ријека – Kurir.mk

Драматични сцени во Ријека по силното невреме: Пожарникари и граѓани спасуваа деца од поплавена игротека (ВИДЕО)

Ивона Петрова — Thu, 29 Sep 2022 05:15:57 +0000

Хрватски „Нови Лист“ доцна синоќа објави драматична снимка од центарот на Ријека по силното невреме кое го зафати градот. Пожарникари и граѓани извлекуваа деца од поплавена игротека во која биле при налетот на поројниот дожд кој предизвика поплави во градот. При ваквото невреме игротеката почнала да се полни со вода. Досега невидено невреме вчера ја погоди Ријека. Поплавени беа улиците во ценатрот на градот, сообраќајот беше оневозможен. Според неофицијалните информации, во Ријека за 2 ипол часа наврнале 140 литри дожд. Атмосферската канализација не можела да ја прифати водата, пошто што дошло до поплави. Во надојдената вода животот го загуби едно лице.

Дарко Велковски се повреди ,тежината на повредата сеуште непозната

Бошко Тасиќ — Sun, 28 Feb 2021 08:27:30 +0000

Македонскиот фудбалски репрезентативец Дарко Велковски по 14 натпревари во низа во кој се најде во составот на хрватска Рјека,предвреме го напушти дуелот против Хајдук поради повреда. Хрватските медиуми пишуваат дека Велковски се повредил и дека поради тоа бил заменет на стартот на вториот дел и на негово место во игра влезе Галешиќ. Тежината на повредата не е позната и за каков вид на повреда се работи и допрва ќе се утврдува. Ова е лоша вест за селекторот Игор Ангеловски, пред стартот на квалификациските натпревари за пласман на СП кои започнуваат во месец март.

Земјотрес во областа на Ријека

Ивона Петрова — Wed, 13 May 2020 09:52:35 +0000

Земјотрес со јачина од 3,3 степени денеска ја погоди областа на Ријека. Земјотресот бил почувствуван 31 километар југоисточно од Ријека и четири километри северно од Брибир. Земјотресот се случил околу 11 часот, јавија локалните медиуми.

Велковски е нов играч на Ријека

Дарко Андоновски — Tue, 22 May 2018 15:32:17 +0000

Дарко Велковски е нов играч на фудбалскиот клуб Ријека. Велковски потпиша договор за три години со можност за продолжување за уште една година, а во Хрватска доаѓа од редовите на Вардар. Тој е и поранешен фудбалер на Работнички, а со двата тима го има освоено македонскиот шампионат. - Градот е убав, луѓето се одлични, сите се насмеани. Стефан Ристовски ми кажа сѐ најдобро за Ријека, за клубот и навивачите. Исто така, ги знам Жута и Ристовски. Се надевам дека ќе ги оправдаме нашите очекувања и ќе освоиме трофеи во Ријека, изјави Велковски по потпишувањето на договорот, цитиран од клубот. Тој се заблагодари за дадената шанса во тимот од Хрватска и изрази надеж дека ќе се вклопи во системот на тренерот и дека ќе напредува.

ФОТО: Две лица загинаа во традиционалното новогодишно капење во Ријека

Курир — Mon, 01 Jan 2018 15:15:09 +0000

Во традиционалното новогодишно капење во услови на силно југо и големи бранови напладне крај истарскиот град Ријека загинале двајца мажи, извести тамошната полиција. Како што пренесува агенцијата Hina, капењето на плаќата Печине во близина на хотелот „Јадран“, се организира четврта година по ред, а учествувале петнаесетина лица. Се откажале од пливањето, но и покрај силниот ветар и големите бранови некои решиле да влезат во морето и да се држат за рацете. Меѓутоа, брановите ги повлекле двајцата мажи кои се удавиле, а уште неколку се повредени. Во спасувањето учествувале пожарникари, при што и некои од нив биле повредени. Сите околности на оваа несреќа уште се утврдуваат, се додава во информацијата.