимава на тоа што носи затоа што сега таа е веќе мајка. Ријана и во текот на првата бременост често беше мета на критики поради начинот на којшто се облекуваше зошто често го откриваше својот труднички стомак и носеше атрактивни модни комбинации. Но, таа и тогаш зборувала дека не сака да купува облека која е наменета за бремени жени. Да ве потсетиме, Ријана со својот партнер АСАП Роки го очекува второто дете. Синот RZA Athelston Mayers го роди во мај минатата година, така што веста за нејзината втора бременост изненади многумина.

Ријана е првата пејачка со 10 песни со милијарда прегледи на „Спотифај“

Катерина Бојаџиева — Tue, 04 Jul 2023 08:26:17 +0000

Иако минаа седум и пол години откако Ријана го издаде последниот албум „Anti“, таа повторно соборува рекорди. Имено, таа стана првата пејачка со 10 песни што достигнале милијарда прегледи на стрим-платформата „Спотифај“, а со тоа достигнување се пофали на својот интернет-простор. Ријана ја прослави веста со потписот „Bad Gal billi“ што е сленг-израз за „лошата девојка милијарда“ бидејќи на својот профил се потпишува како „Лошата девојка Рири“. Таа е добитничка на бројни признанија, а ова не е прв рекорд што таа го поставува. Таа има освоено 13 „Американски музички награди“, девет „Греми“ одличја и 12 „Билборд награди“. „Нема нов албум“, додаде под објавата изведувачката, која според овогодишната листа на „Форбс“, е најбогата пејачка и најбогата жена под 40 години во САД. Ријана во 2012 година стана дигитално најпродаваниот изведувач во САД со продадени 47,57 милиони песни во дигитален облик. Во таа смисла, Ријана го симна и Еминем од престолот.

СИ ГИ ТРИЕШЕ ГОЛИТЕ ГРАДИ КОИ НЕ МОЖЕШЕ ДА ГИ ПРЕКРИЕ СО РАЦЕТЕ – Ријана позираше со стомак до заби целосно топлес (ФОТО)

Дарко Андоновски — Sun, 21 May 2023 20:40:22 +0000

Сите го коментираат скудното стилско издане на пејачката во поодмината бременост. Познатата пејачка од Барбадос Ријана одбројува до породувањето, а речиси цела бременост не се откажа од трендот на гол стомак. Во овој поглед, поп-ѕвездата со месеци ја користи приликата да го покаже нараснатиот стомак, но сега отиде чекор понатаму. Имено, една од најголемите планетарни ѕвезди на денешницата на својот официјален Инстаграм профил објави фотографија на која „изгледа како да е од мајка родена “. Таа разголена топлес под сонцето позираше пред камера со пуштената долга црна коса, без ниту едно парче облека, а градите ги покри со рацете. – Трендот што го нарекувам „триење на градите“ – напиша пејачката во описот на фотографијата.

View this post on Instagram

A post shared by badgalriri (@badgalriri)

Да потсетиме, Ријана и нејзиното момче АСАП Роки минатата година станаа родители на момче, а за време на настапот на „Супер Боул“ пејачката откри дека повторно ево друга состојба. Својот прв наследник го нарекоа РЗА, а многумина на социјалните мрежи коментираат дека е „најсреќното бебе“, бидејќи на сите папарацо фотографии е насмеан.

ПО ЕДНА ГОДИНА: Медиумите открија како се вика синот на Ријана

Ивона Петрова — Thu, 11 May 2023 18:51:53 +0000

Ријана речиси една година успешно го криеше името на синот, но сега странските медиуми дојдоа до изводот од матичната книга на родените. Помина повеќе од една година од раѓањето на синот на светски познатата музичка ѕвезда Ријана, а сега конечно е откриено како се вика нејзиното дете кое го има со партнерот АСАП Роки. Британскиот таблоид „Дејли мејл“ дошол до копија од изводот од матичната книга на родените на малото момче, на кое пишува дека парот му дал име РЗА (Риза) Ателстон Мајерс. Познатиот пар очигледно својот син го именувал во чест на музичкиот продуцент и рапер RZA, фронтменот на хип-хоп групата „Wu-Tang Clan“ од Њујорк.

View this post on Instagram

A post shared by badgalriri (@badgalriri)

Пејачката по породувањето неколку пати беше фотографирана во облека со името на тој бенд, а познато е дека нејзиниот партнер соработувал со член на групата Раеквон. Изводот од матичната книга на родените открива и дека РЗА е роден во медицинскиот центар Седарс-Синаи во Лос Анџелес. Ријана за време на настапот на полувремето на овогодинешниот „Супер Боул“ откри дека е бремена по втор пат, а полот на бебето се уште не е познат.

Кети Пери ја загуби титулата најследена жена на Твитер

Ивона Петрова — Mon, 10 Apr 2023 17:26:34 +0000

Пејачката Кети Пери повеќе не е најследената жена на Твитер, а титулата и ја зема нејзината колешка Ријана. Според страницата за следење на социјалните медиуми Social Blade, Ријана е четврти најследен профил на Твитер со 108.276.704 следбеници наспроти Кети Пери која има 108.267.246 следбеници и моментално е на петтото место. На прво место е директорот на Твитер, Илон Маск со 134,3 милиони следбеници, а по него се поранешниот американски претседател Барак Обама и пејачот Џастин Бибер. Кога станува збор за другите најследени профили, фудбалерот Кристијано Роналдо е на шестото место, а пејачката Тејлор Свифт на седмото.

ФОТО: Полиција пред домот на Ријана

Ивона Петрова — Fri, 24 Mar 2023 07:39:15 +0000

Полициски екипи вчера го опколиле домот на пејачката Ријана во Лос Анџелес. Странските медиуми пишуваат дека полицијата била повикана откако се појавил маж пред куќата за да ја побара пејачката за жена. Неидентификуваниот маж наводно отпатувал во Лос Анџелес од Јужна Каролина и се појавил во нејзиниот дом во Беверли Хилс за да ја запроси пејачката, пишува TMZ. Обезбедувањето на Ријана повикало полиција, која пристигнала и го уапсила мажот. Подоцна било утврдено дека мажот не прекршил ниту еден закон, по што бил ослободен и му било кажано повеќе да не се враќа. Не е познато дали пејачката била дома во моментот на инцидентот.

ГЛАМУР И ЛУКСУЗ НА СИТЕ СТРАНИ: Ријана со дијаманти вредни пет милиони, ја засени дури и оваа музичка дива! (ФОТО)

Ивана Ефремовски — Thu, 16 Mar 2023 10:16:01 +0000

На забавата во хотелот „Шато Мармонт“ што ја организираа Бијонсе и Џеј Зи по доделувањето на Оскарите минатиот викенд, присуствуваа најголемите холивудски ѕвезди, а меѓу нив беше и Ријана која изгледаше како милион долари, но буквално. Бремената пејачка се појави во комбинација на облека од модниот бренд „Валентино“, во форма на топ и панталони, додека светло розев капут и помогна да се заштити од студот. Како што пренесуваат медиумите, споменатиот топ кој ѕвездата од Барбадос го имала на себе чини неверојатни 1,8 милиони долари. Покрај тоа, познатата пејачка носеше и дијамантски ѓердан од 96 карати, ретка боја на роза. -Секако, нејзиниот изглед не би бил целосен без блескав прстен, кој наводно чини над 2,67 милиони долари, пишува „Page Six“. Интересно е што низ целиот интернет се коментира дека Ријана ја засенила дури и домаќинката на забавата Бијонсе, чии фотографии се уште не се достапни на медиумите, со своето ексцентрично издание вредно неколку милиони долари.

Модните критичари без зборови: Ријана воодушеви со изгледот на Оскарите

Ивона Петрова — Mon, 13 Mar 2023 11:23:39 +0000

Ријана настапи на 95-тото доделување на Оскарите, а нејзиниот стајлинг ги воодушеви модните критичари! Заврши 95-тото доделување на Оскарите, а филмот „Се’ во исто време“ освои седум од 11-те Оскари за кои беше номиниран. Покрај Лејди Гага која со својот необичен стајлинг ги вразуми жените ширум светот, големо внимание привлекоа и модните комбинации на бремената Ријана. По настапот на Супер Боул, кога на сцената откри дека повторно е во блажена состојба, Ријана воодушеви со песната „Lift Me Up“ од филмот на Марвел „Black Panther“. Иако на свечениот тепих се појави во една комбинација, на сцената излезе со нова гламузорна креација. За настапот избра фустан со провиден тул со циркони на стомакот, долг долен дел кој беше исечен на страна и кожен градник. Стајлингот на сцената ги воодушеви модните критичари, а изгледот беше комплетиран со кожени ракавици и скап накит.